အညာပစ်တိုင်းထောင်လေးများအဖွဲ့ဦးဆောင်သူ မဖူးပွင့်ဝေနဲ့မေးမြန်းခြင်း။ ၂ဝ၂၁ စစ်တပ်အာဏာသိမ်းပြီးတဲ့နောက်မှာ လူငယ်တွေဟာ အင်တိုက်အားတိုက်နဲ့ လမ်းပေါ်ထွက်ပြီးအာဏာသိမ်းတာကို လက်မခံကြောင်း ဆန္ဒထုတ်ဖော်ခဲ့ကြပါတယ်။ စစ်တပ်ရဲ့ဖမ်းဆီးပစ်ခတ်တာတွေ လုပ်လာတဲ့နောက်မှာတော့ လူငယ်တွေဟာ တိုင်းရင်းသားနယ်မြေတွေသွားရောက်ပြီး လက်နက်ကိုင်တော်လှန်ဖို့ ဆုံးဖြတ်ခဲ့ကြပါတယ်။ ဒီထဲမှာ အမျိုးသမီးလူငယ်တွေဟာလည်း အမျိုးသားတွေနဲ့တန်းတူပါဝင်ခဲ့ကြပါတယ်။ စစ်ကိုင်းတိုင်း အညာဒေသ ဆားလင်းကြီးမြို့နယ်က နောက်ဆုံးနှစ် တက္ကသိုလ်ကျောင်းသူ မဖူးပွင့်ဝေဟာလည်း စစ်အာဏာရှင်စနစ်ဆန့်ကျင်ရေး ဆန္ဒပြပွဲတွေမှာ ဦးဆောင်ပါဝင်ခဲ့ပါတယ်။ စစ်တပ်ရဲ့ ပစ်ခတ်ဖမ်းဆီးရက်စက်မှုတွေကို မြင်လာတဲ့အခါမှာ လက်နက်ကိုင်တိုက်ပွဲဝင်ဖို့ ဆုံးဖြတ်ခဲ့ပါတယ်။ ရှေ့တန်းမှာ စစ်တိုက်ဖို့ အမျိုးသမီးတွေ အခွင့်အလမ်းနည်းပါးတာကြောင့် သပိတ်တိုက်ပွဲတွေကို ပြန်အသက်သွင်းခဲ့ပြီး စိတ်တူညီတဲ့ သူငယ်ချင်းတွေနဲ့ ၂၀၂၂ ခုနှစ်မှာ အညာပစ်တိုင်းထောင်လေးများအဖွဲ့ကို တည်ထောင်ခဲ့ပါတယ်။ အညာပစ်တိုင်းထောင်လေးများအဖွဲ့ဟာ အညာဒေသမှာ ဘယ်လိုကူညီမှုတွေလုပ်နေသလဲ။ အမျိုးသမီးလူငယ်တစ်ယောက်အနေနဲ့ တော်လှန်ရေးမှာ ဘယ်လိုဖ...
စစ်ကိုင်းတိုင်း ခင်ဦးမြို့ပေါ်တွင် ဒီဇင်ဘာလ ၄ ရက်နေ့က အပြန်အလှန် ပစ်ခတ်မှုများ ဖြစ်ပွားပြီး ကာကွယ်ရေးရဲဘော် ၁ ဦးကျဆုံးခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ ထုတ်ပြန်သည်။
ဒီဇင်ဘာလ ၄ ရက်နေ့နံနက် ၉ နာရီဝန်းကျင်တွင် ခင်ဦးမြို့ ပြည်သူ့ဆေးရုံကြီး အနီး သံပြားကာ ကားတစ်စီးဖြင့် ထွက်လာသော စစ်ကောင်စီ တပ်သားများနှင့်မြို့ပေါ် UG နှင့် ပူးပေါင်း ကာကွယ်ရေးအဖွဲ့များ အပြန်အလှန် ပစ်ခတ်မှုများ ဖြစ်ပွားခဲ့ကြသည်။
 |
| ဓာတ်ပုံ - ကျဆုံးရဲဘော် ကိုနွေဦး၏ ဈာပန။ |
၎င်းပစ်ခတ်မှု အတွင်း စစ်ကောင်စီ တပ်မှ ၆ဝ မမ လက်နက်ကြီးဖြင့် တန်ပြန်ပစ်ခတ်မှုကြောင့် ကာကွယ်ရေး ရဲဘော်များ စုရပ်နေရာ အနီးဆုံး ပေါက်ကွဲခဲ့ကာ ကာကွယ်ရေးရဲဘော် ကိုနွေဦး ကျဆုံးခဲ့ခြင်းဖြစ်သည်။
ဌင်းပြင် မြို့ပေါ် UG နှင့် ပူးပေါင်းရဲဘော် (၅)ဦးလည်း လက်နက်ကြီး အစများထိမှန်ခဲ့ကာ ပြင်းထန် ဒဏ်ရာများ ရရှိခဲ့ကြပြီး ဆေးကုသမှုခံယူနေရကြောင်း သိရသည်။
ကျဆုံးရဲဘော် ကိုနွေဦး၏ ဈာပနအား ဒီဇင်ဘာလ ၄ ရက်နေ့ ညနေခင်း ၌ ပြုလုပ်ခဲ့ကြောင်း သိရသည်။
စစ်ကောင်စီ တပ်သားများသည် ပစ်ခတ်မှု အပြီးတွင်လည်း ၎င်းတို့ အခြေချ ရာ ပြည်သူ့ဆေးရုံကြီးတွင် Non CDM ဆရာဝန် များနှင့်ပူးပေါင်း၍ မြို့ပေါ်ရှိ ကလေးမိခင်များကို ကလေးသူငယ်များအား ကာကွယ်ဆေး မဖြစ်မနေ လာရောက် ထိုးနှံကြဖို့ အတင်းအကြပ်လုပ်ဆောင်နေကြကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ ထုတ်ပြန်သည်။
ဌင်းအပြန်အလှန်ပစ်ခတ်မှုများ အတွင်း စစ်ကောင်စီတပ်ဘက်မှလည်း သေဆုံးဒဏ်ရာရမှုများရှိခဲ့ကြောင်း သိရသည်။
Comments
Post a Comment