ရခိုင်ပြည်နယ် ၊ ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်အား စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် သေဆုံးသူ ၄၉ ဦးရှိလာကြောင်း အာရက္ခတပ်တော် - AA ကထုတ်ပြန်သည်။ ယမန်နေ့ ၊ စက်တင်ဘာလ (၂၈) ရက်နေ့၊ နေ့လယ် (၁၂) နာရီ (၁၀) မိနစ် နှင့် (၁၂) နာရီ (၁၄) မိနစ်အချိန်တွင် စစ်တပ်၏ ဂျက်တိုက်လေယာဉ် (၁) စီးမှ ကျောက်တော်မြို့၊ ကစ္ဆပနဒီ တံတားအနီးဝန်းကျင်၊ အိန္ဒိယစျေးဝန်းကျင်အား လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။ စစ်ကော်မရှင်က ဗုံးကြဲတိုက်ခိုက်မှုကြောင့် ထိခိုက်ဒဏ်ရာရရှိသူလည်း (၅၈) ဦးအထိ ရှိလာပြီး ယင်းအထဲတွင် ပြင်းထန်ဒဏ်ရာရခဲ့သူ ၂၂ ဦးရှိကြောင်းသိရသည်။ အလားတူ စစ်တပ်က ယမန်နေ့ ၊ နေ့လယ် တွင် မင်းပြားမြို့နယ် ၊ စွန်ရဲကျေးရွာနှင့် သံတွဲမြိုနယ်၊ ငပလီကို ဂျက်တိုက်လေယာဉ် (၁) စီးဖြင့် ဗုံးကြဲချတိုက်ခိုက်မှုကြောင့် ဒဏ်ရာရသူ ၉ ဦးရှိကြောင်း AA ကထုတ်ပြန်သည်။ - BAGAN NEWS
မြန်မာ နိုင်ငံတဝန်းမှာ စစ်အုပ်စုကြောင့် ပြီးခဲ့တဲ့ ဇူလိုင်လ တလတာအတွင်း ဒီမိုကရေစီရေးလှုပ်ရှားသူတွေနဲ့ ပြည်သူစုစုပေါင်း (၇၄) ဦး သေဆုံးခဲ့တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ)ကဒီကနေ့ ထုတ်ပြန်ပါတယ်။
 |
| ဓာတ်ပုံ - မြိုင်မြို့နယ်ရှိ စစ်ဘေးရှောင်များ။ |
နိုင်ငံရေးအရ ဖမ်းဆီးချုပ်နှောင်ခံရသူ (၈) ဦးလည်းရှိခဲ့ပြီး ဖမ်းဆီးခံရပြီးနောက် အကြောင်းအမျိုးမျိုးနဲ့ သေဆုံးခဲ့ရသူ စုစုပေါင်း (၃၂) ဦးလည်း ပါဝင်ခဲ့တယ်လို့သိရပါတယ်။
ဒီအရေအတွက်ဟာ လက်လှမ်းမီသမျှကောက်ယူထားတုဲ့ အရေအတွက်ဖြစ်ပြီး မြေပြင်မှာ ပိုများနိုင်တယ်လို့ အေအေပီပီကပြောပါတယ်။
“စစ်အုပ်စုဟာ တဖက်က အာဆီယံရဲ့ တရားဝင်မှုကို ရရှိဖို့ ကြိုးစားနေသလို တဖက်မှာလည်း ပြည်သူတွေကို နေ့စဉ်ရက်ဆက် သတ်ဖြတ်နေတာလည်း ဖြစ်နေပါတယ်။ တချိန်ထဲမှာလည်း အဲဒီသတ်ဖြတ်နေခြင်းတွေကို အာဆီယံအပါအဝင် နိုင်ငံတကာက သိရှိအောင် အရပ်ဖက်အဖွဲ့အစည်းများ နဲ့ ဒီမိုကရေစီအင်အားစုများက လုပ်ဆောင်နိုင်ခဲ့ပြီး စစ်အုပ်စုရဲ့တရားဝင်မှုမရအောင် ယာယီရပ်တန့်နိုင်ခဲ့ပါတယ်။ ဒါပေမဲ့ ကျနော်တို့ ညီညီညွတ်ညွတ်နဲ့ ဆက်ပြီး ကြိုးစားကြရမှာပါ” လို့အေအေပီပီ တွဲဖက်အတွင်းရေးမှူး ဦးဘိုကြည်ကပြောပါတယ်။
ဇူလိုင်လ တလအတွင်း သေဆုံးခဲ့သူ (၅၂) ဦး ဝန်းကျင်ကိုလည်း သီးခြားကောက်ယူထားပြီး အတည်ပြုဖို့ လုပ်ဆောင်နေတယ်လို့ အေအေပီပီကထုတ်ပြန်ပါတယ်။
Comments
Post a Comment