မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
အညာဒေသကို စစ်ကောင်စီကလေကြောင်းကနေ ဗုံးကြဲတာတွေ မကြာခဏပြုလုပ်နေတာကြောင့် ပြည်သူတွေနဲ့ ကလေးငယ်တွေ ထိခိုက်သေဆုံးနေပါတယ်။
ပြီးခဲ့တဲ့ မေလ(၁၂)ရက်နေ့က စစ်ကိုင်းတိုင်း၊ ဒီပဲယင်းမြို့နယ်၊အိုးတိန်တွင်းကျေးရွာစာသင်ကျောင်းကို စစ်ကောင်စီက တိုက်လေယာဉ်နဲ့ ဗုံးကြဲခဲ့ပါတယ်။ တိုက်ခိုက်မှုကြောင့် စာသင်နေကြတဲ့ ကျောင်းသားကျောင်းသူ ကလေးငယ် ၂၂ ဦးနဲ့ ဆရာမ ၂ ဦး စုစုပေါင်း ၂၄ ဦး သေဆုံးခဲ့ရပါတယ်။ ဒါ့အပြင် ကျောင်းသားကျောင်းသူကလေးငယ် အများအပြား ဒဏ်ရာရခဲ့ပါတယ်။
ဒီလို စစ်ကောင်စီက စာသင်ကျောင်းပါမကျန် စစ်ကောင်စီကဗုံးကြဲနေတာကြောင့် ကလေးငယ်တွေရဲ့ ပညာသင်ကြားခွင့်တွေ ဆုံးရှုံးခဲ့ပါတယ်။ အညာဒေသမှာ ကလေးငယ်တွေ ပညာသင်ကြားခွင့်ရရေးနဲ့ လေကြောင်းရန်ကာကွယ်ဖို့အတွက် စာသင်ကျောင်းတွေကို မြေအောက်မှာ စတင်ဖွင့်လှစ်နေပါတယ်။
ဒီတစ်ပတ် Bagan News ရဲ့ အညာအသံ အစီအစဉ်မှာတော့ အညာဒေသက မြေအောက်စာသင်ကျောင်းတွေအကြောင်း ကိုပြောပြပေးပါမယ်။
Comments
Post a Comment