မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
မန္တလေးတိုင်း ၊ မတ္တရာမြို့နယ်၊ စဉ့်ကူး မြို့နယ်နှင့် သပိတ်ကျင်းမြို့နယ်တို့တွင် စစ်ရေးတိုက်ပွဲများ ပိုမိုပြင်ထန်းလာနေသည့်အတွက် တိုက်ပွဲတွင်း ကြုံရနိုင်သည့် အခြေအနေများနှင့်ပက်သက်ပြီး ကြိုတင်ပြင်ဆင်ကြရန် ပြည်သူ့ကာကွယ်ရေးတပ်မတော် (မန္တလေး) MDY PDF ကထုတ်ပြန်သည်။
ဘေးအန္တရာယ်ကင်းနိုင်ရေးအတွက် လိုအပ်သည့် အစီအမံများ လုပ်ဆောင်ထားကြပါရန်လည်း တိုက်တွန်းထားသည်။
 |
| ဓာတ်ပုံ - စက်တင်ဘာလတွင်းပြုလုပ်ခဲ့သည့် MDY PDF ၏ အခြေခံစစ်ပညာသင်တန်းဆင်းပွဲမြင်ကွင်း။ |
စစ်အုပ်စုသည် ၂၀၂၅ ခုနှစ် ဒီဇင်ဘာလနှင့် ၂၀၂၆ ခုနှစ် ဇန်နဝါရီလတို့တွင် “တရားမဝင်ရွေးကောက်ပွဲ” ကိုလုပ်ရန် ဆောင်ရွက်နေပြီး ယင်းကာလမတိုင်မီတွင် တော်လှန်ရေးတပ်ဖွဲ့များ၏ ထိန်းချုပ်စိုးမိုးနယ်မြေများကို အပြင်းအထန် ထိုးစစ်ဆင် တိုက်ခိုက်လျက်ရှိသည်။
ပြည်သူ့ကာကွယ်ရေးတပ်မတော် (မန္တလေး)၏ လှုပ်ရှားရာ နယ်မြေများဖြစ်သော မတ္တရာမြို့နယ်၊ စဉ့်ကူးမြို့နယ်နှင့် သပိတ်ကျင်းမြို့နယ်များသည်လည်း စစ်အုပ်စုက ရွေးကောက်ပွဲ ပြုလုပ်ရန် လျာထားသည့် မြို့နယ်များစာရင်းတွင် ပါဝင်နေပါသည်။
စစ်အုပ်စု၏ လက်ရှိထိုးစစ်ကို ဆက်လက် ခုခံကာကွယ်သွားမည်ဖြစ်ကြောင်း ပြည်သူ့ကာကွယ်ရေးတပ်မတော် (မန္တလေး) ကထုတ်ပြန်သည်။ လက်ရှိတွင် မန္တလေးတိုင်း ၊ မတ္တရာမြို့နယ်၌ တိုက်ပွဲများ ပြင်းထန်နေသည်။
MDY PDF သိမ်းပိုက်ထားသည့် ဆည်တော်ကြီးရေလှောင်တမံနှင့် နယ်မြေခံတပ်ဌာနချုပ်၊ ပတ်ဝန်းကျင်အားလုံးကို စစ်တပ်က နိုဝင်ဘာလ ၇ ရက်နေ့တွင် ပြန်တိုက်ခိုက် ထိန်းချုပ်နိုင်ခဲ့ကြေင်း စစ်တပ်ဝါဒဖြန့် သတင်းစာများက ဖော်ပြခဲ့သည်။
ဆည်တော်ကြီးရေလှောင်တမံကို ပြန်ရရန် စစ်တပ်မှ အောက်တိုဘာ ၂၀ ရက်မှစပြီး စစ်ကြောင်း ၅ ကြောင်းဖြင့်ထိုးစစ်ဆင်ခဲ့ကြောင်း ၊ စစ်ဆင်ရေးကာလ ၁၉ ရက်အတွင်း တိုက်ပွဲကြီးငယ် (၄၂) ကြိမ် ဖြစ်ပွားခဲ့ပြီး PDF တပ်ဖွဲ့၏ အလောင်း ၁၄ လောင်းနှင့် လက်နက်မျိုးစုံ ၆၀ လက် သိမ်းဆည်းရရှိခဲ့ကြောင်း ဓာတ်ပုံများဖြင့် ဖော်ပြခဲ့သည်။
Comments
Post a Comment