ရခိုင်ပြည်နယ် ၊ ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်အား စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် သေဆုံးသူ ၄၉ ဦးရှိလာကြောင်း အာရက္ခတပ်တော် - AA ကထုတ်ပြန်သည်။ ယမန်နေ့ ၊ စက်တင်ဘာလ (၂၈) ရက်နေ့၊ နေ့လယ် (၁၂) နာရီ (၁၀) မိနစ် နှင့် (၁၂) နာရီ (၁၄) မိနစ်အချိန်တွင် စစ်တပ်၏ ဂျက်တိုက်လေယာဉ် (၁) စီးမှ ကျောက်တော်မြို့၊ ကစ္ဆပနဒီ တံတားအနီးဝန်းကျင်၊ အိန္ဒိယစျေးဝန်းကျင်အား လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။ စစ်ကော်မရှင်က ဗုံးကြဲတိုက်ခိုက်မှုကြောင့် ထိခိုက်ဒဏ်ရာရရှိသူလည်း (၅၈) ဦးအထိ ရှိလာပြီး ယင်းအထဲတွင် ပြင်းထန်ဒဏ်ရာရခဲ့သူ ၂၂ ဦးရှိကြောင်းသိရသည်။ အလားတူ စစ်တပ်က ယမန်နေ့ ၊ နေ့လယ် တွင် မင်းပြားမြို့နယ် ၊ စွန်ရဲကျေးရွာနှင့် သံတွဲမြိုနယ်၊ ငပလီကို ဂျက်တိုက်လေယာဉ် (၁) စီးဖြင့် ဗုံးကြဲချတိုက်ခိုက်မှုကြောင့် ဒဏ်ရာရသူ ၉ ဦးရှိကြောင်း AA ကထုတ်ပြန်သည်။ - BAGAN NEWS
"အသက်ရှင်ကျန်နေရက်နဲ့ ဘာလို့အရှုံးပေးမှာလဲ" ဝေဟင်ဒရုန်း အမျိုးသမီး စစ်သည်တော်(သို့) ကျားခင်စိန်။ မန္တလေး တက္ကသိုလ်ကျောင်းသူဖြစ်ခဲ့ဖူးတဲ့ ကျားခင်စိန်ဟာ စစ်တပ်အာဏာသိမ်းခဲ့တဲ့နောက်ပိုင်းမှာ တော်လှန်ရေးထဲကိုဝင်ရောက်ခဲ့ပါတယ်။ စစ်ကိုင်းတိုင်း၊ မြောင်မြို့နယ် အခြေစိုက်တပ်ဖွဲ့တစ်ခုမှာ စစ်သင်တန်းတက်ရောက်ခဲ့ပါတယ်။ ဒရုန်းတိုက်ခိုက်ရေးပညာတွေသင်ခဲ့ပြီး အမျိုးသမီး ဒရုန်းတပ်ဖွဲ့ကိုဦးဆောင်ခဲ့ပါတယ်။ မန္တလေး - မုံရွာ လမ်းတလျှောက်မှာ စစ်အုပ်စုကို ဒရုန်းသုံးပြီး လက်စွမ်းပြ တိုက်ခိုက်ခဲ့သူအဖြစ် ကျားခင်းစိန်ဟာ လူသိများခဲ့ပါတယ်။ အဲ့ဒီနောက်မှာတော့ မြောင်ဒရုန်းတပ်ဖွဲ့ MDF ကို ၂ဝ၂၃ ခုနှစ်မှာ ထပ်မံတည်ထောင် ဦးဆောင်ပြီး တော်လှန်ရေးမှာဆက်လက်ပါဝင်နေပါတယ်။ ကျားခင်စိန် ဦးဆောင်တဲ့ MDF ဒရုန်း အဖွဲ့ဟာ မြောင်မြို့မှာ အခြေစိုက်ပီး တော်လှန်ရေး အောင်မြင်ရေးအတွက် ကြိုးစားနေတဲ့အဖွဲ့ဖြစ်ပါတယ်။ တိုက်ပွဲ Mission တွေကိုမဟာမိတ်အဖွဲ့တွေလည်း ပူးပေါင်းဆောင်ရွက်နေပြီး စစ်ကြောင်းဖြတ်တောက်ရေးနဲ့ စခန်းသိမ်းပွဲတွေအထိ လုပ်ဆောင်နိုင်ခဲ့ပါတယ်။ စစ်ကောင်စီတပ်တွေကို ပိုမိုတိုက်ခိုင်နိုင်ဖို့ Hazard drone ဝယ်ယူဖို့အကူအညီလိ...