ပခုက္ကူ ရေလာလေး စစ်ကောင်စီတပ် စခန်းကို PDF သိမ်းပိုက် စစ်ကောင်စီတပ်သား ၆ ဦးသေပြီး PDF ရဲဘော်၂ ဦးကျဆုံး

မကွေးတိုင်း ၊ ပခုက္ကူမြို့နယ် ရေလာလေး စစ်ကောင်စီတပ် စခန်းကို ဒီဇင်ဘာလ (၁၁)ရက်နေ့ နံနက်ပိုင်းက ဝင်ရောက်စီးနင်းတိုက်ခိုက်သိမ်းပိုက်ခဲ့ကြောင်း အမှတ်(၈)စစ်ကြောင်းကထုတ်ပြန်သည်။ 

တိုက်ပွဲကြာချိန် (၁)နာရီခွဲခန့်ကြာမြင့်ခဲ့ပြီး  စစ်ကောင်စီတပ်သား (၆) ဦးမျက်မြင်သေဆုံးခဲ့ကာ အမှတ်(၈)စစ်ကြောင်းအဖွဲ့ဝင် ကျောင်းသားတော်လှန်ရေးတပ်ဖွဲ့(SRF)မှ တပ်စိပ်မှူး ရဲဘော်ထောင့်မကျိုး(ခ)ရဲဘော်ဟိန်းမင်းခန့်နှင့် ပြည်သူ့လွတ်မြောက်ရေးတပ်မတော်(PLA) အနောက်မြောက်စစ်ဒေသ အထူးတပ်ဖွဲ့မှ ငါးမျိုးကောင်းစစ်သည်ဆုရ  ရဲဘော်ကိုထက်တို့(၂)ဦး ကျဆုံးခဲ့ကြောင်းသိရသည်။ 

Photo - အမှတ်(၈)စစ်ကြောင်း 

ဌင်းပြင် စစ်ကောင်စီတပ်မှ လေးကြိမ် တိတိ ဗုံးကြဲပစ်ကူ ပေးခဲ့ပြီး ဒေသခံပြည်သူ(၃)ဦးနှင့် ရဲဘော်(၃)ဦး ထိခိုက်ဒဏ်ရာ ရခဲ့ကြောင်းထုတ်ပြန်သည်။ 

ရေလာလေးရွာ စစ်စခန်းသိမ်းတိုက်ပွဲတွင် ၆၀မမစိန်ပြောင်း(၁)လက် ၊MA2(၁)လက် ၊MA3 (၁)လက် ၊ M2 ကာဘိုင် (၁၂)လက် ၊ရှော့ဂန်း(၃)လက် ၊5.56လက်လုပ်(၁)လက် ၊ ကျည်ဘောက် (၁၀)ဘောက်၊ကျည်မျိုးစုံ နှစ်ထောင်ဝန်းကျင် နှင့် စစ်အသုံးအဆောင်ပစ္စည်းများနှင့်အတူ သုံ့ပန်း(၇)ဦးထက်မနည်း ဖမ်းဆီးထိန်းသိမ်းနိုင်ခဲ့ကြောင်း အမှတ်(၈)စစ်ကြောင်း မှထုတ်ပြန်သည်။

အမှတ်(၈)စစ်ကြောင်း ဦးဆောင်မှုဖြင့် ကျောင်းသားလက်ရုံးတပ်တော် (SAF) ၊  ပြည်သူ့လွတ်မြောက်ရေးတပ်မတော်(PLA) အနောက်မြောက်စစ်ဒေသ အထူးတပ်ဖွဲ့ ၊ ပခုက္ကူခရိုင်(Local)တပ်ရင်း ၊ Kamma Revolution Force တို့က ပူးပေါင်းပါဝင်တိုက်ပွဲဝင်ခဲ့ခြင်းဖြစ်ကြောင်း သိရသည်။ 

Bagan News