တန့်ယန်းမြို့နယ်တွင် ကျားဖျန်လုပ်ကိုင်သူ ၇၆၂ ဦးကို ဖမ်းမိပြီး တရုတ်ထံ လွှဲပြောင်း

ရှမ်းပြည်နယ် အရှေ့မြောက်ပိုင်း၊ တန်ယန်းမြို့နယ် အတွင်း ကျားဖျန် (ခေါ်) အွန်လိုင်း ငွေလိမ်လုပ်ငန်း လုပ်ကိုင်သူ တရုတ်နိုင်ငံသား ၇၆၂ ဦးကိုဖမ်းဆီးရရှိခဲ့ပြီး တရုတ်နိုင်ငံ ထံသို့ လွှဲပြောင်းခဲ့ကြောင်း WSTV (Wa State TV) မှနိုဝင်ဘာ လ ၁၉ ရက်နေ့ တွင်ထုတ်ပြန်သည်။ 

ကျားဖျန်လုပ်ကိုင်သူ တရုတ်နိုင်ငံသား ၇၆၂ ဦးနှင့် အတူ ဂြိုလ်တု အင်တာနက် (starlink) ၇၆ ခု၊ ဖုန်း ၁၅၄၉ လုံး၊ ကွန်ဗျူတာ ၈၂ လုံးတို့ကို ဖမ်းဆီးရမိခဲ့ကြောင်း ၊တရုတ်နိုင်ငံ၊ ယူနန်ပြည်နယ် ပြည်သူ့လုံခြုံရေး နှင့် ပူးပေါင်းဆောင်ရွက်ရေး သဘော တူညီချက်အရ "ဝ" ပြည်နယ် တရားရေးကော်မရှင်၊ နိုင်ငံခြားရေး ဝန်ကြီးဌာနနှင့် တန့်ယန်းမြို့ရှိ ကိုယ်စားလှယ်များက ဖမ်းဆီးရမိသည့် တရုတ်နိုင်ငံသား ၇၆၂ ဦးနှင့်အတူ သက်သေပစ္စည်းများအား တရုတ်နိုင်ငံသို့ လွှဲပြောင်းပေးခဲ့ကြောင်းသိရသည်။

Photo - WSTV/Wa News Land

"UWSA လူပ်ရှားတဲ့ တန့်ယန်းနယ်မှာ ၁ဝဝဝ ကျော်ဖမ်းမိပါတယ်။ ၇၆၂ ယောက်က တရုတ်ပြည်ကတရုတ်လူမျိုးပါ။ မိုင်းမောခရိုင် ပန်ဝိုင်မြို့နယ်မှာရှိတဲ့ ဒီယုံးဟော့ နယ်ခြားဂိတ်မှာ လွှဲပြောင်းပေးခဲ့ပါတယ်" ဟု "ဝ" ပြည်သွေးစည်း ညီညွှတ်ရေးတပ်မတော် - UWSA ရဲ့ ပြောရေးဆိုခွင့်ရှိသူ ဦးညီရန်းက "ဝ" လူငယ့်အသံ ကွန်ရက်ကိုပြောကြားသည်။

တန့်ယန်းမြို့အား "ဝ" တပ် - UWSA ထိန်းချုပ်ပြီးနောက် ကျားဖျန်လုပ်ကိုင်များအား ပထမဆုံးအကြိမ်ဖမ်းမိခြင်းဖြစ်သည်။

Bagan News