မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
မန္တလေးမြို့အနီးတွင် ယနေ့ နေ့လယ် ၁၂ နာရီ ၅၁ မိနစ်ခန့်တွင် လူပ်ခတ်ခဲ့သည့် ရစ်(ခ်)တာစကေး (၇.၇) အဆင့်ရှိ အင်အားအလွန်ပြင်းထန်သော မြေငလျင်နှင့်နောက်ဆက်တွဲ ငလျင်များကြောင့် တနိုင်ငံလုံးတွင် သေဆုံးသူ ၁၄၄ ဦးရှိပြီး ဒဏ်ရာရရှိသူ ၁၄၆၄ ဦးရှိသည်ဟု စစ်ကောင်စီခေါင်းဆောင်က ယနေ့ ထုတ်ပြန်ပြောဆိုသည်။
.jpg)
ဒဏ်ရာရရှိသူများမှာ နေပြည်တော်ကောင်စီနယ်မြေတွင် ၄၃၂ ဦး၊ စစ်ကိုင်းတွင် ၃ဝဝ ဦးနှင့် ကျောက်ဆည်တွင် ၇၃၂ ဦးရှိသည်။
ရစ်(ခ်)တာစကေး (၇.၇) အဆင့်ရှိ အင်အားအလွန်ပြင်းထန်သော မြေငလျင်နှင့်နောက်ဆက်တွဲ ငလျင်များကြောင့် မန္တလေးမြို့၌ နေအိမ်အချို့ ပြိုကျပျက်စီးမှုများရှိခဲ့ပြီးမဟာမြတ်မုနိဘုရားမုဒ်ဦး၊မန္တလေး တက္ကသိုလ်အဆောက်အအုံ၊ နန်းမြို့ရိုးနေရာ၊ မစိုးရိမ်ဓမ္မရက္ခိတကျောင်း အချို့ပြိုကျပျက်စီးခဲ့သည်။
ဌင်းငလျင်ကြောင့် စစ်ကိုင်းတံတားဟောင်းလည်း ယနေ့ ကျိုးကျခဲ့သည်။
မန္တလေးမြို့အနီးတွင် ယနေ့ မတ်လ ၂၈ ရက် တရက်အတွင်း ငလျင် ၅ ကြိမ် လူပ်ခတ် ခဲ့ကြောင်း မိုး၊ဇလဌာနက သတင်းထုတ်ပြန်သည်။
ယနေ့ မြန်မာစံတော်ချိန် (၁၂) နာရီ၊ (၅၁) မိနစ်၊ (၁၂) စက္ကန့် အချိန်တွင် မန္တလေးမြေငလျင်စခန်းမှ မန္တလေးမြို့၏ အရှေ့မြောက်ဘက် (၂၀) ကီလိုမီတာခန့်အကွာ အနက် (၁၀) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၇.၇) အဆင့်ရှိ အင်အားအလွန်ပြင်းထန်သော မြေငလျင်တစ်ခု လှုပ်ရှားသွား ကြောင်း မိုး၊ဇလဌာနက ပြောသည်။
ဌင်းငလျင်ကြောင့် မြန်မာနိုင်ငံမြို့ကြီးအချို့ အပါအဝင် ငလျင်ကြောနှင့်ဆက်စပ်နေသည့်ထိုင်းနိုင်ငံရှိ ဘန်ကောက်၊ ၊ချင်းမိုင်၊မဲဆောက်မြို့များပါ အကျိုးသက်ရောက်မှုရှိခဲ့သည်။
ဘန်ကောက်မြို့ ချတုချပ်မြို့နယ်ရှိ ပြုပြင်နေသည့် အဆောက်အအုံတခု ပြိုကျခဲ့ပြီး အဆောက် အအုံအတွင်း အနည်းဆုံး မြန်မာအလုပ်သမား ၄၃ ဦး ပိတ်မိနေနိုင်ကြောင်း ထိုင်းအစိုးရက သတင်းထုတ်ပြန်ထားသည်။
ZY / Bagan News
ဓာတ်ပုံ - ငလျင်ကြောင့် မန္တလေးမြို့တွင် ပြိုကျပျက်စီးမှုများ။ (Photo - CJ/FB)
Comments
Post a Comment