Bagan News Agency

စစ်ကောင်စီကို စနစ်အရ တော်လှန်ခြင်း၊ ဓလေ့အရ တော်လှန်ခြင်းနှင့် အတွေးအခေါ်အရ တော်လှန်ခြင်းတွေအထိပါ လုပ်ဆောင်ဖို့ လည်းယာယီသမ္မတ တိုက်တွန်း အကြမ်းဖက် စစ်ကောင်စီအနေ့ဖြင့် စစ်ရေးယန္တရားကို အသုံးပြုပြီး စစ်ရေးပစ်မှတ်မဟုတ်သည့် အရပ်သားပစ်မှတ်တွေကိုပါ လေကြောင်းနှင့် ဗုံးကြဲတိုက်ခိုက်နေမူကို အဆက်မပြတ် လုပ်ဆောင်နေပြီး ၎င်းတို့၏ အရှုံးကို ဖာထေးဖို့ ကြိုးစားနေခြင်းဖြစ်ကြောင်း အမျိုးသားညီညွတ်ရေးအစိုးရ၊ ယာယီသမ္မတ၊ ဒူဝါလရှီးလ ကပြောကြားသည်။ ယာယီသမ္မတက ယနေ့ ၂၀၂၄ ခုနှစ်၊ စက်တင်ဘာလ (၇) ရက်တွင် ကျရောက်သည့် ခုခံတွန်းလှန်စစ် [၃] နှစ်ပြည့် လူထုထံသို့ အမှာစကားတွင်ထည့်သွင်းပြောကြားခြင်း ဖြစ်သည်။ "ခုခံတော်လှန်စစ်အတွင်းမှာ အကြမ်းဖက် စစ်ကောင်စီဟာ မြေပြင်ကြည်းတပ်အင်အား ယိုင်နဲ့ပြိုဆင်းပြီး တအိအိ ပြိုကျနေတာဟာ အထင်အရှားဖြစ်တယ်။ ဒါ့ကြောင့်လည်း အရပ်သားပစ်မှတ်တွေကို ဦးတည်ပြီး လေကြောင်းအင်အားကို အဓိကထားပြီး၊ အကြမ်းဖက်စစ်ကောင်စီဟာ ၎င်းတို့ရဲ့ အရှုံးကို ဖာထေးဖို့ ကြိုးစားနေခြင်းဖြစ်တယ်။ စစ်ကောင်စီဟာ လူထုရဲ့ အသက်နဲ့ ခန္ဓာကို စတေးပြီး ၎င်းတို့ရဲ့ အာဏာအဆောက်အအုံကို မြဲမြံစေရေးအတွက် အသုံးချနေတာကို တွေ့ရတယ်" ဟုယာယီသမ္...

မကွေးတိုင်းဒေသကြီး၊ ပခုက္ကူခရိုင်၊ ထီးလင်းမြို့နယ်တွင် ဖမ်းခေါ်သွားသည့် ဓားစာခံ ပြည်သူ ၄ ဦး အနက် ၃ ဦးကိုစစ်ကောင်စီတပ် ကပစ်သတ်ခဲ့ကြောင်း ယောအလင်းတန်းအဖွဲ့မှ သိရသည်။ ထီးလင်းမြို့နယ်မြောက်ပိုင်း ရေမျက်နီကျေးရွာ စစ်ကောင်စီ ကာကင်းစခန်းမှ ပြန်ဆုတ်လာခဲ့သည့် အင်အား ၈၂ ဦးပါ စစ်ကြောင်းသည် ပုံညာတောင်ခြေရင်း လမ်းခရီး၌ တွေ့သည့် ပြည်သူ အချို့အား ဓားစာခံအဖြစ် ဖမ်းဆီးခေါ်ဆောင်ခဲ့ကြောင်း သိရသည်။  ဌင်းစစ်ကြောင်းမှ ပြန်လည်ဆုတ်ခွာလာချိန်တွင် ထီးလင်းမြိုနယ် ပါးမျဉ်းရွာမြောက်ဖက်တနေရာအရောက်၌ ဒေသခံ ပြည်သူ့တော်လှန်ရေး အဖွဲ့တခုမှ ကြားဖြတ် တိုက်ခိုက် ခဲ့ပြီး စစ်ကောင်စီတပ်သား ၄ ဦးထက်မနည်းသေဆုံးကာ ထိခိုက်ဒဏ်ရာရရှိသူများ နိုင်ကြောင်း သိရသည်။  ဌင်းစစ်ကြောင်းမှ အထိနာခဲ့သည့် အတွက် စက်တင်ဘာ ၂ ရက်နေ့တွင် ဓားစာခံအဖြစ် ဖမ်းဆီးခေါ်ဆောင်ခဲ့သည့် ပြည်သူ ၄ ဦး အနက် ၃ ဦးအား ယမန်နေ့ ည ၉ နာရီ ၄၅ မိနစ်ခန့်တွင်သေနတ်ဖြင့် ပစ်သတ် ခဲ့ကြောင်း ယောအလင်းတန်းအဖွဲ့မှ သိရသည်။ စစ်ကောင်စီစစ်ကြောင်းမှ ဓားစာခံအဖြစ်ဖမ်းဆီးခေါ်ဆောင်ခဲ့သူ တဦးမှာ ထွက်ပြေး လွတ်မြောက်လာပြီး  ဓားစာခံ ပြည်သူ ၃ ဦး၏ အလောင်းများအား ထီးလင်းမြို့နယ် အနီးရှိတောတွ...

လပခ အတွင်းသို့ ၁ဝ၇ မမ ရှော့တိုက်ဒုံး ၁ဝ လုံးပစ်ခတ်ခဲ့ရာ ၇ လုံး အောင်မြင်စွာပစ်ခတ်နိုင် မန္တလေးရှိ အလယ်ပိုင်းတိုင်းစစ်ဌာနချုပ်အား ယနေ့ ၊စက်တင်ဘာလ ၃ ရက်၊ မနက် (၄) နာရီ (၈) မိနစ် အချိန်တွင် ၁ဝ၇ မမ ရှော့ဒုံးများဖြင့်တိုက်ခိုက်ခဲ့ကြောင်း Brave Warriors for Myanmar (BWM) အဖွဲ့ကထုတ်ပြန်သည်။  BWM အဖွဲ့၏ စီမံမှုဖြင့် Shadow Mandalay အဖွဲ့သည် ၂ဝ၂၄ ခုနှစ်၊ စက်တင်ဘာလ (၃) ရက်၊ မနက် (၄) နာရီ (၈) မိနစ် အချိန်တွင် မန္တလေးရှိ အလယ်ပိုင်းတိုင်းစစ်ဌာနချုပ် (လပခ) အတွင်းသို့ ၁ဝ၇ မမ ရှော့တိုက်ဒုံး ၁ဝ လုံးပစ်ခတ်ခဲ့ရာ (၇)လုံးကို အောင်မြင်စွာ ပစ်ခတ်တိုက်ခိုက်နိုင်ခဲ့ကြောင်းသိရသည်။  အလယ်ပိုင်းတိုင်းစစ်ဌာနချုပ် (လပခ) သည် တော်လှန်ရေးအင်အားစုများဆင်နွှဲနေသော ၁ဝ၂၇ ဒုတိယလှိုင်း၊ ရှမ်း-မန်း စစ်ဆင်ရေးတွင် အာဏာသိမ်းစစ်ရှုံးကောင်စီဘက်မှ တန်ပြန်ခုခံနေသော စစ်စခန်းများကို အဓိက ကွပ်ကဲနေသည့် အရေးပါ သော စစ်တိုင်းဌာနချုပ် (၂)ခုထဲမှတစ်ခုဖြစ်သည်။  ယခုအခါ MNDAA တော်လှန်ရေး အင်အားစုများက အဆိုပါ စစ်တိုင်းကွပ်ကဲရေး ဌာနချုပ်နှစ်ခုထဲမှ တစ်ခုဖြစ်သည့် အရှေ့မြောက်တိုင်းစစ်ဌာနချုပ် (ရမခ) ကို ဖြိုခွင်း သိမ်းပိုက်နိုင်ခဲ့ပြီး ဖ...

မြန်မာစစ်အုပ်စုသည် စစ်ရာဇဝတ်မှုများနှင့် လူသားမျိုးနွယ်အပေါ်ကျူးလွန်သည့် ရာဇဝတ်မှုများကို အပြစ်ပေးအရေးယူခံရခြင်း ကင်းလွတ်စွာဖြင့် ကျူးလွန်လျှက်ရှိနေချိန်တွင်၊ ၎င်းတို့၏ တိုက်ခိုက်မှု စစ်ဆင်ရေးများအတွက် စစ်သည်၊ စစ်လက်နက်နှင့် ထောက်ပံ့ရေးပစ္စည်းများ သယ်ယူပို့ဆောင်ရန် အတွက် ပြင်သစ်နိုင်ငံထုတ် ခရီးသည်တင်  Avions de Transport Regional (ATR) လေယာဉ်များအပေါ် အကြီးအကျယ် မှီခိုနေရသည်။ ဓါတ်ပုံများ၊ ဘတ်ဂျက်အသုံးစရိတ်စာရွက်စာတမ်းများ၊ လေယာဉ်ဝယ်ယူခြင်း၊ ထိန်းသိမ်းခြင်း၊ ပြုပြင်မွမ်းမံခြင်းဆိုင်ရာစာချုပ်များ၊ အစည်းအဝေးမှတ်တမ်းများ၊ အများပြည်သူ သိရှိနိုင်သည့် သတင်းအချက်အလက်များနှင့် အဆိုပါလုပ်ငန်းများတွင် ထဲထဲဝင်ဝင် ပတ်သက်ခဲ့သည့် လူပုဂ္ဂိုလ်များထံမှ အသေးစိတ်အချက်အလက်များ အပါအဝင် Justice For Myanmar မှ ရရှိထားသည့် အထောက်အထားများအရ ATR တာဘိုဂျက်လေယာဉ်များကို မြန်မာစစ်အုပ်စုက ဝယ်ယူ အသုံးပြုရာတွင် ကမ္ဘာတစ်ဝန်းမှ ကုမ္ပဏီများပါဝင်သော ကွန်ရက်တစ်ခု ပါဝင်ပတ်သက်နေကြောင်း တွေ့ရှိရသည်။ ပုဂ္ဂလိကမြန်မာစစ်လက်နက်ပွဲစားများနှင့် စီးပွားရေးလေကြောင်းလိုင်းများသည် စစ်အုပ်စုထံ ATR လေယာဉ်များ လွှဲပြောင်းပေးအပ်ခဲ့ပြီး၊...

ရှမ်းပြည်နယ်မြောက်ပိုင်း၊ သီပေါမြို့တွင် စစ်ကောင်စီတပ်မှ လက်နက်ကြီး ပစ်ခတ်မှုကြောင့် ဒေသခံအမျိုးသမီး(၁)ဦး သေဆုံးပြီး အမျိုးသား(၁)ဦး ထိခိုက်ဒဏ်ရာရခဲ့ကြောင်း တအာင်းတပ်မတော် TNLA မှထုတ်ပြန်သည်။  ပြီးခဲ့သည့် သြဂုတ်လ(၃၁)ရက်နေ့၊ နံနက်(၁၀)နာရီခွဲဝန်းကျင်တွင် စစ်ကောင်စီတပ်မှ လက်နက်ကြီး ပစ်ခတ်မှုကြောင့် ညောင်ကိုးပင်ရပ်ကွက်တွင် ကျရောက်ပေါက်ကွဲပြီး အသက်(၅၂)နှစ်ရှိ ဒေါ်စိန်ပွင့်ဆိုသူ နှလုံးတည့်တည့် လက်နက်ကြီး ထိမှန် သေဆုံးခဲ့ကြောင်းသိရသည်။ ယမန်နေ့ စက်တင်ဘာလ (၁) ရက်နေ့၊ ညနေ(၅)နာရီခွဲခန့်အချိန်တွင်လည်း စစ်ကောင်စီတပ် ခလရ(၂၃)တပ်မှ လက်နက်ကြီး ပစ်ခတ်မှုကြောင့်  ကုံးစုံ(လီဆူ)ရွာ နေအိမ်တစ်အိမ်ပေါ် ကျရောက်ပေါက်ကွဲခဲ့ရာ အသက်(၄၇)နှစ်ရှိ ကိုကျော်မြင့်ဆိုသူ နောက်ကျော၊ ပခုံး၊ လက်နှင့် မျက်နှာတိုတွင် လက်နက်ကြီးစ ထိမှန်ဒဏ်ရာရခဲ့ကြောင်း သိရသည်။  သီပေါမြို့တွင် ဩဂုတ်လ (၁)ရက်နေ့မှ ယခု စက်တင်ဘာ (၂)ရက်နေ့ထိ စစ်ကောင်စီမှ အရပ်သားများရှိရာသို့ ဦးတည်ပြီး လေကြောင်းနှင့် လက်နက်ကြီး ပစ်ခတ်တိုက်ခိုက်မှုကြောင့် ကလေးငယ်အပါအဝင် ဒေသခံ ၂၂ ဦး သေဆုံးခဲ့ပြီး ၆ဝ ကျော် ထိမှန်ဒဏ်ရာရရှိခဲ့ကြောင်း  TNLA မှထုတ်ပြန်သည်။ B...

ယခု မြင်ကွင်းကတော့ အကြမ်းဖက် အာဏာသိမ်း စစ်အုပ်စုကို လူထုတိုက်ပွဲမျက်နှာစာကနေ တွန်းလှန်နေကြတဲ့ မန္တလေးပြည်သူများရဲ့ လူထုတိုက်ပွဲလှုပ်ရှားမှု ဖြစ်ပါတယ်။  စစ်ကောင်စီတပ်သားတွေအပြင် စစ်ကောင်စီလက်ပါးစေ ပျူစောထီးအုပ်စုတွေ ပတ်ပတ်လည်ရှိနေတဲ့ မြို့လယ်က ဈေးတခုမှာ ပြည်သူ့ဆန္ဒကို ရဲဝင့်စွာ ပြသခဲ့ကြတာပါ။

စစ်ကိုင်းတိုင်းဒေသကြီး၊ ထီးချိုင့်မြို့အနီးတွင် စစ်ကောင်စီတပ်၏ စစ်သင်္ဘော (၂)စီးကို KIA နှင့် တော်လှန်ရေးပူးပေါင်းတပ်များမှ ပစ်ခတ်ဖျက်ဆီးနိုင်ခဲ့ကြောင်း KIA သတင်းများကို ရေးသားဖော်ပြသည့် 7Stars News သတင်းတွင်ဖော်ပြသည်။  ယမန်နေ့၊ စက်တင်ဘာလ (၁)ရက်နေ့၊ညနေပိုင်းတွင် ထီးချိုင့်နှင့် မြတောင်ကြား၌ စစ်ကောင်စီ စစ်သင်္ဘော (၂)စီးကို KIA နှင့် PDF တော်လှန်ရေးပူးပေါင်းတပ်များမှ ပစ်ခတ်ဖျက်ဆီးနိုင်ခဲ့ကြောင်း စစ်ရေးသတင်းရင်းမြစ်တစ်ဦးကပြောကြောင်း 7 Stars News သတင်းတွင်ဖော်ပြသည်။  စက်တင်ဘာလ (၁)ရက်နေ့၊ ညနေ (၅:၀၇)ခန့်အချိန်တွင် ထီးချိုင့်မြို့၊ ပန်းရွှေဝါ၊ ပန်းတောက်လှ ဆိပ်ကမ်းတွင် စစ်ကောင်စီ စစ်သင်္ဘော (၇)စီး ကမ်းကပ်ခဲ့ကြောင်းသတင်းရရှိပြီး ထိုမှ တက်လာသော စစ်သင်္ဘော (၂)စီးကို တော်လှန်ရေးတပ်များမှ ပစ်ခတ်ဖျက်ဆီးနိုင်ခဲ့ခြင်းဖြစ်သည်။ ၂၀၁၉ ခုနှစ် ဇူလိူင်လကုန်ကလည်း မန္တလေးမြို့၊ဂေါဝန် ဆိပ်ကမ်းမှ ထွက်ခွာခဲ့သည့် စစ်ကောင်စီလက်နက် ရိက္ခာများ တင်ဆောင်လာသည့် စစ်သင်္ဘော ၉ စီး သည် ဧရာဝတီမြစ် တလျှောက် နီးကပ်ရာကျေးရွာများကို ပစ်ခတ်ခဲ့ပြီး အရပ်သားများ ထိခိုက်သေဆုံးမှုရှိခဲ့သည်။  စစ်ကောင်စီလက်နက် ရိက္ခာများ တ...

၂၀၂၁ ခုနှစ် စစ်တပ် အာဏာသိမ်းချိန်မှ ၂၀၂၄ ခုနှစ် ဩဂုတ်လ ၃၁  ရက်နေ့အထိ နိုင်ငံတဝန်း၌ အကြမ်းဖက်စစ်အုပ်စုက နိုင်ငံရေးအကြောင်းပြချက်ဖြင့် ဖမ်းဆီးခံခဲ့ရသူ အမျိုးသမီး ၅၆၄၉ ဦး  နှင့် သတ်ဖြတ်ခံခဲ့ရသူ အမျိုးသမီး စုစုပေါင်း ၁၁၃၂ ဦးကို အမည်နှင့်တကွ မှတ်တမ်းတင်ထားနိုင်ခဲ့ ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP ကထုတ်ပြန်သည်။  ဖော်ပြပါ ကိန်းဂဏန်းအရေအတွက်များသည် အေအေပီပီမှ လက်လှမ်းမီသမျှ ကောက်ယူရရှိထားသည့် အရေအတွက် ဖြစ်ပြီး မြေပြင်တွင် ဖြစ်ပွားနေသည့် အချက်အလက်များမှာ ယခုထက် ပိုမိုများပြားနိုင်ကြောင်းသိရသည်။ ခေတ်အဆက်ဆက် မြန်မာ့နိုင်ငံရေး အခင်းအကျင်းတိုင်းတွင် ကျရာနေရာမှ နောက်မဆုတ်စတမ်း ရဲရဲဝံ့ဝံ့ပါဝင်ခဲ့ကြသည့် အမျိုးသမီးများ၏ ရဲစွမ်းသတ္တိနှင့် အားမာန်ကို ယခု နွေဦးတော်လှန်ရေးတွင်လည်း အထင်းသားမြင်တွေ့နေကြကြောင်း အေအေပီပီက ယနေ့ထုတ်ပြန်သည့် နွေဦးတိုက်ပွဲအတွင်းမှ အကျဉ်းစံအမျိုးသမီးများ စာတမ်းတွင်ဖော်ပြသည်။ ၂၀၂၁ ခုနှစ် စစ်တပ် အာဏာသိမ်းချိန်မှ ၂၀၂၄ ခုနှစ် ဩဂုတ်လ ၃ဝ  ရက်နေ့အထိ နိုင်ငံတဝန်း၌ အကြမ်းဖက်စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆု...

  စစ်ကောင်စီတပ်မှ အရာရှိ (၁)ဦး အပါအဝင် တပ်သား (၅)ဦးခန့်သေဆုံးပြီး အများအပြား ထိခိုက်ဒဏ်ရာ ပဲခူးတိုင်း၊  ရွှေကျင်မြို့နယ်  ကုန်းမြင့်သာယာ စစ်ကောင်စီတပ် ရှေ့တန်းစခန်းကို ဩဂုတ်လ၊ (၃၁)ရက်တွင် တောင်ပိုင်းစစ်ဒေသ၊ အမှတ် (၂) စစ်ဒေသခွဲ၊ KNLA တပ်ရင်း (၉)၊  PDF တပ်ရင်း (၃၇၀၂)၊ စစ်ဒေသခွဲ ဒရုန်းအထူးတပ်ဖွဲ့ (၁၈၀၅)၊ PDF Spring Warrior စစ်ကြောင်းတို့မှ ပူးပေါင်း တိုက်ခိုက်သိမ်းပိုက်ခဲ့ကြောင်း သိရသည်။  ကုန်းမြင့်သာယာစခန်းကို တော်လှန်ရေးပူးပေါင်းတပ်ဖွဲ့များမှ ဩဂုတ်လ၊ (၃၁)ရက် နံနက်ပိုင်းတွင် ဒရုန်းဖြင့် ဗုံးကြဲတိုက်ခိုက်ခဲ့ပြီး နေ့လယ် (၁၁:၀၀) အချိန်ခန့်တွင် စခန်းတစ်ခုလုံးကို အပြီးသတ် တိုက်ခိုက် သိမ်းပိုက်နိုင်ခဲ့ခြင်းဖြစ်သည်။ အဆိုပါတိုက်ပွဲအတွင်း တော်လှန်ရေးပူးပေါင်းတပ်ဖွဲ့များမှ လက်နက်ကြီး၊ လက်နက်ငယ်၊ ခဲယမ်းအမြောက်အများနှင့် ဆန်အိတ်ပေါင်း (၄၀၀)ကျော် သိမ်းပိုက်ရရှိခဲ့ပြီး စစ်ကောင်စီတပ်မှ အရာရှိ (၁)ဦး အပါအဝင်တပ်သား (၅)ဦးခန့်သေဆုံးပြီး အများအပြား ထိခိုက်ဒဏ်ရာ ရရှိခဲ့ပြီး ဆုတ်ခွာ ထွက်ပြေးသွားခဲ့ကြောင်းသိရသည်။  ယခင် စစ်ကောင်စီတပ်ဖွဲ့ဝင်များ အခြေချတပ်စွဲရာ ဘောကထာစခန်းကို တော်လှန်ရ...

 ရန်ကုန်မြို့တနေရာတွင်ယနေ့ နံနက်က စစ်အာဏာရှင်စနစ် ဆန့်ကျင်ရေး လှုပ်ရှားမှုတခု ပြုလုပ်ခဲ့ကြောင်း စစ်အာဏာရှင်ဆန့်ကျင်ရေး ရန်ကုန်အင်အားစု (AJAY)မှသိရသည်။  "ဒုက္ခတွေကို ငုံ့ခံမယ့်အစား အာဏာရှင်ကို တော်လှန်ကြမယ်" စာသားရေးဆွဲထားသည့် ဘန်နာအား ဂုံးတတားတခုပေါ်တွင် ချိတ်ဆွဲပြီး စစ်အာဏာရှင်စနစ် ဆန့်ကျင်ရေး လှုပ်ရှားမှုတခု ပြုလုပ်ခဲ့ကြောင်း သိရသည်။  အာဏာရှင်စနစ်၏ အကျိုးသက်ရောက်မှုအနေဖြင့် ကျွန်တော်တို့ ပြည်သူလူထုတိုင်းသည် အထွေထွေကြပ်တည်းမှုများဖြင့် ရင်ဆိုင်နေရသည်မှာ ကျွန်တော်တို့ မျက်လုံးဖြင့် တပ်အပ်မြင်ရမည် ဖြစ်ပါတယ်။ ကျွန်တော်တို့ ပြည်သူလူအနေဖြင့် ၎င်း ကြပ်တည်းမှု ဒုက္ခတိုင်းကို ဆက်လက်ငုံ့ခံနေမည်ဆိုလျှင် နောင်အချိန်ကာလတွင် ယခု ဖြစ်ပေါ်နေသော အခြေအနေများထပ် ဆိုးသည့်အခြေအနေများကို ပြည်သူလူထုကြီးအနေဖြင့် ကြုံတွေ့ရမည်မှာ မလွှဲမသွေပင် ဖြစ်ပါတယ် ဟုAJAY ကထုတ်ပြန်ပြောဆိုသည်။ ပြည်သူလူထုတစ်ရပ်လုံးအနေဖြင့် ဒုက္ခတွေကို ငုံခံမယ့်အစား ဒုက္ခကို ဖြစ်စေသည့် အာဏာရှင်စနစ်အား ရရာနည်းလမ်းမျိုးစုံဖြင့် တော်လှန်ပုန်ကန်ဖို့ လိုအပ်ကြောင်း တိုက်တွန်းသည့်အနေဖြင့် ရန်ကုန်လူငယ်များမှ လှုပ်ရှားမှု ပြုလုပ်ခြင်းဖြ...

မင်းအောင်လှိုင်၏ အာဏာသိမ်းတပ်သည် သြဂုတ်လ ၃ဝ ရက်ညက လားရှိုးမြို့အား ရုတ်တရက် လေကြောင်းမှ ဗုံးကြဲတိုက်ခိုက်မှုကြောင့် ဒေသခံ အရပ်သားများ အထိတ်တလန့် ဖြစ်ခဲ့ပြီး အကြမ်းဖက်သမား၏ သဘောသဘာဝကို တစ်ဖန် ပေါ်လွင်စေခဲ့ကြောင်း ကိုးကန့်တပ် MNDAA မှထုတ်ပြန်သည်။  လားရှိုးမြို့သည် တဖြည်းဖြည်း တည်ငြိမ်လာပြီး ဒေသခံများက အသက်မွေးဝမ်းကြောင်းပြုရန်  ပြန်လာနေချိန် သြဂုတ် ၃ဝ ရက် ညနေပိုင်းတွင် မင်းအောင်လှိုင်၏ အာဏာသိမ်းတပ်ဖွဲ့က ရုတ်တရက် လားရှိုးမြို့ကို လေကြောင်းမှ တိုက်ခိုက်ခဲ့ကြောင်း၊ သြဂုတ် ၃ဝ ရက် ည ၈:၄၅ တွင်တကြိမ် နှင့် ၈:၅၀ နာရီတွင် တကြိမ် စာသင်ကျောင်းများနှင့် လူနေရပ်ကွက်များကို ထပ်မံပစ်မှတ်ထား တိုက်ခိုက်ခဲ့ကြောင်း MNDAA ကထုတ်ပြန်သည်။  စစ်ကောင်စီမှ  လေကြောင်း ဗုံးကျဲတိုက်ခိုက်မှုကြောင့် လားရှိုးမြို့ ရပ်ကွက် (၉)ရှိ အမှတ်(၈) အခြေခံပညာ အထက်တန်းကျောင်းတွင် ဗုံးများ ကျခဲ့ပြီး စာသင်ကျောင်းအတွင်း အဆောက်အဦးအများအပြား ပျက်စီးခဲ့ကြောင်းသိရသည်။ ဌင်းပြင် အမှတ်(၈) အခြေခံပညာအထက်တန်းကျောင်း အနီးရှိ လူနေအဆောက် အအုံ တစ်ခုပေါ်သို့ နောက်ထပ် ဗုံးတစ်လုံး ကျခဲ့ပြီး အပေါ်ဆုံးထပ်မှာ ထိခိုက်ပျက်စီးခဲ့ကြောင်းသိရ...

စစ်ကောင်စီတပ်မှ စစ်ကိုင်းတိုင်း ခင်ဦးမြို့နယ် မြောက်ခြမ်း ကျေးရွာများအား လေကြောင်းမှ ပစ်ခတ်တိုက်ခိုက်မှုကြောင့် ကျေးရွာခံများ ထွက်ပြေးနေရ ကြောင်း ဒေသခံများမှသိရသည်။  သြဂုတ်လ (၃၁) ရက်နေ့ နံနက်ပိုင်း (၇) နာရီကျော်ခန့်တွင် ခင်ဦးနယ်မြောက်ဘက်ခြမ်းရှိ ကျေးရွာများကို တံတားဦး လေတပ်မှတက်လာသည့် ဂျက်ဖိုက်တာ (၅)စီးဖြင့် လေကြောင်းတိုက်ခိုက်မှုများ ဆက်တိုက်ပြုလုပ်ခဲ့ကြောင်း၊ နေ့ခင်းပိုင်းအချိန်၌လည်း  တံတားဦးလေတပ်မှ ထပ်တက်လာသည့် ဂျက်ဖိုက်တာဖြင့်  ထိုရွာတွေဝန်းကျင်များအား လေကြောင်းတိုက်ခိုက်မှု ထပ်မံပြုလုပ်ခဲ့ကြောင်း Peoples Defense Comrade အဖွဲ့ကထုတ်ပြန်သည်။  သြဂုတ်လ (၃၁) ရက်နေ့ ညနေပိုင်းတွင်လည်း တံတားဦးမှ ထပ်တက်လာသည့်  Y-12 ယာဉ်ဖြင့်  (၁)နာရီခန့်ကြာ ပတ်ဝဲပျံသန်းပြီး ခင်ဦးမြောက်ဘက်ခြမ်းရွာများအား လေကြောင်းတိုက်ခိုက်မှု  ဗုံးသီးအလုံးရေ (၅၀)ထက်မနည်း ကျဲချတိုက်ခိုက်ခဲ့ကြောင်း သိရသည်။ အကြမ်းဖက် ပျုစောထီးခေါင်းဆောင် ဦးဝါသဝ၏ လက်အောက်ခံ မဒေါင်းလှပျူရွာကို တော်လှန်ရေးအင်အားစုများမှ တိုက်ခိုက်နေသည်ကို အကြောင်းပြုပြီး စစ်ကောင်စီတပ်မှ တိုက်ပွဲဖြစ်ပွား ခြင်းမရှိသည့် ခင်ဦးနယ်အနော...