Bagan News Agency

စစ်ကိုင်းတိုင်း၊ မုံရွာခရိုင်၊ မုံရွာမြို့နယ်၊ ခတက္ကန်ရွာ အရှေ့ဘက်ရှိ MRTV အသံလွှင့် တာဝါတိုင်ကုန်း (ဗောဓိတစ်ထောင်) စခန်းအား ဖေဖော်ဝါရီလ ၂၆ ရက်နေ့ နံနက်ပိုင်းတွင် ပြည်သူ့ကာကွယ်ရေးတပ်များက သိမ်းပိုက်ခဲ့သည်။ ဌင်းစခန်းတွင် အခြေချနေသော ရဲအင်အား (၁၇) ဦးရှိပြီး ကာကွယ်ရေး ပူးပေါင်း အဖွဲက တိုက်ခိုက်ခြင်းကြောင့် ရဲ (၁၁) ဦးသေဆုံးခဲ့သည်။ ဌင်းစခန်းမှ G-3 (၅) လက်၊ Uzi (၃) လက်၊ M-79 (၂) လက်၊ G-3 ကျည် (၂၅၇ဝ) တောင့်၊ 9mm ကျည် (၂၁၂၈) တောင့်၊ ၄၀ မမ ဗုံးသီး (၁၀) လုံး၊ ရှေ့ထွက်မိုင်း (၂) လုံး၊ ကျည်အိမ် (၆) ခု၊ TV (၁) လုံး သိမ်းဆည်းရမိသည်။ တိုက်ပွဲအတွင်း မုံရွာမြို့ နမခမှ Paramotor (၂) စီး၊ တံတားဦး လေတပ်မှ Mi-35 (၁) စီးဖြင့် လေကြောင်းပစ်ကူပေးခဲ့ပြီး အမတ-၅၀၈ မှ ၁၀၅ မမ၊ ၁၂၀ မမ တိုဖြင့် (၁၄) ကြိမ်ခန့် ပစ်ကူပေးခဲ့သည်။ ဌင်းစခန်းအား မုံရွာခရိုင် ကွပ်ကဲရေးရုံးအဖွဲ့၊ မုံရွာခရိုင် ဒရုန်းတပ်ဖွဲ့၊ မုံရွာခရိုင် လက်နက်ကြီးတပ်ဖွဲ့၊ မုံရွာခရိုင် တပ်ရင်း (၁၊ ၄၊ ၆၊ ၁၆၊ ၂၄၊ ၂၇)၊ ဗျူဟာ(၆၁၊၆၄) စစ်ကိုင်းခရိုင် တပ်ရင်း-၂ ဒရုန်းတပ်ဖွဲ (GTR)၊ မုံရွာခရိုင် ပကဖ တိုက်ခိုက်ရေးအဖွဲ (Danger Force LPDF)၊ မုံရွာခရိုင် ပကဖ ဒရုန်းအဖွဲ့၊ မ...

ပဲခူးတိုင်း၊ ကျောက်တံခါးမြို့နယ်၊ ဖြူးမြို့နယ် အတွင်း ရန်ကုန် - မန္တလေး လမ်းဟောင်းပေါ်ရှိ စစ်ကောင်စီတပ်ဖွဲ့များ အခြေချတပ်စွဲထားသည့် ဂိတ်စခန်း (၇)ခုကို တောင်ပိုင်းစစ်‌‌ဒေသ၊ အမှတ်(၂) စစ်ဒေသခွဲလက်အောက်ခံ တပ်များနှင့် KNU/KNLA ပူးပေါင်းတပ်များက ဖေဖော်ဝါရီလ ၂၅ နှင့် ၂၆ ရက်နေ့များတွင် တိုက်ခိုက် ဖျက်ဆီး လိုက်သည်။ အဆိုပါ တိုက်ခိုက်မှုကြောင့် စစ်ကောင်စီတပ်ဖွဲ့ဝင် (၈)ဦး သေဆုံးခဲ့ပြီး (၂)ဦးထိခိုက်ခဲ့သည်။  တိုက်ခိုက်မှုအပြီးတွင် စစ်ကောင်စီဂိတ်စခန်းများကို ရှင်းလင်းဖျက်စီးနိုင်ခဲ့ပြီးတော်လှန်ရေးတပ်ဖွဲ့များဘက်မှ ရဲဘော် (၁)ဦး ကျဆုံးခဲ့သည်။ ဌင်းစစ်ကောင်စီစခန်းများကို ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ အမှတ် ၂ စစ်ဒေသခွဲ လက်အောက်ရှိ အမှတ် (၃၇ဝ၂) တပ်ရင်း၊ အမှတ် (၃၅ဝ၂) တပ်ရင်း၊ Spring Warrior Column တပ်ရင်း၊ အာဠာဝကစစ်‌ကြောင်း(၇၈ဝ၃)၊ ဧရာဝတီစစ်ကြောင်း(၆ဝဝ၂)၊ စစ်တောင်းစစ်ကြောင်း၊ ရန်ကုန် ပကဖ၊ ဖြူး ပကဖ တို့နှင့် KNLA တပ်ရင်း ၉ တို့ ပူးပေါင်းကာ တိုက်ခိုက်ခဲ့ခြင်းဖြစ်သည်။ Bagan News 

 ၂ဝ၂၁ ခုနှစ် ၊ဖေဖော်ဝါရီလ ၁ ရက်၊ မတရားစစ်အာဏာလုမှုဖြစ်စဉ် စတင်ချိန်မှ ၂ဝ၂၅ ခုနှစ်၊ ဖေဖော်ဝါရီလ ၂၆ ရက်အထိ စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့သည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်း(၆၃၅၃) ဦး ရှိခဲ့ပြီ ဖြစ်သည်။  ထို့အပြင် မတရားအာဏာလုမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း (၂၈၆၇၇) ဦးရှိပြီး ထိုအထဲမှ (၂၁၉၂၂) ဦးမှာ ထိန်းသိမ်းခံနေရဆဲဖြစ်သည်။  နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)မှ ကောက်ယူထားသော သတင်းအချက်အလက်များအရ ၂ဝ၂၅ ခုနှစ်၊ ဖေဖော်ဝါရီလ ၁ ရက်နေ့မှ ၂၆ ရက်နေ့အထိ နိုင်ငံတဝန်း၌ စစ်အုပ်စုက  အမျိုးသမီး (၃) ဦးနှင့် အမျိုးသား (၁၆) ဦး စုစုပေါင်း (၁၉) ဦးကို ဖမ်းဆီးထိန်းသိမ်းခဲ့သည်။  ဖမ်းဆီးခံရသူများအနက် မန္တလေးတိုင်းမှ (၈) ဦးဖြင့် အများဆုံးဖမ်းဆီးခံခဲ့ရပြီး ရခိုင်ပြည်နယ်မှာ (၅) ဦးဖြင့် ဒုတိယအများဆုံး ဖမ်းဆီးခံခဲ့ရသည်။  ရခိုင်ပြည်နယ်၊ ဂွမြို့နယ်၊ ဆပ်သွားကျေးရွာနေ ကိုသိန်းဦး၊ ညောင်ချောင်းကျေးရွာနေ ကိုအောင်နိုင်ဦး၊ ဇီးကုန်းကျေးရွာနေ ကိုညီလေး၊ ဆပ်သွားကျေးရွာနေ ဆပ်သွားတိုက်နယ်ဆေးရုံမှ ဓာ...

ချင်းအမျိုးသားကောင်စီ(Chin National Council) အဖြစ်ဖွဲ့စည်းရန် ချင်းပြည် (Chinland) ကောင်စီနှင့် ကြားကာလချင်းအမျိုးသားအတိုင်ပင်ခံကောင်စီ (ICNCC) တို့ သဘောတူလိုက်ကြသည်။  ချင်းပြည်အတွင်း ကောင်စီ ၂ ရပ် ရှိနေခြင်းကို မဖြစ်သင့်ကြောင်း နှစ်ဖက်လက်ခံယုံကြည်ကြသည့်အတွက် ကောင်စီအသစ်တစ်ရပ်အဖြစ် ပေါင်းစည်းရန်သဘောတူညီခဲ့ကြခြင်း ဖြစ်သည်။  ထိုကောင်စီအမည်ကို ချင်းအမျိုးသားကောင်စီ(Chin National Council ) ဟု ခေါ်တွင်ရန် သဘောတူညီကြကြောင်း Chinland Council နှင့် ICNCC တို့ကဖေဖော်ဝါရီလ ၂၆ ရက်တွင် သတင်းထုတ်ပြန်သည်။  Bagan News 

TNLA တပ်သား ၁ဝ ဦး ထိခိုက် ဒဏ်ရာရ တအာင်းတပ်မတော်(TNLA) ထိန်းချုပ်ရာ ရှမ်းပြည်နယ်၊ နောင်ချိုမြို့နယ်တွင် စစ်ကောင်စီတပ်မှ အဆိပ်ငွေ့ဗုံး အသုံးပြုတိုက်ခိုက်ခဲ့သည်။ နောင်ချိုမြို့နယ်၊ တောင်ရှည်ရွာနှင့် မန်မော်ကျေးရွာကြားတွင် စစ်ကောင်စီတပ်နှင့် TNLA အကြား ယမန်နေ့ ဖေဖော်ဝါရီလ (၂၃)ရက်တွင် တိုက်ပွဲပြင်းထန်စွာ ဖြစ်ပွားခဲ့သည်။ စစ်ကောင်စီတပ်သည် တိုက်ပွဲဖြစ်ပွားချိန် နေ့လယ်တွင် အဆိပ်ငွေ့ဗုံးအသုံးပြုတိုက်ခိုက်ခဲ့ပြီး TNLA တပ်သား (၁ဝ)ဦး ထိခိုက်ဒဏ်ရာရကာ (၄)ဦးတို ဒဏ်ရာပြင်းထန်နေကြောင်း TNLA ကထုတ်ပြန်သည်။ TNLA တပ်သားများသည် မူးဝေခြင်း၊ အသက်ရှုမြန်ဆန်ခြင်း၊ မအီမသာဖြစ်ခြင်း၊ စိတ်လှုပ်ရှား မြန်ဆန်ခြင်း၊ မောပန်းခြင်း၊ အောက်စီဂျင်ကျကာ ဝေဒနာခံစားရပြီး ဆေးရုံတွင် ဆေးကုသမှုခံယူနေရသည်။ စစ်ကောင်စီတပ်သည် တိုက်ပွဲကာလအတွင်း နိုင်ငံတကာတားမြစ်သည့်အဆိပ်ငွေ့ဗုံးကို အသုံးပြုကာ စစ်ရာဇဝတ်မှုကို ကျူးလွန်နေသည်။ ယခုလအတွင်း အရပ်သားများအား ဦးတည်ကာ လက်နက်ကြီးပစ်ခတ်မှုနှင့် လေကြောင်းမှ ဗုံးကြဲမှုကြောင့် ကလေးငယ်အပါအဝင် အရပ်သား (၇)ဦးသေဆုံးပြီး (၁၅)ဦး ထိခိုက်ဒဏ်ရာရှိခဲ့ကြောင်း TNLA ကထုတ်ပြန်သည်။ စစ်ကောင်စီပစ်ခတ်မှုအတွင်း နောင်ချိုပြ...

ပဲခူးတိုင်း၊ ပြည်အကျဉ်းထောင်၌ ယနေ့နံနက်ပိုင်းတွင် သေနတ်ဖောက်ကာ နိုင်ငံရေးအကျဉ်းသားများကို ရိုက်နှက်မှုဖြစ်ပွားခဲ့သည်။ ယနေ့နံနက် ၇ နာရီခွဲ အချိန်ခန့်တွင် စားရိပ်သာတာဝန်ခံ (ဖိုခေါင်း)ဖြစ်သူ အကျဉ်းသားလင်းထိန် ဆိုသူမှ လက်သီးဖြင့် နိုင်ငံရေးအကျဉ်းသားတဦးကို ထိုးခဲ့သည်။ နိုင်ငံရေးအကျဉ်းသားအား ထိုးခံခဲ့ရမှုဖြစ်စဉ်နှင့်ပတ်သက်၍ ပြည်အကျဉ်းထောင်အတွင်းရှိ နိုင်ငံရေးအကျဉ်းသား(၁၀၀)ကျော်ခန့်မှ မိန်းဂျေးရှေ့သို့ သွားရောက်ပြီး ထောင်မှူး(နှစ်ပွင့်အရာရှိ) ဦးကျော်အောင် ထံသို့ ကျူးလွန်သူ လင်းထိန် အား အရေးယူပေးပါရန် ငြိမ်းချမ်းစွာတင်ပြတောင်းဆိုခဲ့သည်။ ဌင်းကဲ့သို့ ဆောင်ရွက်နေစဉ် အကျဉ်းထောင်ဗဟိုကင်းမှ သေနတ်(၂)ချက် ပစ်ဖောက်ခဲ့သည်။ အကျဉ်းထောင်ဝန်ထမ်း တပွင့်အရာရှိ တေဇာဝင်း ၏ မိန့်ပေးစေခိုင်းမှုဖြင့် ထောင်ဝန်ထမ်း ဥက္ကာမိုး ပါ(၂)ဦးနှင့် အခြားရာဇဝတ်အကျဉ်းသား စူပါဖိုး၊အခန်းစာရေးငတိ ပါအဖွဲ့တို့မှ ဝါးဆစ်တုတ်များ၊ သစ်သားတုတ်များ၊ ဓါးများကိုင်ဆောင်ပြီး နိုင်ငံရေးအကျဉ်းသားများအား ဝင်ရောက်ရိုက်နှက်ပြီး ခြိမ်းခြောက်မှုပြုလုပ်ခဲ့သည်။ ဝင်ရောက်ရိုက်နှက်မှုကြောင့် နိုင်ငံရေးအကျဉ်းသား(၅)ဦးမှာ ဖူးယောင်ဒဏ်ရာ၊ ဦးခေါင်းပေါက်ပြဲဒဏ...

ရှမ်းပြည်နယ်၊မိုးမိတ်မြို့နယ်၊ ဝဲဘောင်းကျေးရွာတွင် စစ်ကောင်စီတပ်မှ လေကြောင်းဖြင့် ဗုံးကြဲတိုက်ခိုက်မှုကြောင့် ကလေးငယ်အပါအဝင် ဒေသခံ (၃)ဦး‌ သေဆုံးပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက် ညအချိန်တွင် စစ်ကောင်စီတပ်မှ ဂျက်ဖိုက်တာဖြင့် ပေါင် (၅ဝဝ) ဗုံး (၂)လုံး လာရောက်ကြဲချတိုက်ခိုက်ခဲ့ခြင်းဖြစ်သည်။ ထိုဗုံးကျရောက်ပေါက်ကွဲမှုကြောင့် မထက်မြတ်နိုး အသက်(၈)နှစ်၊ မမေဇင်ထက် အသက်(၂၃)နှစ်နှင့် ကိုဇော်မင်းလွန် အသက်(၃ဝ)နှစ်တို့ သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့ ကြောင်း တအာင်းတပ်မတော် TNLA ကထုတ်ပြန်သည်။ ယနေ့ ဖေဖော်ဝါရီလ ၂၂ရက် နံနက်အစောပိုင်း (၁:၃ဝ)နာရီခန့်တွင်လည်း စစ်ကောင်စီတပ်မှ Y-12 လေယာဉ်ဖြင့် နောင်ချိုမြို့နယ် ရွှေမုဠောကျေးရွာနှင့် တောင်ရှည်ကျေးရွာကို ဗုံး (၂၇)လုံးကြဲချတိုက်ခိုက်ခဲ့ပြီး ဒေသခံ (၁)ဦး သေဆုံးခဲ့ကာ နေအိမ်အများအပြား ပျက်စီးခဲ့ကြောင်း သိရသည်။ စစ်ကောင်စီတပ်သည် တရုတ်နိုင်ငံတွင် နှစ်ဖက်တွေ့ဆုံဆွေးနွေးမှုပြုလုပ်ခဲ့သည့် ဖေဖော်ဝါရီလ ၁၆ရက်မှ ယနေ့ ဖေဖော်ဝါရီလ ၂၂ရက်အထိ လက်နက်ကြီးနှင့် လေကြောင်းကို အသုံးပြုပြီး ပစ်ခတ်တိုက်ခိုက်မှုကြောင့် အမျိုးသား (၂)ဦး၊ အမျိုးသမီး (၄...

ရှမ်းပြည်နယ် တအာင်းတပ် TNLA ထိန်းချုပ်ရာ နောင်ချိုမြို့ကို စစ်ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် သုံးရက်အတွင်း ၄ ဦးသေဆုံး ခဲ့သည်။ ပြီးခဲ့သည့် ဖေဖော်ဝါရီလ ၁၉ ရက် ညဦးပိုင်းတွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ် စစ်ကောင်စီတပ်မှ ဗုံး (၂)လုံး လာရောက်ကြဲချတိုက်ခိုက်ခဲ့သည်။ ထိုဗုံးကြဲတိုက်ခိုက်မှုကြောင့် ဘူတာရပ်ကွက်တွင်နေထိုင်သည့် ဒေသခံ (၂)ဦး ပြည်သူ့ဆေးရုံအနီး ဒေသခံ (၁)ဦး စုစုပေါင်း (၃) ဦးသေဆုံးခဲ့သည်။ ဌင်းပြင် ဖေဖော်ဝါရီလ ၁၉ ရက် ညဦးပိုင်းဗုံး (၂)လုံး ကြဲချတိုက်ခိုက်မှုကြောင့် ဒေသခံ (၄)ဦး ထိခိုက်ဒဏ်ရာ ရရှိခဲ့သည်။ ယမန်နေ့ ဖေဖော်ဝါရီလ ၂ဝ ရက် ညတွင် စစ်ကောင်စီတပ်မှ ဂျက်ဖိုက်တာဖြင့် ပေါင် (၅ဝဝ) ဗုံး (၂)လုံး လာရောက်ကြဲချတိုက်ခိုက်မှုကြောင့် နောင်ချိုမြို့နယ်၊ လောက်ဖန်းကျေးရွာ မှ ဒေသခံ (၁)ဦး သေဆုံးပြီး ကလေးငယ်အပါ (၄)ဦး ထိခိုက်ဒဏ်ရာရရှိခဲ့သည်။ ထို့အပြင် ကားတစ်စီးနှင့် နေအိမ် (၆)လုံး ထိခိုက်ပျက်စီး ခဲ့သည်။ ယနေ့ ဖေဖော်ဝါရီလ ၂၁ ရက် နံနက်တွင်လည်း စစ်ကောင်စီတပ်မှ  ဒရုန်းအသုံးပြုပြီး နောင်ချိုမြို့နယ် အုမ္မတီးကျေးရွာ ဘုန်းကြီးကျောင်းအား ဗုံး (၄)လုံး လာရောက်...

 ရှမ်းပြည်နယ်တွင် တအာင်းတပ် TNLA ထိန်းချုပ်ရာ နောင်ချိုမြို့ကို စစ်ကောင်စီတပ်မှ ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် ဒေသခံ (၃)ဦး သေဆုံးကာ (၄)ဦး ထိခိုက်ဒဏ်ရာရရှိခဲ့သည်။ ယမန်နေ့ ဖေဖော်ဝါရီလ ၁၉ ရက် ညဦးပိုင်းတွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ် စစ်ကောင်စီတပ်မှ ဗုံး (၂)လုံး လာရောက်ကြဲချတိုက်ခိုက်ခဲ့သည်။ ထိုဗုံးကြဲတိုက်ခိုက်မှုကြောင့်  ဘူတာရပ်ကွက်တွင်နေထိုင်သည့် ဒေသခံ (၂)ဦး သေဆုံးပြီး (၃)ဦး ထိခိုက်ဒဏ်ရာရရှိခဲ့သည်။  ပြည်သူ့ဆေးရုံလည်း ဗုံးထိမှန်မှုကြောင့် ဒေသခံ (၁)ဦးသေဆုံးခဲ့ပြီး (၁)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ(၆) ရက်ကလည်း နောင်ချိုမြို့ သပြေတောင် ဘုရားကုန်းပေါ်အား စစ်ကောင်စီတပ်မှ ဗုံးကြဲတိုက်ခိုက်မှုကြောင့် ဒေသခံ (၁)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၁၅ ရက်တွင် TNLA ကိုယ်စားလှယ်များသည် တရုတ်အစိုးရ စီစဉ်ချက်အရ မြန်မာကိုယ်စားလှယ်များနှင့်တွေ့ဆုံရန် တရုတ်နိုင်ငံ ယူနန်ပြည်နယ်၊ ကူမင်းမြို့သို ရောက်ရှိနေချိန် စစ်ကောင်စီတပ်မှ TNLA ထိန်းချုပ်ရာ နောင်ချိုမြို့နယ်အား Y-12 လေယာဉ်အသုံးပြုပြီး ဗုံး (၁၇၅)လုံး ပစ်ခတ်တိုက်ခိုက်ခဲ့သ...

ထိုင်းနိုင်ငံ၊ စမွတ်စခွန်ခရိုင်၊ မဟာချိုင်တွင် မြန်မာရွှေ့ပြောင်း အလုပ်သမားများအား ကူညီမှုပေးနေသည့် AAC ရွှေ့ပြောင်း အလုပ်သမားများ ကယ်ဆယ်ရေးဂေဟာကို ဒေသခံထိုင်းအာဏာပိုင်များ မှ  ယနေ့ ဖေဖော်ဝါရီလ ၂ဝ ရက်နေ့တွင် ချိတ်ပိတ်ကြောင်းစာကပ်ခဲ့သည်။ AAC ဂေဟာအား ဖေဖော်ဝါရီလ ၁၈ ရက်နေ့တွင် ထိုင်းအာဏာပိုင်များက ဝင်ရောက်စစ်ဆေးကာ ပိတ်သိမ်းခိုင်းခဲ့ခြင်းဖြစ်ပြီး ယနေ့တွင် ချိတ်ပိတ်ကြောင်း လာရောက်စာကပ်ခဲ့ခြင်းဖြစ်သည်။ "AAC-ဂေဟာကိုဆက်လက်အသုံးပြုပါက ထိုင်းဥပဒေနှင့်အညီအရေးယူသွားဖြစ်ဖြစ်ကြောင်း ဒီကနေ့လာရောက် တားမြစ်သွားပါကြောင်း အသိပေးလိုက်ရပါတယ်" ဟု AAC-မဟာမိတ်အဖွဲ့ ဒါရိုက်တာ ဦးခိုင်ကြီးကပြောသည်။  ဌင်းဂေဟာအား ဆက်လက် အသုံးပြုပါက (၃) လထက်မပိုသောထောင်ဒဏ်ချမှတ်နိုင်မည်ဖြစ်ပြီး (သို့မဟုတ်) ဘတ် ( ၆) သောင်းထက်မပိုသောဒဏ်ငွေပေးဆောင်ရမည်ဖြစ်ကာ ပြစ်ဒဏ်(၂) မျိုးလုံးချမှတ်ခံရနိုင်မည်ဖြစ်သည်။  အကယ်၍ အလုပ်သမားများယာယီကယ်ဆယ်ရေးစခန်းအား ဥပဒေနှင့် မညီဘဲ ဆက်လက်အသုံးပြုနေပါက တစ်ရက်လျှင် ဘတ်(တစ်) သောင်း ထက်မပိုသောဒဏ်ငွေပေးဆောင်ရမည်ဖြစ်သည်ဟု ဖော်ပြထားသည်။ AAC ဂေဟာတွင် ခိုလှုံနေကြသူ ၁ဝဝ ဝန်းကျင်ရှိပြီး လုပ်ခလစာ မရရှိကြ...

 ပဲခူးတိုင်း၊ ညောင်လေးပင်ခရိုင်(ခလယ်လွီထူခရိုင်)၊ လယ်ဒိုမြို့နယ်ရှိ ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း (၉)ထံသို့ ယနေ့ ဖေဖော်ဝါရီလ(၁၇) ရက်နေ့တွင်  စစ်ကောင်စီတပ် ခမရ-၅၈၄ တပ်ရင်းမှ တပ်သား ၃ ဦး လက်နက်နှင့်အလင်းဝင်ခဲ့ကြသည်။  ဌင်းတပ်သားများသည် မြတ်မင်းသူ (၂၁) နှစ်၊ ဝင်းမင်းကို (၂၄)နှစ်၊ မိုးသောက်ယံ (၂ဝ)နှစ်တို့ဖြစ်ပြီး ဌင်းတို့နှင့်အတူ (MA-3 )၂ လက်၊ (MA-1) ၁ လက်၊ ကျည်ဘောက် (၁၁)ခု၊ ကျည် (၇၇၆) တောင့်၊ လက်ပစ်ဗုံး (၁) လုံး တို့ယူဆောင်လာခဲ့ကြောင်း ကေအဲန်ယူ−ဗဟိုမှထုတ်ပြန်သည်။  ၎င်းတို့ (၃)ဦးမှာ စစ်ကောင်စီတပ်၏ မတရားဖမ်းဆီးခံရကာ ပြည်သူ့စစ်မှုထမ်း အဖြစ် အတင်း အဓ္ဓမစစ်မှုထမ်း စေခိုင်းခြင်းခံခဲ့ရသူများဖြစ်သည်။  လက်နက်ချအလင်းဝင် လာသည့် စစ်ကောင်စီတပ်သား (၃)ဦးအား လယ်ဒိုမြို့နယ် တာဝန်ရှိသူများနှင့် တပ်ရင်း(၉) တန်ဝန်ရှိသူများမှ တဉီးလျှင်မြန်မာကျပ်ငွေ ကျပ်(၁ဝ)သိန်းစီချီးမြင့်ခဲ့သည်။ စစ်ကောင်စီ တပ်၏မတရားဖမ်းဆီးကာ အတင်းအဓ္ဓမ စစ်မှုထမ်း စေခိုင်းခံရသော တပ်သားများ အနေဖြင့်နီးစပ်ရာတိုင်းရင်းသား တော်လှန်ရေးတပ်များနှင့် ပြည်သူ့ ကာကွယ်ရေးတပ်များ ထံသို့ ရရာနည်းဖြင့်လက်နက်ချ အလင်း...

ပဲခူးတိုင်း၊ ညောင်လေးပင်ခရိုင်(ခလယ်လွီထူခရိုင်)၊ လယ်ဒိုမြို့နယ် အတွင်းရှိ စစ်ကောင်စီ ဂိတ်စခန်း ၃ ခုကို ကရင်အမျိုးသားလွတ်မြောက်ရေးတပ်မတော် (K.N.L.A) ပူးပေါင်းတပ်က ဖေဖော်ဝါရီလ ၁၅ ရက်နေ့ ည (၁၂) နာရီ အချိန်တွင် တိုက်ခိုက် သိမ်းပိုက်ခဲ့သည်။ စစ်ကောင်စီတပ် ခမရ−၅၆ဝ ဦးဆောင်သည့် တပ်ပေါင်းစု ဝင်ရောက်ကျူးကျော်တပ်စွဲထားသော (၁) နရွဲပင် ဂိတ်စခန်း၊ (၂) တော်ဝိကျေးရွာနှင့် ထိန်တပင်ကြား ရှိ ဂိတ်စခန်း နှင့် (၃) ကျွန်းကုန်းကျေးရွာဘေး တောရကျောင်းတွင် တပ်စွဲထားသော ဂိတ်စခန်းများအား K.N.L.A တပ်ရင်း (၉) ဦးဆောင်သော တော်လှန်ရေး ပူးပေါင်းတပ်များမှ သိမ်းပိုက်ခဲ့ခြင်းဖြစ်သည်။ စခန်းသိမ်းပိုက်စဉ်အတွင်း စစ်ကောင်စီတပ်မှ (၆) ဦး သေဆုံးပြီး (၆ဝ) မမ ကွန်မန်ဒိုစိန်ပြောင်း တခုအပါအဝင် လက်နက်ငယ် (၅) လက်နှင့် ခဲယမ်းများအား သိမ်းဆည်းရမိခဲ့ကြောင်း ကေအဲန်ယူ−ဗဟို ကထုတ်ပြန်သည်။  ဓါတ်ပုံ − စစ်ကောင်စီ ဂိတ်စခန်းများမှ သိမ်ပိုက်ရရှိသော လက်နက်ခဲယမ်းများ။ Bagan News 

ရှမ်းပြည်နယ်မြောက်ပိုင်း၊ ကျောက်မဲခရိုင်၊ TNLA ထိန်းချုပ်ရာ နောင်ချိုမြို့နယ်အား  တောင်ခမ်းဒေသရှိ စစ်ကောင်စီတပ်မှဖေဖော်ဝါရီလ ၁၅ ရက်နေ့တွင် လက်နက်ကြီးနှင့် Y-12 လေယာဉ်အသုံးပြုပြီး ဗုံး (၁၇၅)လုံး ပစ်ခတ်တိုက်ခိုက်ခဲ့သည်။ ပလောင်ပြည်နယ်လွတ်မြောက်ရေးတပ်ဦး-PSLF/TNLA ၏ ကိုယ်စားလှယ်များသည် တရုတ်အစိုးရစီစဉ်ချက်အရ မြန်မာကိုယ်စားလှယ်များနှင့်တွေ့ဆုံရန်အတွက် ၂ဝ၂၅ ခုနှစ် ဖေဖော်ဝါရီလ ၁၅ ရက်တွင် တရုတ်နိုင်ငံ ယူနန်ပြည်နယ်၊ ကူမင်းမြို့သို ရောက်ရှိနေချိန် စစ်ကောင်စီတပ်မှ  နောင်ချိုမြို့နယ်အား ပစ်ခတ်တိုက်ခိုက်ခြင်းဖြစ်သည်။  နောင်ချိုမြို့နယ်အတွင်းရှိ နာဆွေကျေးရွာ၊ အုမ္မတီးကျေးရွာ၊  ညောင်နီကျေးရွာနှင့် တောင်ရွှေကျေးရွာများအား ဖေဖော်ဝါရီလ ၁၅ ရက်တွင်  တောင်ခမ်းစခန်းမှ ခမရ (၄ဝ၆)၊ တပ်ရင်း (၃၅၄)နှင့် တပ်ရင်း (၉ဝ၂)တို့မှ လက်နက်ကြီး အလုံးရေ (၁၃၇)လုံး ပစ်ခတ်တိုက်ခိုက်ခဲ့ကြောင်း TNLA ကထုတ်ပြန်သည်။  ထို့ပြင် ဖေဖော်ဝါရီလ ၁၅ ရက် နေ့လယ်ပိုင်းတွင် စစ်ကောင်စီတပ်မှ Y-12 လေယာဉ်ဖြင့် နာဆွေကျေးရွာအတွင်း ဗုံး (၃၈)လုံး လာရောက်ကြဲချခဲ့ကြောင်းသိရသည်။  ပြီးခဲ့သည့် ဖေဖောဝါရီလ ၁ဝ ရက်နေ့ကလည်း TNLA ထ...

မွန်ပြည်နယ်၊ သထုံခရိုင်၊ ကျိုက်ထိုမြို့နယ်၊ ပိန္နဲကုန်းကျေးရွာရှိ ဘုန်းကြီး ကျောင်းနှင့်ကျေးရွာ ဝန်းကျင်အား  ဖေဖေါ်ဝါရီလ (၁၃)ရက်နေ့ နံနက်တွင် စစ်ကောင်စီမှ ဂျက်ဖိုက်တာလေယာဉ် ဖြင့်ဗုံးကြဲတိုက်ခိုက်ခဲ့ခြင်းကြောင့်ဘုန်းကြီးကျောင်းပျက်စီးကာ ပြည်သူ ၃ ဦးသေဆုံးခဲ့သည်။ ဌင်းပြင် ဖေဖေါ်ဝါရီလ (၁၃)ရက်တွင် ကျောက်ဖျာကျေးနယ်အုပ်စု၊ ကော်ကပ်ရွာအား စစ်ကောင်စီတပ်မှ  လေကြောင်းတိုက်ခိုက်မှု ၂ ကြိမ်ပြုလုပ်ခဲ့ပြီး ကျေးရွာစာသင်ကျောင်း အဆောက်အအုံများ ထိခိုက်ပျက်စီးခဲ့သည်။ စစ်ကောင်စီသည် ဖေဖေါ်ဝါရီလ (၁၃)ရက်နေ့ တရက်ထည်းတွင် ဘီးလင်းမြို့နယ်၊ ပျဉ်းမပင်ဆိပ်ကျေးနယ်အုပ်စု၊ တဂေးလောင်းချောင်းဖျားကျေးရွာရှိခရစ်ယာန်ဘုရားကျောင်းဝန်းအတွင်းနှင့် တဂေးလောင်းချောင်းဖျားကျေးရွာအား လေကြောင်တိုက် ခိုက်ခဲ့သည်။  စစ်ကောင်စီတပ်မှ  လေကြောင်းတိုက်ခိုက်မှုကြောင့် တဂေးလောင်းချောင်းဖျားရွာ ခရစ်ယာန်ဘုရားကျောင်း (၁)ကျောင်းပျက်စီးပြီး တဂေးလောင်းချောင်းဖျားကျေးရွာရှိ နေအိမ် (၁၇)လုံး ထိခိုက်ပျက်စီးခဲ့ကြောင်း ကေအဲန်ယူ-ဗဟိုမှထုတ်ပြန်သည်။  ဓာတ်ပုံ- စစ်ကောင်စီမှ ကော်ကပ်ကျေးရွာ၊ပိန္နဲကုန်း ကျေးရွာ အတွင်း လေကြောင်း တိုက်ခိုက်မှ...

 စစ်ကိုင်းတိုင်း၊ မုံရွာမြို့နယ် တောင်ပိုင်းအား ယမန်နေ့ ဖေဖော်ဝါရီလ ၁၂ ရက်နေ့တွင် စစ်ကောင်စီမှ  စစ်ထောက်ပို့ ဗုံးကြဲလေယာဉ် တစီးဖြင့် ပစ်ခတ်မှုကြောင့် ကလေးငယ်များအပါအဝင် ၁၃ ဦးသေဆုံးခဲ့ကြောင်း  စစ်ကိုင်းတိုင်းပြည်သူ့အကျိုးပြုကင်းထောက်ကွန်ယက်မှထုတ်ပြန်သည်။  တံတားဦးလေတပ်မှ တက်လာသော Y-12 စစ်ထောက်ပို့ လေယာဉ် တစီးဖြင့် မုံရွာ တောင်နယ်အား လေကြောင်း တိုက်ခိုက်မှု ပြုလုပ်ရာ ညောင်ဖြူပင်ရွာမှပြည်သူ (၃) ဦး ၊ဘုဘရွာမှ ပြည်သူ (၂)ဦး ၊ကုလားကြီး စစ်ဘေးရှောင်စခန်းမှ ပြည်သူ (၃) ဦး ၊သစ်စိမ့်ရွာမှ(၅)ဦး ၊ ကိုးရှင်းကျွန်းရွာမှကလေးငယ် တဦး စုစုပေါင်း  ပြည်သူ (၁၃) ဦး သေဆုံးခဲ့ကြောင်းသိရသည်။  စစ်ကောင်စီတိုက်ခိုက်မှုကြောင့် ပြည်သူ (၁၃) ဦး သေဆုံးခဲ့သည့်အပြင် ဒဏ်ရာရသူများရှိကြောင်း စစ်ကိုင်းတိုင်းပြည်သူ့အကျိုးပြုကင်းထောက်ကွန်ယက်မှထုတ်ပြန်သည်။  Bagan News 

မြန်မာပြည်သည် ကျရှုံးနိုင်ငံ ဖြစ်နေပြီဖြစ်ပြီး  နိုင်ငံတွင်းရှိ ဌာနေလူမျိုးများ ကိုယ်ပိုင်ပြဌာန်းခွင့် ဆုံးရှုံးနေရခြင်းတို့၏ အဓိကတရားခံသည် မြန်မာစစ်ခေါင်းဆောင်၊ စစ်အာဏာရှင်အဆက်ဆက်တို့ကြောင့် ဖြစ်ကြောင်း တအာင်းတပ်မတော် TNLA က ယနေ့ကျရောက်သည့် (၇၈)နှစ်မြောက် ပင်လုံစာချုပ် ချုပ်ဆိုခြင်းအခမ်းအနား သို ပေးပိုသည့်  သဝဏ်လွှာတွင်ရေးသားထုတ်ပြန်သည်။  မြန်မာစစ်အာဏာရှင်အဆက်ဆက်၊ မြန်မာအစိုးရအဆက်ဆက်နှင့် နိုင်ငံရေးပါတီများသည် ချစ်ဖွယ်ကောင်းသော မတူကွဲပြားသည့် မြန်မာပြည်ရှိ လူမျိုးများကို နိုင်ငံရေး အခွင့်အရေးများ သာတူညီမျှစွာ၊ လွတ်လပ်စွာ ခံစားနိုင်စေရန် မပေးစွမ်းနိုင်ဘဲ၊ တိုင်းပြည်ကို စစ်ပွဲနှင့် ဆင်းရဲ မွဲတေမှုသို့သာ ဖန်တီးတွန်းပို့လာခဲ့ကြကြောင်း TNLA ကပြောသည်။  လွန်ခဲ့သော နှစ်ကာလများစွာတွင် “ ပြည်ထောင်စုနေ့ ”ဟု အထိမ်းအမှတ်အခမ်းအနားများ ကျင်းပခဲ့ ရာမှ ယခုအခါ "(၇၈) နှစ်မြောက် ပင်လုံစာချုပ် ချုပ်ဆိုခြင်း" အခမ်းအနားဟု အမည်ပညတ် ပြောင်းလဲ ကျင်းပလာခြင်းသည် မြန်မာနိုင်ငံ၏ ပြည်ထောင်စုပြဿနာ ကြီးမားစွာ တည်ရှိနေဆဲဖြစ်သည်ဟု ဝန်ခံရာ ရောက်သည်ဟု ထုတ်ပြန်ချက်ကဆိုသည်။  လက်ရှိအချိန်ထိ ပြည်ထောင်...

မန္တလေးတိုင်း ၊ မိုးကုတ်မြို့နယ်တွင် ယနေ့ (ဖေဖော်ဝါရီလ ၁ဝ)  နံနက်အစောပိုင်း (၁)နာရီအချိန်၌ စစ်ကောင်စတပ်မှ လေကြောင်းဖြင့် ဗုံးကြဲချ တိုက်ခိုက်ခဲ့တိုက်ခိုက်မှုကြောင့် ဒေသခံ (၅)ဦး သေဆုံးပြီး (၁၉)ဦး ထိခိုက်ဒဏ်ရာရရှိခဲ့သည်။ မိုးကုတ်မြို့အနောက်ပိုင်းတွင် စစ်ကောင်စီတပ်မှ ဗုံး (၂ဝ)ခန့် လာရောက်ကြဲချတိုက်ခိုက်ခဲ့ သောကြောင့်ဒေသခံများသေဆုံးသည့် အပြင်နေအိမ်များထိခိုက်ပျက်စီးခဲ့ကြောင်း တအာင်းတပ်မတော် TNLA မှယနေ့ထုတ်ပြန်သည်။ Photo - TNLA  စစ်ကောင်စီတပ်မှ မိုးကုတ်မြို့ အနောက်ပိုင်းရှိ ထရံလုပ် လုပ်ကွက်တခုကို လေကြောင်းဖြင့် ဗုံးလာရောက်ကြဲချ တိုက်ခိုက်ခဲ့ကြောင်း ဒေသခံတဦးကပြောသည်။ စစ်ကောင်စီတပ်၏ ဗုံးကြဲမှုကြောင့် ဗုံးစထိမှန်သော ဒေသခံပြည်သူများကို PSLF/TNLA  ရဲဌာနနှင့် ပရဟိတ အသင်းများမှ ဝိုင်းဝန်းကယ်ဆယ်ပြီး ဆေးကုသမှု ကူညီဆောင်ရွက်ခဲ့ကြောင်းသိရသည်။ မိုးကုတ်မြို့အား ၁ဝ၂၇ စစ်ဆင်ရေးအပိုင်း (၂) အတွင်း TNLA မှ ၂ဝ၂၄ ခုနှစ် ဇွန်လိူင်လ (၂၅)ရက်နေ့တွင်သိမ်းပိုက်ထားခြင်းဖြစ်သည်။ မိုးကုတ်မြို့အား ပြီးခဲ့သည့် ဇန်နဝါရီလ ၈ ရက်နေ့ကလည်း စစ်ကောင်စီတပ်မှလေကြောင်းဖြင့် ဗုံးကြဲမှုကြောင့် ဂေါက်ကွင်းအနီးရှိ နေအိမ် ၅...

ဒိုက်ဦး ၊အိုးဘို၊ မြိတ်၊ ညောင်ဦး ၊ပခုက္ကူအကျဉ်းထောင်ဝန်ထမ်းများမှ နိုင်ငံ‌ရေးအကျဉ်းသား မိသားစုဝင်များထံ ငွေကြေးလိမ်လည်တောင်းခံနေကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ၂ဝ၂၅ ခုနှစ် ဇန်နဝါရီလအစောပိုင်းမှ စ၍ အကျဉ်းဦးစီးဝန်ထမ်းများသည် နိုင်ငံရေးအကျဉ်းသားများ၏ မိသားစုဝင်များထံ ဖုန်းဖြင့်ဆက်သွယ်ကာ အကြောင်းပြချက်အမျိုးမျိုးဖြင့် ငွေကြေးလိမ်လည်တောင်းဆိုမှုများရှိနေကြောင်း PPNM မှသိရသည်။ Photo - PPNM ( အကျဉ်းဦးစီးဝန်ထမ်းများ) မန္တလေးအိုးဘိုအကျဉ်းထောင်၊ ဒိုက်ဦးအကျဉ်းထောင်၊မြိတ်အကျဉ်းထောင်တို့တွင် တာဝန်ထမ်းဆောင်နေသည့် အကျဉ်းဦးစီးဝန်ထမ်းမှ မိသားစုဝင်များထံ ဖုန်းဖြင့်ဆက်သွယ်၍ယနေ့အထိ ငွေကြေးလိမ်လည်တောင်းခံနေသည်ကို စီစစ်တွေ့ရှိရကြောင်း ထုတ်ပြန်ချက်ကဆိုသည်။ ဒိုက်ဦးထောင်တွင် အိပ်ဆောင်(၄)၏ အဆောင်မှူး မျိုးသီဟအောင်မှ နိုင်ငံရေးအကျဉ်းသား မိသားစုဝင်များကို ၎င်းတို့၏ မိသားစုဝင် ဆေးရုံတက်နေရ၍ ငွေကြေး အရေးပေါ်လိုအပ်လျက်ရှိကြောင်း ပြောဆိုကာ မကြာခဏ လိမ်လည်တောင်းခံလျက်ရှိကြောင်း သိရသည်။ အဆောင်မှူး မျိုးသီဟအောင် အပါအဝင် ဒိုက်ဦးထောင်ရှိ ဝန်ထမ်းများသည် မိသားစုဝင်များထံမှ င...