အမ်းမှ ထွက်ပြေးလွတ်မြောက်လာသော စစ်ကောင်စီတပ်သားများအား ဖမ်းဆီး

ရက္ခိုင်ပြည်နယ်၊ အမ်းမြို့နယ်ဘက်မှ ထွက်ပြေးလွတ်မြောက်လာသော စစ်ကောင်စီတပ်သားများထံမှ လက်နက်ခဲယမ်းများ သိမ်းဆည်းရရှိ ခဲ့ကြောင်းချင်းကာကွယ်ရေးတပ်-အရှို(CDF - Asho)မှထုတ်ပြန်သည်။

အမ်းမြို့နယ်ရှိ အနောက်ပိုင်းတိုင်းစစ်ဌာနချုပ် (နပခ) အား အာရက္ခတပ်တော်မှ တိုက်ခိုက်သိမ်းပိုက်ပြီးနောက် စစ်ကြောင်းအသီးသီးမှ စစ်ကြောင်းပျက် ထွက်ပြေး လွတ်မြောက်လာသော စစ်ကောင်စီတပ်ဖွဲ့ဝင်အင်အား (၉၀)ခန့်ပါဝင်သော (စစ်ကြောင်း ၂ ကြောင်း) အမ်း-ပဒါန်း လမ်းမအနီး၊ ပျဉ်းဝ စစ်ဆေးရေးဂိတ်၊ အနောက်ဘက်မီတာ (၁၅၀၀) ကျော်ခန့်တွင် ပိတ်ဆို့တားဆီးခဲ့ကြောင်း CDF - Asho မှထုတ်ပြန်သည်။

ဓာတ်ပုံ - CDF - Asho

စစ်ကောင်စီတပ်သားအချို့သည် အသာတကြည် လက်နက်ချအလင်းဝင်သူများရှိခဲ့ပြီး အချို့မှာ စစ်ကြောင်းပျက်ကာ ခြေဦးတည်ရာ ထွက်ပြေးသွားကြကြောင်း၊ထွက်ပြေးလွတ်မြောက်သွားသော စစ်ကောင်စီတပ်ဖွဲ့ဝင်များအား လိုက်လံရှာဖွေ ရှင်းလင်းရာ (၃) ရက်အတွင်း စစ်ကောင်စီတပ်ဖွဲ့ဝင် (၁၇) ဦးအား ထပ်မံလက်ရ ဖမ်းဆီးရမိခဲ့ကြောင်းသိရသည်။

ဒီဇင်ဘာလ ၂၅ ရက်မှ ၂၇ ရက်နေ့အတွင်း အလင်းဝင်လာသော စစ်ကောင်စီ တပ်သားများနှင့် ဖမ်းဆီးရမိသူများထံမှ လက်နက်ခဲယမ်းအများအပြားနှင့် စစ်အသုံးအဆောင်များစွာ သိမ်းဆည်းရရှိခဲ့ကြောင်း ၊ ထွက်ပြေးလွတ်မြောက်လျက်ရှိသော စစ်ကောင်စီတပ်ဖွဲ့ဝင်များအား နယ်မြေရှင်းလင်းရှာဖွေလျှက် ရှိကြောင်း CDF - Asho မှထုတ်ပြန်သည်။

Bagan News