ရန်ကုန်တိုင်းဒေသကြီး၊ ဒဂုံမြိုသစ် (အရှေ့ပိုင်း) မြိုနယ်၊ အမှတ် (၈) ရပ်ကွက်ရှိ “ရွှေစင်ဝင်း” ရွှေဆိုင်နှင့် တောင်ဥက္ကလာပမြိုနယ်၊ အမှတ်(၆)ရပ်ကွက်၊ နန္ဒဝန်ဈေးအနီးရှိ“ရောင်နီဦး” ရွှေဆိုင်တို့အား သေနတ်ပစ်ဖောက်ကာ လုယက်ခဲ့ကြသည့် အမျိုးသား ၃ ဦးအား ဖမ်းဆီးခဲ့ကြောင်း စစ်တပ် ပြန်ကြားရေးကထုတ်ပြန်သည်။ ယခုနှစ် ၊ မတ်လ ၂၈ ရက်နေ့ ညနေပိုင်းတွင် “ရွှေစင်ဝင်း” ရွှေဆိုင်ပိုင်ရှင်သည် ဆိုင်ဝန်ထမ်း ဖြစ်သူနှင့်အတူ ဆိုင်ရှိ ရွှေဆွဲကြိုး ၁၈၄ ကုံးပါ ရွှေထည်ပစ္စည်းမျိုးစုံ အလေးချိန် ၁ ပိဿာ ၅၀ ကျပ်သားခန့်၊ တန်ဖိုးငွေကျပ်သိန်း ၈၅၀၀ ခန့်အား ခရီးဆောင်အိတ်ဖြင့် သိမ်းဆည်းပြီး ဆိုင်ပိတ်ကာ နေအိမ်သိုပြန်ရန် မော်တော်ယာဉ်အားစောင့်ဆိုင်းခဲ့သည်။ ၎င်းအချိန်တွင် အမျိုးသားနှစ်ဦးရောက်ရှိလာပြီး သေနတ်ပစ်ဖောက်ခြိမ်းခြောက်ကာ ကားဘီးဖြုတ်သည့် ဂွင်းဂွဖြင့်ရိုက်နှက်ပြီး ရွှေထည်ပစ္စည်းများထည့်ထားသော အိတ်အားလုယက်ယူဆောင်၍ အသင့်စောင့်နေသည့် အမျိုးသားတစ်ဦးမောင်းနှင်သည့် ဆိုင်ကယ်ဖြင့် ထွက်ပြေးသွားခဲ့ကြောင်း သိရသည်။ ဆိုင်ပိုင်ရှင်က တိုင်ကြားလာသဖြင့် ဒဂုံမြိုသစ် (အရှေ့ပိုင်း) မြိုမရဲစခန်းကစုံစမ်းခဲ့ရာ ဒဂုံမြိုသစ် (အရှေ့ပိုင...
မကွေးတိုင်း၊ ပခုက္ကူခရိုင်၊ မြိုင်နှင့် ပေါက်မြိုနယ်အတွင်းရှိ စီမံခန့်ခွဲမှုဆိုင်ရာ ကိစ္စရပ်များနှင့် ပတ်သက်ပြီး ဧပြီလ ၃ ရက်နေ့တွင် အမျိုးသားညီညွတ်ရေးအစိုးရတာဝန်ရှိသူများနှင့် မကွေးဖက်ဒရယ်ယူနစ်ကြားကာလအစိုးရတာဝန်ရှိသူတို့က Online မှ တဆင့် ဆက်လက်တွေ့ဆုံဆွေးနွေးခဲ့ကြသည်။
ဆွေးနွေးပွဲအရ မကွေးဖက်ဒရယ်ယူနစ်နှင့် ရေနံနှင့် ရေနံထွက်ပစ္စည်းများဆိုင်ရာ ကြီးကြပ်ရေးအဖွဲ့ကို ဖွဲစည်းသွားမည်ဖြစ်ကြောင်း အမျိုးသားညီညွတ်ရေးအစိုးရ NUG ကထုတ်ပြန်သည်။
၎င်းအဖွဲ့မှနေ၍ မကွေးတိုင်းရှိ ရေနံမြေ၊ ရေနံလုပ်ငန်းများနှင့်ပတ်သက်သည့် စီမံခန့်ခွဲမှုဆိုင်ရာ ကိစ္စရပ်များကို ကြီးကြပ်ဆောင်ရွက်သွားကြမည်ဖြစ်သည်။
ထို့အပြင် မကွေးတိုင်းအတွင်းရှိ ကာကွယ်ရေးအဖွဲအစည်းများ ကွပ်ကဲမှု စနစ်တကျ ဖြစ်စေရေး၊ အမှုအခင်းများ ဖြေရှင်းဆောင်ရွက်ရေး၊ လုံခြုံရေးနှင့်တရားဥပဒေစိုးမိုးရေးဆိုင်ရာ ကိစ္စရပ်များကိုလည်း မကွေးဖက်ဒရယ်ယူနစ် ကြားကာလအစီအမံဆိုင်ရာဥပဒေနှင့်အညီ ပူးပေါင်းဆောင်ရွက်သွားကြရန် ဆွေးနွေးဆုံးဖြတ်ခဲ့ကြကြောင်း NUG ကထုတ်ပြန်သည်။
Comments
Post a Comment