မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
ပဲခူးတိုင်း၊ညောင်လေးပင်ခရိုင်(ခလယ်လွီထူခရိုင်) ကျောက်ကြီးမြို့နယ်(လယ်ဒိုမြို့နယ်)အတွင်းတွင် စစ်ကောင်စီတပ်မှပစ်ခတ်မှုကြောင့် ဘုန်းကြီးကျောင်း (၁)ကျောင်း နှင့် နေအိမ်(၁)လုံး ပျက်စီးခဲ့ပြီး သံဃာတော် (၁)ပါး လက်နက်ကြီးစ ထိမှန်ဒဏ်ရာရရှိခဲ့ကြောင်း ကရင်အမျိုးသားအစည်းအရုံးမှထုတ်ပြန်သည်။
ပြီးခဲ့သည့် နိုဝင်ဘာလ (၂၉) ရက်နေ့တွင် ပိန်းဇလုပ်အခြေစိုက် ခလရ-၂၆၄ တပ်မှ ၁၂၂ မမ ဟောင်ဝစ်ဇာ လက်နက်ကြီးများဖြင့် ကော်သာစေးကျေးရွာ၊ကျောင်းစုကျေးရွာ ၊ ၁၂၀ မမ လက်နက်ကြီးများဖြင့် ရေတွင်းကုန်းကျေးရွာသို့ပစ်ခတ်ခဲ့ခြင်းဖြစ်သည်။
 |
| ဓါတ်ပုံ − စစ်ကောင်စီတပ်များ၏ ပစ်ခတ်မှုကြောင့် ထိခိုက် ပျက်စီးမှုများ။ |
ဌင်းပြင် နတ်သံကွင်းမှ စစ်ကောင်စီ တပ်များသည် ၁၂၀ မမ လက်နက်ကြီးများဖြင့် ဝေဒေါခို (အင်တိုင်းကုန်း)ကျေးရွာ၊ကျောက်စရစ် ကျေးရွာ၊ကျောက်စရစ်အနောက်ကျေးရွာသို့စုစုပေါင်း(၂၅)လုံး ပစ်ခတ်ခဲ့ကြောင်း ကေအဲန်ယူမှထုတ်ပြန်သည်။
ကော်သာစေး (ဂေါ်သဇင်) ကျေးရွာအားစစ်ကောင်စီက လေယာဉ်ဖြင့် (၂)ကြိမ် ပစ်ခတ်ခဲ့ရာ ရေတွင်းကုန်း ကျေးရွာ နေအိမ် (၁)လုံး ပျက်စီးခဲ့ကြောင်းသိရသည်။
နိုဝင်ဘာလ (၃ဝ) ရက်နေ့တွင်လည်း ကုန်းချောင်းဝ ကျေးရွာမှ စစ်ကောင်စီ တပ်များသည် နတ်တလင်းကျေးရွာသို့ ၁၂၀ မမ လက်နက်ကြီး (၁)လုံး၊ နတ်သံကွင်းမှ စစ်ကောင်စီ တပ်များသည် နိုဂေါ် (မမယမ်း)ကျေးရွာသို့ ၁၂၀ မမ လက်နက်ကြီး (၁)လုံး စုစုပေါင်း (၂)လုံးပစ်ခတ်ခဲ့သည်။
ပစ်ခတ်မှုကြောင့် နတ်တလင်း ကျေးရွာရှိ ဘုန်းကြီးကျောင်း (၁) ကျောင်း ပျက်စီးခဲ့ပြီး ကျောင်းတွင်း သီတင်းသုံးနေသော အရှင်ဦးထာဝရ သက်တော် (၄ဝ) နှစ် မှာထိခိုက်ဒဏ်ရာရရှိခဲ့ကြောင်း ကေအဲန်ယူမှထုတ်ပြန်သည်။
Comments
Post a Comment