Bagan News Agency

 လေထုမငြိမ် မသက်တာကြောင့် ဒီနေ့ကနေ နိုဝင်ဘာ ၅ ရက်အတွင်း  စစ်ကိုင်းတိုင်း မကွေးတိုင်း မန္တလေးတိုင်းနဲ့ ကျန်တိုင်းဒေသတွေမှာ နေရာအနှံ့ မိုးထစ်ချုန်းရွာနိုင်တယ်လို့ မိုး၊ဇလဌာနက ထုတ်ပြန်ပါတယ်။  အချို့ဒေသတွေမှာ ဒေသအလိုက် နေရာကွက်ကြား မိုးကြီးနိုင်တယ်လို့ ထုတ်ပြန်ပါတယ်။  မိုးသည်းထန်တာနဲ့အတူ လေပြင်းတိုက်ခတ်တာ၊ မိုးထစ်ချုန်းလမိုးကြိုးပစ်တာ ၊ မိုးသီးကြွေတာလျှပ်တစ်ပြက်ရေကြီး မြေပြိုတာ စတဲ့ သဘာဝဘေးအန္တရာယ်တွေ ဖြစ်ပေါ်နိုင်တယ်လို့ သတိပေးထားပါတယ်။  ချင်းပြည်နယ်၊ ကရင်ပြည်နယ်၊ ပဲခူးတိုင်းနဲ့ ရန်ကုန်တိုင်းတွေမှာ ၇ ရက်အတွင်း မိုးရေချိန် ၂ လက်မ နီးပါးမှ ၃ လက်မ နီးပါးအထိရွာသွန်းနိုင်တယ်လို့ မိုးလေဝသခန့်မှန်းသူ ဦးဝင်းနိုင်ကလည်းလူမူကွန်ရက်ကတဆင့်ပြောပါတယ်။  နိုဝင်ဘာ ၅ ရက်အထိ ရိတ်သိမ်းပြီးစပါးတွေ နေလှမ်းတာ ပဲစိုက်တောင်သူတွေ ပဲမျိုးကြဲခြင်းတွေကို မိုး/လေအခြေအနေကြည့်ပြီး ဂရုစိုက်ဆောင်ရွက်ကြဖို့ ဦးဝင်းနိုင်က အကြံပေးထားပါတယ်။ ဓာတ်ပုံ -အောက်တိုဘာ ၂ ရက်က မန္တလေးတိုင်း၊ ကျောက်ပန်းတောင်းမြို့နယ်အတွင်း မိုးသည်းထန်ပြီး ကျောက်ပန်းတောင်း-မိတ္ထီလာကားလမ်းမ ရေကျော်ခဲ့စဉ်။ (Photo - MFSD) - Bagan ...

 မန္တလေးတိုင်းအတွင်းရှိ ထိန်းချုပ်နယ်မြေများအား ကာကွယ်မည်ဟု TRI ဗျူဟာက ယနေ့ထုတ်ပြန်သည်။  ပြည်သူ့ကာကွယ်ရေးတပ်မတော်၊ TRI ဗျူဟာသည် စဉ့်ကူး၊ သပိတ်ကျင်း နယ်မြေခံ အများစု အပါအဝင် အင်အားများစွာဖြင့် စုဖွဲ့ထားခြင်းဖြစ်သည်။  အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ မန္တလေးတိုင်းစစ်ဌာန ကွပ်ကဲမှုအောက်ရှိ ဗျူဟာဖြစ်ပြီး မန္တလေးတိုင်းအတွင်းရှိ နယ်မြေများ၏ တော်လှန်ရေးဆိုင်ရာ လုပ်ငန်းများတွင် အားအင်အပြည့်ဖြင့် ကြိုးစားဆောင်ရွက်နေကြောင်း သိရသည်။  TRI ဗျူဟာသည် မိတ်ဖက်တော်လှန်ရေးအင်အားစု များနှင့် အခြေတည်ရာ ဒေသများကို ကာကွယ်ပြီး ဖက်ဒရယ်ဒီမိုကရေစီ စနစ်ဆီသို့ အခက်ခဲများစွာကြားမှ ဆက်လက်ချီတက် တိုက်ပွဲဝင်သွားမည်ဖြစ်ကြောင်း ထုတ်ပြန်သည်။  မန္တလေးတိုင်း မိုးကုတ်မြို့ကို ထိန်းချုပ်ထားရာမှ ပြန်လည်ဆုတ်ခွာမည်ဟု တအာင်းတပ် TNLA က ယမန်နေ့က ထုတ်ပြန်ပြောဆိုခဲ့သည်။ ၎င်းနောက် ပြည်သူ့ကာကွယ်ရေးတပ်မတော် (မန္တလေး)က မန္တလေးတိုင်းတွင်းရှိ ရရှိထားသည့် ထိန်းချုပ်နယ်မြေများကို ဆက်လက်ကာကွယ်မည်ဖြစ်ကြောင်း ထုတ်ပြန်သည်။  အလားတူ မိုးကုတ်ဗျူဟာတပ်ဖွဲ့က မိုးကုတ်အခြေပြုတော်လှန်ရေးအဖွဲ့များနှင့်အတူ တော်လှန...

 စစ်ကိုင်းတိုင်း၊ ကန့်ဘလူမြို့နယ်၊ ရွှေဘို-မြစ်ကြီးနား ဗျူဟာလမ်းပိုင်းရှိ စံပါယ်နံ့သာ စစ်ကာင်စီတပ်နှင့်ပျူစာထီးအထိုင်ဂိတ်၌ အံစာတုံးကားပေါ်တွင် လိုက်ပါလာသည့် ခရီးသွားအမျိုးသား(၃) ဦးအား အောက်တိုဘာလ ၁၇ ရက်တွင် စစ်တပ်ကပေါ်တာဆွဲဖမ်းဆီးခဲ့ကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့(ကန့်ဘလူခရိုင်) မှသိရသည်။   ၎င်းအပြင် အောက်တိုဘာ ၁၆ ရက်နေ့ကလည်း ရွှေဘို-မြစ်ကြီးနား ဗျူဟာလမ်းပိုင်းတွင် ဆိုင်ကယ်နှင့် ခရီးသွားသည့် လင်မယားကိုဖမ်းဆီးပြီး ပစ္စည်းများခိုးယူကာ အမျိုးသမီးအား အဓမ္မပြုကျင့်သတ်ဖြတ်ခဲ့ကြောင်း ညှင်းပန်းနှိပ်စက်ခံရပြီး ထွက်‌ပြေးလွတ်‌မြောက်ခဲ့သည့် အမျိုးသားကပြောကြားသည်။  ရွှေဘို-မြစ်ကြီးနားဗျူဟာလမ်းပိုင်း အသုံးပြုသွားလာကြမည့် ခရီးသွားမိဘပြည်သူများအနေဖြင့် ကန့်ဘလူမြို့နယ် ၊ စံပါယ်နံ့သာစစ်ကာင်စီတပ်နှင့်ပျူ စောထီးအထိုင်ဂိတ်အား လုံခြုံရေးအတွက် ဖြတ်သန်းသွားလာခြင်းမပြုကြဘဲ ရှောင်ကွင်းသွားလာကြရန် ကန့်ဘလူမြို့နယ်ရှိ တော်လှန်ရေးအဖွဲ့အစည်းများကအသိပေးထားသည်။  ဓာတ်ပုံ - အောက်တိုဘာ ၁၆ ရက်နေ့တွင် စစ်တပ်၏ဖမ်းဆီးခံရပြီး ထွက်ပြေးလွတ်မြောက်လာသည့် အမျိုးသား။ - Bagan News 

  ပြီးခဲ့တဲ့ အောက်တိုဘာလ ၆ ရက်နေ့ ၊သီတင်းကျွတ်လပြည့်ညမှာ စစ်ကိုင်းတိုင်း၊ မုံရွာမြို့နယ်နဲ့ချောင်းဦးမြို့နယ်အစပ် ဘုံတိုရွာ မူလတန်းကျောင်းမှာ ကျင်းပနေတဲ့ ဆီမီးသပိတ်ကို စစ်တပ်က ပါရာမော်တာစက်တပ်ယာဉ်တွေသုံးပြီး လေကြောင်းက ဗုံးကြဲချတိုက်ခိုက်ခဲ့ပါတယ်။ အောက်တိုဘာလ ၁၇ ရက်နေ့အထိ နောက်ဆုံးရ စာရင်းတွေအရ စစ်တပ်ဗုံးကြဲတာကြောင့် သေဆုံးသူ ၂၃ ဦးရှိပြီး ထိခိုက်ဒဏ်ရာရသူ ၆၁ ဦးရှိပါတယ်။ သေဆုံးသူ ၂၃ ဦးမှာ ၁၈ နှစ်အောက်ကလေး ၅ ဦးပါဝင်ပြီး ထိခိုက်ဒဏ်ရာရသူ ၆၁ ဦးထဲမှာ ၁၈ နှစ်အောက်ကလေး၂၈ ဦးပါဝင်တယ်လို့ သပိတ်စီစဉ်သူတွေကပြောပါတယ်။ ဘုံတိုရွာမှာ ဆီမီးသပိတ်ဘာကြောင့်လုပ်ခဲ့တာလဲ။ ဆီမီးသပိတ်ကို စစ်တပ်ကဘယ်လိုဗုံးကြဲခဲ့တာလဲ။ သပိတ်ကော်မတီဝင်တွေကရော သတင်းကြိုမရခဲ့ဘူးလား။ ရွာခံတွေကရော သတိမထားမိခဲ့ကြတာလား။ ဆီမီးသပိတ်မှာ အသက်အသေပဲ ဒဏ်ရာတွေနဲ့ လွတ်မြောက်ခဲ့သူတွေ ပါဝင်ခဲ့တဲ့ရွာခံတွေ သပိတ်စီစဉ်ခဲ့သူတွေရဲ့ ကိုယ်တွေ့အတွေ့အကြုံတွေကို ဒီတပတ် Bagan News ရဲ့ အညာအသံ အစီအစဉ်မှာ နားဆင် ကြည့်ရူရပါမယ်။ - Bagan News

  အောက်တိုဘာလ ၆ ရက်နေ့ ၊သီတင်းကျွတ်လပြည့်ညမှာ စစ်ကိုင်းတိုင်း၊ မုံရွာမြို့နယ်နဲ့ချောင်းဦးမြို့နယ်အစပ် ဘုံတိုရွာ မူလတန်းကျောင်းမှာ ကျင်းပနေတဲ့ ဆီမီးသပိတ်ကို စစ်တပ်က လေကြောင်းက ဗုံးချတိုက်ခိုက်ခဲ့တာကြောင့် ခုချိန်ထိ ၂၄ ဦးသေဆုံးခဲ့ပြီး ၄၀ ကျော် ဒဏ်ရာ ရရှိခဲ့ပါတယ်။ စစ်တပ် ဗုံးချတိုက်ခိုက်ခဲ့တာကြောင့် ထိခိုက်ဒဏ်ရာရခဲ့တဲ့သူတွေကို ဒေသခံ အရပ်ဖက်အဖွဲ့တွေက အရေးပေါ် ကူညီမှုတွေ ပြုလုပ်ပေးနေကြပါတယ်။ စစ်ကိုင်းပြည်သူ ဖေးမကူကွန်ရက်ကလည်း ချောင်းဦး ဆီမီးသပိတ်မှာ ထိခိုက်ခဲ့တဲ့ပြည်သူတွေကို ဆေးဝါးနဲ့ရိက္ခာ တန်ဖို့ ကျပ် ၂၂၅ သိန်းကျော်မျှဝေထောက်ပံ့ခဲ့တယ်လို့ သိရပါတယ်။ ချောင်းဦး ဆီမီးသပိတ်မှာ ထိခိုက်ဒဏ်ရာရခဲ့တဲ့သူတွေလတ်တလော အခြေအနေဘယ်လိုရှိပါသလဲ ။ သူတို့ကိုဘာတွေ ကူညီမှုပေးနေသလဲ။ အညာဒေသရဲ့လူထုသပိတ်တွေမှာ လေကြောင်းရန် ဘယ်လိုကာကွယ်မဲ စတာတွေနဲ့ပတ်သက်ပြီး စစ်ကိုင်းပြည်သူ ဖေးမကူကွန်ရက် လုပ်ငန်းကော်မတီဝင်တစ်ဦးလည်းဖြစ် ၊ ကွန်ရက်ရဲ့ ယင်းမာပင်မြို့နယ် ဆက်သွယ်ရမယ့်သူ(focal person)လည်းဖြစ်တဲ့ ကိုသက်ဦးကို Bagan News ရဲ့ အညာအသံအစီအစဉ်က ဆက်သွယ်မေးမြန်းထားပါတယ်။ အောက်တိုဘာလ ၆ ရက်နေ့ ၊သီတင်းကျွတ်လပြည့်ညမှာ စစ်ကိုင်းတို...

  - ကန့်ဘလူမြို့နယ်၊ အုန်းတော ပျူစောထီးရွာ ကာကင်းစခန်းကို ဝင်ရောက်စီးနင်း စစ်အုပ်စုအဖွဲ့ဝင် ၂ ဦးသေဆုံး - ဝက်လက်မြို့နယ် တမာကန်ရွာကို စစ်ကောင်စီတပ်သားတွေ ဝင်ရောက်ပစ်ခတ် ပြည်သူ ၂ ဦးသေဆုံး - မကွေးတိုင်း ၊ ငဖဲမြို့ နယ်၊ နတ်ရေကန်တိုက်ပွဲတွေမှာ ထွက်ပြေးလာတဲ့ စစ်သုံ့ပန်း ၂၇ ဦးကို    PRA-Magway ထိန်းသိမ်း - သာယာဝတီအကျဉ်းထောင်မှာ လွတ်ရက်စေ့ပြီး ပြန်လည်လွတ်မြောက်လာတဲ့ နိုင်ငံရေးအကျဉ်းသား (၅)ဦးကို စစ်တပ်က ပြန်ဖမ်းဆီး #Myanmar  #စစ်ကိုင်းတိုင်း  #Bagannews #ကန့်ဘလူ Facebook   https://web.facebook.com/Bagannewstv Telegram  ⁠https://t.me/bagannews⁠ Spotify   ⁠https://open.spotify.com/show/731ZlRXmHoEucpxapMJuul Website  ⁠www.bagannews.org