မင်းတုန်းမြို့နယ် ၁၂ ရက်တာတိုက်ပွဲများအတွင်း စစ်တပ်ဘက် ၃၀ ဦးသေဆုံး

 မကွေးတိုင်းဒေသကြီး၊ သရက်ခရိုင် ၊ မင်းတုန်းမြို့နယ်အတွင်း စစ်ကြောင်းထိုးဝင်ရောက်လာသော စစ်တပ်စစ်ကြောင်းအား ခုခံတိုက်ခိုက်ခဲ့သည့် (၁၂)ရက်အတွင်း တိုက်ပွဲ (၁၀)ကြိမ်ထိဖြစ်ပွားခဲ့ကာ စစ်တပ်ဘက်မှ (၃၀)ဦးခန့်သေဆုံးပြီး PDF တပ်ဖွဲ့ဝင် (၁)ဦး ဘယ်ဘက်လက် ဗုံးစထိမှန် ဒဏ်ရာရရှိခဲ့ကြောင်းသရက်ခရိုင် အမှတ်-၄ တပ်ရင်းကယနေ့ထုတ်ပြန်သည်။ 

photo -သရက်ခရိုင် အမှတ်-၄ တပ်ရင်း

ဇန်နဝါရီ ၁၂ ရက်နေ့မှ ၂၉ ရက်နေ့အထိ မင်းတုန်းမြိုနယ်မြေအတွင်း စစ်ကြောင်းထိုးဝင်ရောက်ချိန်များတွင် စစ်တပ်တပ်ဖွဲ့ဝင်များသည် မူးယစ်ဆေးဝါးများ သုံးစွဲပြီး ကျေးရွာများမှ လူသားဒိုင်းအဖြစ် ဖမ်းဆီးထားသော ပြည်သူများကို ရိုက်နှက်နှိပ်စက်ခြင်းများပြုလုပ်မူကြောင့် သီးပင်ကုန်းဒေသခံ အမျိုးသား (၁)ဦး  သေဆုံးခဲ့ကြောင်းသိရသည်။ 

၎င်းတို့၏ မီးရှို့ဖျက်ဆီးမူကြောင့်လည်း ဝက်ကော်ကျေးရွာမှ နေအိမ် (၂၈)လုံး ၊ ထန်းလေးပင်ကျေးရွာမှ နေအိမ် (၅၀)ကျော်ခန့် နှင့် ကင်းမွန်တောင့်ကျေးရွာမှာ လက်နက်ကြီး ထိမှန်မူကြောင့် တရွားလုံးနီးပါးမီးလောင်ခဲ့ကြောင်းသိရသည်။ 

 စစ်တပ် စစ်ကြောင်းထိုးနေစဉ်အတွင်း ဇန်နဝါရီလ ၁၈ ရက်နေ့တွင် နောက်တန်းစခန်းအား ဂျက်ဖိုက်တာဖြင့် လေကြောင်းတိုက်ခိုက်မူ (၁၀)ကြိမ်ထိ အပြင်းအထန်ပြုလုပ်ခဲ့မူကြောင့် စခန်းအတွင်း အဆောင်အချို့ပျက်စီးမူရှိခဲ့ကြောင်း သရက်ခရိုင် အမှတ်-၄ တပ်ရင်းကထုတ်ပြန်သည်။  

- BAGAN NEWS