စစ်ကောင်စီကခန့်အပ်ခဲ့ဖူးသည့် ယာယီသမ္မတ ဦးမြင့်ဆွေသည် ယနေ့ ဩဂုတ်လ ၇ ရက်နေ့ နံနက် ၈ နာရီ ၂၈ မိနစ်တွင် ကွယ်လွန်ခဲ့ကြောင်း စစ်ကော်မရှင်(စစ်ကောင်စီ) သတင်းထုတ်ပြန်ရေးအဖွဲ့ကယနေ့ ကြေညာသည်။ ဦးမြင့်ဆွေသည် အမှတ်(၂) တပ်မတော်ဆေးရုံ ခုတင် (၁ဝဝဝ) ၌ ကွယ်လွန်ခဲ့ခြင်းဖြစ်သည်။ ဦးမြင့်ဆွေ၏ ဈာပနကို နိုင်ငံတော်ဈာပနအဆင့်ပြုလုပ်မည်ဖြစ်ကြောင်း စစ်ကော်မရှင်ကထုတ်ပြန်သည်။ ဦးမြင့်ဆွေသည် စစ်အာဏာရှင်ဟောင်း ဦးသန်းရွှေလက်ထက်တွင် ရန်ကုန်တိုင်း တိုင်းမှူးအဖြစ် တာဝန်ယူခဲ့သူဖြစ်ပြီး ၂ဝဝ၇ ခုနှစ်တွင် ဖြစ်ပွားခဲ့သည့် ရွှေဝါရောင်တော်လှန်ရေးတွင် ရန်ကုန်မြို့၌ သံဃာတော်များအား သွေးထွက်သံယိုဖြိုခွင်းခဲ့သူအဖြစ် နာမည်ဆိုးထွက်ခဲ့သည်။ စစ်ခေါင်းဆောင် မင်းအောင်လှိုင်၏ ၂ဝ၂၁ ခုနှစ် စစ်တပ်အာဏာသိမ်းမှုတွင် ဦးမြင့်ဆွေသည် ယာယီသမ္မတအဖြစ် ပါဝင်ခဲ့သည်။ ၂ဝ၂၄ ခုနှစ် ဇူလိူင်လ ၁၈ ရက်နေ့တွင် ယာယီ သမ္မတ ဦးမြင့်ဆွေသည် ခန္ဓာကိုယ် လှုပ်ရှားမရတော့၍ ဆေးကုသမှု ခံယူနေရသည်ဟု စစ်ကောင်စီက ထုတ်ပြန်ခဲ့ပြီး ဦးမြင့်ဆွေကို ယာယီသမ္မတ ရာထူးမှ အနားပေးကာ စစ်ခေါင်းဆောင် မင်းအောင်လှိုင်သည် သူ့ကိုယ်သူ ယာယီသမ္မတအဖြစ် ခန့်အပ်ခဲ့သည်။ ထို့နေ...
Photo News / Bagan News
ပြည်သူ့ကာကွယ်ရေးတပ်မတော် (PDF)၊ ရှမ်းတောင် အမှတ် (၁ဝဝ၅) တပ်ရင်း-SSPDF အခြေခံစစ်ပညာသင်တန်း အပတ်စဉ် (၅) ၏သင်တန်းဆင်းပွဲ ပုံရိပ်များ အားအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှထုတ်ပြန်သည်။
#Bagannews #PDF #SSPDF
www.bagannews.com
Comments
Post a Comment