မြန်မာစစ်ခေါင်းဆောင် စစ်အာဏာရှင် အဆက်ဆက်ကြောင့် ကျရှုံးနိုင်ငံ ဖြစ်နေရဟု TNLA ပြော

မြန်မာပြည်သည် ကျရှုံးနိုင်ငံ ဖြစ်နေပြီဖြစ်ပြီး  နိုင်ငံတွင်းရှိ ဌာနေလူမျိုးများ ကိုယ်ပိုင်ပြဌာန်းခွင့် ဆုံးရှုံးနေရခြင်းတို့၏ အဓိကတရားခံသည် မြန်မာစစ်ခေါင်းဆောင်၊ စစ်အာဏာရှင်အဆက်ဆက်တို့ကြောင့် ဖြစ်ကြောင်း တအာင်းတပ်မတော် TNLA က ယနေ့ကျရောက်သည့် (၇၈)နှစ်မြောက် ပင်လုံစာချုပ် ချုပ်ဆိုခြင်းအခမ်းအနား သို ပေးပိုသည့်  သဝဏ်လွှာတွင်ရေးသားထုတ်ပြန်သည်။ 

မြန်မာစစ်အာဏာရှင်အဆက်ဆက်၊ မြန်မာအစိုးရအဆက်ဆက်နှင့် နိုင်ငံရေးပါတီများသည် ချစ်ဖွယ်ကောင်းသော မတူကွဲပြားသည့် မြန်မာပြည်ရှိ လူမျိုးများကို နိုင်ငံရေး အခွင့်အရေးများ သာတူညီမျှစွာ၊ လွတ်လပ်စွာ ခံစားနိုင်စေရန် မပေးစွမ်းနိုင်ဘဲ၊ တိုင်းပြည်ကို စစ်ပွဲနှင့် ဆင်းရဲ မွဲတေမှုသို့သာ ဖန်တီးတွန်းပို့လာခဲ့ကြကြောင်း TNLA ကပြောသည်။ 

လွန်ခဲ့သော နှစ်ကာလများစွာတွင် “ ပြည်ထောင်စုနေ့ ”ဟု အထိမ်းအမှတ်အခမ်းအနားများ ကျင်းပခဲ့ ရာမှ ယခုအခါ "(၇၈) နှစ်မြောက် ပင်လုံစာချုပ် ချုပ်ဆိုခြင်း" အခမ်းအနားဟု အမည်ပညတ် ပြောင်းလဲ ကျင်းပလာခြင်းသည် မြန်မာနိုင်ငံ၏ ပြည်ထောင်စုပြဿနာ ကြီးမားစွာ တည်ရှိနေဆဲဖြစ်သည်ဟု ဝန်ခံရာ ရောက်သည်ဟု ထုတ်ပြန်ချက်ကဆိုသည်။ 

လက်ရှိအချိန်ထိ ပြည်ထောင်စုနိုင်ငံ မတည်ဆောက်နိုင်ခြင်းသည် မြန်မာနိုင်ငံရှိ နိုင်ငံရေးပါတီ များနှင့် နိုင်ငံရေး/တော်လှန်ရေး ခေါင်းဆောင်များ၏ နိုင်ငံရေးယဉ်ကျေးမှု နိမ့်ကျနေဆဲ အခြေအနေကို ညွှန်ပြနေခြင်းသာဖြစ်ပြီး မြန်မာပြည်အတွင်းရှိ နိုင်ငံသားတိုင်း၊ လူမျိုးတိုင်း လွတ်မြောက်ချိန်တန်ပြီဟု TNLA ကထုတ်ပြန်သည်။ 

Photo - TNLA - PSLF/TNLA ၏ အခြေခံစစ်သင်တန်း အပတ်စဉ် (၆၅) ဆင်းပွဲ။

Bagan News