လက်ရှိတော်လှန်ရေးကို တဆင့်တက်၍ အသွင်ကူးပြောင်းမှုကာလ အစီအမံများ ကို အတည်ပြုပြီး အသွင်ကူးပြောင်းရေး အစိုးရတရပ်အောင်မြင်စွာဖွဲ့စည်းနိုင်ရန်၊ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးလုပ်ငန်းစဉ်များကို လက်တွေ့အကောင်အထည်ဖော်နိုင်စေရန် ၊ စစ်ရေး၊ နိုင်ငံရေး၊ ဖက်ဒရယ်ရေးနှင့် အင်စတီကျူးရှင်းဆိုင်ရာ ကိစ္စရပ်များကို ညှိနှိုင်းဦးဆောင်လမ်းညွှန်အကောင်အထည်ဖော်ဆောင်နိုင်ရန် အတွက် "ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင် ကောင်စီကိုဖွဲ့စည်းလိုက်ကြောင်း NUG ကထုတ်ပြန်သည်။ ၎င်းကော်မတီကို မတ်လ ၃၀ ရက်နေ့တွင်အွန်လိုင်းမှတဆင့် ကနဦး ဖွဲ့စည်းခဲ့ကြောင်းသိရသည်။ ဖွဲ့စည်းခြင်းအခမ်းအနားသို့ ကချင်လွတ်လပ်ရေးအဖွဲ့ (KIO) ဒုတိယဥက္ကဋ္ဌ ဗိုလ်ချုပ်ကြီး ဂမ်ရှောင် ၊ ကေအိုင်စီ ဒုဥက္ကဋ္ဌ ဒု-ဗိုလ်ချုပ်ကြီး ဂွန်မော် နဲ့ ဗဟိုကော်မတီဝင်များ၊ ကရင်အမျိုးသားအစည်းအရုံး ဥက္ကဋ္ဌ ဖဒိုစောကွယ်ထူးဝင်း၊ ဒုဥက္ကဋ္ဌ နှင့် အဖွဲ့ဝင်များ၊ ချင်းအမျိုးသားတပ်ဦး (CNF) ဥက္ကဋ္ဌ ပူးဇင်ကျုံး နဲ့ ဗဟိုအလုပ်အမှုဆောင်ကော်မတီအဖွဲ့ဝင်များ၊ ကရင်နီ ဥက္ကဋ္ဌ ခူဦးရယ်၊ KSCC, IEC , KNPP ခေါင်းဆောင်များနှင့် အဖွဲ့ဝ...
ရှမ်းပြည်နယ်တောင်ပိုင်း ၊ ဆီဆိုင်မြို့နယ် အရှေ့ဘက်ခြမ်းရှိ ပအိုဝ်းကျေးရွာများအား စစ်ကောင်စီတပ်မှ အဆိပ်ပါဝင်သည့် လက်နက်ကြီးဖြင့်ပစ်ခတ်တိုက်ခိုက်ခဲ့ကြောင်း ပအိုဝ်းအမျိုးသားလွတ်မြောက်ရေးတပ်မတော် PNLAမှထုတ်ပြန်သည်။
စစ်ကောင်စီနှင့်စစ်ကောင်စီလက်အောက်ခံ PNO ပြည်သူ့စစ်တို့သည် သာမန်လက်နက်ကြီးများသာမက လက်နက်ကြီးပစ်ခတ်မှုတွင် အဆိပ်များဖြင့်ပါ အသုံးပြုတိုက်ခိုက်လာကြောင်း PNLA ကဆိုသည်။
.jpg) |
| Photo - PNLA (စစ်ကောင်စီ၏ အဆိပ်ပါဝင်သည့်လက်နက်) |
ထိုအဆိပ်ကျည်မှာ ကျည်ပေါ်တွင် အဆိပ် ဟုရေးသားထားသည်ကို တွေ့ရှိရပြီး အဆိပ်ထွက်ပေါက်များပါဝင်သည်ကိုတွေ့ရှိရကြောင်း၊ ယခုတွေ့ရှိမှုသည် ပထမဆုံးအကြိမ်ဖြစ်ကြောင်း သိရသည်။
စစ်ကောင်စီမှ ပစ်ခတ်သည့် အဆိပ်ကျည်သင့်မှုကြောင့် ရဲဘော်အချို့မှာ အရေပြားယားယံခြင်း ၊ အပြင်းအထန်ဖျားနာခြင်း၊ မူးဝေအော့အန်ခြင်း စသည်များ ခံစားခဲ့ရကြောင်း PNLA မှထုတ်ပြန်သည်။
.jpg)
ထို့အပြင် စစ်ကောင်စီနှင့်စစ်ကောင်စီလက်အောက်ခံPNO ပြည်သူ့စစ် အင်အား ၇ဝဝ ကျော်က ထိုးစစ်ဆင်တိုက်ခိုက်နေသဖြင့် ဆီဆိုင်မြို့နယ်တွင် နေ့စဉ်တိုက်ပွဲပြင်းထန်နေကြောင်း သိရသည်။
စစ်ကောင်စီသည် ဆီဆိုင်မြို့နယ်အရှေ့ခြမ်းရှိ ပအိုဝ်းကျေးရွာများအားဇန်နဝါရီလ ၂၂ ရက်နေ့တွင် ၄ ကြိမ် ၊ ၂၃ ရက်တွင် ၂ ကြိမ် ၊ ၂၄ ရက်တွက် ၂ ကြိမ် ကို ဗုံးကြဲ တိုက်ခိုက်ခဲ့ကြောင်းသိရသည်။
စစ်ကောင်စီနှင့် PNO ပြည်သူ့စစ်တို့၏ တိုက်ခိုက်မှုကြောင့် ပအိုဝ်းကျေးရွာများမှ ပြည်သူ ၄ ထောင်ကျော်ခန့် တောတောင်ထဲ ထွက်ပြေးတိမ်းရှောင်နေရကြောင်းသိရသည်။
စစ်ကောင်စီက လက်နက်ကြီးများ ၊ ဒရုန်းများ ၊ မီးလောင်ဗုံးများ၊ တိုက် လေယာဉ်များဖြင့် တိုက်ခိုက်မှုကြောင့် ဆီဆိုင်မြို့နယ် ထီစုံကျေးရွာရှိ နေအိမ် ၆၀ ကျော် မီးလောင်ပျက်စီးခဲ့ကြောင်း PNLA မှထုတ်ပြန်သည်။
Comments
Post a Comment