ခင်ဦးမြို့နယ်တွင် စစ်ကော်စီ လေကြောင်းပစ်ခတ်မှုကြောင့် အရပ်သားများ ထိခိုက်‌သေဆုံး

စစ်ကိုင်းတိုင်း ၊ ခင်ဦးမြို့နယ်တွင် စစ်ကောင်စီတပ်က လေကြောင်းမှပစ်ခတ်တိုက်ခိုက်မှုကြောင့် အရပ်သားများ ထိခိုက်‌သေဆုံးခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ သိရသည်။

ပြီးခဲ့သည့် သြဂုတ်လ ၁၇ ရက်မှ ၁၉ ရက်အတွင်း ခင်ဦးမြို့နယ် မဒေါင်းလှ ပျူစခန်းအား တော်လှန်ရေးအဖွဲ့များက တိုက်ခိုက်သိမ်းပိုက်ခဲ့ကြပြီး စစ်ကောင်စီတပ်က လေကြောင်းပစ်ကူမှုကြောင့် ပြန်လည်ဆုတ်ခွာခဲ့ရကြောင်း သိရသည်။

ဌင်းနောက်ပိုင်းတွင် စစ်ကောင်စီတပ်မှ တိုက်ပွဲဖြစ်ပွားခြင်း မရှိဘဲ ကျေးရွာများအား အကြောင်းမဲ့ ပစ်ခတ်ခဲ့မှုကြောင့် ထိခိုက်‌သေဆုံးမှုများ ရှိခဲ့ကြောင်း သိရသည်။

သြဂုတ်လ ၁၈ ရက်နေ့တွင် စစ်ကောင်စီတပ်မှ  မဒေါင်းကြီး၊ရွှေကာ၊ဆီဆုံလေး အနီးတဝိုက်အား ပစ်ခတ်ခဲ့ကြောင်း၊ သြဂုတ်လ ၁၉ ရက်နေ့တွင် ဗအိုးရွာ အားအကြောင်းမဲ့ပစ်ခတ်သောကြောင့် ပြည်သူ(၁)ဦး‌သေဆုံးကာ(၃)ဦး ဒဏ်ရာရှိခဲ့ကြောင်းသိရသည်။ 

သြဂုတ်လ ၂၆ ရက်နေ့တွင် မုံလှကျေးရွာအား အကြောင်းမဲ့ပစ်ခတ်မှုကြောင့် ပြည်သူ(၂)ဦး ထိခိုက်ဒဏ်ရာရခဲ့ပြီး  သြဂုတ်လ ၂၉ ရက်နေ့တွင် စည်ပုတ္တရာ နှင့် သေနပ်စိန်ကျေးရွာ အား အကြောင်းမဲ့ပစ်ခတ်မှုကြောင့် ပြည်သူ(၆)ဦး ထိခိုက်ဒဏ်ရာရခဲ့ကြောင်း သိရသည်။

စစ်ကောင်စီတပ်မှ အကြောင်းမဲ့ လေကြောင်းပစ်ခတ်မှုတွေကြောင့် ခင်ဦးနယ် ကျေးရွာများရှိ ကျောင်းအများစု ပိတ်ထားရပြီး ပြည်သူများ စိုးရိမ်မှုမြှင့်မားနေကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ ထုတ်ပြန်သည်။

ဓာတ်ပုံ - ခင်ဦးမြို့နယ် စစ်ဘေးရှောင်များ။(ပုံဟောင်း)

Bagan News