ရခိုင်ပြည်နယ် ၊ ကျောက်တော်မြို့၊ ကစ္ဆပနဒီတံတားအနီးဝန်းကျင်နှင့် အိန္ဒိယဈေးဝန်းကျင်အား စစ်တပ်က လေကြောင်းမှ ဗုံးကြဲတိုက်ခိုက်မှုကြောင့် သေဆုံးသူ ၄၉ ဦးရှိလာကြောင်း အာရက္ခတပ်တော် - AA ကထုတ်ပြန်သည်။ ယမန်နေ့ ၊ စက်တင်ဘာလ (၂၈) ရက်နေ့၊ နေ့လယ် (၁၂) နာရီ (၁၀) မိနစ် နှင့် (၁၂) နာရီ (၁၄) မိနစ်အချိန်တွင် စစ်တပ်၏ ဂျက်တိုက်လေယာဉ် (၁) စီးမှ ကျောက်တော်မြို့၊ ကစ္ဆပနဒီ တံတားအနီးဝန်းကျင်၊ အိန္ဒိယစျေးဝန်းကျင်အား လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။ စစ်ကော်မရှင်က ဗုံးကြဲတိုက်ခိုက်မှုကြောင့် ထိခိုက်ဒဏ်ရာရရှိသူလည်း (၅၈) ဦးအထိ ရှိလာပြီး ယင်းအထဲတွင် ပြင်းထန်ဒဏ်ရာရခဲ့သူ ၂၂ ဦးရှိကြောင်းသိရသည်။ အလားတူ စစ်တပ်က ယမန်နေ့ ၊ နေ့လယ် တွင် မင်းပြားမြို့နယ် ၊ စွန်ရဲကျေးရွာနှင့် သံတွဲမြိုနယ်၊ ငပလီကို ဂျက်တိုက်လေယာဉ် (၁) စီးဖြင့် ဗုံးကြဲချတိုက်ခိုက်မှုကြောင့် ဒဏ်ရာရသူ ၉ ဦးရှိကြောင်း AA ကထုတ်ပြန်သည်။ - BAGAN NEWS
စစ်ကိုင်းတိုင်း ၊ ဝက်လက်မြို့နယ်မှာ အောက်တိုဘာလကုန်က စပြီး စစ်တပ်က စစ်ကြောင်းထိုးနေတာကြောင့် ကျေးရွာ ၂ဝ ကျော်က ဒေသခံ ၁ သောင်းခွဲကျော် စစ်ဘေးရှောင်နေရပါတယ်။ စစ်ဘေးရှောင်တွေအတွက် အရေးပေါ် စားနပ်ရိက္ခာလိုအပ်ချက်ရှိနေတယ်လို့ ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီ ကထုတ်ပြန်ပါတယ်။
"အဓိကအနေဖြင့် ဆန်နဲ့ဆီ အဓိကလိုအပ်ချက်ဖြစ်နေပါတယ်"လို့ ကော်မတီကပြောပါတယ်။
စစ်ဘေးရှောင်ပြည်သူတွေကို အကူညီများပေးလိုပါက ချိတ်ဆက်လုပ်ဆောင်နိုင်တယ်လို့ ကော်မတီကအသိပေးထားပါတယ်။
 |
| ဓာတ်ပုံ - ဝက်လက်မြို့နယ် လူထုသပိတ်တိုက်ပွဲ ဦးဆောင်ကော်မတီ |
နိုဝင်ဘာလ ၆ ရက်နေ့က ဝက်လက်မြို့နယ်မှာ ရွာစဉ်လှည့်စစ်ကြောင်းထိုးနေတဲ့ စစ်ကြောင်းကို တိုက်ခိုက်ခဲ့ပြီး စစ်တပ်ဘက်က ၁၇ ယောက်သေဆုံးခဲ့တယ်လို့ People's Servant Revolution - Wetlet တပ်ဖွဲ့က ထုတ်ပြန်ပါတယ်။
စစ်အုပ်စုဟာ ဝက်လက်မြို့နယ်အတွင်းမှာ စစ်ကြောင်းတွေထိုးနေတာကြောင့် အချိန်မရွေးထိတွေ့တိုက်ပွဲဖြစ်ပွားနိုင်တာကြောင့် သတိပေးညွန်ကြားချက်တွေကို လိုက်နာကြဖို့နဲ့ တော်လှန်ရေးတပ်တွေက ထုတ်ပြန်ထားပါတယ်။
Comments
Post a Comment