ဝက်လက်မြို့နယ် တိုက်ပွဲတွင် တပ်မ ၃၃ မှစစ်သား ၂ဝ ကျော်သေဆုံး

စစ်ကိုင်းတိုင်း၊ ဝက်လက်မြို့နယ်တွင် အင်အား ၇ဝ ခန့်ပါ တပ်မ ၃၃ စစ်ကောင်စီ စစ်ကြောင်း ကိုကာကွယ်ရေးတပ်များက တိုက်ခိုက်ခဲ့ပြီး စစ်ကောင်စီ ဘက်မှ ၂ဝ ကျော် သေဆုံးကာ ၃ ဦး အရှင် ဖမ်းမိခဲ့ကြောင်း ရွှေဘိုခရိုင်အမှတ်(၁၈)တပ်ရင်း မှထုတ်ပြန်သည်။

ယမန်နေ့ ဇန်နဝါရီလ ၅ ရက်နေ့တွင် ဝက်လက်မြို့နယ် အုန္နဲဘုတ်ကျေးရွာကို ဝင်ရောက်စီးနင်းထားသော တပ်မ ၃၃ စစ်ကောင်စီ စစ်ကြောင်း အားရွှေဘိုခရိုင်အမှတ်(၁၈)တပ်ရင်း နှင့် ပူးပေါင်းအဖွဲ့ မှ ဝင်ရောက်တိုက်ခိုက်ပြီး စစ်ကောင်စီဘက်မှ သေဆုံးမှုများခဲ့ခြင်းဖြစ်သည်။

ဌင်းတိုက်ပွဲမှ MA 1 ငါးလက် ၊ လက်ပစ်ဗုံး ၂ လုံး၊ ရှေ့ထွက်မိုင်း ၁ လုံးမြင်းခွာနင်းမိုင်း ၄ လုံး၊ ဒရုန်းဖြတ်စက် ၁ ခု ၊ ၆၀ မမဗုံးသီး ၃ လုံး နှင့်အခြားစစ်အသုံးအဆောင်ပစ္စည်းများ သိမ်းဆည်းရမိ ခဲ့ကြောင်းသိရသည်။

တိုက်ပွဲဖြစ်ပွားချိန် ၅ နာရီ ခန့် ကြာမြင့်ခဲ့ပြီး စစ်ကောင်စီဘက်မှ ဂျက်ဖိုက်တာ ၄ စင်းဖြင့် လေကြောင်းတိုက်ခိုက်မှု အကြိမ် ၂၀ ကျော် ပစ်ကူ ပေးခဲ့ကြောင်း ရွှေဘိုခရိုင်အမှတ်(၁၈)တပ်ရင်း မှထုတ်ပြန်သည်။

ဌင်း တိုက်ပွဲတွင် ပူးပေါင်း အဖွဲ့ ဘက်မှ တော်လှန်ရေး ရဲဘော် ၅ ယောက် မစိုးရိမ်ရ ဒါဏ်ရာ ရရှိခဲ့ပြီး ဆုတ်ခွာထွက်ပြေးနေသော လက်ကျန် စစ်ကောင်စီတပ်သားများအား လိုက်လံ ရှင်းလင်းလျှက် ရှိကြောင်း ရွှေဘိုခရိုင်အမှတ်(၁၈)တပ်ရင်း မှထုတ်ပြန်သည်။

အုန္နဲဘုတ်ရွာ တိုက်ပွဲ အား ရွှေဘိုခရိုင်အမှတ်(၁၈)တပ်ရင်း၊ ရွှေဘိုခရိုင်အမှတ်(၂၃)တပ်ရင်း၊ ကြောင်လက်သည်း တပ်ဖွဲ့ ၊တပ်ရင်း ၁၈ တပ်ခွဲ(၁) ဝက်လက်မင်းသားကြီးအဖွဲ့၊ တပ်ခွဲ(၂) ProLife အဖွဲ့၊ တပ်ခွဲ(၃) ဗိုလ်သင်္ချိုင်းအဖွဲ့၊ တပ်ခွဲ(၄)ဗိုလ်ကျားကြီးအဖွဲ့၊ ဝက်လက်ဒေါင်းနီအဖွဲ့နှင့် ဒေါင်းစစ်သည်အဖွဲ့ များ မှ ပူးပေါင်းတိုက်ခိုက်ခဲ့ ကြ ကြောင်းသိရသည်။

ဓာတ်ပုံ - ရွှေဘိုခရိုင်အမှတ်(၁၈)တပ်ရင်း၊

Bagan News

Website https://www.bagannews.org/

Facebook https://www.facebook.com/Bagannewstv

Youtube https://www.youtube.com/@BaganNews/videos

Telegram https://t.me/bagannews