မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
စစ်ကောင်စီတပ်၏ ပစ်ခတ်မှုများကြောင့် မွန်ပြည်နယ် ၊ ကျိုက်ထိုမြို့နယ်နှင့် ပဲခူးတိုင်း ၊ ညောင်လေးပင်ခရိုင်(ခလယ်လွီထူ)လယ်ဒိုနှင့် ဆောထိမြို့နယ်ရှိပြည်သူများ ထိမှန်ဒဏ်ရာရရှိခဲ့ရပြီး နေအိမ်များပျက်စီးခဲ့ကြောင်း ကေအဲန်ယူ−ဗဟိုမှထုတ်ပြန်သည်။
 |
| ဓါတ်ပုံ − စစ်ကောင်စီတပ်၏ လက်နက်ကြီးပစ်ခတ်မှုကြောင့် ပျက်စီးမှုများ။ |
ကျိုက်ထိုမြို့နယ်တွင် သိမ်ဇရပ်အမြောက်တပ် (အမှတ်-၃၁၀) မှ စစ်ကောင်စီတပ်သည် ၂၀၂၄ခုနှစ် အောက်တိုဘာလ (၃၀)ရက်နေ့ ညတွင် (၁၂၀) မမ လက်နက်ကြီး (၂)လုံး ပစ်ခတ်မှုကြောင့် ဝင်းကံစစ်ဆေးရေးဂိတ်အနီးရှိ ခရွဲကျေးနယ် အပိုင်း ရော်ဘာခြံအနီးတဝိုက်အတွင်းသို့ ကျရောက်ပေါက်ကွဲခဲ့ပြီး ရော်ဘာအစေး ခြစ်နေသည့် ဒေသခံအလုပ်သမား အမျိုးသမီး (၁)ဦး၊ မိန်းကလေး(၁) ဦးနှင့် ကလေး (၁)ဦး လက်နက်ကြီးကျည်စထိမှန်ခဲ့ကြောင်းသိရသည်။
အလားတူ လယ်ဒို မြို့နယ် နှင့် ဆောထိမြို့နယ်တို့တွင် စစ်ကောင်စီတပ်မှ ဒီဇင်ဘာလ ၇ ရက်မှ ၉ ရက်အတွင်း ပြည်သူများ နေထိုင်ရာ ကျေးရွာအတွင်းသို့ လက်နက်ကြီး စုစုပေါင်း (၁၃)လုံး ပစ်ခတ်ခဲ့ရာ အသက် (၁) နှစ်အရွယ် ကလေးငယ်(၁)ဦးအပါအဝင် ဒေသခံပြည်သူ (၃)ဦး ကျည်စထိမှန်ဒဏ်ရာရပြီး ဒေသခံများ၏ နေအိမ် (၃)လုံး၊ ပုဇင်း(၁)စီးနှင့် ဆိုင်ကယ်(၁)စီးတို့ ထိခိုက်ပျက်စီးခဲ့ကြောင်း ကေအဲန်ယူ−ဗဟိုမှထုတ်ပြန်သည်။
Comments
Post a Comment