မြောက်ဦး စစ်သုံ့ပန်းစခန်းကို စစ်ကောင်စီဗုံးကြဲ ကလေးငယ်နှင့်အမျိုးသမီး ၂၈ ဦး သေဆုံး

ရခိုင်ပြည်နယ်၊  မြောက်ဦးမြိုနယ်၊ ရမ်းချောင်းအနီးတဝိုက်ရှိ စစ်ကောင်စီ ၏ စစ်သုံ့ပန်း မိသားစုဝင်များထားရှိသည့်နေရာကို စစ်ကောင်စီမှ ဂျက်ဖိုက်တာဖြင့် ဇန်နဝါရီလ (၁၈) ရက်နေ့တွင် ဗုံးကြဲမှုကြောင့် ကလေးငယ်နှင့်အမျိုးသမီး ၂၈ ဦး သေဆုံးခဲ့ကာ (၂၅) ဦးဒဏ်ရာရရှိခဲ့သည်။ 

စစ်ပွဲများအတွင်း လက်ရဖမ်းဆီးထားသော စစ်သုံ့ပန်းများ၊ ၎င်းတို့၏ မိသားစုဝင်များထဲမှ မကြာမီပြန်လည်လွှတ်ပေးရန် စီစဉ်ထားသောသူများ ယာယီထိန်းသိမ်းထားရှိသည့် နေရာအား စစ်ကောင်စီက ဂျက်ဖိုက်တာ (၁) စီးဖြင့် (၃) ကြိမ်တိုင်တိုင်  ဗုံးကြဲ တိုက်ခိုက်ခဲ့ခြင်းဖြစ်ကြောင်း အာရက္ခတပ်တော် AA မှထုတ်ပြန်သည်။ 

ဒဏ်ရာရရှိသူများထဲမှ အချို့မှာ အရေးပေါ်ဆေးကုသမှု ခံယူနေရပြီး ၎င်းထဲမှ ဒဏ်ရာပြင်းထန်သူများမှာ နောက်ထပ်သေဆုံးသူများရှိလာနိုင်ကြောင်း AA ကဆိုသည်။ 

Photo - AA (စစ်ကောင်စီ ဗုံးကြဲမှုကြောင့် သေဆုံး/ဒဏ်ရာရရှိသော စစ်သုံ့ပန်းမိသားဝင်များ)

စစ်ကောင်စီ ဗုံးကြဲမှုကြောင့် သေဆုံး/ဒဏ်ရာရရှိသော စစ်သုံ့ပန်းမိသားဝင်များမှာ အ မကြာမီအချိန်ကာလတစ်ခုတွင် ပြန်လည်လွှတ်ပေးရန် စီစဉ်ထားပြီး ဤ ယာယီထိန်းသိမ်းထားခြင်းဖြစ်ကြောင်းသိရသည်။ 

စစ်ကောင်စီသည် စာသင်ကျောင်းများ၊ ဆေးရုံဆေးခန်းများ၊ ဈေးများ၊ ဘာသာရေးအဆောက်အုံများ၊ လမ်းတံတားများ၊ စစ်ဘေးရှောင်စခန်းများ နှင့် လူနေထူထပ်သောနေရာများ စသည့် ပြည်သူကိုမှတ်ထား တိုက်ခိုက်သည့်လုပ်ရပ်များကို တရားလက်လွတ်ပြုလုပ်နေပြီး စစ်ရာဇဝတ်မှုများကို နေ့စဉ်နှင့်အမျှ ကျူးလွန်လျက်ရှိကြောင်း အာရက္ခတပ်တော် AA မှထုတ်ပြန်သည်။ 

Bagan News