"တော်လှန်ရေးမှာ အမျိုးသမီးတွေ လုပ်နိုင်တာလုပ်ပေးပါ"

၂ဝ၂၁ စစ်တပ်အာဏာသိမ်းပြီးနောက် ပေါ်ပေါက်လာတဲ့ နွေဦးတော်လှန်ရေးဟာ ဒီကနေ့မှာတော့ ၄ နှစ်ကျော်လို့ ၅ နှစ်ခရီးထဲ ရောက်ရှိလာပါပြီ။ နွေဦးတော်လှန်ရေးမှာ ရှေ့ဆုံးကနေ ပါဝင်ခဲ့ကြတာကတော့ အကြမ်းမဖက်အာဏာဖီဆန်ရေး CDM လုပ်ခဲ့ကြတဲ့ သူတွေပါ။ နွေဦးတော်လှန်ရေးမှာ PDF တပ်သားတွေက ရှေ့တန်းမှာ လက်နက်ကိုင်တော်လှန်နေကြလိုပဲ CDM သမားတွေကတော့ နွေဦးတော်လှန်ရေးရဲ့ နောက်တန်းမှာ နေရာယူထားကြတုန်းပါ။ CDM လူပ်ရှားမှုမှာ အမျိုးသားတွေနည်းတူ အမျိုးသမီးတွေကလည်း ရှေ့ဆုံးကနေ မားမားမတ်မတ် နဲ့ပါဝင်ခဲ့ကြပါတယ်။ ဒီထဲမှာ စစ်တပ်အာဏာသိမ်းပြီး နောက်တရက်မှာပဲ CDM လုပ်ခဲ့တဲ့ ဒေါ်ရတီအုန်း လည်းပါဝင်ပါတယ်။ ဒေါ်ရတီအုန်း ဟာ စစ်ကိုင်းတိုင်း ၊ ကလေးမြို့ ၊ အစိုးရနည်းပညာ အထက်တန်းကျောင်း ၊ မော်တော်ယာဉ် နည်းပညာဌာနမှာ ကထိက ၊ ဌာနမှူး တာဝန်ထမ်းဆောင်ရင်း စာသင်ကြားပေးခဲ့သူပါ။ လက်ရှိမှာ အမျိုးသမီး တစ်ယောက်အနေနဲ့ Mobile Medical Team ကိုဦးဆောင်နေသလို NUG ရဲ့ကြားကာလပညာသင်ကြားရေးမှာ ပါဝင်ပြီး စာသင်ကျောင်းတွေမှာ လေကြောင်းရန်ကာကွယ်ရေးလည်းဆောင်ရွက်ပေးနေသူပါ။ CDM အမျိုးသမီး တစ်ယောက်အနေနဲ့ နွေဦးတော်လှန်ရေးမှာ ပါဝင်နေတဲ့ Mobile Medical Team-West Division တာဝန်ခံ ဒေါ်ရတီအုန်းကို Bagan News ရဲ့ အညာအသံ Podcast က ဆက်သွယ်မေးမြန်းထားပါတယ်။