လက်ရှိတော်လှန်ရေးကို တဆင့်တက်၍ အသွင်ကူးပြောင်းမှုကာလ အစီအမံများ ကို အတည်ပြုပြီး အသွင်ကူးပြောင်းရေး အစိုးရတရပ်အောင်မြင်စွာဖွဲ့စည်းနိုင်ရန်၊ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးလုပ်ငန်းစဉ်များကို လက်တွေ့အကောင်အထည်ဖော်နိုင်စေရန် ၊ စစ်ရေး၊ နိုင်ငံရေး၊ ဖက်ဒရယ်ရေးနှင့် အင်စတီကျူးရှင်းဆိုင်ရာ ကိစ္စရပ်များကို ညှိနှိုင်းဦးဆောင်လမ်းညွှန်အကောင်အထည်ဖော်ဆောင်နိုင်ရန် အတွက် "ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင် ကောင်စီကိုဖွဲ့စည်းလိုက်ကြောင်း NUG ကထုတ်ပြန်သည်။ ၎င်းကော်မတီကို မတ်လ ၃၀ ရက်နေ့တွင်အွန်လိုင်းမှတဆင့် ကနဦး ဖွဲ့စည်းခဲ့ကြောင်းသိရသည်။ ဖွဲ့စည်းခြင်းအခမ်းအနားသို့ ကချင်လွတ်လပ်ရေးအဖွဲ့ (KIO) ဒုတိယဥက္ကဋ္ဌ ဗိုလ်ချုပ်ကြီး ဂမ်ရှောင် ၊ ကေအိုင်စီ ဒုဥက္ကဋ္ဌ ဒု-ဗိုလ်ချုပ်ကြီး ဂွန်မော် နဲ့ ဗဟိုကော်မတီဝင်များ၊ ကရင်အမျိုးသားအစည်းအရုံး ဥက္ကဋ္ဌ ဖဒိုစောကွယ်ထူးဝင်း၊ ဒုဥက္ကဋ္ဌ နှင့် အဖွဲ့ဝင်များ၊ ချင်းအမျိုးသားတပ်ဦး (CNF) ဥက္ကဋ္ဌ ပူးဇင်ကျုံး နဲ့ ဗဟိုအလုပ်အမှုဆောင်ကော်မတီအဖွဲ့ဝင်များ၊ ကရင်နီ ဥက္ကဋ္ဌ ခူဦးရယ်၊ KSCC, IEC , KNPP ခေါင်းဆောင်များနှင့် အဖွဲ့ဝ...
မန္တလေး အိုးဘိုအကျဉ်းထောင်ရှိ အမျိုးသားဆောင်အပေါ်ကို Drop Bone နှစ်လုံး ကျရောက်ပေါက်ကွဲခဲ့ပြီး အကျဉ်းသား ၂၁ ဦး သေဆုံးခဲ့ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM) ကယနေ့ထုတ်ပြန်သည်။
ဩဂုတ်လ (၈)ရက်နေ့၊ နံနက် ၁ဝ နာရီအချိန်တွင် ဗုံးကျရောက်ပေါက်ကွဲခဲ့ခြင်းဖြစ်ပြီး နိုင်ငံရေးအကျဉ်းသား ၁၇ ဦး၊ အခြားအကျဉ်းသား ၄ ဦး စုစုပေါင်း ၂၁ ဦး သေဆုံးခဲ့ကာ ထိခိုက်ဒဏ်ရာရှိသူ အနည်းဆုံး ၁ဝ ဦးအထိ ရှိခဲ့ကြောင်း PPNM ကထုတ်ပြန်သည်။
အိုးဘိုအကျဉ်းထောင်သည် အာဏာသိမ်းစစ်တပ်မှထိန်းချုပ်ထားသည့် အကျဉ်းထောင်ဖြစ်ပြီး Drop Bone ကြဲချခဲ့သောအဖွဲ့အား ဆက်လက်စုံစမ်းနေပြီး ထုတ်ပြန်သွားမည် ဖြစ်ကြောင်း သိရသည်။
ဗုံးကျရောက်ပေါက်ကွဲမှုကြောင့် သေဆုံးခဲ့ရသည့် နိုင်ငံရေးအကျဉ်းသားများမှာ
(၁) ပုဒ်မ- ၅၀(ည)ဖြင့် ဖမ်းဆီးခံထားရသည့် အသက်(၃၆)နှစ်အရွယ် ကိုတင်လင်းထွန်း ။
(၂ ) ပုဒ်မ -၅၂(က)/ ၅၁(ဂ) ဖြင့် ဖမ်းဆီးအကျဉ်းချခံထားရသည့် အသက်(၂၆)နှစ်အရွယ် ကိုသန်းနိုင် ။
(၃ ) ပုဒ်မ- ၅၀၅-က ဖြင့် ဖမ်းဆီးအကျဉ်းချခံထားရသည့်အသက်(၃၁)နှစ်အရွယ် ကိုကျော်သီဟ။
(၄ ) ပုဒ်မ-၅၂(က)/၅၀(ည)ဖြင့် ဖမ်းဆီးအကျဉ်းချခံထားရသည့်အသက်(၂၄)နှစ်အရွယ် ကိုရှိင်းဇော် ။
(၅ )ပုဒ်မ-၅၀(ည)ဖြင့် ဖမ်းဆီးအကျဉ်းချခံထားရသည့်အသက်(၂၆)နှစ်အရွယ် ကိုခန့်ဖြိုးအောင်။
(၆)ပုဒ်မ-၅၀(ည)ဖြင့် ဖမ်းဆီးအကျဉ်းချခံထားရသည့်အသက်(၂၉)နှစ်အရွယ် ကိုကျော်ဇင်တိုး။
(၇)ပုဒ်မ-၅၀၅-က ဖြင့် ဖမ်းဆီးအကျဉ်းချခံထားရသည့် ကိုအောင်ကိုဝင်း။
(၈)ပုဒ်မ-၅၀(ည)ဖြင့် ဖမ်းဆီးအကျဉ်းချခံထားရသည့် အသက်(၃၀)အရွယ် ကိုဌေးလင်းအောင်။
(၉) ပုဒ်မ-၅၂(က)/၅၁(ဂ)/၂၉ တို့ဖြင့်ဖမ်းဆီးအကျဉ်းချခံထားရသည့် အသက်(၃၉)နှစ်အရွယ် ကိုဝေယံ ။
(၁၀ ) ပုဒ်မ-၅၀၅-က ဖြင့် ဖမ်းဆီးအကျဉ်းချခံထားရသည့် အသက်(၂၁)နှစ်အရွယ် ကိုရဲရင့်။
(၁၁) ပုဒ်မ-၅၀(ည) ဖြင့် ဖမ်းဆီးအကျဉ်းချခံထားရသည့် အသက်(၂၈)နှစ်အရွယ် ကိုသူရနေမင်း။
(၁၂)ပုဒ်မ-၄၉/၅၂(က) တို့ဖြင့် ဖမ်းဆီးအကျဉ်းချခံထားရသည့် အသက်(၃၂)နှစ်အရွယ် ကိုသက်မျိုး။
(၁၃) ပုဒ်မ-၅၂(က)/၅၂(ဂ) တိုဖြင့်ဖမ်းဆီးအကျဉ်းချခံထားရသည့် အသက်(၃၇)နှစ်အရွယ် ကိုဗိုလ်ဝင်း။
(၁၄) ပုဒ်မ-၅၀(ည)ဖြင့် ဖမ်းဆီးအကျဉ်းချခံထားရသည့် အသက်(၃၇)နှစ်အရွယ် ကိုအောင်ကောင်းထက်။
(၁၅) ပုဒ်မ-၅၂(က)ဖြင့် ဖမ်းဆီးအကျဉ်းချခံထားရသည့်အသက်(၂၃)နှစ်အရွယ် ကိုဖုန်းထက်။
(၁၆) ပုဒ်မ-၅၂(က)/၅၀(ည) တို့ဖြင့် ဖမ်းဆီးအကျဉ်းချခံထားရသည့် အသက်(၂၈)နှစ်အရွယ် ကိုကျော်မြတ်သူ။
(၁၇) ပုဒ်မ-၅၀(ည)/၅၁(ဂ) တို့ဖြင့် ဖမ်းဆီးအကျဉ်းချခံထားရသည့် အသက်(၃၄)နှစ်အရွယ် ကိုကျော်ကျော်လင်းတို့ဖြစ်ကြောင်း PPNM ကယနေ့ထုတ်ပြန်သည်။
အခြားသေဆုံး အကျဉ်းသား ၄ ဦး ၏ အချက်အလက်များကို စုံစမ်းနေဆဲ ဖြစ်ကြောင်း သိရသည်။
Comments
Post a Comment