ခန္တီးနှင့် မော်လိုက်ခရိုင် တိုက်ပွဲများတွင် စစ်ကောင်စီ တပ်သား ၁ဝဝ ခန့် သေဆုံး

 ဇွန် ၈ / Bagan News / 

စစ်ကိုင်းတိုင်း၊ ခန္တီးခရိုင်နှင့် မော်လိုက်ခရိုင်များတွင် မေလ (၂၃) ရက်နေ့မှ စတင်ပြုလုပ်သည့်  စစ်ဆင်ရေးအတွင်း စစ်ကောင်စီတပ်သား ၁ဝဝ ခန့် သေဆုံးခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှထုတ်ပြန်သည်။ 

(စစ်ကောင်စီတပ်ထံမှသိမ်းဆည်းရမိသည့် လက်နက်ပစ္စည်းအချို့)

ဌင်းတိုက်ပွဲများအတွင်း စစ်ကောင်စီတပ်သား ၁ဝဝ ခန့် သေဆုံးခဲ့ကြောင်း၊ စစ်ကောင်စီတပ်သား ၃၂ ဦး၏ အလောင်းများရရှိခဲ့ပြီး လက်နက်ငယ် ၃၉ လက် သိမ်းဆည်းရမိခဲ့ကြောင်းသိရသည်။

ထို့ပြင်တိုက်ပွဲများအတွင်း စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်၊ လွှစင်ကုန်းရွာ၊ ပုရစ်ရွာ၊ ဖာနိုင်းရွာ၊ မုက္ကလိရွာ၊ သာဂေါင်းငေါရွာ၊ မြင်သာ-ငိုးပင်းရွာ၊ ဇီးပင်သာရွာ၊ မယ်ဇလီရွာ၊ ရေလဲရွာနှင့် တီလောင်လမ်းဆုံနှင့် မော်လိုက်ခရိုင်၊ ဖောင်းပြင်မြို့နယ်၊ ရောင်းဟီးရွာ၊ အရှေ့ခမိုင်းရွာ၊ သက္ကယ်ကျင်းရွာ၊ ဆည်ချောင်းရွာ၊ ပုဂံတောင်၊ ဟာပါရွာ၊ ညောင်ကုန်းရွာ၊ ချောင်းခွရွာ၊ မယ်ဇလီရွာ၊ ခုံသာရွာ၊ နန်းပန်ရွာ၊ အင်းဝိုင်းရွာ၊ မော်လိုက်ကုန်းရွာ၊ ရွှေထီးကုန်းရွာ၊ ဆိတ်စားရွာအနီးရှိ  စစ်ကောင်စီစခန်းများကို တိုက်ခိုက်သိမ်းပိုက်ခဲ့ကြောင်းသိရသည်။

အမှတ် (၁) စစ်ဒေသကွပ်ကဲမှုဖြင့် ပြည်သူ့ကာကွယ်ရေးတပ်မတော်(PDF)၊  ခန္တီးခရိုင် တပ်ရင်းများ၊ မော်လိုက်ခရိုင်တပ်ရင်းများ၊ အထူးလှုပ်ရှားတပ်ရင်းများ၊ ခရိုင်/မြို့နယ်/ကျေးရွာ ပကဖ နှင့် ဒေသခံ ပြည်သူလူထု၏ ပူးပေါင်းပါဝင်မှုများနှင့် တိုက်ခိုက် သိမ်းပိုက်ခဲ့ခြင်း ဖြစ်ပြီး တိုက်ပွဲများတွင် ပြည်သူ့တော်လှန်ရေး ရဲဘော် (၂၉) ဦး မြင့်မြတ်စွာ ကျဆုံးခဲ့ကြောင်း ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်က အသိပေးထုတ်ပြန်သည်။  

Photo - MOD/NUG

(စစ်ကောင်စီတပ်ထံမှသိမ်းဆည်းရမိသည့် လက်နက်ပစ္စည်းအချို့)

www.bagannews.com