အညာပစ်တိုင်းထောင်လေးများအဖွဲ့ဦးဆောင်သူ မဖူးပွင့်ဝေနဲ့မေးမြန်းခြင်း။ ၂ဝ၂၁ စစ်တပ်အာဏာသိမ်းပြီးတဲ့နောက်မှာ လူငယ်တွေဟာ အင်တိုက်အားတိုက်နဲ့ လမ်းပေါ်ထွက်ပြီးအာဏာသိမ်းတာကို လက်မခံကြောင်း ဆန္ဒထုတ်ဖော်ခဲ့ကြပါတယ်။ စစ်တပ်ရဲ့ဖမ်းဆီးပစ်ခတ်တာတွေ လုပ်လာတဲ့နောက်မှာတော့ လူငယ်တွေဟာ တိုင်းရင်းသားနယ်မြေတွေသွားရောက်ပြီး လက်နက်ကိုင်တော်လှန်ဖို့ ဆုံးဖြတ်ခဲ့ကြပါတယ်။ ဒီထဲမှာ အမျိုးသမီးလူငယ်တွေဟာလည်း အမျိုးသားတွေနဲ့တန်းတူပါဝင်ခဲ့ကြပါတယ်။ စစ်ကိုင်းတိုင်း အညာဒေသ ဆားလင်းကြီးမြို့နယ်က နောက်ဆုံးနှစ် တက္ကသိုလ်ကျောင်းသူ မဖူးပွင့်ဝေဟာလည်း စစ်အာဏာရှင်စနစ်ဆန့်ကျင်ရေး ဆန္ဒပြပွဲတွေမှာ ဦးဆောင်ပါဝင်ခဲ့ပါတယ်။ စစ်တပ်ရဲ့ ပစ်ခတ်ဖမ်းဆီးရက်စက်မှုတွေကို မြင်လာတဲ့အခါမှာ လက်နက်ကိုင်တိုက်ပွဲဝင်ဖို့ ဆုံးဖြတ်ခဲ့ပါတယ်။ ရှေ့တန်းမှာ စစ်တိုက်ဖို့ အမျိုးသမီးတွေ အခွင့်အလမ်းနည်းပါးတာကြောင့် သပိတ်တိုက်ပွဲတွေကို ပြန်အသက်သွင်းခဲ့ပြီး စိတ်တူညီတဲ့ သူငယ်ချင်းတွေနဲ့ ၂၀၂၂ ခုနှစ်မှာ အညာပစ်တိုင်းထောင်လေးများအဖွဲ့ကို တည်ထောင်ခဲ့ပါတယ်။ အညာပစ်တိုင်းထောင်လေးများအဖွဲ့ဟာ အညာဒေသမှာ ဘယ်လိုကူညီမှုတွေလုပ်နေသလဲ။ အမျိုးသမီးလူငယ်တစ်ယောက်အနေနဲ့ တော်လှန်ရေးမှာ ဘယ်လိုဖ...
ရခိုင် အမ်းမြို့ ဦးတည်သည့် စစ်ကောင်စီစစ်ကြောင်းကို တိုက်ခိုက် စစ်ကောင်စီ တပ်ဖွဲ့ဝင် ၁၅ ဦးခန့် သေဆုံး
ရခိုင်ပြည်နယ် အမ်းမြို့ ဦးတည်ကာ စစ်ကြောင်းထိုးလာသည့် ပဒါန်း အခြေစိုက် အမြှောက်စစ်ဆင်ရေးကွပ်ကဲမှု ဌာနချုပ် (မစခ-၉ဝ၅)မှ ထွက်လာသော အင်အား (၆ဝ) ခန့်ပါ စစ်ကောင်စီ ဖောကား (၂) စီးကို ယနေ့ သြဂုတ်လ ၂၉ ရက်တွင် တိုက်ခိုက်ခဲ့ပြီး စစ်ကောင်စီတပ်ဖွဲ့ဝင် ၁၅ ဦးခန့် သေဆုံးနိုင်ကြောင်း လူထု တော်လှန်ရေးမဟာမိတ်အင်အားစု(PRA-Magway) မှ ထုတ်ပြန်သည်။
ဌင်းစစ်ကောင်စီ ဖောကား (၂) စီးကို ပဒါန်း-အမ်းလမ်းပိုင်း၊ စပ်စီရွာအထက် မီတာ ၂ဝဝဝ ခန့် အကွာတွင် PRA-Magway မှ အသင့်စောင့်ကြို၍ မိုင်းဆွဲတိုက်ခိုက်ခဲ့ပြီး (၂၅) မိနစ်ခန့်ကြာ နှစ်ဘက်အပြန်အလှန် ပစ်ခတ်တိုက်ခိုက်မှု ဖြစ်ပွားခဲ့ကြောင်းသိရသည်။
စစ်ကောင်စီတပ်သည် ထိတွေ့မှုအတွင်း သေဆုံးဒဏ်ရာရသော စစ်ကောင်စီတပ်သားများအား ဖောကားဖြင့် သယ်ဆောင်၍ ပဒါန်းဘက်သို့ဆင်းလာရာ စပ်စီရွာ၏အထက်ဘက် မီတာ (၁ဝဝဝဝ) ခန့်အကွာသို့ အရောက် တွင် ထပ်မံ၍ မိုင်းဆွဲတိုက်ခိုက်ခဲ့ကြောင်းသိရသည်။
အဆိုပါတိုက်ပွဲများအတွင်း ကပစ (၁၄) မှ ဗိုလ်ကြီးမျိုးကျော်သူအပါအဝင် စစ်ကောင်စီတပ်ဖွဲ့ဝင် (၁၅) ဦးခန့် ထိခိုက် သေဆုံးသည်ဟု မြေပြင်သတင်းများအရ သိရသည်။
ဗိုလ်ကြီးမျိုးကျော်သူသည် ငဖဲမြို့ရှိ စစ်မှုထမ်းကိစ္စများနှင့်ပတ်သက် ၍ တာဝန်ယူထားသူဖြစ်ကြောင်း၊ PRA (Magway) သည် ပဒါန်း - အမ်းလမ်းပိုင်း ထိန်းချုပ်နိုင်ရေးအတွက် စစ်ဆင်ရေးများဖော်ဆောင်လျက်ရှိပြီး ဩဂုတ်လ (၉) ရက်နေ့၊ တွင်လည်း ငဖဲမြို့နယ်၊ စွန်ပျော်ရွာအတွင်း မဟာမိတ် ပူးပေါင်းစစ်ကြောင်း နှင့် စစ်ကောင်စီတို့ကြား တိုက်ပွဲဖြစ်ပွားပြီး စစ်ကောင်စီဘက်မှ (၂) ဦး သေဆုံးခဲ့ကြောင်းသိရသည်။
ထို့ပြင် ဩဂုတ်လ (၁၁) ရက်နေ့ တွင်လည်း PRA (Magway) ထုတ် 60mm Rocket/ MH-60R (၁၀) လုံးဖြင့် စစ်ကောင်စီ၏ နတ်ရေကန်လေကြောင်းရန်ကာကွယ်ရေး ရေဒါစခန်းသို့ တိုက်ခိုက်ခဲ့ကြောင်း၊ PRA (Magway) သည် မင်းဘူးခရိုင်အတွင်း အခြေပြုလှုပ်ရှားနေပြီး နိုင်ငံနှင့်အဝှမ်း စစ်နယ်ဝန်းကျယ်ပြန့်လာမှု နှင့် အတူ တပြေးညီ အကောင်အထည်ဖော်နိုင်ရန် တိုက်ပွဲဝင်လျှက်ရှိကြောင်းထုတ်ပြန်သည်။
Comments
Post a Comment