မြိုင်မြို့တွင် စစ်ကောင်စီတပ်ကို ပစ်ခတ် ၄ ဦးသေဆုံး

မကွေးတိုင်း ၊ မြိုင်မြို့နယ်တွင် ယနေ့ ဇန်နဝါရီလ ၂၈ ရက်တရက်တာအတွင်း စစ်ကောင်စီတပ်သားများကို ပစ်ခတ်တိုက်ခိုက်ခဲ့ရာ ၄ ဦးသေဆုံးခဲ့ကြောင်း မြိုင်မြို့နယ် ပြည်သူ့ကာကွယ်ရေးတပ်ဖွဲ့ (မြိုင်-ပကဖ) မှထုတ်ပြန်သည်။

ယနေ့မနက်၁၁ နာရီခန့် အချိန်တွင် မြိုင်မြို့တွင်း  ထွေအုပ်ရုံးမှ မန်းလေးဂိတ်ဖက်သို့ ထွက်လာသော စစ်ကောင်စီတပ်သား ၂ ဦးအား သတင်းအရ သွား ရောက်ပစ်ခက်ခဲ့ရာ  စစ်ကောင်စီတပ်သား ၁ ဦးသေဆုံးပြီး ၁ ဦး အပြင်းအထန်ဒဏ်ရာရရှိသွားကာ MA-1 သေနတ်တလတ်နှင့် ယင်းကျည် ၁၇တောင့် သိမ်းဆည်းရရှိခဲ့ကြောင်း မြိုင်-ပကဖ မှသိရသည်။ 

ဓာတ်ပုံ - မြိုင် ပကဖ 

ဌင်းတိုက်ခိုက်မှုကို မြိုင်ပကဖ ၊ ကိုလင်းမြွေတပ်ဖွဲ့နှင့် ကိုဆံရှည်တပ်ဖွဲ့တို့က ပူးပါင်းလုပ်ဆာင်ခဲ့ခြင်းဖြစ်သည်။ 

ထို့ပြင် ယနေ့မနက်ပိုင်းတွင် မြိုင်မြို့နယ် လင်းကတော ရဲစခန်းတွင်းမှ စစ်ကောင်စီတပ်သားများသည် လင်းကတောရွာအတွင်း မိုင်းထောင်ကာ အများပြည်သူများ၏ အစားအသောက်များကို ခိုးယူ‌ နေစဉ်  ကာကွယ်ရေးတပ်များကဝင်ရောက်တိုက်ခိုက်ခဲ့ရာ စစ်ကောင်စီတပ်သား ၃ ဦးအနည်းဆုံး သေဆုံးခဲ့သည်။ 

လင်းကတောရွာတိုက်ပွဲတွင် စစ်ကောင်စီတပ်သား အများအပြား ထိခိုက် ဒဏ်ရာရရှိခဲ့ပြီး  BA 63 သေနတ် ၂ လတ် သိမ်းဆည်း ရရှိခဲ့ကြောင်း သိရသည်။ 

လင်းကတောရွာတိုက်ပွဲအား မြိုင် ပကဖ ၊ ပကဖ အမှတ်(၁) တပ်ရင်း ၊ ဆားလင်းကြီး SSTF တပ်ဖွဲ့ ၊ မြိုင်ပကဖ - မြောက်ပိုင်းဇုန်  တို့က  ပူးပေါင်းလုပ် ဆောင်ခဲ့ခြင်းဖြစ်ကြောင်း သိရသည်။

Bagan News