ရခိုင်ပြည်နယ် ၊ ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်အား စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် သေဆုံးသူ ၄၉ ဦးရှိလာကြောင်း အာရက္ခတပ်တော် - AA ကထုတ်ပြန်သည်။ ယမန်နေ့ ၊ စက်တင်ဘာလ (၂၈) ရက်နေ့၊ နေ့လယ် (၁၂) နာရီ (၁၀) မိနစ် နှင့် (၁၂) နာရီ (၁၄) မိနစ်အချိန်တွင် စစ်တပ်၏ ဂျက်တိုက်လေယာဉ် (၁) စီးမှ ကျောက်တော်မြို့၊ ကစ္ဆပနဒီ တံတားအနီးဝန်းကျင်၊ အိန္ဒိယစျေးဝန်းကျင်အား လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။ စစ်ကော်မရှင်က ဗုံးကြဲတိုက်ခိုက်မှုကြောင့် ထိခိုက်ဒဏ်ရာရရှိသူလည်း (၅၈) ဦးအထိ ရှိလာပြီး ယင်းအထဲတွင် ပြင်းထန်ဒဏ်ရာရခဲ့သူ ၂၂ ဦးရှိကြောင်းသိရသည်။ အလားတူ စစ်တပ်က ယမန်နေ့ ၊ နေ့လယ် တွင် မင်းပြားမြို့နယ် ၊ စွန်ရဲကျေးရွာနှင့် သံတွဲမြိုနယ်၊ ငပလီကို ဂျက်တိုက်လေယာဉ် (၁) စီးဖြင့် ဗုံးကြဲချတိုက်ခိုက်မှုကြောင့် ဒဏ်ရာရသူ ၉ ဦးရှိကြောင်း AA ကထုတ်ပြန်သည်။ - BAGAN NEWS
မကွေးတိုင်း ၊ မြိုင်မြို့နယ် အရှေတောင်ဘက်ခြမ်းက ညောင်အုပ်ရွာဘုန်းကြီးကျောင်းကို စစ်တပ်က လေကြောင်းကနေ ဗုံးကြဲချခဲ့တာကြောင့် စေတီနဲ့အဆောက်အအုံတွေ ထိခိုက်ပျက်စီးခဲ့ပါတယ်။
ဖေဖော်ဝါရီလ ၉ ရက်နေ့ ည ၁၀ နာရီခန့်မှာ မန္တလေးတိုင်း တံတားဦးလေတပ်ကနေ တက်လာတဲ့ MIG-29 ဂျက်ဖိုက်တာ (၂)စီးဟာ ညောင်အုပ်ရွာဘုန်းကြီးကျောင်းကို လေကြောင်းက တိုက်ခိုက်မှု(၂)ကြိမ်ပြုလုပ်ခဲ့တာ်လို့ မြိုင်ဒေါင်းမင်း မြေပြင်သတင်းမှန်ပြန်ကြားရေးအဖွဲ့ကနေ သိရပါတယ်။
 |
| Photo - မြိုင်ဒေါင်းမင်း |
ပြီးခဲ့တဲ့ ဖေဖော်ဝါရီလ ၄ ရက်နေ့ နဲ့ ၆ ရက်နေ့ ကလည်း မြိုင်မြို့နယ် အလယ်ကြောတနေရာကိုစစ်တပ် ဂျက်ဖိုက်တာက လေကြောင်းက တိုက်ခိုက်မှု ၃ ကြိမ်ခန့်ပြုလုပ်ခဲ့တယ်လို့ မြိုင်ဒေါင်းမင်း အဖွဲ့ကထုတ်ပြန်ပါတယ်။
ဒီကနေ့ ဖေဖော်ဝါရီလ ၁၀ ရက်နေ့မှာလည်း စစ်တပ်စစ်ကြောင်း ကားတွေဟာ ပခုက္ကူမြို့နယ်(အလယ်)မကျီးကန်ရွာကို ရောက်ရှိနေတဲ့အတွက် စစ်ရေးသတိရှိကြဖို့ အဲ့ဒီအဖွဲ့က အသိပေးထားပါတယ်။
Comments
Post a Comment