Bagan News Agency

 ဇွန် ၂၈ / Bagan News - နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ နေပြည်တော်အချုပ်ထောင်နဲ့ (၁၄)မိုင်အကွာ မှာရှိတဲ့ စစ်ဆင်ရေးအထူးအဖွဲ့ ရုံးစိုက်တဲ့နေရာမှာ လုံခြုံရေးတင်းကြပ်စွာနဲ့ မတရားဖမ်းဆီးချုပ်နှောင်ခံထားရတယ်လို့  မြန်မာ့အကျဉ်းထောင်သက်သေ(MPW)အဖွဲ့က ဒီကနေ့ ဇွန်လ ၂၈ ရက်မှာ ထုတ်ပြန်ပါတယ်။  ဒေါ်အောင်ဆန်းစုကြည်ဟာ အခြေခံအကျဉ်းသားအခွင့်အရေးဖြစ်တဲ့ ထောင်ဝင်စာဧည့်တွေ့ခွင့်မရရှိပဲ အကျဉ်းသားအခွင့်အရေး ချိုးဖောက်ခံနေရတယ်လို့ သိရပါတယ်။  - စစ်​ကောင်စီ ရိက္ခာပို့ယာဉ်တန်းဟာ ပခုက္ကူမြို့နဲ့ ပေါက်မြို့ကြား  လမ်းတ​လျောက် ကျေးရွာတွေကို စစ်​ကြောင်းထိုး လုယက်နေတယ်လို့ People's Democratic Army ကထုတ်ပြန်ပါတယ်။  - မွန်ပြည်နယ် ဘီးလင်းမြို့မှာ လာမယ့် ၄၈ နာရီအတွင်း  စိုးရိမ်ရေမှတ်ရောက်ပြီး ရေကြီးနိုင်တယ်လို့ မိုး၊ဇလဌာနကထုတ်ပြန်ပါတယ်။  Telegram  https://t.me/bagannews

 

 

 

 

 

 

 ဇွန် ၁၂ - Bagan News / Podcast - ကရင်ပြည်နယ်၊ ကော့ကရိတ်မြို့နယ်၊ ပိုင်ရပ်ရွာကို  စစ်အုပ်စုက ဇွန်လ(၉)ရက်နေ့မှာ လေတပ်က  ဗုံးကြဲတိုက်ခိုက်ခဲ့တာကြောင့် ပြည်သူ(၅)ဦးသေဆုံးပြီး (၂၂)ဦး ထိခိုက်ဒဏ်ရာရရှိခဲ့တယ်လို့ အမျိုးသားညီညွတ်ရေးအစိုးရ ၊ လူ့အခွင့်အရေးဆိုင်ရာဝန်ကြီးဌာနက ဒီကနေ့မှာထုတ်ပြန်ပါတယ်။ - ဆေးကုသခွင့် လုံလောက်စွာမရတာကြောင့် သာယာဝတီအကျဉ်းထောင်က နိုင်ငံရေးအကျဉ်းသားတစ်ဦးကျဆုံးခဲ့တယ်လို့ နိုင်ငံရေးအကျဉ်းသားများကွန်ရက် PPNM ကထုတ်ပြန်ပါတယ်။  လှည်းကူးမြို့နယ်မှာ ၂ဝ၂၁ ခုနှစ် ၁၁ လပိုင်း ၁ဝ ရက်နေ့က ပုဒ်မ ၅ဝ နဲ့ ဖမ်းဆီးခံခဲ့ရပြီး ထောင်ဒဏ် ၁ဝ နှစ် ချမှတ်ခံရတဲ့ ဦးကျော်စိုး ကျဆုံးခဲ့တာပါ။ - တောင်တရုတ်ပင်လယ်ပြင်မှာ ဖြစ်ပေါ်နေတဲ့ အပူပိုင်းမုန်တိုင်း“ဝူတစ်”ကြောင့် မြန်မာနိုင်ငံ နေရာအနှံ့အပြားမှာ မိုးထစ်ချုန်းရွာနိုင်တယ်လို့ မိုး၊ဇလက ဌာနက ဒီကနေ့ထုတ်ပြန်ပါတယ်။  အပူပိုင်းမုန်တိုင်းကြောင့် မနက်ဖြန်မနက်အထိ ကချင်ပြည်နယ်နဲ့ ရှမ်းပြည်နယ်(မြောက်ပိုင်း)တွေမှာနေရာကျဲကျဲ ရွာသွန်းနိုင်ပါတယ်။  နေပြည်တော်၊ စစ်ကိုင်းတိုင်းအထက်ပိုင်း၊ ကယားပြည်နယ်နဲ့ ရှမ်းပြည်နယ်(အရှေ့ပိုင်း)မှာ နေရာစိပ်စိပ်ရ...

  Bagan News - နေ့စဉ်သတင်း (Podcast) v ဇွန် ၁၁ - Bagan News / Podcast ထိုင်း-မြန်မာနယ်စပ် တနင်းင်္သာရီတိုင်း မြိတ်−ထားဝယ်ခရိုင် အတွင်းမှာရှိတဲ့ အမိုနယ်စပ် ပွိုင့် ၂၅၆၆ ရှေ့တန်းစခန်းကို ကရင်အမျိုးသားကာကွယ်ရေးတပ်ဖွဲ့ (K.N.D.O)တော်လှန်ရေးပူးပေါင်းတပ်တွေက ဇွန်လ ၁ဝ ရက်နေ့မှာသိမ်းပိုက်ခဲ့ပါတယ်။ စစ်ကိုင်းတိုင်း ၊ ပုလဲမြို့နယ်မှာ စခန်းသိမ်းတိုက်ပွဲများကြောင့် ဒေသခံ ၂ဝ,ဝဝဝ ကျော် စစ်ဘေးရှောင်နေရတယ်လို့ ပုလဲမြို့နယ်ပြည်သူ့အုပ်ချုပ်ရေးအဖွဲ့ကပြောပါတယ်။ မနေ့က ဇွန်လ ၁ဝ ရက်နေ့မှာ ဗုံးလာကျဲတဲ့ ဂျက်ဖိုက်တာတစီးကို တော်လှန်ရေးတပ်တွေက ပစ်ချဖျက်ဆီးခဲ့ပါတယ်။ ကပ္ပလီပင်လယ်ပြင်နဲ့ ဘင်္ဂလားပင်လယ်အော်မှာ မုတ်သုံ‌လေ အားအလွန်ကောင်းနေတာကြောင့် ဇွန်လ ၁၁ ရက်နေ့ကနေ ၁၇ ရက်နေ့အတွင်း နေရာအနှံ့အပြား မိုးထစ်ချုန်းရွာကာ နေရာကွက်ပြီး မိုးကြီးနိုင်တယ်လို့ မိုးဇလဌာနက ထုတ်ပြန်ပါတယ်။ နေပြည်တော်အပါအဝင် တိုင်းနဲ့ပြည်နယ် ၁၄ ခုစလုံးမှာ နေရာအနှံ့အပြား မိုးထစ်ချုန်းရွာနိုင်တယ်လို့သိရပါတယ်။

မန္တလေးတိုင်းဒေသကြီး၊ အင်းဝဒေမှာ ငလျင်ဒဏ်ကြောင့် ထိခိုက်ပျက်စီးခဲ့တဲ့ ရှေးဟောင်းအဆောက်အအုံတွေကို ပြုပြင်ထိန်းသိမ်းရေးလုပ်ငန်းတွေဆောင်ရွက်နေတယ်လို့ ရှေးဟောင်း သုတေသနနဲ့ အမျိုးသားပြတိုက်ဦးစီးဌာနက ထုတ်ပြန်ပါတယ်။ ရှေးဟောင်း သုတေသနဌာနက အဖွဲ့တွေက Assessment ကောက်ယူခြင်း၊ သန့်ရှင်းရေးလုပ်ငန်းများဆောင်ရွက်ခြင်း၊ အမိုးအကာပြုပြင်ခြင်းလုပ်ငန်းနှင့် အရေးပေါ်ပြုပြင်ခြင်း လုပ်ငန်းတွေကို ဒေသခံပြည်သူတွေနဲ့ ပူးပေါင်း ဆောင်ရွက်နေတယ်လို့ဆိုပါတယ်။ “ရှေးဟောင်းဘုရားများ သန့်ရှင်းရေး အဖွဲ့(ရန်ကုန်)”ကလဲ တောင်ပေါ်သာ ဘုရားဝင်းက ဘုရားနှစ်ဆူ ၊စန္ဒာမုနိဘုရား၊ ဒေါ်ဂျမ်းစုဘုရားဝင်း၊ သစ္စာတိုက်ဘုရား ၊ဆုထူးပန်ဘုရား ၊ ခဲသင်ဘုရားဝင်း၊လောကထိပ်ဦးဘုရား ၊ ရွှေစည်းခုံဘုရား၊ သက်တော်ရ သက်တော်ရှည် အနီးဘုရားငယ်များ၊ ကျောက်တော်ကြီးဘုရားသုံးဆူ ၊ တောင်တွင်းဘုရားနဲ့ ပင်းယဂူကြီး(၃)လုံးမှာ သန့်ရှင်းရေးလုပ်ငန်းများ၊ အမိုးအကာ အုပ်မိုးခြင်း လုပ်ငန်းများကို ပါဝင်ကူညီဆောင်ရွက်ပေးခဲ့တယ်လို့ သိရပါတယ်။ Photo - deptarnmnpt - Bagan News

 ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားကောင်းနေသောကြောင့် ရန်ကုန်တိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှထုတ်ပြန်သည်။  ယနေ့ညနေအထိ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်း တိုင်းဒေသကြီးအောက်ပိုင်းတို့တွင် နေရာကွက်ကျား၊ ကချင်ပြည်နယ်နှင့် ကယားပြည်နယ်တို့တွင် နေရာကျဲကျဲ၊ စစ်ကိုင်းတိုင်းဒေသကြီးအထက်ပိုင်း၊ ချင်းပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာနိုင်ကြောင်းသိရသည်။  ထို့ပြင် တနင်္သာရီတိုင်းဒေသကြီးနှင့် မွန်ပြည်နယ်တို့တွင် မိုးတိမ်တောင်များကြောင့် မိုးရွာသွန်းခြင်းနှင့်အတူ လေပြင်း တိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ကြောင်း မိုး၊ဇလဌာနကထုတ်ပြန်သည်။  လာမည့်၂ ရက်အတွင်း တနင်္သာရီတိုင်းဒေသကြီး၊...