ရခိုင်ပြည်နယ် ၊ ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်အား စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် သေဆုံးသူ ၄၉ ဦးရှိလာကြောင်း အာရက္ခတပ်တော် - AA ကထုတ်ပြန်သည်။ ယမန်နေ့ ၊ စက်တင်ဘာလ (၂၈) ရက်နေ့၊ နေ့လယ် (၁၂) နာရီ (၁၀) မိနစ် နှင့် (၁၂) နာရီ (၁၄) မိနစ်အချိန်တွင် စစ်တပ်၏ ဂျက်တိုက်လေယာဉ် (၁) စီးမှ ကျောက်တော်မြို့၊ ကစ္ဆပနဒီ တံတားအနီးဝန်းကျင်၊ အိန္ဒိယစျေးဝန်းကျင်အား လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။ စစ်ကော်မရှင်က ဗုံးကြဲတိုက်ခိုက်မှုကြောင့် ထိခိုက်ဒဏ်ရာရရှိသူလည်း (၅၈) ဦးအထိ ရှိလာပြီး ယင်းအထဲတွင် ပြင်းထန်ဒဏ်ရာရခဲ့သူ ၂၂ ဦးရှိကြောင်းသိရသည်။ အလားတူ စစ်တပ်က ယမန်နေ့ ၊ နေ့လယ် တွင် မင်းပြားမြို့နယ် ၊ စွန်ရဲကျေးရွာနှင့် သံတွဲမြိုနယ်၊ ငပလီကို ဂျက်တိုက်လေယာဉ် (၁) စီးဖြင့် ဗုံးကြဲချတိုက်ခိုက်မှုကြောင့် ဒဏ်ရာရသူ ၉ ဦးရှိကြောင်း AA ကထုတ်ပြန်သည်။ - BAGAN NEWS
စစ်ကိုင်းတိုင်း ၊ ဝက်လက်မြို့နယ် အနောက်ခြမ်း ရွာသာကြီးရွာကနေ ထွက်လာတဲ့ စစ်တပ်စစ်ကြောင်းဟာ ထုံးဘိုရွာကိုရောက်ရှိနေပြီး နေအိမ်တွေကို ဒုတိယအကြိမ် မီးရှို့ဖျက်ဆီးနေတယ်လို့ Wetlet Informational Network ကထုတ်ပြန်ပါတယ်။
မနေ့ကလည်း စစ်တပ်စစ်ကြောင်းဟာ နှောပင်ရွာက နေအိမ်တွေကို မီးရှို့ ဖျက်စီးခဲ့တယ်လို့ ဒေသခံတွေကပြောပါတယ်။
People's Servant Revolution - Wetlet တပ်ဖွဲ့ကလည်း နိုဝင်ဘာလ ၆ ရက်နေ့က ဝက်လက်မြို့နယ်မှာ ရွာစဉ်လှည့်စစ်ကြောင်းထိုးနေတဲ့ စစ်ကြောင်းကို တိုက်ခိုက်ခဲ့ပြီး စစ်တပ်ဘက်က ၁၇ ယောက်သေဆုံးခဲ့တယ်လို့ ထုတ်ပြန်ပါတယ်။
စစ်အုပ်စုဟာ ဝက်လက်မြို့နယ်အတွင်းမှာ စစ်ကြောင်းတွေထိုးနေတာကြောင့် အချိန်မရွေးထိတွေ့တိုက်ပွဲဖြစ်ပွားနိုင်တာကြောင့် သတိပေးညွန်ကြားချက်တွေကို လိုက်နာကြဖို့နဲ့ထုတ်ပြန်ထားပါတယ်။
Comments
Post a Comment