Bagan News Agency

ကရင်ပြည်နယ်၊မွန်ပြည်နယ်နှင့် ပဲခူးတိုင်းတို့ပါဝင်သည့် NUG ၏ တောင်ပိုင်းစစ်ဒေသနယ်မြေတွင် နိုဝင်ဘာ ၂၃ မှ နိုဝင်ဘာ ၂၉ ရက်နေ့ အတွင်း တိုက်ပွဲများဖြစ်ပွားခဲ့ပြီး စစ်ကောင်စီတပ်သား ၅၂ ဦး သေဆုံးခဲ့ကြောင်း  တောင်ပိုင်းစစ်ဒေသမှထုတ်ပြန်သည်။  စစ်ကောင်စီတပ်စွဲထားရာနေရာများနှင့် စစ်ကောင်စီစစ်ကြောင်းများအား တောင်ပိုင်းစစ်ဒေသ ပူး‌ပေါင်းတပ်ဖွဲ့က သွားရောက်တိုက်ခိုက်ခဲ့မှု ၂၇ ကြိမ်ရှိခဲ့ကြောင်း ထုတ်ပြန်ချက်တွင်ဖော်ပြသည်။    ဓာတ်ပုံ - NUG တောင်ပိုင်းစစ်ဒေသရှိ တပ်ဖွဲ့ဝင်များ။  ဌင်းတိုက်ပွဲများအတွင်း တော်လှန်ရေးပူးပေါင်းတပ်ဖွဲ့ဘက်က ရဲဘော် ၂ ဦး ကျဆုံးခဲ့ပြီး ၄ ဦး ထိခိုက်ဒဏ်ရာ(မစိုးရိမ်ရ)ရရှိခဲ့ကြောင်း သိရသည်။  PDF နှင့် မဟာမိတ်ပူးပေါင်းတပ်ဖွဲများသည် စစ်ကောင်စီတပ်အား နည်းမျိုးစုံဖြင့် ဖိအားပေးတိုက်ခိုက်လျက်ရှိပြီး ကော့ကရိတ် မြဝတီ အာရှလမ်းပိုင်းတွင်လည်း စစ်ကောင်စီတပ်၏ ရိက္ခာနှင့် တပ်ကူလမ်းကြောင်းများကို လိုက်လံပိတ်ဆို့ ဖြတ်တောက်ကာ တိုက်ခိုက်လျက်ရှိကြောင်း  တောင်ပိုင်းစစ်ဒေသက ထုတ်ပြန်သည်။  Bagan News 

မြန်မာ-တရုတ်နယ်စပ် မူဆယ်မြို့တွင် စစ်ကောင်စီတပ်မှ ဒေသခံများ၏ အခြေခံစားသောက်ကုန်အပါအဝင် စက်သုံးဆီသယ်ယူခွင့်တိုအား နိုဝင်ဘာ(၂၈)နေ့မှ စ၍ ကန့်သတ်ပိတ်ပင်လိုက်ကြောင်း ဒေသခံများမှသိရသည်။ စစ်ကောင်စီတပ်၏ ဒေသအာဏာပိုင်ဖြစ်သည့် ကုန်လမ်းပိုဆောင်ရေးနှင့် ညွှန်ကြားမှုဦးစီးဌာနမှ ၎င်းတိုထံ မှတ်ပုံတင်ထားသည့် မော်တော်ကား၊ ဆိုင်ကယ်၊ သုံးဘီးယာဉ်နှင့်ကုန်တင်ယာဉ်များအား နိုင်ငံဖြတ်ကျော်ခွင့်စာအုပ်(Baordar Pass)ပြုလုပ်ကာ သတ်မှတ်ထားသည့် ကုန်စည်များအား အရေအတွက်ဖြင့်သာ ဝယ်ယူရောင်းချခွင့်ပြုကြောင်း ထုတ်ပြန်ချက်တွင် ဖော်ပြထားသည်။ ယခင်က မူဆယ်ဒေသအတွင်းသို ဒေသခံများက  တရုတ်ပြည် ရွှေလီ၊ ဂျယ်ဂေါင်မြိုတိုမှတဆင့် စက်သုံးဆီနှင့် အခြေခံစားသောက်ကုန်များအား အနည်းငယ်သာ သယ်ယူတင်သွင်းခွင့်ပြုထားရာမှ လက်ရှိတွင် ထပ်မံပိတ်ပင်လိုက်ခြင်းဖြစ်သည်။ အဆိုပါ ကန့်သတ်ပိတ်ပင်လိုက်ခြင်းကြောင့် မီးဖိုချောင်သုံးအသီးအနှံ၊ အသား၊ငါးများအပါအဝင် ကုန်စည်ဈေးနှုန်းများ အဆမတန် မြှင့်တက်သွားနိုင်ကြောင်း TNLA ကထုတ်ပြန်သည်။ စက်သုံးဆီပါ လုံလောက်မှုမရှိနိုင်သည့် အခြေအနေသို ရောက်ရှိနိုင်သောကြောင့် ဒေသခံများမှ သိရသည်။ Bagan News 

၂ဝ၂၁ ခုနှစ် ၊ ဖေဖော်ဝါရီလ ၁ ရက်၊ စစ်အာဏာလုမှုဖြစ်စဉ် စတင်ချိန်မှ ၂၀၂၄ ခုနှစ် ၊နိုဝင်ဘာလ ၂၉ ရက်အထိ စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့သည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်း ၆ဝဝဝ ဦး ရှိခဲ့ပြီဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) မှထုတ်ပြန်သည်။  အေအေပီပီ စာရင်းအရ အာဏာလုမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း ၂၇၇၄၁ ဦးရှိပြီး ထိုအထဲမှ ၂၁၁၇၉ ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ ၉၅၄၆ ဦးမှာ ထောင်ဒဏ်ချမှတ်ခံထားရသည်။  ဓာတ်ပုံ - နိုဝင်ဘာလ ၂၃ ရက်နေ့၌ စစ်ကောင်စီလေကြောင်တိုက်ခိုက်မှုကြောင့် နောင်ချိုမြို့နယ်တွင် ထိခိုက်ပျက်စီးမှုမြင်ကွင်း။  (Photo - TNLA)  ၂၀၂၄ ခုနှစ်၊ နိုဝင်ဘာလ ၁ ရက်နေ့မှ ၂၉ ရက်နေ့အထိ နိုင်ငံတဝန်း၌ စစ်အုပ်စုကြောင့် အမျိုးသမီး (၃၁) ဦးနှင့် အမျိုးသား (၄၄) ဦး စုစုပေါင်း (၇၅) ဦး သေဆုံးခဲ့ပြီး ရခိုင်ပြည်နယ်မှာ (၂၁) ဦးဖြင့် သေဆုံးမှု အများဆုံးဖြစ်ကြောင်းအေအေပီပီ မှထုတ်ပြန်သည်။  ၎င်း (၇၅) ဦးအနက် စစ်အုပ်စု၏ လေကြောင်းဖြင့် ပစ်ခတ်တိုက်ခိုက်မှုကြေ...

ရခိုင်ပြည်နယ်၊ တောင်ကုတ်မြို့အား  နိုဝင်ဘာလ (၂၄) ရက်နေ့မှ စတင်ကာ ထိန်းချုပ်နိုင်ခဲ့ပြီဖြစ်ကြောင်း အာရက္ခတပ်တော် AA မှထုတ်ပြန်သည်။  Photo - AA စစ်ကောင်စီ၏ တောင်ကုတ်မြို့ပြင်ပရှိစခန်းများဖြစ်သော- (၁) တောင်ကုတ်တက္ကသိုလ် မောင်းတံဂိတ် နှင့် ရာဘာခြံ ရှိ စစ်ကောင်စီ၏ စခန်းများ၊ (၂) တောင်ကုတ်တက္ကသိုလ်ကျောင်းဝင်းတခုလုံးအတွင်း စစ်ကောင်စီမှ အခိုင်အမာစခန်းချနေထိုင်ခဲ့သော တက္ကသိုလ်ကျောင်းဆောင်များ၊ (၃) အာလိမ်ငါးဆင့်ဘုရားကုန်း၌ တပ်စွဲထားသော စစ်ကောင်စီ၏စခန်း၊ (၄) ဖုန်ညိုရွာ၊ ဘုန်းကြီးကျောင်းအနီးတောင်ကုန်း နှင့် ဖုန်ညိုတံတား အနီးပတ်ဝန်းကျင်၌ တပ်စွဲထားသော စစ်ကောင်စီ၏စခန်းများ၊ (၅) တောင်ကုတ်မြိုအဝင် စစ်ကောင်စီ၏ စကခ (၅) တပ်မဌာနချုပ် ဂိတ်စခန်း၊ (၆) တောင်ကုတ်မြို၊ သိမ်တောင်ရပ်ကွက်၊ ဆုတောင်းပြည့်ဘုန်းကြီးကျောင်းဝင်းအတွင်း၌ တပ်စွဲထားသော စစ်ကောင်စီ၏စခန်း၊ (၇) ကြိုးကြာကွင်းဂိတ်ရှိ စစ်ကောင်စီ၏ စခန်း၊ (၈) ကိုင်းရှည်တံတားထိပ်ရှိ စစ်ကောင်စီ၏စခန်း၊ (၉) သီရိဆေးရုံ၊ ဂုဏ်နေဒေါက်ကျင်း၌ စခန်းချတပ်စွဲထားသော စစ်ကောင်စီ၏ စခန်းနှင့် (၁၀) တောင်ကုတ်မြို့အတွင်းရှိ တောင်ကုတ်မြို့မ ရဲစခန်း တိုအား ၂၀၂၄ ခုနှစ်၊ နိုဝင်ဘာလ (...

မကွေးတိုင်း၊ ငဖဲမြို့နယ်၊ အမ်း-ပဒါန်း လမ်းပိုင်းတနေရာတွင်  စစ်ကောင်စီစစ်ကြောင်းကို ကာကွယ်ရေးပူးပေါင်းတပ်က တိုက်ခိုက်ခဲ့ပြီး တပ်သား ၂ ဦးသေဆုံးကာ စစ်သုံ့ပန်း ၁၄ ဦးဖမ်းမိခဲ့သည်။  ဌင်းပြင် လက်နက်ငယ် (၂) လက် နှင့် ခဲယမ်း များအား တိုက်ပွဲတွင် သိမ်းဆည်းရရှိခဲ့သည် ။  Photo - Student Armed Force နိုဝင်ဘာ (၂၃) ရက်နေ့တွင် အနောက်ပိုင်းစစ်ဌာနချုပ် (အမ်း) ကွပ်ကဲမှု လက်အောက်ရှိ တမိုင်ကုန်းစခန်းမှ ဆုတ်ခွာလာသော ဗိုလ်မှူး ဇော်ထက်နောင် (ကြည်း ၅၆၁၇၈)   ဦးစီးသော  စစ်ကြောင်းကို  ကျောင်းသားလက်ရုံးတပ်တော်နှင့် မဟာမိတ်ပူးပေါင်းစစ်ကြောင်းမှ အမ်း-ပဒါန်း လမ်းတနေရာတွင် စောင့်ကြို ပိတ်ဆို့ တိုက်ခိုက်ခဲ့ခြင်းဖြစ်သည်။ ထို့ပြင် စစ်ကောင်စီစစ်ကြောင်းသည်  တိုက်ပွဲတွင်း၌ ဖွဲစည်းပုံပျက်ကာ  တကွဲတပြားစီ ထွက်ပြေးလျက်ရှိခြင်းကြောင့်  နယ်မြေရှင်းလင်းလျက်ရှိကြောင်း ကျောင်းသားလက်ရုံးတပ်တော်မှထုတ်ပြန်သည်။  ဌင်းတိုက်ပွဲတွင် ကျောင်းသားလက်ရုံးတပ်တော် (SAF) ၊ အရှိချင်းကာကွယ်ရေးတပ်ဖွဲ (ACDF)၊ မင်းဘူးခရိုင် အမှတ် (၂) တပ်ရင်းတို့က ပူးပေါင်း တိုက်ခိုက်ခဲ့ခြင်းဖြစ်ပြီး ဖမ်းဆီး ရမိထားသည့...

ထိုင်းနိုင်ငံ၊ချင်းမိုင်မြို့တွင် အွန်လိုင်းရာဇဝတ်မှုကျုးလွန်သည့် တရုတ်လူမျိုးများအား ကွန်ဒိုငှားရမ်းပေးခဲ့သည့် ထိုင်းအမျိုးသမီး တဦးကို ဗဟိုစုံစမ်းစစ်ဆေးရေးဗျူရို (CIB)က ဖမ်းဆီးခဲ့ကြောင်း Thai Enquirer သတင်းတွင်ဖော်ပြသည်။  ဌင်းကွန်ဒိုအတွင်းနှင့်ဆက်စပ် နေရာ ၁ဝ ခုတွင် တရုတ်လူမျိုးများအား တရာမဝင် Sim Box စက်ပေါင်း ၆၄၂ လုံး တပ်ဆင်ရန် ငှားရမ်းထားခဲ့မှုအတွက် ဖမ်းဆီးခြင်းဖြစ်ကြောင်း ဌင်းသတင်းက ရေးသားသည်။ Photo - Thai Enquirer CIB တာဝန်ရှိသူက သံသယရှိသူ ထိုင်းအမျိုးသမီးသည် ချင်းမိုင်တွင် လွန်ခဲ့သည့် ၂ နှစ်ခန့်က အိမ်ခန်း ၁၁ ခန်း ငှားရမ်းခဲ့ကြောင်း ဝန်ခံခဲ့သော်လည်း အီလက်ထရွန်းနစ် စက်ပစ္စည်းများနှင့် ပတ်သက်၍ မသိရှိကြောင်းပြောကြားသည်။  တရုတ်ရာဇဝတ်ဂိုဏ်းသည် ဌင်းကွန်ဒိုရှိစက်များမှတဆင့်ဖုန်းခေါ်ဆိုမှုစင်တာ လိမ်လည်မှုနှင့် အွန်လိုင်းရာဇဝတ်မှုများအတွက် အသုံးပြုကာ ခဲ့သည်ဟု ရဲတပ်ဖွဲ့က သံသယရှိကြောင်း သတင်းတွင်ဖော်ပြသည်။ တရုတ်ရာဇဝတ်ဂိုဏ်းသည် အွန်လိုင်း ရာဇဝတ်ဂိုဏ်းများထံ ရောင်းချသည့် ဆိုရှယ်မီဒီယာအကောင့်အတုများအတွက် OTP ကုဒ်များကို ထုတ်လုပ်ရန် Sim Boxes ကို အသုံးပြုခဲ့ကြောင်း၊ ထို့နောက် OTP ကုဒ်တစ...

မွန်ပြည်နယ်ရှိ အမြောက်တပ်စခန်းနှင့် စစ်ဆေးရေးဂိတ်ကို တိုက်ခိုက်ခဲ့ပြီးစစ်ကောင်စီတပ်မှ (၈) ဦးသေဆုံးကာ (၃) ဦး ဒဏ်ရာရရှိခဲ့ကြောင်း  မွန်ပြည်သစ်ပါတီ  NMSP-AD မှထုတ်ပြန်သည်။ နိုဝင်ဘာလ ၂၃ ရက်နေ့တွင် သံဖြူဇရပ်မြို့အဝင်ရှိ ဖောင်စိန်စစ်ဆေးရေးဂိတ်ကို ဒရုန်းဖြင့်တိုက်ခိုက်ခဲ့ပြီး အရာရှိ(၂)ဦးအပါအဝင် စစ်ကောင်စီတပ်သား(၃)ဦးသေဆုံးကာ (၂)ဦးဒဏ်ရာရှိခဲ့ကြောင်း ဖော်ပြသည်။ အလားတူ နိုဝင်ဘာလ ၂၆ ရက်နေ့တွင် မုဒုံမြို့နယ် အဘစ်ကျေးရွာရှိ စစ်ကောင်စီ အမတ (၃၁၈)တပ်ကို ဒရုန်းဖြင့်ထပ်မံတိုက်ခိုက်ရာ စစ်ကောင်စီတပ်မှ(၅)ဦးသေဆုံးကာ (၁)ဦး ဒဏ်ရာရရှိခဲ့ကြောင်း မွန်ပြည်သစ်ပါတီ  NMSP-AD မှထုတ်ပြန်သည်။ Bagan News Agency 

မန္တလေးတိုင်း၊ မတ္တရာမြို့နယ် ၊ လက္ကောင်းကြီးကျေးရွာအုပ်စု ၊ လက္ကောင်းကြီးရွာသစ်ရှိ ဓမ္မာရုံအား ယနေ့ နိုဝင်ဘာလ (၂၇)ရက်နေ့ နံနက်(၉:၁၅)အချိန်တွင် တိုက်ပွဲဖြစ်ပွါးခြင်းမရှိပဲ စစ်ကောင်စီမှ ဒရုန်းဖြင့် လာရောက်တိုက်ခိုက်သောကြောင့် ကိုရင်(၁)ပါး နှင့် အမျိုးသမီးငယ်(၂)ဦး အသက်သေဆုံးခဲ့ကြောင်း ပြည်သူ့ကာကွယ်ရေးတပ်မတော် (မန္တလေး)မှထုတ်ပြန်သည်။  မတ္တရာမြို့နယ် ၊ သပိတ်ကျင်းမြို့နယ် နှင့် နောင်ချိုမြို့နယ်တိုတွင် ပြည်သူ့ကာကွယ်ရေးတပ်မတော် (မန္တလေး) နှင့် စစ်ကောင်စီတို့အကြား တို့က်ပွဲများ ဖြစ်ပွါးလျက်ရှိသည်။  စစ်ကောင်စီသည် ၎င်းတို လက်လွှတ်ခဲ့ရသည့် တပ်စခန်းများနှင့် နယ်မြေများကို ပြန်လည်ရရှိရန် ကြိုးစားလျက်ရှိပြီး ပြည့်အဝ ထိန်းချုပ်ထားဆဲဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး) မှ ထုတ်ပြန်သည်။  ဓါတ်ပုံ − စစ်ကောင်စီတပ်၏ ပစ်ခတ်မှုကြောင့်  ထိခိုက်ပျက်စီးခဲ့သည့်လက္ကောင်းကြီးရွာသစ် ဓမ္မာရုံ။ Bagan News Agency 

ပဲခူးတိုင်း၊ညောင်လေးပင်ခရိုင်(ခလယ်လွီထူခရိုင်)၊ ကျောက်ကြီးမြို့နယ်(လယ်ဒိုမြို့နယ်)တွင် နိုဝင်ဘာလ (၂ဝ) ရက်နေ့မှစ၍ (၂၆) ရက်နေ့အထိ စစ်ကောင်စီတပ်မှ ပစ်ခတ်မှုကြောင့် ဒေသခံပြည်သူ (၆)ဦး ထိခိုက် ဒဏ်ရာရရှိခဲ့ကြောင်း ကေအဲန်ယူ-ကရင်အမျိုးသားအစည်းအရုံးမှထုတ်ပြန်သည်။  ဌင်းပြင် နေအိမ်(၃)လုံး၊ ဆန်စက်(၁)လုံး၊ ဆေးခန်း (၂) ခန်းနှင့် ပြည်သူပိုင်အဆောက်အဦး (၂)လုံး ပျက်စီးခဲ့သည့် အပြင် ပြည်သူ (၁) ဦးကိုလည်း စစ်ကောင်စီတပ်မှ အကြောင်းမဲ့ဖမ်းဆီးခဲ့ကြောင်း သိရသည်။  ဓါတ်ပုံ − စစ်ကောင်စီတပ်၏ ပစ်ခတ်မှုကြောင့်  ထိခိုက်ပျက်စီးမှုများ။ နိုဝင်ဘာလ (၂ဝ) ရက်နေ့မှ နိုဝင်ဘာလ (၂၆) ရက်နေ့အထိ စစ်ကောင်စီတပ်မှ ရေတွင်းကုန်းကျေးရွာ၊ ကညင်ကြိုးကျေးရွာ၊ကျောင်းကုန်းကျေးရွာ၊စဉ့်အိုးလာကျေးရွာ၊ ဂရုပ်ကုန်းကျေးရွာ၊ဝါချဲကျေးရွာ၊ လိန်ပင်ကျေးရွာ၊ နိုဖိုးကျေးရွာ၊ ဖျံတလင်းကျေးရွာနှင့် ခိုလိုကျေးရွာ များအား လက်နက်ကြီး(၁၈)လုံး၊ ဒရုန်းဖြင့် (၂ဝ)ကြိမ် ပစ်ခတ်တိုက်ခိုက်ခဲ့ကြောင်း ကရင်အမျိုးသားအစည်းအရုံးမှထုတ်ပြန်သည်။  Bagan News Agency 

နေပြည်တော် MICC2 ၌ အောက်တိုဘာလ ၂၅ ရက်ကကျင်းပခဲ့သည့် စစ်အုပ်စု ကြည်း၊ရေ၊လေညှိနှိုင်းကွပ်ကဲရေးမှူးဗိုလ်ချုပ်ကြီးမောင်မောင်အေး၏သားဖြစ်သူ မင်္ဂလာဧည့်ခံပွဲအား ဒရုန်းများဖြင့် တိုက်ခိုက်ခဲ့ကြောင်း ရှာထူးဝေါ်နည်းပညာတပ်ဖွဲ့မှထုတ်ပြန်သည်။  စစ်အုပ်စု ခေါင်းဆောင်များတက်ရောက်မည်ဖြစ်ကြောင်း သတင်းရရှိသဖြင့် စနစ်တကျပြင်ဆင်တိုက်ခိုက်ခဲ့ခြင်းဖြစ်ကြောင်း ဖော်ပြသည်။ ဓာတ်ပုံ - Shar Htoo Waw ရှာထူးဝေါ်နည်းပညာတပ်ဖွဲ့၏ ဒရုန်းတိုက်ခိုက်မှုကြောင့် လုံခြုံရေးဆောင်ရွက်နေသော ရဲနှင့်စစ်သားအချို့ ထိခိုက်သေဆုံးမှုရှိခဲ့ကြောင်းသိရသည်။  ထို့ပြင် အခမ်းအနားတက်ရောက်လာကြသော စစ်အုပ်စု ဗိုလ်ချုပ်အချို့မှာလည်း ကြောက်လန့်ထွက်ပြေးကာ ဝရုန်းသုန်းကားဖြစ်ခဲ့ကြောင်း နေပြည်တော်သတင်းရင်းမြစ်များထံမှ သိရသည်။  ပြီးခဲ့သည့် နိုဝင်ဘာလ ၅ ရက်နေ့ကလည်း ရှာထူးဝေါ်နည်းပညာတပ်ဖွဲ့၏ Kloud Drone အဖွဲ့နှင့် နေပြည်တော်စစ်တိုင်းဌာနတို့သည် စစ်ခေါင်းဆောင်မင်းအောင်လှိုင်၏ တရုတ်ပြည်ခရီးစဉ်ထွက်ခွာချိန် နေပြည်တော်လေဆိပ်သို့ Fixed wing အသေခံဒရုန်းများဖြင့် တိုက်ခိုက်မှုပြုလုပ်ခဲ့သည်။  အဆိုပါတိုက်ခိုက်မှုကြောင့် ဗိုလ်မှုး ၁ ဦး၊ ဗိုလ်ကြီး ၁ ...

ဧရာဝတီတိုင်း ဟင်္သာတအကျဉ်းထောင်ရှိ အဆောင်(၄)တွင် အကျဉ်းဦးစီးဝန်ထမ်း အောင်ကျော်မြင့်မှ အရက်မူးပြီး နိုင်ငံရေးအကျဉ်းသား(၁)ဦးကို လူမဆန်စွာ ရိုက်နှက်ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ပြီးခဲ့သည့် နိုဝင်ဘာလ ၁၁ ရက်နေ့ ည(၈)နာရီဝန်းကျင်အချိန်တွင် နိုင်ငံရေးအကျဉ်းသားများအား အခန်းအဆောင်များအတွင်း ပိတ်ထားချိန်တွင် ထောင်ဝန်ထမ်း အောင်ကျော်မြင့်သည် နိုင်ငံရေးအကျဉ်းသား ကိုရှိုင်းထက်ဇော်၏ နာမည်ကိုခေါ် ကာ ဘာယာတန်း (အခန်းအပြင်သို့ လက်သာထုတ်လို့ရအောင် ပြုလုပ်ထားသည့် တိုင်အတန်းများ) အပြင်ဘက်ကို လက်ထုတ်ခိုင်းပြီးနောက် အကြောင်းပြချက်မရှိဘဲ လူမဆန်စွာ ရိုက်နှက်ခဲ့ခြင်းဖြစ်သည်။ ဓာတ်ပုံ - PPNM ရိုက်နှက်ခံခဲ့ရသည့် နိုင်ငံရေးအကျဉ်းသား ကိုရှိုင်းထက်‌ဇော်သည် စစ်အာဏာရှင်စနစ်ကို ဆန့်ကျင်ခဲ့သဖြင့် ပုဒ်မ ၅၀ည ၊၅၁(က)တို့ဖြင့် ဟင်္သာတအကျဉ်းထောင်တွင် မတရားဖမ်းဆီးအကျဉ်းချခံထားရသူတဦး ဖြစ်သည်။ အဆိုပါ ထောင်ဝန်ထမ်းအောင်ကျော်မြင့်သည် အရက်မူးလာချိန်တိုင်း နိုင်ငံရေးအကျဉ်းသားများကို မကြာခဏရိုက်နှက်နေသူဖြစ်ကြောင်းလည်း PPNM မှ သိရသည်။ ထိုသို့ ဥပဒေမဲ့စွာပြုလုပ်နေသော ထောင်ဝန်ထမ်း အောင...

နွေဦးတော်လှန်ရေးကာလသည် ၄ နှစ်ပြည့်ကာလရောက်ရှိနေပြီး “အဝေးရောက်အစိုးရ”မဖြစ်စေရန်အတွက် NUG အစိုးရအဖွဲ့ဝင်တွေအားလုံး  ပြည်တွင်းမှာ လာစုကြဖို့ ယာယီသမ္မတ ဒူဝါလရှီးလက ပြောကြားလိုက်သည်။ ယနေ့ အွန်လိုင်းကတဆင့်ပြုလုပ်သည့် အမျိုးသားညီညွတ်ရေးအစိုးရ ၂၈ /၂၀၂၄ အစိုးရအဖွဲ့အစည်းဝေးတွင်ပြောကြားခြင်းဖြစ်သည်။  ဓာတ်ပုံ - ယာယီသမ္မတ ဒူဝါလရှီးလအား စစ်မြေပြင်တနေရာတွင် တွေ့ရစဉ်။ "ကျွန်တော့်အနေနဲ့ လေးလေးနက်နက် တိုက်တွန်းချင်တာကတော့ - ကျွန်တော်တို့ အစိုးရအဖွဲ့ဝင်တွေအားလုံး - အင်အားတွေကို ပြည်တွင်းမှာ လာစုကြဖို့ လက်တွေ့ကျကျ လုံလထုတ်စေချင်ပါတယ်။ နိုင်ငံတကာအသိုင်းအဝန်းအတွက် အချိန်ယူသင့်သလောက် ယူပြီးပြီလိုလည်း ပြောနိုင်သလို၊ အချိန်ပေးသင့်တာထက် ပိုပြီး ပေးခဲ့ပြီးပြီလိုလည်း ပြောနိုင်ပါတယ်။ ဒါ့ကြောင့် မြေပြင်အင်အားကို စုစည်းဖိုအတွက် ပြည်တွင်းမှာ အင်အားတွေလာစုဖို့ နိုင်ငံပြင်ပကို ရောက်ရှိနေကြတဲ့ အစိုးရအဖွဲ့ဝင် များကို အလေးအနက်ထား တိုက်တွန်းချင်ပါတယ်။ ပျံ့နေတဲ့ အလင်းတွေကို မှန်ဘီလူးနဲ့ စုဆုံပြီး မီးတောက်တစ်ခု အစထပ်ပျိုးကြဖို့လည်း တိုက်တွန်းလိုပါတယ်” ဟု ယာယီသမ္မတ ဒူဝါလရှီးလက ပြောကြားသည်။ နွေဦးတော်လှန်ရေးသည် လွတ်လပ...

ကရင်ပြည်နယ် ဖာပွန်မြို့နယ် မထောအခြေစိုက် စစ်ကောင်စီ လက်အောက်ခံ ခမရ-၄၀၄/၄၀၇/၄၀၈ စခန်းများအား နိုဝင်ဘာလ ၂၂နေ့၌ KNLA-ကရင်အမျိုးသားလွတ်မြောက်ရေးတပ်မတော်နှင့် ပူးပေါင်းတပ်မဟာ/မဟာမိတ်စစ်သည်တော်များမှ အပြီးသတ်တိုက်ခိုက်ရှင်းလင်းချေမှုန်းခဲ့သည်။ ဌင်းစခန်းများမှ  ကစယ်သဲဖလယ်(တောင်းသုံးလုံး)နှင့်ထွီသီးအူ(ခွေးသေ)သို့တပ်ဆုတ်ထွက်ပြေးသွားသော စစ်ကောင်စီတပ်သားများအား အဆင့်ဆင့်ဖြတ်တောက်တိုက်ခိုက်ရာ ၁ဝ ဦးထပ်မံသေဆုံးခဲ့ကြောင်း KNLA မှသိရသည်။ ဓါတ်ပုံ − KNLA ဌင်းပြင် စစ်ကောင်စီတပ်သား ၂ဝ ခန့်အား ကစဉ့်ကလျားသုတ်ခြေတင်ထမ်းပိုးသယ်ဆောင်သွားကြကြောင်း သိရသည်။  အထက်ပါတိုက်ပွဲနှစ်ကြိမ်အတွင်း စစ်ကောင်စီတပ်များထံမှ RPG-7 တလက်နှင့် ၎င်းကျည်ဖူး (၃၈)လုံး၊ ၈၁ မမတလက်နှင့် ၎င်းကျည်သီး(၆)လုံး၊ MA-1(၉)လက်၊ MA-2(၄)လက်၊ MA-3(၄)လက်၊ MA-4(၂)လက်၊ ငါးမြီးစက်လတ်(၁)လက်၊ ၆၀မမပြောင်းရှည်(၂)လက်၊ ၆၀မမပြောင်းတို(၂)လက်၊ ရှေ့ထွက်မြေမြှုပ်ဗုံး(၃)လုံး၊ ၆၀မမကျည်(၁၂၃)လုံး၊ G-3ကျည်(၆၀၀၀)တောင့်၊ ဟွန်ဒါမီးစက်တလုံး၊ ခွင်းဗုံး(၅၃)လုံး၊ ဆက်သွယ်ရေးစကားပြောစက်ကြီးတလုံးနှင့်  စားသုံးဆီ(၂)ပုလင်း အသီးသီးသိမ်းဆည်းရမိခဲ့ကြာင်း KNU-Mutraw News မ...

ရှမ်းပြည်နယ် တောင်ပိုင်း မိုင်းကိုင်မြို့နယ်က  ရှမ်းပြည်တိုးတက်ရေးပါတီ/ရှမ်းပြည်တပ်မတော် SSPP/SSA တပ်စခန်းငယ်နှစ်ခုကို ရှမ်းပြည်ပြန်လည် ထူထောင်ရေးကောင်စီ RCSS တပ်ဖွဲ့ ကဝင်ရောက်တိုက်ခိုက်ပြီး တပ်ဖွဲ့ဝင် ၈ ဦးကို ဖမ်းဆီး ခေါ်ဆောင်သွားသည်။  ယနေ့နိုဝင်ဘာလ ၂၅ ရက် နံနက် ၅ နာရီခွဲ အချိန်တွင်RCSS စစ်ကြောင်းနှစ်ကြောင်းသည် မိုင်းကိုင်မြို့နယ် တုံလောကျေးရွာအုပ်စု ပန်ပွဲ ကျေးရွာအနီးရှိ SSPP/SSA တပ်စခန်းငယ်နှစ်ခုကို ဝင်ရောက်တိုက်ခိုက်ပြီး တပ်သား(၄)ဦးအား ဖမ်းဆီးသွားကာ စခန်းသုံး မော်တောဆိုင်ကယ်(၄) စီး ၊ ကားတစ်စီး အပါ အဝင် စခန်းများကို မီးရှို့ဖျက်စီးခဲ့ကြောင်း SSPP Info မှထုတ်ပြန်သည်။  Photo - SSPP Info RCSS စစ်ကြောင်းတကြောင်းသည် ပန်ပွဲကျေးရွာက ရွာကော်မတီဝင်တစ်ဉီး၏နေအိမ်ကို လက်နက်ကြီး/ငယ်ဖြင့် ပစ်ခတ်တိုက်ခိုက်ပြီး နေအိမ်အတွင်းရှိအဖိုးတန် ရွှေငွေ ပစ္စည်းများ မွှေနှောက်ယူဆောင်ကာ အိမ်ရှင်ဖြစ်သူ အား ပစ်ခတ်သတ်ဖြတ်၍ နေအိမ်ကို မီးရှို့ဖျက်ဆီးခဲ့ကြောင်း သိရသည်။ ထို့နောက် ပန်ပွဲကျေးရွာအတွင်းရှိ SSPP/SSA တပ်ဖွဲ့ဝင် (၄) ဦးနှင့် ဒေသခံပြည်သူ (၁) ဦးအား ထပ်မံ ဖမ်းစီး သွားခဲ့ကြောင်း SSPP Info မှထုတ်ပြန်...

ရှမ်းပြည်နယ်၊ လားရှိုးမြို့နယ် လျင်ဟိုဒေသအတွင်းရှိ သံလွင်မြို့နယ်နှင့် နမ့်ပေါင် မြို့နယ်ရှိ စာသင်ကျောင်း ၂ ကျောင်းကို စစ်ကောင်စီတပ်မှ နိုဝင်ဘာလ ၂၄ ရက် ညနေပိုင်းတွင် လေကြောင်းတိုက်ခိုက်ခဲ့ပြီး အရပ်သား ၃ ဦး ဒဏ်ရာရခဲ့ကြောင်း ကိုးကန့်တပ် MNDAA မှသတင်းထုတ်ပြန်သည်။  နိုဝင်ဘာလ ၂၄ ရက်နေ့ ည ၇ နာရီ ၃ဝ မိနစ်အချိန်တွင် စစ်ကောင်စီတပ်မှ အနည်းဆုံး ဗုံးလေးလုံး ကြဲချခဲ့ပြီး သံလွင်မြို့နယ်ရှိ ဂွိုယုကျောင်းနှင့် နမ့်ပေါင်မြို့နယ်ရှိ မြန်မာအထက်တန်းကျောင်းတို့ ပြင်းထန်စွာ ထိခိုက်ပျက်စီးခဲ့ကြောင်းသိရသည်။ Photo - MNDAA  ထို့အပြင် လေကြောင်း ဗုံးကြဲတိုက်ခိုက်မှုကြောင့် ဒေသခံ အရပ်သား ၃ ဦး ဒဏ်ရာရခဲ့ပြီး နေအိမ်အများအပြား ထိခိုက်ပျက်စီးခဲ့ကြောင်း MNDAA မှသတင်းထုတ်ပြန်သည်။  ဌင်း ဒဏ်ရာရသူ ၃ ဦးသည် မိသားစုဝင်များဖြစ်ပြီး အသက် ၆ နှစ်အရွယ် ကလေးငယ်မှာမျက်နှာနှင့်ညာဘက်ဝမ်းဗိုက်၊ပေါင်ထိပ်နားဒဏ်ရာရရှိခဲ့ကြောင်းသိရသည်။ ကလေး၏ မိခင်ဖြစ်သူမှာ ခြေထောက်နှင့်ခေါင်းတွင်(မစိုးရိမ်ရ)ဒဏ်ရာရရှိခဲ့ပြီး ဖခင်ဖြစ်သူမှာ ဦးခေါင်းဒဏ်ရာကပြင်းထန်သောကြောင့် အရေးပေါ်ဆေးကုသမှုခံယူနေရကြောင်း လားရှိုးမြို့ ပြန်လည်ထူထောင်ရေးအဖွဲ့မှ ထုတ...

နှစ်ဖက်စစ်ရေး ပဋိပက္ခများ အဆုံးသတ်နိုင်ရန်အတွက် တွေ့ဆုံဆွေးနွေးရန် အဆင်သင့်ရှိကြောင်း တအာင်းတပ်မတော် TNLA ကယနေ့သတင်းထုတ်ပြန်သည်။  မြန်မာစစ်တပ်၏ လေကြောင်း စစ်ဆင်ရေးအပါအဝင် ပြင်းထန်သည့်တိုက်ပွဲကြောင့် စစ်ဘေးဒဏ် ဆိုးရွားစွာခံစားနေရသည့် ဒေသခံများ၏ အကျိုးကို ငဲ့ညှာထောက်ထားသောကြောင့်  တွေ့ဆုံဆွေးနွေးမည်ဟု TNLA ကဆိုသည်။  Photo - TNLA /၂ဝ၂၄ ခုနှစ် မေလတွင်းပြုလုပ်ခဲ့သည့် ပလောင်ပြည်နယ်လွတ်‌မြောက်ရေးတပ်ဦး PSLF/TNLA ၏ အခြေခံစစ်သင်တန်း အပတ်စဉ် (၆၅) ဆင်းပွဲ။  နယ်စပ်တည်ငြိမ်ရေးနှင့်တိုက်ပွဲရပ်စဲရေးအတွက် ကြားဝင်ကြိုးပမ်း ဆောင်ရွက်နေသည့် တရုတ်နိုင်ငံအစိုးရ၏ကြိုးပမ်းမှုကို လေးစားအသိအမှတ်ပြုသည်ဟုလည်း TNLA ကထုတ်ပြန်သည်။  တရုတ်နိုင်ငံ၏ ကြားဝင်စေ့စပ် ကြိုးပမ်းဆောင်ရွက်နေမှုများကို အမြဲပူးပေါင်း ဆောင်ရွက်ရန် ကြိုးပမ်းလျက်ရှိသည်ဟုလည်းဖော်ပြသည်။  မြောက်ပိုင်းညီနောင်မဟာမိတ်(၃)ဖွဲ့နှင့် စတင်ခဲ့သည့် ၁ဝ၂၇ စစ်ဆင်ရေးသည် ၂ဝ၂၄ ခုနှစ် အောက်တိုဘာလ ၂၇ ရက်တွင် တနှစ်ပြည့်ခဲ့ပြီဖြစ်သည်။  စစ်ကောင်စီတပ်မှ ပြည်သူလူထုတို့အား ဦးတည်ပစ်မှတ်ထားကာ လေကြောင်းဖြင့် ချေမှုန်းတိုက်ခိုက်နေသဖြင့် အပြစ်မဲ့ ...

ထိုင်း-မြန်မာနယ်စပ် မြဝတီမြို့မှ တရုတ်နိုင်ငံသားများ၏ Call Center လိမ်လည်မှုဂိုဏ်းမှ လွတ်မြောက်လာသော နိုင်ငံခြားသား (၃၉) ဦးအား ထိုင်းစစ်တပ်မှ ကယ်တင်ခဲ့ကြောင်း Khaosod English သတင်းတွင်ဖော်ပြသည်။ ထိုင်းနိုင်ငံ တာ့ခ်ပြည်နယ် မဲဆောက်မြို့နယ် မဲတော်မြို့နယ်ခွဲ ဒွန်ချိုင်းကျေးရွာအုပ်စု(၆)တွင် ယနေ့ (နိုဝင်ဘာလ ၂၅)နံနက်ပိုင်းက မြန်မာနိုင်ငံဘက်ခြမ်းမှ ထွက်ပြေးလာသော နိုင်ငံခြားသား (၃၉) ဦးအား ထိုင်းစစ်တပ်မှ ကယ်တင်နိုင်ခဲ့ကြောင်း သိရသည်။ ထွက်ပြေးလာသူများသည် မြဝတီမှ မြစ်ကို ဖြတ်ကျော်ပြီး တာ့ခ်ပြည်နယ်၊ မဲဆောက်ခရိုင်သို့ ထွက်ပြေးလာခဲ့ကြကာ ထိုင်းစစ်သားများမှ ၎င်းတို့၏ ပစ္စည်းများနှင့် စာရွက်စာတမ်းများအား စစ်ဆေးရာတွင် တရားမဝင်သည်များ မတွေ့ရှိရကြောင်း သိရသည်။ ထွက်ပြေးလာသူများထဲတွင် သီရိလင်္ကာနိုင်ငံသား (၃၂) ဦး၊ နီပေါနိုင်ငံသား (၅) ဦး၊ မလေးရှားနိုင်ငံသား (၁) ဦးနှင့် ရုရှားနိုင်ငံသား (၁) ဦး ပါဝင်ကြောင်း၊ ၎င်းတို့သည် မြဝတီမြို့ မြသရကျေးရွာရှိ တိုင်းချန်းစီမံကိန်းနယ်မြေအတွင်း တရုတ်နိုင်ငံသားများ လုပ်ကိုင်သော Call Center လိမ်လည်မှုဂိုဏ်းတွင် အလုပ်လုပ်ရန် လူကုန်ကူးသူများ၏ လိမ်လည်ခြင်းခံခဲ့ရကြောင်းသိရသည်။ ၎င်းတ...

လွတ်လပ်သောမြန်မာသတင်းမီဒီယာကောင်စီ (IPCM) မှ ပြုစုထားသော သတင်းမီဒီယာကျင့်ဝတ် (Code of Conduct) စာအုပ်မိတ်ဆက်ခြင်း အစီအစဉ်ကို ယနေ့နိုဝင်ဘာလ (၂၅) ရက်နေ့တွင် အွန်လိုင်း မှတဆင့် ကျင်းပပြုလုပ်ခဲ့သည်။ IPCM အနေဖြင့် သတင်းမီဒီယာကျင့်ဝတ်(ပထမအကြိမ်တည်းဖြတ်ခြင်း)ကို ၂၀၂၄ခုနှစ်၊ မေလ (၃) ရက်နေ့တွင် ကျင်းပပြုလုပ်သော World Press Freedom Day တွင် စတင်ဖြန့်ချီခဲ့သည်။ အဆိုပါကျင့် ဝတ်ကို အခြေခံပြီး ခေတ်ကာလနှင့် ကိုက်ညီမှုရှိစေရန် IPCM အမှုဆောင်ကော်မတီ နှင့် အကြံပေးအဖွဲ့ တို့ ညှိနှိုင်းဆွေးနွေး ပြင်ဆင်ဖြည့်စွက်ကာ ဒုတိယအကြိမ် တည်းဖြတ်အတည်ပြုထားခြင်း ဖြစ်ပါသည်။ အဆိုပါ သတင်းမီဒီယာကျင့်ဝတ် (Code of Conduct) စာအုပ်ကို အုပ်ရေ (၃ဝဝ) ရိုက်နှိပ်ထား ပြီး သတင်းဌာနများနှင့် သတင်းမီဒီယာအဝန်းအဝိုင်းများထံ (အခမဲ့) ဖြန့်ဝေပေးသွားမည်ဖြစ်ကြောင်း IPCM အမှုဆောင်အဖွဲ့ဝင်တဦးကပြောသည်။  Digital Version PDF file ရယူလိုသူများ ယခုလင့် တွင် ရယူနိုင်သည်။ လွတ်လပ်သော မြန်မာသတင်းမီဒီယာကောင်စီ (Independent Press Council Myanmar) ကို ၂ဝ၂၃၊ ဒီဇင်ဘာလ ၂ဝ ရက်မှ ၂၂ ရက်နေ့အထိ ထိုင်းနိုင်ငံတနေ ရာတွင် ပြည်တွင်းပြည်ပရှိ လွတ်လပ်သော မြန်မာသတင်း...

ရှမ်းပြည်နယ်မြောက်ပိုင်း၊ နောင်ချိုမြို့ ဈေးရပ်ကွက်တွင် စစ်ကောင်စီတပ်က ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် ဒေသခံ (၆)ဦး ထိမှန်ဒဏ်ရာရခဲ့သည်။ နိုဝင်ဘာလ ၂၂ ရက် ညသန်းခေါင် အချိန်တွင် စစ်ကောင်စီတပ်က  ဂျက်ဖိုက်တာဖြင့် ပေါင် (၃ဝဝ) ဗုံး (၂)လုံး လာရောက်ကြဲချတိုက်ခိုက်ခဲ့ခြင်းဖြစ်သည်။ ထိုသို့ ဗုံးကြဲတိုက်ခိုက်မှုကြောင့် အသက်(၈)နှစ်အရွယ် ကလေးငယ်တဦးအပါအဝင် ဒေသခံ (၆)ဦး ဗုံးစထိမှန်ဒဏ်ရာရရှိခဲ့ပြီး နေအိမ် (၁၂)လုံးထိခိုက်ပျက်စီးခဲ့သည်။  Photo - နောင်ချိုမြို့ ဈေးရပ်ကွက်အား စစ်ကောင်စီလေကြောင်းတိုက်ခိုက်မှုကြောင့် ထိခိုက်ပျက်စီးမှုများ။ စစ်ကောင်စီ၏ ဗုံးစထိမှန်ဒဏ်ရာရရှိသူများကို ဆေးရုံသိုပိုဆောင် ဆေးဝါးကုသပေးနေကြောင်း တအာင်းတပ်မတော် TNLA ကထုတ်ပြန်သည်။ ပြီးခဲ့သည့် နိုဝင်ဘာလ ၁၈ ရက်နေ့ ညအချိန်တွင်လည်း ဆင်းရွှေလီသကြားစက်ရုံကို  စစ်ကောင်စီတပ်က ဂျက်ဖိုက်တာဖြင့် ဗုံး (၂)လုံး လာရောက်ကြဲချမှုကြောင့်  ဒေသခံ (၁)ဦး ထိမှန်သေဆုံးခဲ့သည်။ စစ်ကောင်စီတပ်၏ လေကြောင်းတိုက်ခိုက်မှုများ ရှောင်ရှားနိုင်ရန် စစ်ရေးသတိရှိရန်လိုအပ်ကြောင်း၊ လူစုလူဝေးမပြုလုပ်ကြရန်နှင့် လေကြောင်းရန် ကာကွယ်မှုဆိုင်ရာ အသိပေးထု...

တောင်ပိုင်းစစ်ဒေသတွင် စစ်ကောင်စီတပ်၏လုပ်ရပ်များကြောင့် တပတ်အတွင်း အရပ်သား(၈) ဦး သေဆုံးခဲ့ကြောင်း ပြည်သူ့ကာကွယ်ရေးတပ်မတော်(PDF) တောင်ပိုင်းစစ်ဒေသမှ ယနေ့ထုတ်ပြန်သည်။ တောင်ပိုင်းစစ်ဒေသတွင် ကရင်ပြည်နယ်၊ မွန်ပြည်နယ်၊ပဲခူးတိုင်း ၊တနင်္သာရီတိုင်း ဒေသများ ပါဝင်သည်။ Photo - တောင်ပိုင်းစစ်ဒေသ ပဲခူးတိုင်း၊ မူးမြို့နယ်တွင် စစ်ကောင်စီတပ်ပစ်ခတ်မှုကြောင့်ထိခိုက်ပျက်စီးမှုများ။ သေဆုံးသူများတွင် လိပ်ပေါရွာ၌ စစ်ကောင်စီထောင်ထားသည့် မြေမြုပ်မိုင်းနင်းမိကာ အသက်ဆုံးရှုံးခဲ့သော ပြည်သူတဦး ပါဝင်သည်။ ထို့အပြင် စစ်ကောင်စီတပ်မှ ကျေးရွာများအတွင်းသို့ လက်နက်ကြီး၊ ဒရုန်းများဖြင့် ဗုံးသီးများကျဲချတိုက်ခိုက်ခြင်းကြောင့် ဒဏ်ရာရရှိသူ (၂၈) ဦးရှိပြီး အကြောင်းမဲ့ဖမ်းဆီးခံရသူ (၅၁) ဦး ရှိကြောင်း တောင်ပိုင်းစစ်ဒေသမှ ထုတ်ပြန်သည်။ ဖမ်းဆီးခံရသူ အချို့ကို ပါလာသည့်ပစ္စည်းများအား မတရားသိမ်းဆည်း၍ ခြိမ်းခြောက်ငွေညှစ်ကာ ပြန်လွှတ်ပေးလိုက်သော်လည်း အများစုမှာ ပြန်မလွတ်သေးဘဲ အဓမ္မစစ်မှုထမ်းခိုင်းရန် ရည်ရွယ်နေကြောင်း သိရသည်။  စစ်ကောင်စီတပ်သားများသည် ကျေးရွာများကိုမီးရှို့ဖျက်စီးခြင်းများ နေ့စဉ်ပြုလုပ်နေပြီး တိုက်ပွဲဖြစ်ပွားခြင်းမရှိသည့...

မကွေးတိုင်း၊ သရက်ခရိုင်၊ အထက်မင်းလှမြို့နယ် ပုသိမ်-မုံရွာလမ်းမကြီးအပိုင်းရွှေချောင်းကျေးရွာနှင့် ရှမ်းတပ်ကြီးကျေးရွာအကြားတွင် စစ်ကောင်စီတပ်အား တိုက်ခိုက်ခဲ့ပြီး တပ်သား ၁၅ ဦး သေဆုံးခဲ့ကြောင်း အထက်မင်းလှမြို့နယ် ပြည်သူ့ကာကွယ် ရေးတပ်ဖွဲ့ မှထုတ်ပြန်သည်။ ယမန်နေ့၊ နိုဝင်ဘာလ ၂၃ ရက်နေ့ နံနက် ၁ဝ နာရီခန့်တွင် စစ်ကောင်စီတပ်  ခမရ ၈၈၊ ကပစ (၂) ကပစ(၁ဝ) ပူပေါင်း တပ်ဖွဲ.နှင့်အထက်မင်းလှမြို့နယ်ပြည်သူ့ကာကွယ် ရေးတပ်ဖွဲ့တို့ အကြား စတင်တိုက်ပွဲ ဖြစ်ပွားခဲ့ခြင်းဖြစ်သည်။ Photo - အထက်မင်းလှမြို့နယ် ပြည်သူ့ကာကွယ်ရေးတပ်ဖွဲ့ ။ မင်းလှမြို့နယ်ပြည်သူ့ကာကွယ်ရေးတပ်ဖွဲ့ဘက်မှ ကြိုတင်လက်ဦးမှုရရှိခဲ့ပြီး ဆွဲမိုင်းများဖြင့် တိုက်ခိုက်ခဲ့ရာ စစ်ကောင်စီတပ်ဘက်မှ(၅)ဦးထိခိုက်သေဆုံးခဲ့ကြောင်း သိရသည်။ ပြီးခဲ့သည့် နိုဝင်ဘာလ ၁ဝ ရက်နေ့ကလည်း ပုသိမ်-မုံရွာလမ်းမကြီးအပိုင်းရွှေချောင်းကျေးရွာနှင့် ရှမ်းတပ်ကြီးကျေးရွာအကြားတွင် စစ်ကောင်စီစစ်ကြောင်းကို တိုက်ခိုက်ခဲ့ပြီး စစ်ကောင်စီတပ်ဘက်မှ(၁ဝ)ဦးသေဆုံးကာ ထိခိုက်ဒဏ်ရာရရှိသူများခဲ့ကြောင်း အထက်မင်းလှမြို့နယ် ပြည်သူ့ကာကွယ် ရေးတပ်ဖွဲ့ မှထုတ်ပြန်သည်။ ၂ဝ၂၄ ခုနှစ် အောက်တိုဘာလအတွင်းတွင် မလွန်တပ်နယ်...

ပဲခူးတိုင်း၊ညောင်လေးပင်ခရိုင်(ခလယ်လွီထူခရိုင်)၊ မူးမြို့နယ် အတွင်းတွင် စစ်ကောင်စီတပ်မှ လက်နက်ကြီးများဖြင့် ပစ်ခတ်သောကြောင့် အရပ်အသား (၄) ဦး ထိခိုက်ဒဏ်ရာ ရရှိခဲ့ကြောင်း ကေအဲန်ယူ−ဗဟိုမှထုတ်ပြန်သည်။  ပြီးခဲ့သည့် နိုဝင်ဘာ(၂ဝ)ရက်နေ့ တွင်  နတ်သံကွင်းအခြေစိုက်စစ်ကောင်စီတပ်မှ လက်နက်ကြီး(၁၇)လုံးပစ်ခတ်ခဲ့ရာ ရေလဲကျေးရွာ၊ ရွာကြီးအင်းနှင့်တောင်စုကြား၊သဲကုန်းရွာ၊ အညာစုနှင့်ငနွားဆိပ်ကျေးရွာအကြား၊ ဝက်တူးအနောက်ဘက်များတွင် ကျရောက်ပေါက်ကွဲခဲ့ပြီး အရပ်သား ၂ ဦးထိခိုက်ဒဏ်ရာ ရရှိခဲ့သည်။ ဓါတ်ပုံ − စစ်ကောင်စီတပ်၏  ပစ်ခတ်မှုများကြောင့် ထိခိုက်ပျက်စီး မှုများ။(Photo - KNU)   ဌင်းနေ့တွင်ပင် ကွင်းချောင်းဝ အခြေစိုက် စစ်ကောင်စီတပ်များမှ ဟောင်ဝစ်ဇာ လက်နက်ကြီး (၂) လုံး ပစ်ခတ်ခဲ့ရာ ဟော်ခို့ဂေါ်ကျေးရွာအတွင်း ကျရောက်ပေါက်ကွဲခဲ့ပြီး ထိုကျေးရွာသို့ စစ်ဘေးရှောင်လာသူ (၂) ဦး ထိခိုက်ဒဏ်ရာ ရရှိခဲ့ရသည်။ ထို့ပြင် စစ်ကောင်စီတပ်မှ ရွာကြီးအင်း ကျေးရွာနေ ဦးသီလ (၄၅) နှစ် နှင့် နို့ကလော်ကျေးရွာနေ စောနိုင်တင်ထူး (၃၃) ဦးတို့အား ၂ဝ၂၄ ခုနှစ် နိုဝင်လာလ (၂ဝ) ရက်နေ့တွင် ဖမ်းဆီးခဲ့ပြီး ကျောက်ကြီးရဲစခန်းသို့ ပို့ဆောင်ကာ ဖမ်းဆ...

စစ်ကိုင်းတိုင်း၊ ကျွန်းလှမြို့နယ်အတွင်းရှိ ကျေးရွာများအား နိုဝင်ဘာ ၂ဝ ရက်နေ့မှ ၂၂ ရက်နေ့အထိ စစ်ကောင်စီတပ်မှ ၃ ရက်ဆက်တိုက် လေကြောင်းမှ ဗုံးကြဲတိုက်ခိုက်ခဲ့ကြောင်း ဒေသခံများမှသိရသည်။  အလားတူ ကျေးရွာများအား Drone ဖြင့်  ဗုံးသီးချခြင်း၊ဟောင်ဝစ်ဇာပစ်ကူခြင်း နှင့် ပြည်သူပိုင်နေအိမ်များအားမီးရှို့ဖျက်ဆီးကြပြီး ကျေးရွာအတွင်းရှိ ပြည်သူပိုင်ပစ္စည်းများအား ကားကြီးကားငယ်များဖြင့် ကံပေါက်ရွာသို့ ခိုးယူသယ်ဆောင်သွားကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင် မှထုတ်ပြန်သည်။  ဓါတ်ပုံ − ကျွန်းလှမြို့နယ်တွင် စစ်ကောင်စီတပ်မှ ပစ်ခတ်တိုက်ခိုက်မီးရှို့ဖျက်ဆီးမူကြောင့် ထိခိုက်ပျက်စီးမှုများ။   ၎င်းစစ်ကြောင်းသည်  နိုဝင်ဘာ ၂ဝရက်နေ့ နံနက်အ‌စောပိုင်းတွင် ကျွန်းလှမြို့မှ ကံပေါက်ရွာသို့  ကားများဖြင့် ထွက်လာ‌သောအင်အား ၂ဝဝခန့်ပါသည့် စစ်ကောင်စီတပ်နှင့် ပျူစောထီးစစ်ကြောင်းဖြစ်သည်။ ၎င်းစစ်ကြောင်းသည် နိုဝင်ဘာ ၂ဝ ရက်နေ့  တွင် ကံပေါက်ရွာမှ မြောက်ဘက်သို့ ဦးတည်ထွက်ခွါသရာ  စစ်ကြောင်းထိုးသည့် လမ်းတစ်လျောက် Drone ဖြင့် ဗုံးသီးဆက်တိုက်ချ တိုက်ခိုက်ခဲ့ကာ ကုက္ကိုကုန်းရွ...

ကရင်ပြည်နယ်၊ ဖာပွန်ခရိုင်(မူတြော်ခရိုင်)အတွင်း ဝင်ရောက်ကျူးကျော်တပ်စွဲထားသော မာထော တပ်စခန်းအား ကရင်အမျိုးသား လွတ်မြောက်ရေး တပ်မတော် (K.N.L.A) တပ်မဟာ (၅) နှင့် တော်လှန်ရေးပူးပေါင်းတပ်ဖွဲ့များက တိုက်ခိုက်သိမ်းပိုက်လိုက်သည်။  မူတြော်ခရိုင်၊ ဒွယ်လိုးမြို့နယ် အတွင်း စစ်ကောင်စီတပ်၏ စကခ(၈) လက်အောက်ခံ ခမရ-၄ဝ၇၊ ခမရ-၄ဝ၈နှင့် ခမရ-၄ဝ၄ တပ်များ ဝင်ရောက်ကျူးကျော်တပ်စွဲထားသော မာထောတပ်စခန်းအား ကရင်အမျိုးသား လွတ်မြောက်ရေး တပ်မတော် (K.N.L.A)တပ်မဟာ (၅) နှင့် တော်လှန်ရေးပူးပေါင်းတပ်ဖွဲ့များမှ ၂၀၂၄ ခုနှစ် နိုဝင်ဘာလ (၂၂) ရက် နံနက် (ဝ၇:၄၈) မိနစ်အချိန်ခန့်တွင် အလုံးစုံသိမ်းပိုက်နိုင်ခဲ့ပြီး လက်နက်ခဲယမ်း အမြှောက်အများကိုလည်း သိမ်းဆည်းရမိခဲ့ခြင်းဖြစ်သည်။  ဓါတ်ပုံ − စစ်ကောင်စီတပ်၏ မာထောစခန်းမှ သိမ်းဆည်းရမိသော လက်နက်ခဲ ယမ်းများ။ (Photo - KNU) တိုက်ပွဲအတွင်း ထိခိုက်သေဆုံး ဒဏ်ရာရရှိမှုများနှင့် သိမ်းဆည်းရမိသောလက်နက်ခဲယမ်း စာရင်းအပြည့် အစုံကို ဆက်လက်တင်ပြသွားမည်ဖြစ်ကြောင်း ကေအဲန်ယူ−ဗဟိုက ယမန်နေ့တွင်ထုတ်ပြန်သည်။  ကရင်ပြည်နယ် နယ်မြေ အများစုတွင် တိုက်ပွဲများဖြစ်ပွားနေပြီး ကော့ကရိတ် မြို့နယ်၊ လေးကေ့ကော်မြို...

ရှမ်းပြည်နယ်မြောက်ပိုင်း၊ နောင်ချိုမြို့နယ်တွင် စစ်ကောင်စီတပ်မှ လေကြောင်းဖြင့် ထပ်မံဗုံးကြဲချမှုကြောင့် ဒေသခံ (၂) ဉီးသေဆုံးပြီး (၅) ဉီးထိခိုက်ဒဏ်ရာရရှိခဲ့ကြောင်း တအာင်းတပ်မတော် TNLA မှထုတ်ပြန်သည်။  နိုဝင်ဘာလ ၂ဝ ရက်နေ့၊ ညနေ (၃)နာရီအချိန်တွင်  စစ်ကောင်စီတပ်မှ ကုန်းကြီးကျေးရွာသို့ ဂျက်ဖိုက်တာဖြင့် ဗုံး(၂)လုံးကြဲချရာ ဘုန်းကြီးကျောင်းအတွင်း ကျရောက်ပေါက်ကွဲပြီး ကျောင်းဝန်းထဲရှိ အသက် (၂၃) နှစ်အရွယ်အမျိုးသမီးတစ်ဉီးသေဆုံးကာ အမျိုးသား (၂) ဉီးထိမှန်ဒဏ်ရာရရှိခဲ့သည်။ အလားတူ ညသန်းခေါင်ယံ (၁၂) အချိန်တွင်လည်း  ကံကြီးကျေးရွာတွင် စစ်ကောင်စီမှ ဂျက်ဖိုက်တာဖြင့် (၃) ကြိမ် ဗုံးလာရောက်ကြဲချရာ ကျေးရွာအတွင်းသို ပေါင် (၅ဝဝ) ဗုံး(၁) လုံး ကျရောက်ပေါက်ကွဲပြီး ‌ဒေသခံ အမျိုးသား (၁)ဉီးထိမှန်သေဆုံးကာ (၃) ဉီးထိမှန်ဒဏ်ရာရရှိခဲ့သည်။ စစ်ကောင်စီတပ်သည် လေကြောင်းကိုအသုံးပြုပြီး နေ့စဉ်ရက်ဆက် ပြည်သူများကို ဦးတည်ပြီး ဗုံးကြဲချတိုက်ခိုက်ခဲ့ခြင်းကြောင့် နောင်ချိုမြို့နယ်တွင် နိုဝင်ဘာလ(၁) ရက်နေ့မှ (၂၁)ရက်နေ့အထိ ဒေသခံ (၁၇)ဉီး သေဆုံးပြီး (၂၆) ဉီးထိမှန်ဒဏ်ရာရရှိကာ နေအိမ်အများအပြားပျက်စီးခဲ့သည်။ ပြည်သူများအနေဖြင့် စစ်ကော...

၂ဝ၂၁ ခုနှစ်၊ ဖေဖော်ဝါရီလ ၁ ရက်နေ့မှ ၂ဝ၂၄ ခုနှစ်၊ နိုဝင်ဘာလ ၂၂ ရက်နေ့အထိ နိုင်ငံတဝန်း၌ စစ်အုပ်စုမှ ဖမ်းဆီးထိန်းသိမ်းပြီးနောက် အကျဉ်းထောင်များ၌ သေဆုံးသူ အမျိုးသမီး (၈) ဦးနှင့် အမျိုးသား (၁ဝဝ) ဦး၊ စုစုပေါင်း (၁၀၈) ဦး သေဆုံးခဲ့သည်ကို အမည်နှင့်တကွ အတည်ပြုနိုင်ခဲ့ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)မှ ကောက်ယူထားသော သတင်းအချက်အလက်များအရသိရသည်။  ၂ဝ၂၂ ခုနှစ်၊ ဧပြီလ ၂၉ ရက်နေ့တွင် မန္တလေးတိုင်း၊ ပြင်ဦးလွင်မြို့နယ်အတွင်း၌ ဦးစိန်လင်း (ခ) အငယ်လေးကို အကြမ်းဖက်စစ်အုပ်စုက ဖမ်းဆီးခဲ့ပြီး ၂ဝ၂၂ ခုနှစ်၊ ဒီဇင်ဘာလ ၁၂ ရက်နေ့မှာ အကြမ်းဖက်မှုတိုက်ဖျက်ရေးဥပဒေပုဒ်မ  ၅၂ (က)၊ ၅၁ (ဂ) ဖြင့်ထောင်ဒဏ် ၁၇ နှစ် ချမှတ်ခြင်းခံခဲ့ရသည်။  Photo - ICRC (ပုံဟောင်း) ၎င်းသည် အကျဉ်းထောင်တွင်း ချုပ်နှောင်ခံထားရစဉ် လုံလောက်သော ဆေးဝါးကုသမှုမရခဲ့သဖြင့် အသည်းရောဂါဖြင့် သွေးအန်သည်အထိခံစားခဲ့ရပြီး ၂ဝ၂၄ ခုနှစ်၊ နိုဝင်ဘာလ ၁၉ ရက်နေ့ ညနေပိုင်းအချိန်တွင် အိုးဘို (မန္တလေး) အကျဉ်းထောင်မှ မန္တလေးအထွေထွေရောဂါကုဆေးရုံကြီးသို့ ပို့ဆောင်ကုသပြီးနောက် ၂ဝ၂၄ ခုနှစ်၊ နိုဝင်ဘာလ ၂ဝ ရက်နေ့၊ ညနေ ၅ နာရီကျော်ခန့်အချိန်တွ...

မန္တလေးတိုင်း၊ မြင်းခြံမြို့နယ်တွင် နိုဝင်ဘာလ ၁၁ ရက်မှ ၁၈ ရက်အထိ ၇ ရက်တာ တိုက်ပွဲအတွင်း စစ်ကောင်စီ ဘက်မှ နှစ်ပွင့်ဗိုလ်အပါအဝင် ၃၆ ဦးသေဆုံးခဲ့ကြောင်း Myingyan Black Tiger (MBT)တပ်ဖွဲ့မှထုတ်ပြန်သည်။  မြင်းခြံမြို့တောင်ဘက် ၅ မိုင်ခန့်အကွာတွင်ရှိသော Myingyan Black Tiger (MBT)တပ်ဖွဲ့၏ စစ်ကြောင်း (၃) စစ်ရေးလှုပ်နယ်မြေအတွင်း ၂၀၂၄ ခုနှစ်၊နိုဝင်ဘာလ ၁၁ ရက်နေ့တွင် စစ်ကောင်စီတပ်မှ ထိုးစစ်ဆင်တိုက်ခိုက်ခဲ့သည်။ စစ်ကောင်စီတပ်မှ ထိုးစစ်ဆင်တိုက်ခိုက်မှုသည် ၃ ရက်တာကြာမြင့်ခဲ့ပြီး ခဲယမ်းပျက်တောက်မှုကြောင့် ပထမ ခံစစ်စည်းဖြစ်သည့် ကွမ်းစိုက်ကျေးရွာမှ ဆုတ်ခွာပေးခဲ့ရကြောင်း MBT တပ်ဖွဲ့ကထုတ်ပြန်သည်။ အလားတူ ၂ဝ၂၄ ခုနှစ်၊နိုဝင်ဘာလ ၁၅ ရက်နေ့တွင် စစ်ကောင်စီတပ်မှ ထိုးစစ်ဆင်တိုက်ခိုက်ခဲ့သည့်အတွက် နိုဝင်ဘာလ ၁၈ ရက်နေ့ထိ တိုက်ပွဲအပြင်းအထန်ဖြစ်ပွားခဲ့ကြောင်းသိရသည်။ ဌင်းတိုက်ပွဲအတွင်း စစ်ကောင်စီဘက်မှ Mi-35 ရဟတ်ယာဉ်ဖြင့် (၃) ကြိမ်နှင့် Jet Fighter ဖြင့် (၂) ကြိမ် စုစုပေါင်း လေကြောင်းတိုက်ခိုက်မှု (၅) ကြိမ်ပြုလုပ်ခဲ့ပြီး မြင်းခြံမြို့ရှိ ခမရ ၁၅ မှလည်း ဟောင်ဝှစ်ဇာ ၅ လုံးဖြင့် ပစ်ကူ‌ပေးခဲ့ကြောင်းသိရသည်။ MBT တပ်ဖွဲမှ ရဲဘော်...

မန္တလေးတိုင်း၊ ပြင်ဦးလွင်ခရိုင်၊ မတ္တရာမြို့နယ်၊ ဆောက်ခြုံပေါက်ရွာတွင် စစ်ကောင်စီ စစ်ကြောင်းကို တိုက်ခိုက်ခဲ့ပြီး တပ်သား ၁၂ ဦး သေဆုံးခဲ့ကြောင်း NUG အမှတ် (၁) စစ်ဒေသမှ ထုတ်ပြန်သည်။ ဗိုလ်မှူး ကျော်ဇေယျ (ခမရ-၇ဝ၁) ဦးစီးသော ခမရ (၇ဝ၁၊ ၇ဝ၃၊ ၇ဝ၄) အင်အား (၇ဝ) ကျော်ပါ စစ်ကြောင်းအား ပြင်ဦးလွင်ခရိုင်ကွပ်ကဲရေးမှူး၏ကွပ်ကဲမှုနှင့် အမှတ် (၅၁ဝ) တပ်ရင်း၊ မန္တလေးခရိုင် ပကဖ၊ မဟာအောင်မြေမြို့နယ်/ ချမ်းမြသာစည်မြို့နယ်/ မတ္တရာမြို့နယ် ပကဖ ပူးပေါင်းအဖွဲတို့မှ နိုဝင်ဘာလ (၁၇) ရက် နံနက်ပိုင်းတွင် တိုက်ခိုက်ခဲ့ကြခြင်းဖြစ်သည်။  Photo - အမှတ် (၁) စစ်ဒေသ ထိုစစ်ကြောင်း သည် မန္တ‌လေးခရိုင်၊ အောင်မြေသာစံမြိုနယ်ရှိ စအရ-၉၁ဝ (အမှတ်-၉၁ဝ စစ်မြေပြင်အင်ဂျင်နီယာတပ်ရင်း) တွင် အင်အားစုဖွဲ့ပြီး သဖန်းဒေါင့်ရွာမှတဆင့် ဝင်ရောက်လာခြင်းဖြစ်သည်။  တိုက်ပွဲအတွင်း စစ်ကောင်စီထံမှ (၁၂) ဦး သေဆုံးပြီး MA-15 (ငါးကြင်းမြီး) နှင့်MA-10 (RPG) အပါ လက်နက် (၉) လက်၊ RPG ဒုံးသီး (၈) လုံး၊ ၆၀ မမ ဗုံးသီး (၅) လုံး၊ အီနာဂါ ဗုံးသီး (၅) လုံး၊ 5.56 ကျည် (၃၅၁) တောင့်၊ G-3 ကျည် (၂၄၈) တောင့်၊ MA ကျည်အိမ် (၇) ခု၊ ကျည်အိမ်အဝိုင်း (၁) ခု၊ MA-15 ကျည်ခါးပတ် ...

စစ်ကိုင်းတိုင်း၊ ဒီပဲယင်းမြို့နယ် တွင်စစ်ကောင်စီ စစ်ကြောင်းထိုးမှုကြောင့် ရေဦးမြို့နယ်သို့ထွက်ပြေးတိန်းရှောင်လာရသည့် စစ်ဘေးရှောင်များအတွက် စားနပ်ရိက္ခာ၊ ဆေးဝါး နှင့်ခြုံစောင်များ အရေးပေါ်လိုအပ် နေကြောင်း ရေဦးမြို့နယ်စစ်ရှောင်ပြည်သူ့ထောက်ပံ့ရေးအဖွဲ့မှသိရသည်။ Photo - ရေဦးမြို့နယ်စစ်ရှောင်ပြည်သူ့ထောက်ပံ့ရေးအဖွဲ့   ပြီးခဲ့သည့် သြဂုတ်လအတွင်းမှစကာ ဒီပဲယင်းမြိုပေါ်မှ စစ်ဘေးရှောင်ပြည်သူများ သည် အိုးအိမ်စွန့်ခွာ ထွက်ပြေးလာကြခြင်းဖြစ်သည်။ ယနေ့အချိန်ထိ စစ်ဘေးရှောင်များသည် ရေဦးမြို့နယ်အတွင်း (၃)လကျော်ကြာ တိမ်းရှောင် နေရပြီး  အသက်(၈ဝ)ကျော် အဘိုးအဖွားများနှင့် ကလေးသူငယ်များ ပါဝင်ကြောင်း ဒေသခံများကပြောကြားသည်။  ဒီပဲယင်းမြို့နယ်မှ ရေဦးမြို့နယ်အတွင်းသို့ အရေးပေါ်တိမ်းရှောင်ရင်းကျန်းမာရေး ချိုတဲ့ကာ အသက်ဆုံးပါးသွားသည့် အသက်(၅၀)ကျော်နှင့် အသက်(၆ဝ)ကျော်အရွယ် စစ်ဘေးရှောင် (၃)ဦးထက်မနည်း ရှိနေကြောင်းသိရသည်။  ရေဦးမြို့နယ်အတွင်းတွင် တိမ်းရှောင်နေကြသည့် ဒီပဲယင်းမြိုပေါ်မှ စစ်ဘေးရှောင် အိမ်ထောင်စု (၅၄)စုမှ  လူဦးရေ (၁၇ဝ)ခန့်ရှိပြီး ကာလရှည်တိန်းရှောင်နေရသည့် အတွက် စားနပ်ရိက္ခာ ၊ ဆန်၊ ဆီ၊...

မကွေးတိုင်း၊ ငဖဲမြို့နယ်တွင် စစ်ကောင်စီစစ်ကြောင်းအား တိုက်ခိုက်ခဲ့ပြီး  တပ်ကြပ်ကြီး အပါအဝင် တပ်သား ၉ ဦး သေဆုံးခဲ့ကြောင်း လူထုတော်လှန်ရေးမဟာမိတ်အင်အားစု(PRA-Magway) မှ ယနေ့ထုတ်ပြန်သည်။ ငဖဲမြို့နယ်၊ ဂုတ်ကြီးကျေးရွာ၏ အရှေ့ဘက် မီတာ ၁ဝဝဝ ခန့်အကွာ၌ အင်အား ၄ဝ ခန့်ပါ စစ်ကောင်စီစစ်ကြောင်းအား  လူထုတော်လှန်ရေးမဟာမိတ်အင်အားစု(PRA-Magway) မှ နိုဝင်ဘာ ၂ဝ ရက်၊ ညနေ ၄ နာရီခန့်တွင် ခြုံခိုတိုက်ခိုက်ခဲ့ခြင်းဖြစ်သည်။ Photo - PRA-Magway ထိတွေ့တိုက်ပွဲဖြစ်ပွားချိန် ၁၅ မိနစ်ခန့်ကြာမြင့်ခဲ့ပြီး စစ်ကောင်စီဘက်မှ တပ်ကြပ်ကြီးအဆင့် အပါအဝင် တပ်ဖွဲ့ဝင် ၉ ဦး သေဆုံးခဲ့ကြောင်း တိုက်ပွဲတွင်းမြင်တွေ့ခဲ့ရပြီး ၁ဝ ဦးခန့် ဒဏ်ရာရရှိကြောင်း PRA-Magway မှထုတ်ပြန်သည်။ အဆိုပါ စစ်ကြောင်းသည် မစခ ၉ဝ၅ လက်အောက်ခံ တပ်များနှင့် ပေါ်တာဆွဲခံရသည့် သင်တန်းဆင်းတပ်ဖွဲ့ဝင်များပူးပေါင်းထားသည့်စစ်ကြောင်းဖြစ်ကြောင်းသိရသည်။ ပဒါန်း-အမ်းလမ်းပိုင်းထိန်းချုပ်ရေးသည် ချမှတ်ထားသောစစ်ရေးရည်မှန်းချက်၏ ရှေ့ပြေးလှုပ်ရှားမှုဖြစ်ပြီး ၎င်းမှတဆင့် ကျယ်ပြန့်သောစစ်ဆင်ရေးများကို ဖော်ဆောင်သွားမည်ဖြစ်ကြောင်း လူထုတော်လှန်ရေး မဟာမိတ်အင်အားစု(PRA-Magway)မှ ထုတ်...

ကရင်နီ(ကယား)ပြည်နယ်တွင် ကရင်နီဆေးကောလိပ်အား နိုဝင်ဘာလ ၂ဝ ရက်နေ့တွင်ဖွင့်လှစ်ခဲ့ကြောင်း ဒေသခံများမှသိရသည်။ ကရင်နီပြည်နယ်၏ ပထမဦးဆုံး ဖြစ်သည့် ဆေးကောလိပ်ကျောင်းဖွင့်ပွဲတွင် မောင်မယ်သစ်လွင်ကြိုဆိုပွဲနှင့် ဂျူတီကုတ်အပ်နှင်းပွဲကိုကျင်းပခဲ့ကြောင်း တက်ရောက်သူတဦးကပြောကြားသည်။ Photo - Karenni Ywat Thit Education Center ကရင်နီဆေးကောလိပ်(Karenni Medical College)အား ဒီးမော့ဆိုမြို့နယ် အနောက်ဘက်ခြမ်းတနေရာတွင် ဖွင့်လှစ်ခဲ့ပြီး ကျောင်းသူ ၃၁ ဦးနှင့် ကျောင်းသား ၆ ဦး  ပထမဆုံးအကြိမ်တက်ရောက်မည်ဖြစ်ကြောင်းသိရသည်။  Bagan News

ရခိုင်ပြည်နယ် ရေပိုင်နက်အတွင်း ကျူးကျော်ဝင်ရောက်ကာ ငါးခိုးဖမ်းနေသော ဘင်္ဂလားဒေ့ရှ်နိုင်ငံဘက်မှ ငါးဖမ်းလှေ အစီး (၆ဝ) ခန့်ကို အာရက္ခတပ်တော်(AA) ကမ်းခြေစောင့် လုံခြုံရေးတပ်ဖွဲဝင်များမှ တွေ့ရှိခဲ့သဖြင့် ခေါ်ယူဖမ်းဆီးခဲ့ရာ ငါးဖမ်းလှေ (၁၅) စီး (စက်တပ်၍ ၂ စီး၊ စက်မပါဘဲ ၁၃ စီး) နှင့် ဘင်္ဂလားဒေ့ရှ်နိုင်ငံသား ရေလုပ်သား (၂ဝ) ဦးကို ဖမ်းဆီးရမိခဲ့သည်။  ၎င်းဘင်္ဂလားဒေ့ရှ်နိုင်ငံသား ရေလုပ်သား (၂ဝ) ဦးကို  (၂) ရက်ကြာ ထိမ်းသိမ်းထားခဲ့ပြီး လိုအပ်သော စစ်ဆေးမေးမြန်းမှုများကို ပြုလုပ်ခဲ့ပြီးနောက် ၂ဝ၂၄ ခုနှစ်၊ နိုဝင်ဘာလ (၇) ရက်နေ့တွင် ဘင်္ဂလာဒေ့ရှ် နယ်ခြားစောင့်တပ် (BGP) လက်ထဲသို ပြန်လည်အပ်နှံခဲ့ကြောင်း အာရက္ခတပ်တော်(AA) ကထုတ်ပြန်သည်။ Photo - AA ၎င်းဘင်္ဂလားဒေ့ရှ်နိုင်ငံသား ရေလုပ်သား ငါးခိုးဖမ်းနေကြသော သူများမှာ ဆင်းရဲနွမ်းပါးသူများဖြစ်ပြီး မိသားစုစားဝတ်နေရေးအကျပ်အတည်းများကို ငါးဖမ်းခြင်းဖြင့် အသက်မွေးဝမ်းကျောင်းပြုကာ ဖြေရှင်းနေကြသူများဖြစ်ကြောင်း သိရသည်။  သို့သော်လည်း  ကျူးကျော်ဝင်ရောက်ပြီး ငါးဖမ်းခြင်းများမပြုလုပ်ရန် ခံဝန်ကတိလက်မှတ်ထိုးပြီးမှ လွှဲပြောင်းပေးအပ်ခဲ့ခြင်းဖြစ်ကြောင်း AA ကထုတ်...

ပဲခူးတိုင်း၊ညောင်းလေးပင်ခရိုင်(ခလယ်လွီထူ)၊ မူးမြို့နယ်တွင် နိုဝင်ဘာလ(၁၇)ရက်နေ့၌  စစ်ကောင်စီတပ်၏ ခမရ-၃၀၇ ရွှေဝါတပ်ရင်းမှ ဟောင်ဝစ်ဇာလက်နက်ကြီး ပစ်ခတ်မှုကြောင့် ရွာကြီးအင်းကျေးရွာမှ ဦးပြူးကျော် အသက်(၅၅)နှစ်နှင့် ဦးဝဲကြည် အသက်(၇၅)နှစ်တို့သေဆုံးခဲ့ကြောင်း ကေအဲန်ယူ-ဗဟိုမှထုတ်ပြန်သည်။ ညောင်းလေးပင်ခရိုင်တွင် နိုဝင်ဘာလ(၁၅)ရက်နေ့မှ (၁၉)ရက်နေ့အထိ  စစ်ကောင်စီတပ်မှ ကျေးရွာတွင်းသို့ လက်နက်ကြီး စုစုပေါင်း (၈၆)လုံးနှင့် ကျောင်းတက်ချိန်တွင် ဒရုန်းဖြင့်လက်နက်ကြီးပစ်ခတ်မှုအပါအဝင် စာသင်ကျောင်းကို စုစုပေါင်း(၈)လုံး ပစ်ခတ်ခဲ့ကြောင်း ကေအဲန်ယူ-ဗဟိုမှသိရသည်။ ထိုသို့ လက်နက်ကြီးနှင့်ဒရုန်း ပစ်ခတ်မှုကြောင့် လယ်ဒိုမြို့နယ် တောကြောင်ပေါက်ကျေးရွာမှ  (၁၀)နှစ်အရွယ်ကျောင်းသူ(၂)ဦးအပါအဝင် ဒေသခံပြည်သူ (၄)ဦး ထိခိုက်ဒဏ်ရာရခဲ့သည်။  ထို့အပြင် အလယ်စုကျေးရွာမှ ဆေးပေးခန်း(၁)လုံး၊ မူကြိုကျောင်း(၁)လုံး၊ ခရစ်ယာန်ဘုရားကျောင်း အဆောက်အဦး(၁)လုံး နှင့် ဒေသခံပြည်သူ၏ နေအိမ်(၄)လုံး ပျက်စီးခဲ့သည်။  စစ်ကောင်စီတပ်မှ ကျေးရွာတွင်းသို့ စစ်ကြောင်းထိုးဝင်ရောက်မှုကြောင့် အိမ်ခြေစုစုပေါင်း(၁၁၅၂)လုံး၊ လူဦးရေစုစုပေါင်း (၆၄၅၁)ဦး...

မန္တလေးမြို့ရှိ သခင်ဘဟိန်း အာဇာနည်ဗိမာန်တွင် ယနေ့ နိုဝင်ဘာလ ၂ဝ ရက်နေ့၌ သခင်ဘဟိန်းကို ဂုဏ်ပြုဦးညွှတ်ခြင်းနှင့်အတူ လူထုလှုပ်ရှားမှုကို ဖော်ဆောင်ခဲ့ကြောင်း အထွေထွေသပိတ် ပေါင်းစပ်ညှိနှိုင်းရေးအင်အားစု (GSCB)မှသိရသည်။  သခင်ဘဟိန်း သည် ကျောင်းသားခေါင်းဆောင်၊ လွတ်လပ်ရေး ခေါင်းဆောင်တဦးဖြစ်ပြီးဗိုလ်ချုပ်အောင်ဆန်း၏ အယုံကြည်ဆုံး လုပ်ဖော်ကိုင်ဖက်လည်းဖြစ်သည်။ ❝ မြင်းခွါတချက်ပေါက်ရင် မီးဟုန်းဟုန်းတောက်စေ့မယ် ❞ဟုပြောကြားခဲ့သည့် သခင်ဘဟိန်း၏ စကားသည် သမိုင်းဝင်ခဲ့သည့် စကားဖြစ်သည်။  ယနေ့ နိုဝင်ဘာလ ၂ဝ ရက်နေ့တွင် သခင်ဘဟိန်း ကျဆုံးခဲ့သည့် (၇၈) နှစ်ပြည့်ပြီဖြစ်ပြီး မပြီးဆုံးသေးသည့် တော်လှန်ရေးခရီးကြမ်းကို အဆုံးထိ ဆက်လက်ချီတက်ကြရန်နှင့် ဖက်ဆစ်အာဏာရူးကို “ငုံ့မခံဘဲ” နည်းလမ်းအစုံအလင်နှင့် “တုံ့ပြန်” တိုက်ပွဲဝင်ကြရန်အတွက် လူထုလှုပ်ရှားမှုပြုလုပ်ခဲ့ကြောင်း သိရသည်။  "ကိုယ်တို့ရဲ့ အဓိကတာဝန်ဟာ တိုင်းပြည်ရဲ့မိဘဖြစ်တဲ့ လူထုရဲ့အကျိုးကို အမြဲတမ်း စောင့်သိရိုသေရမယ်။ အချိန်ရှိသရွေ့ ပြည်သူလူထုအကျိုးရှိစေဖို့ကို စဉ်းစားတွေးခေါ်ရမယ်။ လုပ်သမျှလုပ်ငန်းတိုင်းဟာ ပြည်သူလူထုအတွက်သာ ဖြစ်စေရမယ်။ ပြည်သူလူထုကလွဲလို့ ကိုယ်...

ရှမ်းပြည်နယ် အရှေ့မြောက်ပိုင်း၊ တန်ယန်းမြို့နယ် အတွင်း ကျားဖျန် (ခေါ်) အွန်လိုင်း ငွေလိမ်လုပ်ငန်း လုပ်ကိုင်သူ တရုတ်နိုင်ငံသား ၇၆၂ ဦးကိုဖမ်းဆီးရရှိခဲ့ပြီး တရုတ်နိုင်ငံ ထံသို့ လွှဲပြောင်းခဲ့ကြောင်း WSTV (Wa State TV) မှနိုဝင်ဘာ လ ၁၉ ရက်နေ့ တွင်ထုတ်ပြန်သည်။  ကျားဖျန်လုပ်ကိုင်သူ တရုတ်နိုင်ငံသား ၇၆၂ ဦးနှင့် အတူ ဂြိုလ်တု အင်တာနက် (starlink) ၇၆ ခု၊ ဖုန်း ၁၅၄၉ လုံး၊ ကွန်ဗျူတာ ၈၂ လုံးတို့ကို ဖမ်းဆီးရမိခဲ့ကြောင်း ၊တရုတ်နိုင်ငံ၊ ယူနန်ပြည်နယ် ပြည်သူ့လုံခြုံရေး နှင့် ပူးပေါင်းဆောင်ရွက်ရေး သဘော တူညီချက်အရ "ဝ" ပြည်နယ် တရားရေးကော်မရှင်၊ နိုင်ငံခြားရေး ဝန်ကြီးဌာနနှင့် တန့်ယန်းမြို့ရှိ ကိုယ်စားလှယ်များက ဖမ်းဆီးရမိသည့် တရုတ်နိုင်ငံသား ၇၆၂ ဦးနှင့်အတူ သက်သေပစ္စည်းများအား တရုတ်နိုင်ငံသို့ လွှဲပြောင်းပေးခဲ့ကြောင်းသိရသည်။ Photo - WSTV/Wa News Land "UWSA လူပ်ရှားတဲ့ တန့်ယန်းနယ်မှာ ၁ဝဝဝ ကျော်ဖမ်းမိပါတယ်။ ၇၆၂ ယောက်က တရုတ်ပြည်ကတရုတ်လူမျိုးပါ။ မိုင်းမောခရိုင် ပန်ဝိုင်မြို့နယ်မှာရှိတဲ့ ဒီယုံးဟော့ နယ်ခြားဂိတ်မှာ လွှဲပြောင်းပေးခဲ့ပါတယ်" ဟု "ဝ" ပြည်သွေးစည်း ညီညွှတ်ရေးတပ်မတော် - UWSA ရဲ့ ပ...

မြန်မာနိုင်ငံ၏ ပြည်တွင်း တည်ငြိမ်အေးချမ်းရေးအတွက် ဆောင်ရွက်ချက်များကို တရုတ်နိုင်ငံဘက်က ပြတ်ပြတ်သားသား ရပ်တည်နေသည်ဟုစစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင် ကပြောကြားသည်။  ယမန်နေ့ နိုဝင်ဘာလ ၁၉ ရက်နေ့၊နေပြည်တော်တွင်ပြုလုပ်သည့် စစ်ကောင်စီအစည်းအဝေးတွင် စစ်ကောင်စီခေါင်းဆောင်က တက်ရောက်ပြောကြားခြင်းဖြစ်သည်။ ဓာတ်ပုံ - တရုတ် ခရီးစဉ်တွင် တွေ့ရသည့်စစ်ခေါင်းဆောင်။ နိုဝင်ဘာလဆန်းပိုင်းတွင် တရုတ်နိုင်ငံ၊ ကူမင်းမြို၌ ကျင်းပခဲ့သည့် အဋ္ဌမအကြိမ်မြောက် မဟာမဲခေါင်ဒေသခွဲ ထိပ်သီးအစည်းအဝေး 8th Greater Mekong Subregion (GMS) သို့ သွားရောက်ခဲ့သည့်ခရီးစဉ်အတွင်း တရုတ်နိုင်ငံဝန်ကြီးချုပ် H.E. Mr. Li Qiang နှင့် တွေ့ဆုံစဉ် တရုတ်နိုင်ငံဝန်ကြီးချုပ်က ဌင်းကဲ့သို့ ပြောကြားခဲ့ခြင်းဖြစ်ကြောင်း စစ်ကောင်စီခေါင်းဆောင်ကဆိုသည်။  တရုတ်နိုင်ငံဝန်ကြီးချုပ်က တရုတ်နိုင်ငံအနေဖြင့် မြန်မာနိုင်ငံ၏ အချုပ်အခြာအာဏာနှင့် နယ်မြေပိုင်ဆိုင်မှုကို ထပ်လောင်းအတည်ပြုကြောင်း၊ တရုတ် - မြန်မာနယ်စပ်ဒေသ ကုန်သွယ်ရေးဂိတ်များနှင့်ပတ်သက်ပြီး စီမံခန့်ခွဲ အုပ်ချုပ်မှုများကို တရုတ်နိုင်ငံအနေဖြင့် အားပေးကြောင်း၊ တရုတ်ဘက်အနေဖြင့် မြ...

စစ်ကောင်စီရေတပ်မှ တပ်ကြပ် ၁ ဦးနှင့် သံချပ်ကာ ပြင်ဆင်ရေး ပင်မအလုပ်ရုံ တပ်ကြပ်ကြီး ၁ ဦးတို့မှ လက်နက်မဲ့ အလင်းဝင်ရောက်ခဲ့ကြောင်း ရန်ကုန်တိုင်းစစ်ဌာနမှ ထုတ်ပြန်သည်။  ဌင်းတတပ်ကြပ်နှစ်ဦးသည် ရန်ကုန်တိုင်းစစ်ဌာန၊ တပ်ရင်း ၅၁ဝ၁ နှင့် ၅၁ဝ၂ သို့ အလင်းဝင်ခဲ့ခြင်းဖြစ်သည်။  ရန်ကုန်တိုင်းစစ်ဌာနမှ လက်နက်မဲ့ အလင်းဝင်လာသော စစ်ကောင်စီရေတပ်မှ တပ်ကြပ် နိုင်မင်းဇော်၊ ကိုယ်ပိုင်အမှတ် - ၄၅xxx) နှင့် သံချပ်ကာ ပြင်ဆင်ရေး ပင်မအလုပ်ရုံ တပ်ကြပ်ကြီး အောင်မင်းဇင်၊ ကိုယ်ပိုင်အမှတ် - တ/၄၅××××) တို့ကို စစ်ဘက်ဆိုင်ရာလုပ်ထုံးလုပ်နည်းများနှင့်အညီ စိစစ်လက်ခံပြီး ဂုဏ်ပြုဆုငွေ ချီးမြှင့်ခဲ့ကြောင်း သိရသည်။ ပြီးခဲ့သည့် စက်တင်ဘာလ အတွင်းတွင်လည်း ရန်ကုန်တိုင်းစစ်ဌာန၊ တပ်ရင်း ၅၁၀၂ သို့ စစ်ကောင်စီ ရေတပ်၊ အမှတ်(၂) ဗျူဟာစစ်ရေယာဉ်စု (မော်လမြိုင်)(ဟိန်းဇဲဒေသ) မှ တပ်ကြပ်ညီညီလွင် ကိုယ်ပိုင်အမှတ် (ပည/၁၂-၄၅×××) သည် လက်နက်မဲ့ အလင်းဝင်ရောက်ခဲ့ပြီး ဂုဏ်ပြုဆုငွေ ချီးမြှင့်ခဲ့သည်။  ဌင်းနည်းတူ ၂၀၂၄ ခုနှစ်သြဂုတ်လအတွင်းကလည်း စစ်ကောင်စီတပ်မ ၄၄ လက်အောက်ခံ ခမရ ၂ မှ တပ်သား ဝေလင်းထက်၊ ကိုယ်ပိုင်အမှတ် (တ-၅၇၀xxx) နှင့် ခလရ ၁၂(တပ်ရင်း ၃၅၆) မှ...