ကရင်နီပြည်နယ်တွင် လေကြောင်းတိုက်ခိုက်မှု ၁၇ဝဝ ကျော်ရှိပြီး အရပ်သား ၅ဝဝ ကျော်သတ်ဖြတ်ခံရ

ကရင်နီပြည်နယ်(ကယား)တွင် စစ်တပ်အာဏာသိမ်းပြီးနောက်ပိုင်း စစ်ကောင်စီတပ်မှ လေကြောင်းတိုက်ခိုက်မှု  (၁၇၆၅)ကြိမ်ပြုလုပ်ခဲ့ပြီး  အရပ်သားပြည်သူ (၅၃၆) ဦး သတ်ဖြတ်ခံရကြောင်း တိုးတက်သော ကရင်နီ ပြည်သူ့အင်အားစု (PKPF) မှ ထုတ်ပြန်သည်။  

စစ်တပ်အာဏာသိမ်းခဲ့သည့် ၂ဝ၂၁ ခုနှစ်၊ ဖေဖော်ဝါရီလ (၁)ရက်နေ့မှ ၂ဝ၂၄ခုနှစ်၊ ဒီဇင်ဘာလ (၃၁)ရက်နေ့အထိ ကရင်နီပြည်နယ်နှင့်ကယန်းဒေသအတွင်း လူ့အခွင့်အရေးအချိုးဖောက်မှုများ စစ်ကောင်စီမှ ကျူးလွန်ခဲ့ကြောင်း ထုတ်ပြန်ချက်တွင်ဖော်ပြသည်။ 

စစ်တပ်အာဏာသိမ်းခဲ့သည့် လေးနှစ်နီးပါးအတွင်း ကရင်နီပြည်နယ်တွင် တိုက်ပွဲအကြိမ်အရေ (၁၂၆၅) ကြိမ်ဖြစ်ပွားခဲ့ပြီး  စစ်ကောင်စီမှသေဆုံးသူ  (၃၆၀၁) ဦးရှိခဲ့ကာ KNDF/PDF/KA ကျဆုံးသူ (၆၇၄) ဦးရှိကြောင်း သိရသည်။

စစ်ကောင်စီယာဉ်တန်းပျက်စီးမှု  (၆၈) စီးရှိခဲ့ပြီး စစ်ကောင်စီ တိုက်လေယာဉ်ပျက်စီးမှု (၃) စီးရှိခဲ့ကြောင်း ဖော်ပြသည်။ 

ထိုကာလအတွင်း စစ်ရှောင်ရင်း သေဆုံးသူ (၁၇၃)ဦးရှိခဲ့ပြီး မတရားဖမ်းဆီးခံရသူ  (၁၅၈) ဦးရှိခဲ့ကြောင်းသိရသည်။ 

ဌင်းပြင် ဘာသာရေးအဆောက်အုံးပျက်စီးခံမှု (၅၄)လုံး၊ပျက်စီးသွားသည့်အိမ်  (၂၈၆၆) လုံး၊ ပျက်စီးသည့်ဆေးရုံ၊ဆေးခန်းများ (၁၆)လုံးနှင့် ပျက်စီးသွား သည့်စာသင်ကျောင်းများ (၂၆ )လုံးရှိခဲ့ကြောင်း PKPF မှ ထုတ်ပြန်သည်။  

ဓာတ်ပုံ - ကရင်နီပြည်နယ်တွင် စစ်ကောင်စီတပ်မှ ၂၀၂၄ ခုနှစ် ဧပြီလအတွင်း လေကြောင်းတိုက်ခိုက်မှုမြင်ကွင်း။ (Photo -  KNDF) 

Bagan News