Bagan News Agency

 မန္တလေးတိုင်း မိုးကုတ် နဲ့ရှန်းပြည်နယ်မြောက်ပိုင်း မိုးမိတ်ဒေသတွေမှာ ဇန်နဝါရီလနဲ့ ဖေဖော်ဝါရီလအတွင်း တိုက်ပွဲ ကြီးငယ်ပေါင်း (၁၇) ကြိမ် ဖြစ်ပွားခဲ့ပြီး စစ်တပ်ဘက်က (၂၁) ဦး သေဆုံးခဲ့တယ်လို့ NUG ကာကွယ်ရေးဝန်ကြီးဌာနက ဒီနေ့ညမှာ ထုတ်ပြန်ပါတယ်။    တိုက်ပွဲတွေအတွင်း စစ်တပ်ဘက်က ထိခိုက်မှုများခဲ့ပြီး ဖမ်းမိခဲ့တဲ့ စစ်သုံ့ပန်းတွေကို လိုအပ်တဲ့ ဆေးဝါးကုသမှုတွေ ဆောင်ရွက်ပေးကာ စနစ်တကျ ထိန်းသိမ်းထားတယ်လို့ သိရပါတယ်။  ပြည်သူ့ကာကွယ်ရေးတပ်မတော်၊ မိုးကုတ် - မိုးမိတ်ဒေသ စစ်ဆင်ရေး စစ်ဦးစီးအဖွဲ့ရဲ့ ဦးဆောင်မှုနဲ့ အရေးကြီး ပစ်မှတ်တွေကို အထူးစစ်ဆင်ရေးဖော်ဆောင်ပြီး ထိုးနှက်တိုက်ခိုက်နေတယ်လို့ NUG ကထုတ်ပြန်ပါတယ်။  မိုးကုတ်- မိုးမိတ်ဒေသအတွင်းမှာ  နယ်မြေလုံခြုံရေးနဲ့ တရားဥပဒေစိုးမိုးရေး ကိုဆောင်ရွက်နေပြီးမူးယစ်ဆေးဝါး ရောင်းဝယ်တဲ့ တရားခံတွေကိုလည်း ဖမ်းဆီးနေတယ်လို့သိရပါတယ်။  - BAGAN NEWS 

စစ်ကိုင်းတိုင်း ၊ ခင်ဦးမြို့နယ်မှာ နှစ်ပစ်ခတ်မှုအတွင်း မီးရှို့ကိုကိုဟုခေါ်သည့် စစ်တပ်ဘက်မှ ဗိုလ်ဖြစ်သူ ကျော်ကိုကိုဦးသေဆုံးခဲ့ကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့မှသိရသည်။  ၎င်းသည် ခင်ဦးမြို့နယ် မြို့နယ်ပြည်သူ့ဆေးရုံတွင် အထိုင်ချ တပ်စွဲနေထိုင်ခဲ့ပြီး ဖေဖော်ဝါရီလ ၂၄ ရက်နေ့တွင် သံပြားများ ကာရံထားသော (သံချပ်ကာ)ကားကို အကွယ်အကာလုပ်၍ အင်အား (၄၀) ဝန်းကျင်ခန့်ဖြင့် ခင်ဦး-ရေဦး ကားလမ်းတစ်လျှောက် မြို့အပြင်ဘက်ရှိ နေအိမ် (၅)လုံး၊ ဆိုင်ခန်းဖွင့်လှစ်ထားသော နေအိမ် (၂)လုံးနှင့် ဆန်စက်အကြီး (၂)လုံး၊ စုစုပေါင်း (၉)လုံးကို မီးရှို့ခဲ့ကြောင်းသိရသည်။  ကျော်ကိုကိုဦးနှင့် အဖွဲ့ကို ခင်ဦးမြို့နယ် ပကဖများ၊ UG ပကဖများ၊ တိုက်နယ် ပကဖများ ပူးပေါင်း၍ နာရီပိုင်းအကြာ တိုက်ခိုက်ခဲ့ပြီး ကျော်ကိုကိုဦး (မီးရှို့ ကိုကို) သေဆုံးကာ ပြန်လည် ဆုတ်ခွာသွားခဲ့ကြောင်း ပကဖများထံမှသိရသည်။  ကျော်ကိုကိုဦးသည် ၎င်းကိုယ်တိုင်က မီးရှို့ ကိုကိုဟုဆိုကာ ပြည်သူများအကြား လှည့်လည် ကြွေးကြော်၍ ခြိမ်းခြောက်ခဲ့ကြောင်း ဒေသခံများကပြောသည်။ ၎င်းအား ယနေ့ ၊ ဖေဖော်ဝါရီလ ၂၅ ရက်နေ့တွင် ခင်ဦးမြို့ တောင်သုသာန်၌ မီးရှို့ သင်္ဂြိုဟ်ခဲ...

 ပြည်သူ့ကာကွယ်ရေးတပ်မတော် ၊ အမှတ် (၁) စစ်ဆင်ရေးနယ်မြေအောက်ရှိ အထူးတိုင်းစစ်ဌာနတွင် တပ်ရင်းသစ် ၃ ရင်းထပ်မံဖွဲ့စည်းလိုက်ကြောင်း အထူးတိုင်းစစ်ဌာနကထုတ်ပြန်သည်။  ၎င်းတို့မှာ အမှတ် (၈၀၀၂) တပ်ရင်း - KANBAUK DEFENCE FORCE၊ အမှတ် (၈၀၀၃) တပ်ရင်းနှင့် အမှတ် (၉၉၂၅) တပ်ရင်း - RANGOON WARRIORS PDF တပ်ရင်း(၃)ရင်းတို့ကို ထပ်တိုး ဖွဲ့စည်းလိုက်ခြင်းဖြစ်သည်။ အထူးတိုင်းစစ်ဌာနအား ပြည်သူ့ကာကွယ်ရေးတပ်မတော်၊ စစ်ရုံးချုပ်မှ ၂၀၂၅ ခုနှစ် ၊ ဧပြီလ ၃ ရက်နေ့တွင် ဖွဲ့စည်းခဲ့သည်။ အထူးတိုင်းစစ်ဌာန စတင်ဖွဲ့စည်းချိန်တွင် တိုင်းစစ်ဌာနအောက် နည်းဗျူဟာ (၅) ခုရှိပြီး တရားဝင် ကွပ်ကဲမှုခံယူထားသော တိုက်ခိုက်ရေးတပ်ရင်း (၁၁) ရင်းနှင့် ဒရုန်းလက်ရုံးတပ်ဖွဲ့ (၅) ဖွဲ့ ရှိခဲ့သည်။  တိုင်းစစ်ဌာနအနေဖြင့် MOD စစ်ရုံးချုပ်နှင့် အမှတ်(၁) စစ်ဆင်ရေးမှူး၏ လမ်းညွှန်ချက်နှင့်အညီ ပြည်သူ့ကာကွယ်ရေးတပ်မတော်(PDF) ၏ ကွပ်ကဲမှုအောက်တွင် COC နှစ်ရပ်နှင့်အညီ ခိုင်မာတောင့်တင်းသော တပ်ရင်း၊ တပ်ဖွဲ့၊ စစ်ကြောင်းများအဖြစ် စနစ်တကျ စုဖွဲ့လေ့ကျင့်လျှက်ရှိကြောင်း သိရသည်။  ပထမဆုံးအနေဖြင့် ပြည်သူ့ကာကွယ်ရေးအဖွဲ့ (ပကဖ) များဖြစ်သော ရန်ကုန်၊ ပဲခူး၊ မွန်...

 ရခိုင်ပြည်နယ် ၊ ပုဏ္ဏားကျွန်းမြိုနယ်၊ ယိုးငူကျေးရွာဈေးအား စစ်ကော်မရှင်တပ်မှ လေကြောင်းမှဗုံးကြဲတိုက်ခိုက်ခဲ့ပြီး အရပ်သား စုစုပေါင်း (၁၇) ဦးသေဆုံးခဲ့ကာ (၁၄) ဦးထိခိုက် ဒဏ်ရာ ရရှိခဲ့ကြောင်း အာရက္ခတပ်တော်က ယနေ့ညနေတွင်ထုတ်ပြန်သည်။  ယနေ့ ၊ ဖေဖော်ဝါရီလ (၂၄) ရက်နေ့ နေ့လယ် (၂) နာရီ (၇) မိနစ်အချိန်ခန့်တွင် ယိုးငူကျေးရွာရှိ ဈေးတန်းအား  စစ်ကော်မရှင်တပ်မှ ဂျက်ဖိုက်တာတစ်စီးဖြင့် ဗုံးကြဲတိုက်ခိုက်ခဲ့မှုကြောင့် ဈေးရောင်း ဈေးဝယ်နေကြသူများ၊  ကလေးငယ်များအပါအဝင် အရပ်သား ပြည်သူများသေဆုံးခဲ့ကြောင်းသိရသည်။  ထို့အပြင် လူနေအိမ်၊ ဈေးဆိုင်ခန်းအချိုမှာလည်း မီးလောင် ပျက်စီးသွားပြီး  အသေးစိတ်ကို ထပ်မံထုတ်ပြန်မည်ဖြစ်ကြောင်း သိရသည်။ Photo - အာရက္ခတပ်တော် - BAGAN NEWS 

 စစ်ကိုင်းတိုင်း၊ ဟုမ္မလင်းမြို့နယ်၊ ပဲနုပ်ဆွပ်ရွာကို ဖေဖော်ဝါရီလ ၂၂ ရက်နေ့၊ ညနေ ၃ နာရီခန့်မှာ စစ်တပ် ဂျိုင်ရိုကော်ပတာ(Gyrocopter)က လေကြောင်းက  ဗုံးကြဲခဲ့တာကြောင့် ပြည်သူ (၇)ဦး သေဆုံးခဲ့တယ်လို့ ဒေသခံထံမှသိရပါတယ်။ Photo - Tarlin Mg / FB ပဲနုပ်ဆွပ်ရွာမှာ တိုက်ပွဲဖြစ်ပွားတာမရှိဘဲ စစ်တပ်ရဲ့ ဂျိုင်ရိုကော်ပတာ ၂ စီး ဗုံးကြဲခဲ့တာကြောင့် ဒေသခံ ၅ ဦးခန့်လည်း ထိခိုက်ဒဏ်ရာတွေရခဲ့ပါတယ်။ ဒဏ်ရာရရှိသူတွေထဲမှာ စိုးရိမ်ရသူတွေပါပြီး ဆေးရုံကို ပို့ထားရတယ်လို့ ဒေသခံထံက သိရပါတယ်။ ဖေဖော်ဝါရီလ ၁၅ ရက်နေ့ မှာ ဟုမ္မလင်းမြို့ကို စစ်ခေါင်းဆောင် လာရောက်ခဲ့ပြီး မြို့တော်ခန်းမမှာ ခရိုင်၊ မြို့နယ်အဆင့် ဌာနဆိုင်ရာတွေ မြို့မိမြို့ဖတွေနဲ့ တွေ့ဆုံခဲ့တယ်လို့ စစ်တပ်ရဲ့ ဝါဒဖြန့် သတင်းမီဒီယာတွေမှာ ဖော်ပြပါတယ်။  အဲ့ဒီနောက်မှာ စစ်တပ်က ခုလို လေကြောင်းက  ဗုံးကြဲတာတွေပြုလုပ်ခဲ့တာဖြစ်တယ်လို့ ဒေသခံကပြောပါတယ်။ - Bagan News 

 တီမောလက်စ်တေနိုင်ငံသည် မြန်မာ့ပြည်တွင်းရေးကို စွက်ဖက်သည်ဟုဆိုကာ ရန်ကုန်မြို့ရှိ တီမောလက်စ်တေ သံရုံးယာယီတာဝန်ခံအား  ဖေဖော်ဝါရီလ ၂၀ ရက်နေ့မတိုင်မီ မြန်မာနိုင်ငံမှ အပြီးအပိုင်ထွက်ခွာရန် ပြောကြားခဲ့ကြောင်း စစ်တပ်လက်အောက်ခံ နိုင်ငံခြားရေးဝန်ကြီးဌာနကထုတ်ပြန်သည်။  ၄င်းအား ဖေဖော်ဝါရီလ ၁၃ ရက်နေ့တွင် ခေါ်ယူပြောကြားခဲ့ကြောင်း သိရသည်။  ဓာတ်ပုံ - တီမောလက်စ်တေသမ္မတ(အလယ်)နှင့် ချင်းလူ့အခွင့်အရေးအဖွဲ့၏ ကိုယ်စားလှယ်များ။ တီမောလက်စ်တေသမ္မတသည် မြန်မာ စစ်တပ် အရာရှိအချို့အပေါ် တရားစွဲဆိုသည့် ချင်းလူ့အခွင့်အရေးအဖွဲ့၏ ကိုယ်စားလှယ်များကို ဇန်နဝါရီလ ၁၄ ရက်နေ့တွင်  လက်ခံတွေ့ဆုံခဲ့ခြင်းသည် လုံးဝလက်ခံနိုင်ဖွယ်ရာမရှိကြောင်း ထုတ်ပြန်ချက်တွင်ဖော်ပြသည်။  ယင်းကိစ္စနှင့်ပတ်သက်ပြီး တီမောလက်စ်တေသံရုံးယာယီတာဝန်ခံအား ဇန်နဝါရီလ ၁၆ ရက်နေ့တွင်  ပြင်းထန်စွာကန့်ကွက်ရှုတ်ချကြောင်း အသိပေးခဲ့ပြီး ဖြေရှင်းချက်တစ်ရပ်ကို တရားဝင် ပြန်လည်ပေးပိုပေးရန် တောင်းဆိုခဲ့သည်ဟုလည်းပါရှိသည်။  တီမောလက်စ်တေသမ္မတအနေဖြင့် မြန်မာနိုင်ငံ၏ ပြည်တွင်ရေးကို မကြာခဏဝင်ရောက်စွက်ဖက်နေသည့်အတွက် ရန်ကုန်မြိုရှိ တီမောလက်စ်တေ...

 မွန်ပြည်နယ် ၊ ကျိုက်ထို မြို့နယ်အတွင်းမှာ စစ်တပ်မှစစ်ကြောင်းထိုး ဝင်ရောက်ပြီး ပစ်ခတ်ခဲ့တာကြောင့် အရပ်သား (၄) ဦး သေဆုံးကာ (၃) ဦးခန့်ထိခိုက်ဒဏ်ရာရရှိခဲ့တယ်လို့ ကေအဲန်ယူ-ကရင်အမျိုးသားအစည်အရုံးကထုတ်ပြန်ပါတယ်။  စစ်တပ်စစ်ကြောင်းတွေဟာ ပြည်သူပိုင် နေအိမ် တွေကို ဖောက်ထွင်းမွေနှောက်ပြီး အိမ်အသုံးအဆောင်ပစ္စည်းတွေနဲ့ ဆိုင်ကယ် (၉) စီးခန်းကိုလည်း အဓမ္မသိမ်းဆည်းယူဆောင်သွားတယ်လို့သိရပါတယ်။  စစ်တပ်စစ်ကြောင်းတွေကြောင့် ကျေးရွာပေါင်း ၁၉ ရွာက ပြည်သူ ၁၂,၉၃၀ ကျော် ဘေးလွတ်ရာကိုထွက်ပြေးတိမ်းရှောင်နေရတယ်လို့  ကေအဲန်ယူကပြောပါတယ်။  ဖေဖော်ဝါရီလ (၇)ရက် နေ့မှာ အလူးလေးကျေးရွာ အုပ်စု ၊ ဖေဖော်ဝါရီလ (၉) ရက်နေ့တွင် ခရွဲကျေးရွာအုပ်စုနဲ့ ဝင်းကံကျေးရွာအုပ်စုတွေကိုစစ်တက်ကဝင်ရောက်ခဲ့ပြီး ခရွဲကျေးရွာအုပ်စုကို စစ်တပ်ကပစ်ခတ်ခဲ့တာကြောင့် စစ်ကွင်းရွာက ဦးစောနောင် (၆၀) နှစ် ဇနီးဖြစ်သူ ဒေါ်မအေး (၆၅) နှစ် ၊ မုက္ခမော့ရွာမှ ဦးအေးသိန်း (၆၅) နှစ် တို့ (၃) ဦး အသက်သေဆုံးခဲ့ပါတယ်။  စစ်ကွင်းရွာခံ  (၃) ဦး လက်နက်ကြီး ထိမှန်ဒါဏ်ရာရရှိခဲ့ပြီး အခိုင်ရွာနေ ဦးကြက်ဥ (၅၀) နှစ်ကိုစစ်တပ်က ပစ်ခတ်သတ်ဖြတ်ခဲ့တယ်လို့သိရပ...

မကွေးတိုင်းဒေသကြီး၊ ပခုက္ကူခရိုင် ၊ ပေါက်မြိုနယ်တောင်ပိုင်းကို စစ်ကြောင်းထိုးဝင်ရောက်လာသည့်တပ်မ ၉၉ နှင့် ပျုပူးပေါင်းအင်အား ၃၀၀ ခန့်ပါစစ်ကြောင်းအား ဖေဖော်ဝါရီလ ၄ ရက်နေ့တွင် သီးချောက်ရွာအနီး၌ တိုက်ခိုက်ခဲ့ပြီး စစ်တပ်ဘက်မှအထိအခိုက် အကျအဆုံးများခဲ့ကြောင်း မြိုင်ပကဖက ထုတ်ပြန်သည်။   Photo - မြိုင် ပကဖ စစ်တပ်ဘက်မှ ၁၂၂ ဟောင်ဝှစ်ဇာလက်ကြီးပစ်ကူ ၆ ကြိမ် နှင့် လေကြောင်းပစ်ကူ ၂ ကြိမ်ပေးခဲ့ပြီး တိုက်ပွဲမှ ထိခိုက်ဒဏ်ရာရ လူနာများအား သယ်ဆောင်ပြီး ကပစ၂၄ ကို ပြန်လည်ဆုတ်ခွာသွားကြောင်းသိရသည်။  ၎င်းစစ်တပ်စစ်ကြောင်းအား ပေါက်တောင်ပိုင်း ဆင်ဇာရွာမှ ပေါက်မြိုအနီး ပေါက်ချောင်း အောက်စုရွာထိအနီးကပ်လိုက်လံတိုက်ခဲ့ပြီးစစ်တပ် ဘက်မှ ၁၈ဦး သေဆုံးကာ အမြောက်အများထိခိုက်ဒဏ်ရာရ ရှိသွားခဲ့ကြောင်း ၊ ပေါက်မြို့ဆေးရုံတွင် လူနာများလွန်း၍ မြို့နေပြည်သူများအား ဆေးရုံအတွင်း မဝင်ရဟု ပိတ်ထားကြောင်း မြိုင်ပကဖက ထုတ်ပြန်သည်။  တိုက်ပွဲ ၂ ကြိမ်အတွင်း လေယာဉ်ဗုံးစထိမှန်ကာ PDF ရဲဘော် ၁ ဦး မစိုးရိမ်ရသည့် ဒဏ်ရာရရှိခဲ့ပြီး စစ်တပ်စစ်ကြောင်းကို ပေါက် ပကဖ နှင့် မြိုင် ပကဖတို့က ပူးပေါင်းတိုက်ခိုက်ခဲ့ကြောင်းသိရသည်။  - Baga...

 မကွေးတိုင်း ၊ မြိုင်မြို့နယ် အရှေတောင်ဘက်ခြမ်းက ညောင်အုပ်ရွာဘုန်းကြီးကျောင်းကို စစ်တပ်က လေကြောင်းကနေ ဗုံးကြဲချခဲ့တာကြောင့် စေတီနဲ့အဆောက်အအုံတွေ ထိခိုက်ပျက်စီးခဲ့ပါတယ်။ ဖေဖော်ဝါရီလ ၉ ရက်နေ့ ည ၁၀ နာရီခန့်မှာ မန္တလေးတိုင်း တံတားဦးလေတပ်ကနေ တက်လာတဲ့ MIG-29  ဂျက်ဖိုက်တာ (၂)စီးဟာ ညောင်အုပ်ရွာဘုန်းကြီးကျောင်းကို လေကြောင်းက တိုက်ခိုက်မှု(၂)ကြိမ်ပြုလုပ်ခဲ့တာ်လို့ မြိုင်ဒေါင်းမင်း မြေပြင်သတင်းမှန်ပြန်ကြားရေးအဖွဲ့ကနေ သိရပါတယ်။  Photo - မြိုင်ဒေါင်းမင်း ပြီးခဲ့တဲ့ ဖေဖော်ဝါရီလ ၄ ရက်နေ့ နဲ့ ၆ ရက်နေ့ ကလည်း  မြိုင်မြို့နယ် အလယ်ကြောတနေရာကိုစစ်တပ် ဂျက်ဖိုက်တာက လေကြောင်းက တိုက်ခိုက်မှု ၃ ကြိမ်ခန့်ပြုလုပ်ခဲ့တယ်လို့ မြိုင်ဒေါင်းမင်း အဖွဲ့ကထုတ်ပြန်ပါတယ်။ ဒီကနေ့ ဖေဖော်ဝါရီလ ၁၀ ရက်နေ့မှာလည်း စစ်တပ်စစ်ကြောင်း ကားတွေဟာ ပခုက္ကူ​မြို့နယ်(အလယ်)မကျီးကန်ရွာကို ရောက်ရှိနေတဲ့အတွက် စစ်ရေးသတိရှိကြဖို့ အဲ့ဒီအဖွဲ့က အသိပေးထားပါတယ်။  - Bagan News 

 စစ်ကိုင်းတိုင်း ၊ အင်းတော်အခြေပြု၊ ကသာခရိုင် အမှတ်(၂)တပ်ရင်းကနေ တိုက်ပွဲအတွင်း ကျဆုံးရဲဘော်တွေရဲ့ မိသားစုဝင်တွေကို ဒီရက်ပိုင်းအတွင်းမှာ ထောက်ပံ့ခဲ့တယ်လို့ Indaw Revolution-IR တပ်ဖွဲ့ကထုတ်ပြန်ပါတယ်။  K2 တပ်ရင်း စတင်ဖွဲ့စည်းချိန်ကစလို့ ဒီနေ့ထိတိုင် ဖယ်ဒရယ်ဒီမိုကရေစီအတွက် တိုက်ပွဲဝင်ရင်း ကျဆုံးခဲ့ရတဲ့သူတွေအားလုံးကို ထောက်ပံ့ပေးခဲ့တာဖြစ်ပြီး ကိုယ်လက်အင်္ဂါဆုံးရှုံးခဲ့တဲ့ ရဲဘော်တွေကိုလည်း ဆက်လက်ကူညီသွားမှာဖြစ်တယ်လို့သိရပါတယ်။   K2တပ်ရင်းဟာ တပ်ရင်းထဲက ရဲဘော်တွေရဲ့ မိသားစုဝင်တွေကို ဆန်၊ဆီ၊ဆား စတဲ့ရိက္ခာတွေကို လစဉ်ထောက်ပံ့လျက်ရှိတယ်လို့ သိရပါတယ်။ ထောက်ပံ့မှုဟာ K2 တပ်ရင်းနဲ့  Indaw Revolution-IR အဖွဲ့တို့ရဲ့  ၂၀၂၅ခုနှစ် အောက်တိုဘာလအတွင်းမှာ ပူးပေါင်း လုပ်ဆောင်ခဲ့ကြတဲ့ "‌ဂုဏ်ပြုကူညီ ရှေ့သို့ချီ" မဲကမ်ပိန်းကနေ ရရှိတဲ့ငွေနဲ့ ထောက်ပံ့ပေးနိုင်ခဲ့တာဖြစ်တယ်လို့ ထုတ်ပြန်ပါတယ်။  - BAGAN NEWS 

 မကွေးတိုင်းဒေသကြီး၊ မင်းဘူးခရိုင် ၊ စလင်းမြို့နယ်၊ ကန်ကြီးကျေးရွာကို ယမန်နေ့ ဖေဖော်ဝါရီ ၈ရက်နေ့တွင် စစ်တပ် ကပစ ၂၂မှ ပါရာမော်တာ(စက်တပ်လေထီး)ဖြင့် ဗုံး ၃လုံးကြဲချခဲ့ခြင်းကြောင့် အသက် ၈၀ ခန့် အဖွားအိုတစ်ဦး သေဆုံးခဲ့ကြောင်း ပြည်သူ့ ညီနောင် - စလင်းအဖွဲ့မှထုတ်ပြန်သည်။ စစ်တပ် ပါရာမော်တာမှ ဗုံးများသည် ကန်ကြီးကျေးရွာရှိ နေအိမ်ပေါ်သို့ ကျရောက်ပေါက်ကွဲခဲ့ပြီး အခြားအသက် ၇၀ အရွယ် အဖွားတစ်ဦးနှင့် အသက် ၄၀ အရွယ် အမျိုးသမီးတစ်ဦးတို့ ထိခိုက်ဒဏ်ရာရရှိကာ နွား ၃ ကောင်လည်း သေဆုံးခဲ့ကြောင်း သိရသည်။ ပြီးခဲ့သည့် ဖေဖော်ဝါရီ ၆ ရက်နေ့တွင်လည်း စိဆွဲကျေးရွာမှအထိုင်ချတပ်စွဲထားသော စစ်တပ်မှ လက်နက်ကြီးများဖြင့် ပစ်ခတ်မှု့ကြောင့် တညောင်တိုက်နယ် သန်းကုန်းကျေးရွာပေါ်သို့ ကျရောက်ပေါက်ကွဲပြီး ပြည်သူနေအိမ်တစ်လုံး မီးလောင်းပျက်စီးခဲ့ကြောင်း သိရသည်။  အလားတူ ဖေဖော်ဝါရီ ၄ ရက်နေ့ကလည်း စလင်းမြို့နယ်ရှိ ၂၅၃ တပ်တွင်းထဲမှ ဟောင်ဝှစ်ဇာ လက်နက်ကြီး( အမြှောက်)ဖြင့် ပစ်ခတ်ခဲ့ရာ ထနောင်းကုန်းကျေးရွာ စာသင်ကျောင်း တောင်ဘက် ပြောင်းခင်းထဲသို့ ကျရောက်ပေါက်ကွဲခဲ့ ကြောင်း ရွာခံများထံမှ သိရသည်။ စလင်းမြို့ပေါ်တွင်လည်း စစ်အုပ်စုက ပေါ်တာဆွ...

 Natogyi People Defence Force - မြင်းခြံခရိုင် အမှတ် (၄)နှင့်(၁ဝ) တပ်ရင်းများ၏ အဖွဲ့ဝင် ၉ ဦးကို တပ်ပြေး အဖြစ် ထုတ်ပြန်လိုက်ကြောင်း ၎င်းတပ်ဖွဲ့မှသိရသည်။  ၎င်းတို့သည် မြင်းခြံခရိုင် အမှတ် (၄) တပ်ရင်း ၊ မြင်းခြံခရိုင် အမှတ် (၁၀)တပ်ရင်း တိုမှ ချမှတ်ထားသော စည်းမျဉ်းစည်းကမ်းများအား ဖောက်ဖျက်၍ ထွက်ပြေးသွားခြင်းဖြစ်ကြောင်း ထုတ်ပြန်ချက်တွင်ဖော်ပြသည်။ Photo - Natogyi PDF  အဆိုပါတပ်ပြေး (၉)ဦးအား လက်ခံထားရှိမည်ဆိုပါက  ထိုရဲဘော်များ ခံယူရမည့် ပြစ်မှု ပြစ်ဒဏ်များနှင့် အညီ ခံယူရမည်ဖြစ်ကြောင်းအသိပေးထားသည်။  ထိုတပ်ပြေး (၉)ဦးအား တွေ့ရှိခဲ့ပါက မြင်းခြံခရိုင် အမှတ် (၄) တပ်ရင်း ၊ မြင်းခြံခရိုင် အမှတ် (၁၀) တပ်ရင်းရှိ သက်ဆိုင်ရာ တာဝန်ရှိသူများအား အချိန်နှင့်တပြေးညီ အသိပေး အကြောင်းကြားပေးပါရန်နှင့် တပ်ပြေးအဖြစ်လုပ်ဆောင်ရန် နည်းလမ်းအမျိုးမျိုးဖြင့် ဆက်သွယ် ၊ တိုက်တွန်း မှုများပြုလုပ်သူ မည်သူမဆို ပြင်းပြင်းထန်ထန် အရေးယူဆောင်ရွက်သွားမည် ဖြစ်ကြောင်း Natogyi People Defence Force ကထုတ်ပြန်သည်။  - BAGAN NEWS 

 ပဲခူးတိုင်း၊ တောင်ငူခရိုင်၊ ဇေယျဝတီမြို့တွင် ယမန်နေ့ ၊ ဖေဖောဝါရီ ၅ ရက်နေ့ ညနေပိုင်း၌ စစ်တပ်ဂိတ်အတွင်း ဝင်ရောက်ပစ်ခတ်ပြီး  သေနတ် ၂ လက်ရယူနိုင်ခဲ့ကြောင်း ဧရာဝတီအမှတ် (၃) တပ်ရင်းမှထုတ်ပြန်သည်။  ၎င်းဂိတ်သည် ဇေယျဝတီသကြားစက်အနီးတွင်ရှိပြီး ပြည်သူများအား ပေါ်တာဆွဲခြင်း၊ ငွေကြေးကောက်ခံခြင်း များပြုလုပ်နေသော ဂိတ်ဖြစ်ကြောင်း သိရသည်။  စစ်ဆင်ရေးကို ဧရာဝတီအမှတ် (၃) တပ်ရင်း (ဟင်္သါတ ခရိုင်အမှတ် ၂ တပ်ရင်း) ရှိ ထောက်လှမ်းရေးရဲဘော်တစ်ဦးမှ  ဂိတ်အတွင်းဝင်ရောက်၍ 9 MM ပစ္စတို တစ်လက်ဖြင့် ဝင်ရောက်တိုက်ခိုက်ခဲ့ခြင်းဖြစ်သည်။  စစ်တပ် တပ်ကြပ်ကြီးတစ်ဦးသေဆုံးကာ  MA3 တစ်လက် ၊ MA11 တစ်လက် ၊ ကျည်ဘောက် ၂ ဘောက် ၊ နှင့် ကျည် ၄၀ တောင့် သိမ်ဆည်းရရှိခဲ့၍ အထိအခိုက်မရှိ ပြန်လည်ဆုတ်ခွာနိူင်ခဲ့ကြောင်း ဧရာဝတီအမှတ် (၃) တပ်ရင်းမှထုတ်ပြန်သည်။  - BAGAN NEWS 

 စစ်ကိုင်းတိုင်း ၊ ဒီပဲယင်းမြို့နယ် အရှေ့ခြမ်း ညောင်လှကျေးရွာကို စစ်တပ်က ဗုံသီးနှစ်လုံးချ တိုက်ခိုက်ခဲ့တာကြောင့် အရပ်သား ၃ ဦးထိခိုက်ပြီး ၁ ဦးသေဆုံးခဲ့တယ်လို့ Red Dragon ပြည်သူ့ကာကွယ်ရေးတပ်ကပြောပါတယ်။  ဓာတ်ပုံ -  Red Dragon  မနေ့က ဖောဖော်ဝါရီ ၄ ရက်နေ့ ည ၉ နာရီ ၄၀ မိနစ်ခန့်မှာ အနောက်မြောက်ပိုင်းတိုင်းစစ်ဌာနချုပ် နမခ ကတက်လာတဲ့ ပါရာမိုတာတစ်စီးက စစ်ပွဲဖြစ်ပွားတာ မရှိပဲ ဗုံသီးချတိုက်ခိုက်ခဲ့တာလို့သိရပါတယ်။ ဇန်နဝါရီလ ၁၁ ရက်နေ့ကလည်း ဒီပဲယင်းမြို့နယ်၊ မူးကမ်းကြီးကျေးရွာစာသင်ကျောင်းကို စစ်တပ်ဂျက်ဖိုက်တာက လေကြောင်းပစ်ခတ်ခဲ့တာကြောင့် စာသင်ကျောင်းတစ်ခုလုံးနီးပါး ပျက်စီးခဲ့ပါတယ်။ အလားတူ ဇန်နဝါရီလ ၁၉ ရက်နေ့ကလည်း ဒီပဲယင်းမြို့နယ် စိုင်ပြင်မြို့ကို စစ်တပ်ဂျက်ဖိုက်တာနဲ့ လေကြောင်းပစ်ခတ်မှုပြုလုပ်ခဲ့တာကြောင့် အမျိုးသား ၁ ဦးသေဆုံးပြီး ၂ ဦး ထိခိုက်ဒဏ်ရာရရှိခဲ့ပါတယ်။  ပြီးခဲ့တဲ့နှစ် ဒီဇင်ဘာ ၅ ရက်နေ့ ညကလည်း ဒီပဲယင်းမြို့နယ် အရှေ့ခြမ်း မရကန်ကျေးရွာက လက်ဖက်ရည်ဆိုင်ကို စစ်တပ်က လေကြောင်းက ဗုံးကြဲတိုက်ခိုက်ခံရပြီး ၅ နှစ်သား ကလေးတစ်ဦး အပါအဝင် သေဆုံးသူ ၁၈ ဦး ရှိခဲ့တယ်လို့ အမျိုးသားညီညွတ်ရေးအစ...

 စစ်အာဏာသိမ်းမှု ငါးနှစ်ပြည့် ချိန်တွင် မြန်မာနိုင်ငံသည် မရပ်မနား ဆက်လက်ဖြစ်ပွားနေသည့် ပဋိပက္ခများနှင့် ရင်ဆိုင်နေရဆဲဖြစ်ကာ ပြည်သူသန်းပေါင်းများစွာသည် ဆင်းရဲဒုက္ခများ ကြုံတွေ့နေရကြောင်း မြန်မာနိုင်ငံအခြေစိုက် ဂျာမနီသံရုံးကထုတ်ပြန်သည်။  မြန်မာပြည်သူများအနေဖြင့် အကြမ်းဖက်မှုများကို ချက်ချင်းအဆုံးသတ်ရန်၊ လူ့အခွင့်အရေးများကို လေးစားရန်၊ ပါဝင်ပတ်သက်သူအားလုံးပါဝင်သည့် နိုင်ငံရေး လုပ်ငန်းစဉ်တစ်ရပ်အပေါ် ကတိကဝတ်ပြုရန်နှင့် လူသားချင်းစာနာထောက်ထားမှုဆိုင်ရာအကူအညီများကို အတားအဆီးမရှိ ဝင်ရောက်နိုင်ရန် လိုအပ်လျက်ရှိကြောင်း ဖော်ပြသည်။  လက်ရှိဖြစ်ပေါ်နေသော အခြေအနေများနှင့် ရွေးကောက်ပွဲ လုပ်ငန်းစဉ်ကို အကောင်အထည်ဖော်ဆောင်ရွက်ပုံများအရ လွတ်လပ်၍ တရားမျှတသော ရွေးကောက်ပွဲတစ်ရပ်အတွက် မဖြစ်မနေ လိုအပ်သော ​ အခြေခံအချက်များ မပြည့်မီခဲ့ကြောင်း ထင်ရှားစေခဲ့သည်ဟုဖော်ပြသည်။  ထို့အပြင် အကြမ်းဖက်မှု အမျိုးအစားအားလုံးကို ချက်ချင်း ရပ်တန့်ရန်နှင့် ရွေးကောက်ပွဲများကို နှောင့်ယှက်ဟန့်တား ဖျက်ဆီးခြင်းမှကာကွယ်ပေးရေး ဥပဒေအောက်တွင် ဖမ်းဆီးထိန်းသိမ်းခံထားရသူများ အပါအဝင် အကြောင်းမဲ့ ဖမ်းဆီးထိန်းသိမ်းခံထားရသော...

 မြန်မာနိုင်ငံတွင် စစ်အာဏာသိမ်း ၅ နှစ်အတွင်း တိုးမြင့်လာသောအကြမ်းဖက်မှုများ၊ ကျယ်ပြန့်စွာဖြစ်‌ပေါ်နေသောလူ့အခွင့်အရေးချိုးဖောက်မှုများနှင့် ဆိုးရွားသောလူသားချင်းစာနာမှုဆိုင်ရာဒုက္ခများနှင့် ရင်ဆိုင်နေရကြောင်း မြန်မာနိုင်ငံဆိုင်ရာ သြစတြေးလျနိုင်ငံ သံရုံးကထုတ်ပြန်သည်။  ၂၀၂၁ ခုနှစ်၊ ဖေဖော်ဝါရီ ၁ ရက်နေ့မှစ၍ မြန်မာပြည်သူများသည် အာဏာသိမ်းမှုကြောင့်ဖြစ်ပေါ်လာခဲ့သောဤအကျပ်အတည်းသည် ဆက်လက်ဖြစ်ပွါးနေဆဲဖြစ်သည်။ ၂၀၂၆ ခုနှစ်တွင် ခန့်မှန်းခြေလူပေါင်း ၁၆.၂ သန်းသည် အသက်ကယ်လူသားချင်းစာနာမှုအကူအညီများကိုလိုအပ်မည်ဖြစ်ပြီး လူပေါင်း ၃.၆ သန်းကျော်သည် ဆက်လက်ဖြစ်ပွားနေသောပဋိပက္ခကြောင့် နိုင်ငံအတွင်းနေရပ်စွန့်ခွာရွှေ့ပြောင်းနေရကြောင်း ဖော်ပြသည်။  စီးပွားရေးသိသိသာသာကျဆင်းသွားခဲ့ပြီး နယ်စပ်ဖြတ်ကျော်အရေးကြီးမှုခင်းများ ပိုမိုကြီးထွားလာကာ ဒေသတွင်းတည်ငြိမ်မှုကိုခြိမ်း‌ခြောက်နေသည်။ မကြာသေးမီကပြုလုပ်ခဲ့သော စစ်အာဏာရှင်အဖွဲ့အစည်း၏ရွေးကောက်ပွဲများသည် ဆက်လက်ဖြစ်ပွားနေသောအကြမ်းဖက်မှုနှင့်ဖိနှိပ်မှုများအကြား အတိုက်အခံပါတီများ၏အဓိပ္ပာယ်ပြည့်ဝစွာပါဝင်မှုမရှိပဲ ပြုလုပ်ခဲ့ခြင်းဖြစ်သည်။ ၄င်းတို့သည် လွတ်လပ်၍တရားမျှတပြ...