ပေါက်နှင့်မြိုင် တိုက်ပွဲများတွင် စစ်တပ်ဘက် ၅၀ ထက်မနည်းသေဆုံး

 မကွေးတိုင်း ၊ ပေါက်နှင့်မြိုင်မြို့နယ် တိုက်ပွဲများတွင် စစ်တပ်ဘက်မှ ၅ဝ ဦးထက်မနည်း သေဆုံးခဲ့ကြောင်း မြိုင် ပကဖမှထုတ်ပြန်သည်။ 

စစ်တပ်သည် မေလမှစတင်ပြီး မကွေးဒေသ/ယူနစ်၊ ပခုက္ကူခရိုင်အတွင်း အင်အား ၅၀၀ခန့်ဖြင့် ဝင်ရောက်ကာ ပေါက်၊မြိုင်မြို့နယ်အတွင်းရှိ ကျေးရွာပေါင်း (၁၁)ရွာရှိ နေအိမ်ပေါင်း (၃၀၀) ခန့်ကို မီးရှို့ဖျက်ဆီးခဲ့ပြီး အရပ်သား (၂၄)ဦးကို ရက်စက်စွာသတ်ဖြတ်ခဲ့ကြောင်း သိရသည်။ 

စစ်တပ်သည် ဇွန်လဆန်းပိုင်းတွင် မြိုင်မြို့နယ် တွင်းမပျူစခန်းမှ ပေါက်မြို့နယ် ထောက်ရှင်ပင်ကျေးရွာ ၊ ထိုနောက် မြိုင်မြို့နယ် ကိုင်းတောမကျေးရွာသိုရောက်ရှိလာပြီး ကိုင်းတောမ - ဝက်ပုတ် - ဗောဓုံ- ဘောင်ပင် -သင်းမ - ယာကြီးပြင် - တောင်စုံ - မှန်ရင်း အစရှိသည့် ကျေးရွာလမ်းပိုင်းများကို အသုံးပြုပြီး စစ်ကြောင်းထိုး နေသည်။ 

ပြည်သူ့ကာကွယ်ရေးပူးပေါင်းတပ်များကလည်း အညာတမာစစ်ဆင်ရေးကိုဆောင်ရွက်နေပြီး တိုက်ပွဲ ကြီး/ငယ် အကြိမ်ပေါင်း (၃၀)ကြိမ်ထက် မနည်း ဖြစ်ပွားခဲ့သည် ။ 

၎င်းထိတွေ့မှုများအတွင်း စစ်တပ်ဘက်မှ အနည်းဆုံး(၅၀)ဦးထက်မနည်း သေဆုံးခဲ့ပြီး အများအပြားထိခိုက်ကာ လက်နက်ခဲယမ်းအချို့ရရှိခဲ့ကြောင်း ပြည်သူ့ကာကွယ်ရေးပူးပေါင်းတပ်များကထုတ်ပြန်သည်။ 

ထို့ပြင် လက်နက်မဲ့ အလင်းဝင်ရောက်လာသူ ပြည်သူ့စစ် (၄)ဦးရှိပြီး ၎င်းတိုအား နေရပ်အသီးသီးကို  ပြန်လည်ပို့ဆောင်ပေးပြီးဖြစ်ကြောင်းသိရသည်။

စစ်တပ်အား အညာတမာစစ်ဆင်ရေးအင်အားစုများဖြစ်သည့်  မကွေးပြည်သူ့ကာကွယ်ရေးတပ်မတော်၊ မကွေးဖက်ဒရယ်ယူနစ်စစ်ကြောင်းများ၊ ဗမာပြည်သူ့လွတ်မြောက်ရေးတပ်တော်(BPLA)၊ ပခုက္ကူခရိုင် (၂/၆/၇/၉/၁၂ /၁၄/၁၅/၁၇/၁၈ ) တပ်ရင်းများ၊  KG တပ်ဖွဲ ၊ ပခုက္ကူခရိုင်ပကဖ၊ ပေါက်ပကဖ၊ မြိုင်ပကဖ ၊ ရေစကြို ပကဖ  ၊ ပခုက္ကူ ပကဖ၊  မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF) ၊  တိုင်းပကဖစစ်ကြောင်း(၄) ၊ MRG တပ်ဖွဲ ၊  ကမ္မတပ်ပေါင်းစု ၊ ကမ္မလုံခြုံရေးအင်အားစု ၊  PLC တပ်ပေါင်းစု၊ မြိုင်ညီညွှတ်ရေးတပ်ပေါင်းစု၊ ဂဠုန်ပြည်သူ့ကာကွယ်ရေးတပ်ဖွဲ၊ အညာမြေတပ်ပေါင်းစုတို နှင့်အတူ ယင်းမာပင်ခရိုင်အမှတ်( ၇/၁၁/၁၂) တပ်ရင်းများ ၊ပုလဲပကဖ ၊ Myingyan Black Tiger တပ်ဖွဲနှင့်   ဒေသတွင်းညီအစ်ကိုများက ပူးပေါင်းတိုက်ခိုက်နေကြောင်း သိရသည်။

- BAGAN NEWS