မဲဆောက်မှာ မြန်မာလူမျိုးခြင်း ဓားထောက်ပြီး ဖုန်းလုယူ

ထိုင်းနိုင်ငံ မဲဆောက်မြို့တွင် ဖုန်းဝယ်မည်ဟု အကြောင်းပြကာ ချိန်းဆိုရာသို့ရောက်ရှိစဉ် ဓားထောက်ပြီး ဖုန်းလုယူ ထွက်ပြေးသွားကြောင်း ကိုယ်တိုင်ကြုံတွေ့ခဲ့သူက လူမှုကွန်ရက်ကတဆင့်  ဗီဒီယိုဖိုင်ဖြင့်ယနေ့ပြောကြားသည်။

မဲဆောက်မြို့ အာရှလမ်း ဂျပန်အဟောင်းဆိုင် ဘေးလမ်းရှိ စနေဈေး ကုက္ကိုလ်ပင်အနီးတွင် ယနေ့နံနက်တွင်ဖုန်းဝယ်မည့်သူကချိန်းဆိုခဲ့ပြီး သွားရောက်ပြသစဉ် ဓားထောက်ပြီး လုယက်ခံရခြင်းဖြစ်ကြောင်း ဌင်းကပြောသည်။

ဓာတ်ပုံ - လုယူခံလိုက်ရသည့်ဖုန်း။ (Photo - Nyo Chaw/FB)

"သူကနှာခေါင်းစည်းတပ်ပြီးထွက်လာတယ်။ ကျနော့်ဖုန်းကိုယူကြည့်တယ်ပေါ့။ မူမမှန်ဘူးလို့တော့သိတယ်။ နောက်တယောက်ကထပ်ရောက်တာတယ်။ ဟူဒီအကျီ ဝတ်ထားတယ် မက်ကလည်းတပ်ထားတယ်ပေါ့။ ပြီးလည်းပြီးရော ဓားအရှည်ထုတ်ပြီး ရှိတဲ့ဖုန်းတွေ အကုန်ထုတ်ဆိုပြီး နေ့ခင်းကြောင်တောင်နော် တော်တော်ကြောက်ဖို့ကောင်းတယ်။ လူငယ်လေးတွေ အသက် ၂ဝ ကျော်လောက် ရှိသေးတဲ့ ကောင်လေးတွေက... ကျနော်ခပ်လှမ်းလှမ်းဝေတဲ့နေရာကို ရှောင်ထွက်လိုက်တဲ့ အချိန်မှာ သူတို့ကပြေးဝင်သွားတယ်" ဟု ဌင်းကပြောသည်။

ဌင်းလူငယ် ၂ ဦးယူဆောင်သွားသည့်ဖုန်းမှာ Redmi Note 13 Proplus (12/512) ဖုန်းဖြစ်ပြီး တန်ဖိုး ဘတ် ၈၅ဝဝ ခန့်ရှိကြောင်း ၊ လာရောင်းပါကသိရှိနိုင်ရန်တင်ပြခြင်းဖြစ်ကြောင်း၊  မဲဆောက်တွင် အချောင်သမားများ များလာနေသည့်အတွက် အားလုံး သတိထားကြရန်လိုကြောင်း ဖုန်းသွားပြစဉ်လုယူခံရသူက ဓာတ်ပုံနှင့်တကွ  လူမှုကွန်ရက်တွင်ဖော်ပြထားသည်။ 

Bagan News