လက်ရှိတော်လှန်ရေးကို တဆင့်တက်၍ အသွင်ကူးပြောင်းမှုကာလ အစီအမံများ ကို အတည်ပြုပြီး အသွင်ကူးပြောင်းရေး အစိုးရတရပ်အောင်မြင်စွာဖွဲ့စည်းနိုင်ရန်၊ ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးလုပ်ငန်းစဉ်များကို လက်တွေ့အကောင်အထည်ဖော်နိုင်စေရန် ၊ စစ်ရေး၊ နိုင်ငံရေး၊ ဖက်ဒရယ်ရေးနှင့် အင်စတီကျူးရှင်းဆိုင်ရာ ကိစ္စရပ်များကို ညှိနှိုင်းဦးဆောင်လမ်းညွှန်အကောင်အထည်ဖော်ဆောင်နိုင်ရန် အတွက် "ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင် ကောင်စီကိုဖွဲ့စည်းလိုက်ကြောင်း NUG ကထုတ်ပြန်သည်။ ၎င်းကော်မတီကို မတ်လ ၃၀ ရက်နေ့တွင်အွန်လိုင်းမှတဆင့် ကနဦး ဖွဲ့စည်းခဲ့ကြောင်းသိရသည်။ ဖွဲ့စည်းခြင်းအခမ်းအနားသို့ ကချင်လွတ်လပ်ရေးအဖွဲ့ (KIO) ဒုတိယဥက္ကဋ္ဌ ဗိုလ်ချုပ်ကြီး ဂမ်ရှောင် ၊ ကေအိုင်စီ ဒုဥက္ကဋ္ဌ ဒု-ဗိုလ်ချုပ်ကြီး ဂွန်မော် နဲ့ ဗဟိုကော်မတီဝင်များ၊ ကရင်အမျိုးသားအစည်းအရုံး ဥက္ကဋ္ဌ ဖဒိုစောကွယ်ထူးဝင်း၊ ဒုဥက္ကဋ္ဌ နှင့် အဖွဲ့ဝင်များ၊ ချင်းအမျိုးသားတပ်ဦး (CNF) ဥက္ကဋ္ဌ ပူးဇင်ကျုံး နဲ့ ဗဟိုအလုပ်အမှုဆောင်ကော်မတီအဖွဲ့ဝင်များ၊ ကရင်နီ ဥက္ကဋ္ဌ ခူဦးရယ်၊ KSCC, IEC , KNPP ခေါင်းဆောင်များနှင့် အဖွဲ့ဝ...
ပဲခူးတိုင်း ၊ ညောင်လေးပင်ခရိုင် မူးမြို့နဲ့ ကျောက်ကြီးမြို့နယ်(လယ်တို) တိုက်ပွဲတွေမှာ စစ်ကောင်စီသုံ့ပန်း ၂၆ ဦးဖမ်းမိခဲ့တယ်လို့ ကရင်အမျိုးသားအစည်းအရုံး KNU ကထုတ်ပြန်ပါတယ်။
မူးမြို့နယ် တောင်စုကျေးရွာမှာ စစ်ကြောင်းထိုး အထိုင်ချခဲ့တဲ့ စစ်ကောင်စီတပ်တွေကို ပြီးခဲ့တဲ့ ဇွန်လ (၂၅) ရက်နေ့မှာ ကရင်အမျိုးသားလွတ်မြောက်ရေးတပ်မတော် KNLA နဲ့ ပူးပေါင်းတပ်တွေက တိုက်ခိုက်ခဲ့ကြပါတယ်။ တိုက်ပွဲမှာ လက်နက်ခဲယမ်းအများအပြားနဲ့ စစ်သုံ့ပန်း(၂၃)ဦးကို ဖမ်းမိခဲ့ပါတယ်။
တချိန်ထဲမှာပဲ ကျောက်ကြီးမြို့နယ် မြေတော်ဝိကျေးရွာမှာ ဖြစ်ပွားခဲ့တဲ့ တိုက်ပွဲမှာ လက်နက်ခဲယမ်းအများအပြားနဲ့ စစ်သုံ့ပန်း(၃)ဦးကို ဖမ်းမိခဲ့တယ်လို့ KNU ကပြောပါတယ်။
တိုက်ပွဲတွင်းမှာ ဖမ်းမိခဲ့တဲ့ စစ်သုံ့ပန်း(၂၆)ဦးကို စစ်စည်းကမ်းဥပဒေနဲ့ အညီတပ်ရင်း(၉)ထံမှာ ထိန်းသိမ်းထားပြီး အိမ်ပြန်လိုသူများတွေကို ပြန်လည်ပို့ဆောင်ပေးမယ်လို့ ထုတ်ပြန်ပါတယ်။
လုံခြုံရေးအရပြန်လို့ရသူတွေ မပြန်လိုသူတွေကိုတော့ အလုပ်အကိုင်ရှာဖွေပေးပြီး ကောင်းမွန်စွာထိန်းသိမ်းထားတယ်လို့ KNU ကဆိုပါတယ်။
စစ်သုံ့ပန်း အများစုဟာ မတရားစစ်မူထမ်း ခံရသူတွေဖြစ်ကြပြီး အချို့ကတော့ စစ်မှုမထမ်းလိုတော့သက်တမ်းပြည့် စစ်သားတွေ ပါဝင်တယ်လို့ ထုတ်ပြန်ပါတယ်။
ဓာတ်ပုံ- ကေအဲန်ယူက ဖမ်းမိထားတဲ့ စစ်သုံ့ပန်းများ။
Comments
Post a Comment