မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
မကွေးတိုင်း၊ ဂန့်ဂေါမြို့နယ် မြောက်ပိုင်း နှမ်းခါးကျေးရွာအတွင်းရှိ ဆေးပေးခန်းကို ယမန်နေ့ (မတ်လ ၂၂ ရက်နေ့) မနက် ၈ နာရီ ၃၈ မိနစ်ခန့်တွင် စစ်ကောင်စီတပ်မှဂျက်ဖိုက်တာတစ်စီးဖြင့် လေကြောင်းတိုက်ခိုက်မှုပြုလုပ်ခဲ့ပြီး အရပ်သား ၁၁ ဦး သေဆုံးခဲ့ကြောင်း ယောအလင်းတန်းအဖွဲ့မှသိရသည်။
ယင်းလေကြောင်းတိုက်ခိုက်မှုကြောင့် ဆေးပေးခန်းအတွင်း ဆေးဝါးကုသပေးနေသော ဆရာဝန်နှင့် မိသားစု ၃ ဦးအပါအဝင် ဆေးခန်းပြသူ ၈ ဦး စုစုပေါင်း ၁၁ ဦးသေဆုံးကာ ၆ ဦး ဒဏ်ရာရရှိခဲ့သည်။
"မနက်က ၈နာရီခွဲကျော်ကျော်လောက်မှာ လေကြောင်းနဲ့လာကြဲသွားတာ။ အချိန်က ဆေးခန်းပြတဲ့အချိန်ဆိုတော့ ဆေးခန်းထဲမှာရောက်နေတဲ့ လူနာတွေရော ဆရာဝန်မိသားစုရော စုစုပေါင်း ၁၁ လောင်း တွေ့ရပြီ။ ဒီထက်ပိုမပိုတော့ မပြောနိုင်သေးဘူး။ သေဆုံးသွားတဲ့အထဲမှာဆို ကလေးငယ် ၅ယောက်လောက်အထိပါနေတယ်ဗျာ"ဟု ဒေသခံတဦးကပြောသည်။
ယင်းလေကြောင်းတိုက်ခိုက်မှုကြောင့် ဆေးပေးခန်း မီးလောင်ပျက်စီးခဲ့ပြီး အနီးနားရှိ လူနေအိမ်အများအပြား ပြိုကျပျက်စီး ခဲ့သည်။
ယောဒေသတွင် ၂၀၂၅ ခုနှစ် မတ်လ တလအတွင်း လေကြောင်းတိုက်ခံရမှုကြောင့် ကန်ရွာမှ အရပ်သား ၄ ဦး၊ မြစ်သာဆည်ပေါ်လေကြောင်းတိုက်ခိုက်မှုတွင် အရပ်သား ၁ ဦး၊ ထီးလင်းမြို့နယ် လေကြောင်းတိုက်ခိုက်မှုတွင် အရပ်သား ၄ ဦးနှင့် နှမ်းခါးရွာလေကြောင်းတိုက်ခိုက်မှုတွင်အရပ်သား ၁၁ ဦး စုစုပေါင်းအရပ်သား ၂၀ ဦးခန့် သေဆုံးခဲ့ကြောင်း ယောအလင်းတန်းအဖွဲ့မှထုတ်ပြန်သည်။
- ZY/Bagan News
ဓာတ်ပုံ- နှမ်းခါးကျေးရွာ၊ ဆေးပေးခန်း လေကြောင်းတိုက်ခိုက်ခံရမှုမြင်ကွင်း။
Comments
Post a Comment