စစ်ကိုင်းတိုင်း ၊ ဝက်လက်မြို့နယ် ၊ ထုံးဘိုရွာတောင်ဘက် သန်းကုန်းတောတိုက်အနီးက စစ်ဘေးရှောင်တဲတွေကို စစ်တပ်က လေကြောင်းက ဗုံးကြဲချခဲ့တာကြောင့် ၅ ယောက်သေဆုံးခဲ့တယ်လို့ Wetlet Informational Network ကထုတ်ပြန်ပါတယ်။ မနေ့ည ၉ နာရီခွဲခန့်မှာ တံတားဦးလေဆိပ်ကတက်လာတဲ့ J-Fighter ၂ စီးက ဗုံးသီး အတွဲလိုက်ချ လေကြောင်တိုက်ခဲ့တာကြောင့် ဒေါ်သူဇာနွယ် (အသက် ၃၄ နှစ်) ၊ တွတ်ပီ (အသက်၂၆နှစ်) ၊ ဦးခင်မောင်လွင်(အသက်၇၀) အေးမြတ်သူဇာ အသက် ၄ နှစ်တို့ သေဆုံးခဲ့ပြီး အသက် ၄၀ အရွယ် ဒေါ်နှင်းမြလည်းရရှိတဲ့ဒဏ်ရာတွေနဲ့ သေဆုံးခဲ့တယ်လို့ သိရပါတယ်။ နေအိမ် ၈လုံးခန့် မီးလောင်ပျက်စီးခဲ့ပြီး စိုးရိမ်ရတဲ့ ဒဏ်ရာရထားသူတွေရှိနေတယ်လို့ ဒေသခံအဖွဲ့ကပြောပါတယ်။ စစ်တပ် လေကြောင်းတိုက်ခိုက်ခဲ့တဲ့ နေရာဟာ တိုက်ပွဲဖြစ်ပွားတာမရှိဘဲ စစ်ဘေးရှောင်တွေ နေထိုင်တဲ့ နေရာသာဖြစ်ပြီး သေဆုံးသွားတဲ့သူတွေဟာ စစ်ဘေးလာရှောင်တဲ့ ရွှေဘိုမြို့နယ် ကုလားမရွာသူ/သားတွေ ဖြစ်တယ်လို့ ထုတ်ပြန်ထားပါတယ်။ - Bagan News
မကွေးတိုင်း၊ ငဖဲမြို့နယ်၊ မျှော်စင်ရွာတွင် စစ်ကောင်စီစစ်ကြောင်းနှင့် တိုက်ပွဲဖြစ်ပွားခဲ့ပြီး စစ်ကောင်စီတပ်မှ (၃) ဦးသေဆုံးကာ (၁) ဦး ဒဏ်ရာရရှိခဲ့ကြောင်း လူထုတော်လှန်ရေးမဟာမိတ်အင်အားစု(PRA-Magway) တပ်ဖွဲ့မှထုတ်ပြန်သည်။
 |
| Photo - PRA-Magway |
မျှော်စင်ရွာ အနောက်ဘက်၌ နတ်ရေကန်လေကြောင်းရန် ကာကွယ်ရေးရေဒါစခန်းမှ ဆိုင်ကယ်ဖြင့်လှည့်ကင်းထွက်လာသော စစ်ကောင်စီအင်အား (၆) ဦးခန့်ကို ၂၀၂၅ ဇန်နဝါရီ (၃) ရက်နေ့ ညနေ (၅) နာရီခန့်တွင် PRA-Magway တပ်ဖွဲ့မှခြုံခိုတိုက်ခိုက်ခဲ့ခြင်းဖြစ်သည်။
တိုက်ပွဲတွင် စစ်ကောင်စီထံမှ MA-3 အမျိုးအစား လက်နက်ငယ် (၁) လက် သိမ်းဆည်းရမိခဲ့ကြောင်း သိရသည်။
၂ဝ၂၄ ခုနှစ် ဒီဇင်ဘာ (၁၈) ရက်နေ့တွင်လည်း ပဒါန်းမှတက်လာသော အင်အား (၁ဝဝ) ခန့်ပါစစ်ကား (၄) စီးနှင့် ကားသေး (၁) စီးတို့အား ငဖဲမြို့နယ် ဂုတ်ကြီးကျေးရွာအထက် မီတာ (၁ဝဝဝ) ခန့်အကွာ၌ မိုင်း ၉ လုံးဖြင့် PRA-Magway တပ်ဖွဲ့မှ မိုင်းဆွဲတိုက်ခိုက်ခဲ့သည်။
ဌင်းတိုက်ခိုက်မှုတွင် စစ်ကောင်စီစစ်ကား (၁) စီး ပျက်စီးခဲ့ပြီး စစ်ကောင်စီဘက်မှ (၄) ဦး သေဆုံးကာ (၁၃) ဦး ဒဏ်ရာရရှိခဲ့သည်။
ထို့ပြင် စစ်ကောင်စီ၏ ရှေ့တန်းစစ်မြေပြင်မှထွက်ပြေးလာသော စစ်ကောင်စီတပ်သားများကို ၂ဝ၂၄ နိုဝင်ဘာ (၂၉) ရက်နေ့တွင် (၁) ဦး၊ ၂ဝ၂၄ ဒီဇင်ဘာ (၂၆) ရက်နေ့တွင် (၃) ဦး စုစုပေါင်း (၄) ဦး ဖမ်းဆီးထိန်းသိမ်း ထားကြောင်းPRA-Magway တပ်ဖွဲ့ မှသိရသည်။
Bagan News
Comments
Post a Comment