မိုးရာသီဖြစ်စေသည့် အနောက်တောင်မုတ်သုံလေသည် မေလ ၁၃ ရက်နေ့မှ ၁၈ ရက်နေ့အတွင်း မြန်မာနိုင်ငံ တောင်ပိုင်းဒေသများသို့စတင်ဝင်ရောက်မည်ဖြစ်ကြောင်း မိုး ၊ ဇလဌာနကထုတ်ပြန်သည်။ မေလ ၁၉ ရက်နေ့မှ ၂၄ ရက်နေ့အတွင်း မြစ်ဝကျွန်းပေါ် ဒေသများ ၊ မေလ ၂၅ ရက်နေ့မှ ၃၀ ရက်နေ့အတွင်း မြန်မာနိုင်ငံအလယ်ပိုင်းဒေသများ၊ မေလ ၃၁ ရက်နေ့မှ ဇွန်လ ၅ ရက်နေ့အတွင်း မြန်မာနိုင်ငံမြောက်ပိုင်းဒေသများသို့ လည်းကောင်း အသီးသီး၀င်ရောက်နိုင်သည်။ မေလအတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်၀န်း (၂) ကြိမ် ဖြစ်ပေါ်နိုင်ပြီး (၁) ကြိမ်တွင် ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ကြောင်း ၊ မေလအတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်သည်။ မေလအတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ က...
စစ်တပ်အာဏာသိမ်းခဲ့တဲ့ ၂၀၂၁ ခုနှစ် ၊ ဖေဖော်ဝါရီ ၁ ရက်နေ့ကစပြီး၂၀၂၆ ခုနှစ် ဇန်နဝါရီ ၃၀ ရက်နေ့အထိ စစ်အုပ်စုနဲ့ လက်အောက်ခံ လက်ပါးစေတွေကြောင့် နွေဦးတော်လှန်ရေးကာလအတွင်း သေဆုံးခဲ့တဲ့ ဒီမိုကရေစီရေး လှုပ်ရှားသူနဲ့ ပြည်သူစုစုပေါင်းမှာ ၇၇၃၈ ဦး ရှိခဲ့ပြီဖြစ်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ကထုတ်ပြန်ပါတယ်။
 |
| ဓာတ်ပုံ - ရွှေဘိုမြို့နယ် ၊ ငပိအိုးကျေးရွာကို စစ်တပ် လေကြောင်းနဲ့ ဗုံးကြဲခဲ့တဲ့မြင်ကွင်း။ (Photo - CJ/FB) |
ဒါ့အပြင် မတရားအာဏာလုမှုဖြစ်စဉ်နဲ့ ဆက်စပ်ပြီး ဖမ်းဆီးခံခဲ့ရသူ စုစုပေါင်း ၃၀၃၅၇ ဦးရှိခဲ့ပါတယ်။အဲ့ဒီအထဲက ၂၂၇၆၇ ဦးကတော့ ထိန်းသိမ်းခံနေရဆဲဖြစ်ပြီး ထိန်းသိမ်းခံနေရတွေထဲက ၁၁၅၀၂ ဦးကတော့ ထောင်ဒဏ် ချမှတ် ခံထားရပါတယ်။
ဒီအချက်အလက်တွေဟာ လက်လှမ်းမီသမျှ ကောက်ယူထားတာ ဖြစ်ပြီး မြေပြင်မှာ ဒီထက် ပိုမိုများပြားနိုင်တယ်လို့ AAPP အသင်းကပြောပါတယ်။
ဒီနှစ် ဇန်နဝါရီလ ၁ ရက်နေ့ကနေ ၃၀ ရက်နေ့အထိ နိုင်ငံတဝန်းမှာ စစ်အုပ်စုကြောင့် အမျိုးသမီး (၄၁) ဦးနဲ့ အမျိုးသား (၄၆) ဦး စုစုပေါင်း (၈၇) ဦး သေဆုံးခဲ့တယ်လို့လည်းသိရပါတယ်။
သေဆုံးသူတွေထဲမှာ အသက် ၅ လ အရွယ် ကလေးငယ်အပါအဝင် အသက် ၁၈ နှစ်အောက် သေဆုံးသူ (၁၃) ဦး ပါဝင်နေပါတယ်။ သေဆုံးသူများအနက် စစ်ကိုင်းတိုင်းက (၂၄) ဦးနဲ့ သေဆုံးမှု အများဆုံးဖြစ်ပြီး ကချင်ပြည်နယ်နဲ့ ပဲခူးတိုင်းက (၁၆) ဦးစီနဲ့ သေဆုံးမှု ဒုတိယအများဆုံးဖြစ်တယ်လို့ AAPP အသင်းကထုတ်ပြန်ပါတယ်။
ပြီးခဲ့တဲ့ ဇန်နဝါရီလ ၂၆ ရက်နေ့ မနက်အစောပိုင်း ၁ နာရီဝန်းကျင် ကလည်း စစ်ကိုင်းတိုင်း၊ ရွှေဘိုမြို့နယ်ရှိ ကျေးရွာတွေကိုစစ်အုပ်စုက လေကြောင်းနဲ့ ဗုံးကြဲတိုက်ခိုက်ခဲ့တာကြောင့် ငပိအိုးကျေးရွာအတွင်း ကျရောက်ပေါက်ကွဲခဲ့ပြီး ပြည်သူ ၄ ဦး ဗုံးစထိမှန် သေဆုံးခဲ့ပါတယ်။
Comments
Post a Comment