ရှမ်းပြည်နယ်မြောက်ပိုင်း ၊ ကျောက်မဲမြို့ရှိ ပြည်သူ့ဆေးရုံအား စစ်ကောင်စီတပ်မှ ဂျက်ဖိုက်တာဖြင့် ဗုံး(၄)လုံး လာရောက်ကြဲချတိုက်ခိုက်ခဲ့ပြီး CDM ဆရာမ (၁)ဦး၊လူနာ (၁)ဦးသေဆုံးကာ ကျန်မားရေးဝန်ထမ်းများ၊ CDM ဝန်ထမ်းများအပါ အရပ်သား(၂ဝ)ဉီးကျော်ထိခိုက်ဒဏ်ရာ ရရှိခဲ့ကြောင်း တအာင်းတပ်မတော် TNLA မှထုတ်ပြန်သည်။
စစ်ကောင်စီတပ်သည် ယမန်နေ့ ဇန်နနဝါရီလ(၂၅)ရက်တွင် ကျောက်မဲပြည်သူ့ဆေးရုံအား ဗုံးကြဲချတိုက်ခိုက်ခဲ့ခြင်းဖြစ်ပြီး ဆေးရုံလည်း ပျက်စီးခဲ့ကြောင်း သိရသည်။
 |
| ဓာတ်ပုံ - TNLA |
ကျောက်မဲမြို့အား TNLA ထိန်းချုပ်ပြီးနောက်ပိုင်းတွင် ကျောက်မဲပြည်သူ့ဆေးရုံ အားစစ်ကောင်စီတပ်မှ တိုက်ခိုက်ခဲ့ခြင်းဖြစ်သည်။
စစ်ကောင်စီတပ်၏ ဗုံးကြဲမှုကြောင့် ဗုံးစထိမှန်သော ဒေသခံပြည်သူများကို PSLF/TNLA ရဲဌာနနှင့် ပရဟိတ အသင်းများမှ ဝိုင်းဝန်းကယ်ဆယ်ပြီး ဆေးကုသမှု ကူညီဆောင်ရွက်ခဲ့ကြောင်းသိရသည်။
ပြီးခဲ့သည့် ဇန်နဝါရီလ ၂၂ ရက်ကလည်း နောင်ချိုမြို့တွင် စစ်ကောင်စီတပ်မှ ဗုံးကြဲတိုက်ခိုက်မှုကြောင့် ဒေသခံပြည်သူ (၉)ဦးသေဆုံးခဲ့ပြီး နေအိမ်အဆောက်အအုံများလည်း ထိခိုက်ပျက်စီးခဲ့သည်။
Comments
Post a Comment