Bagan News Agency

စစ်အာဏာသိမ်းမှုကြောင့် ပေါ်ပေါက်လာသော မြန်မာ့နိုင်ငံရေးပြဿနာများကို ဖြေရှင်းရာတွင် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့် တွေ့ဆုံ ဆွေးနွေးမှုမပါဝင်ဘဲ    ပြေလည်ရေးလမ်းစ ရရှိနိုင်မည်မဟုတ်ဟု ယုံကြည်ကြောင်း အမျိုးသားဒီမိုကရေစီအဖွဲ့ချုပ်ပါတီမှ ယနေ့ထုတ်ပြန်သည်။ Bagan News ၂၀၂၄ ခုနှစ် ဩဂုတ်လ ၃၁ ရက်နေ့ နံနက် ၉ နာရီအချိန်တွင်အမျိုးသားဒီမိုကရစီအဖွဲ့ချုပ် ဒုတိယဗဟိုကော်မတီ၏ ကြားကာလ စတုတ္ထအကြိမ် အစည်းအဝေး ကို Zoom မှတစ်ဆင့် ကျင်းပခဲ့ပြီး ယခုကဲ့သို့ထုတ်ပြန်ခြင်းဖြစ်သည်။ အစည်းအဝေး တွင်မတရားဖမ်းဆီးခံထားရသော ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများ အားလုံး ခြွင်းချက်မရှိ အမြန်ဆုံးလွတ်မြောက်ရေးကို လုပ်ဆောင်သင့်လုပ်ဆောင်နိုင်သည့် နည်းလမ်းမျိုးစုံအသုံးပြု၍ ကြိုးပမ်းဆောင်ရွက်ရန်နှင့် စစ်ကောင်စီက ကျင်းပရန် ကြံစည်နေသော အတုအယောင်ရွေးကောက်ပွဲကို မည်သည့်နည်းနှင့်မျှ အသိအမှတ်မပြု၊ ပူးပေါင်းဆောင်ရွက်ခြင်းမပြုရန် စသည့်အချက်များအပါအဝင် ဆုံးဖြတ်ချက် (၁၄) ချက်ကို ကန့်ကွက်သူမရှိ အတည်ပြုချမှတ်နိုင်ခဲ့ကြောင်းသိရသည်။

မွန်ပြည်နယ်၊ သထုံမြို့နယ်တွင် သြဂုတ်လ ၂၆ ရက်နေ့၌ စစ်ကောင်စီ (အမတ-၃၁၄)နှင့် (ခလရ-၈)တပ်ရင်းမှ လက်နက်ကြီး (၉)လုံး ပစ်ခတ်မှုကြောင့်  ကလေး (၂) ဦး၊ အရပ်သား (၁) ဦး ထိခိုက်ဒဏ်ရာရခဲ့ကြောင်း ကေအဲန်ယူ−ဗဟိုမှထုတ်ပြန်သည်။ စစ်ကောင်စီတပ်၏ လက်နက်ကြီး များသည် ဒေါင်းရွာ၌ လက်နက်ကြီး (၃)လုံး ကျရောက်ပေါက်ကွဲပြီး ဒေါင်းရွာနေ ဦးသန်းလွင် (၄၂) နှစ် နှင့် မောင်သန်းမြင့် (၁၄) နှစ်တို့ နှစ်ဦး လက်နက်ကြီးကျည်စ ထိမှန် ဒဏ်ရာရရှိခဲ့ကာ ဒေါင်းရွာရှိ နွားတစ်ကောင်နှင့် နေအိမ် (၄) လုံး ထိခိုက် ခဲ့ကြောင်း သိရသည်။  ထို့အပြင် တောင်ကလေးရွာအတွင်း၌လည်း လက်နက်ကြီး (၁)လုံး ကျရောက်ပေါက်ကွဲပြီး တောင်ကလေးရွာနေ စောဝင်းကိုကို (၅) နှစ်မှာ လက်နက်ကြီး ထိမှန် ဒဏ်ရာရရှိခဲ့ပြီး နေအိမ် (၂) လုံး ထိခိုက်ပျက်စီးခဲ့ကြောင်းသိရသည်။  ဓါတ်ပုံ − စစ်ကောင်စီတပ်၏ လက်နက်ကြီးပစ်ခတ်မှုကြောင့် ထိခိုက်ပျက်စီး ရမှုများ။ Bagan News

 ရခိုင်ပြည်နယ်၊ မောင်တောမြို့သိမ်းတိုက်ပွဲ ရုပ်သံမှတ်တမ်းအချို့ အား အာရက္ခတပ်တော် AA ကထုတ်ပြန်သည်။  မောင်တောမြို့သိမ်းတိုက်ပွဲ ရုပ်သံမှတ်တမ်းတွင် တိုက်ပွဲအတွင်းဖမ်းဆီးရမိသော ARSA၊ RSO၊ ARA အကြမ်းဖက် မူဆလင်လက်နက်ကိုင် တပ်ဖွဲ့ဝင်များ၊ ဖက်ဆစ်စစ်ကောင်စီတပ်ဖွဲ့ဝင်များနှင့် ၎င်းတိုမှ စစ်သင်တန်းပေးပြီး လက်နက်တပ်ဆင်ပေးထားသော မူဆလင် အကြမ်းဖက် လက်နက်ကိုင်တပ်ဖွဲ့ဝင်များ အားလည်းဖော်ပြထားသည်။

ကန့်ဘလူမြို့နယ်၊ ချပ်ကြီးရွာတွင် စစ်ကြောင်းကိုတိုက်ခိုက် စစ်ကောင်စီတပ်သား ၃ ဦးသေဆုံး  မန္တလေးတိုင်း၊ ပြင်ဦးလွင်ခရိုင်၊ သပိတ်ကျင်းမြို့နယ်ရှိ တတက-၁၃၊ စခတ-၂၊ သနတ-၁ ထုတ်နုတ်အဖွဲ့ အခြေပြုနေသော လေးမိုင်ရွာနှင့် တာဝါတိုင်ကုန်းအား ပြင်ဦးလွင်ခရိုင် ကွပ်ကဲရေးမှူး ကွပ်ကဲမှုဖြင့် ဩဂုတ်လ (၂၉) ရက်နေ့မှ စတင်တိုက်ခိုက်ကာ ဩဂုတ်လ (၃၀) ရက်နေ့ နံနက်ပိုင်းတွင် သိမ်းပိုက်နိုင်ခဲ့ကြောင်း အမှတ် (၁) စစ်ဒေသမှ ယနေ့ထုတ်ပြန်သည်။  ဌင်းစခန်းများအား ပြင်ဦးလွင်ခရိုင် တပ်ရင်း (၁၊ ၂)၊ အမှတ် (၅၀၉၊ ၅၁၀၊ ၅၁၂) တပ်ရင်း၊ ပြင်ဦးလွင်ခရိုင်/ သပိတ်ကျင်းမြိုနယ် ပကဖ၊ မန္တလေးတိုင်း ဒရုန်းတပ်ဖွဲ၊ အမှတ် (၁) ရွှေဘိုခရိုင် ကွပ်ကဲရေးရုံး ဒရုန်းတပ်ဖွဲ၊ ကန့်ဘလူခရိုင် W-89 တိုမှ ပူးပေါင်းတိုက်ခိုက်ခဲ့ခြင်း ဖြစ်ပြီး စစ်ကောင်စီထံမှ လက်နက် (၁၃) လက်၊ ကျည် (၂၇၉၆) တောင့်၊ Drone Slayer (၂) လက်၊ ၆၀ မမ ဗုံးသီး (၄၃) လုံး၊ အီနာဂါ (၆) လုံး၊ ကျည်အိမ် (၂၂) ခု သိမ်းဆည်းမိခဲ့ကြောင်း သိရသည်။ အလားတူ ကန့်ဘလူခရိုင်၊ ကန့်ဘလူမြို့နယ်၊ ချပ်ကြီးရွာ တောင်ဘက်၌ ချပ်ကြီးရွာမှ ထွက်လာသော ခမရ-၃၆၁ နှင့် ပျူစောထီး ပူးပေါင်းအင်အား (၂၅၀) ခန့်အား ကန့်ဘလူခရိုင် တပ်ရင...

ရှမ်းပြည်နယ်မြောက်ပိုင်း၊ ကျောက်မဲမြို့နယ်တွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ်မှ ဂျက်ဖိုက်တာဖြင့် ဗုံးကျဲချတိုက်ခိုက်ခဲ့ကြောင်း  တအာင်းအမျိုးသားလွတ်မြောက်ရေးတပ်မတော် TNLA မှထုတ်ပြန်သည်။ ယမန်နေ့ သြဂုတ်လ ၂၉ ရက် ည (၁၁)နာရီခွဲအချိန်တွင် စစ်ကောင်စီတပ်မှ  ဂျက်ဖိုက်တာဖြင့် ကျောက်မဲမြို့နယ်၊ ရပ်ကွက်(၁)ရှိ ရဲစခန်းနှင့် အုပ်ချုပ်ရေးရုံးအနီးတွင် လာရောက်ဗုံးကျဲတိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ ဂျက်ဖိုက်တာဖြင့် ဗုံးလာရောက်ကျဲချမှုကြောင့် ရပ်ကွက်(၁)ရှိ (ဒေသအခေါ် )ပင်ပေါလေးနှင့် အုတ်ကျင်းအတွင်းရှိ ဒေသခံနေအိမ်အချို့ထိခိုက်ပျက်စီးခဲ့ပြီး လူထိခိုက်သေဆုံးမှုမရှိကြောင်းသိရသည်။ အလားတူ သြဂုတ်လ(၂၇)ရက်၊ ညပိုင်း(၁၁)နာရီခွဲအချိန်တွင်လည်း ကျောက်မဲမြို့ အမှတ်(၉)ရပ်ကွက် အမှတ်(၂) အခြေခံပညာအထက်တန်းကျောင်းအတွင်းသို့ စစ်ကောင်စီတပ်မှ ဂျက်ဖိုက်တာဖြင့် ပေါင်(၅၀၀) ဗုံး လာရောက်ကြဲချမှုကြောင့် ထိုရပ်ကွက်ရှိ ဒေသခံအမျိုးသား(၁)ဦး သေဆုံးခဲ့ရပြီး (၂)ဦး ထိမှန်ဒဏ်ရာရရှိခဲ့ကြောင်းသိရသည်။ စစ်ကောင်စီတပ်သည် တိုက်ပွဲဖြစ်ပွားခြင်းမရှိဘဲ ပြည်သူလူထုများ နေထိုင်ရာသို့ ဦးတည်ပြီး လေကြောင်းဖြင့် လိုက်လံဗုံးကြဲချမှု...

ကရင်ပြည်နယ်ရှိ ဆိုက်ဘာငွေလိမ်ဗဟိုချက်တစ်ခုတွင် မလေးရှား ဒုတိယဝန်ကြီးဟောင်း Datuk Dr Mashitah Ibrahim နှင့် သူမ၏ခင်ပွန်းဖြစ်သူ Datuk Abdul Shakor bin Abu Bakar တို့ ပါဝင်ပတ်သက်နေမှုအပေါ် မလေးရှားရဲတပ်ဖွဲ့နှင့် အကျင့်ပျက်ခြစားမှု တိုက်ဖျက်ရေးကော်မရှင်တို့က စုံစမ်းစစ်ဆေးနေကြောင်း Justice For Myanmar က ထုတ်ပြန်သည်။  မြန်မာနိုင်ငံတွင်း ရာဇဝတ်စီးပွားဂိုဏ်းလုပ်ငန်းများတွင် ဒုဝန်ကြီးဟောင်းနှင့် သူမ၏ခင်ပွန်းတို့ ပါဝင်ပတ် သက်မှုအား စုံစမ်းစစ်ဆေးမှုများ လုပ်ဆောင်နေကြောင်း၊ အဆိုပါဇနီးမောင်နှံထံမှ ထွက်ဆိုချက်များကို ဇူလိုင်လတွင် ရယူပြီးဖြစ်ကြောင်း ရဲတပ်ဖွဲ့၏ ရဲရေးဗိုလ်ချူပ်ကြီး Tan Sri Razarudin Husain က ယမန်နေ့ သတင်းစာရှင်းလင်းပွဲတွင် အတည်ပြုပြောကြားသည်။ ရဲတပ်ဖွဲ့ဝင်များက သက်သေများကို ရှာဖွေနေကြောင်းလည်း ၎င်းကပြောကြားခဲ့သည်။ မာရှီတအီဗရာဟင်သည် အဆိုပါကိစ္စနှင့်ပတ်သက်၍ ရဲတပ်ဖွဲ့ဝင်များထံ ထွက်ဆိုချက်ပေးခဲ့ကြောင်း အတည်ပြု ထုတ်ဖော်ပြောကြားထားသည်။ အရပ်ဘက်အဖွဲ့အစည်းများက တိုင်ကြားခဲ့ပြီးနောက်ပိုင်း မလေးရှား အကျင့်ပျက်ခြစားမှုတိုက်ဖျက်ရေး ကော်မရှင် (MACC) ကလည်း မာရှီတအီဗရာဟင်အပေါ် စုံစမ်းစစ်ဆေးမှုများ ...

ပဲခူးတိုင်း၊ သာယာဝတီထောင်တွင် ထောင်ပိုင်အပါအဝင် ထောင်အဆောင်မှူးများက အာဏာအလွဲသုံးစားလုပ်ကာ အကျင့်ပျက်ခြစားမှုများပြုလုပ်နေကြကြောင်း နိုင်ငံရေးအကျဉ်းသားများကွန်ရက်(PPNM)မှ သိရသည်။ သာယာဝတီထောင်ပိုင် ရဲရင့်နိုင် နှင့် ထောင်အဆောင်မှူးများသည် အကျဉ်းသားများထံမှ အကြောင်းအမျိုးမျိုးပြ၍ ငွေကြေးကောက်ယူခြင်းများ၊ထောင်တွင်းစီးပွားရေးလုပ်ငန်းများ အလွန်အကျွံသောင်းကြမ်း၍ အာဏာအလွဲသုံးစားလုပ်မှုများ ပြုလုပ်နေကြောင်း သိရသည်။ သာယာဝတီထောင် ထောင်ပိုင် ရဲရင့်နိုင်မှာ ထောင်အတွင်းရောင်းသည့်ကွမ်းယာများကို တစ်ခန်းလျှင် အထုပ် ၃၀ နူန်းဖြင့် မယူမနေရရောင်းပြီး ကွမ်းယာထုတ်များမကုန်လျှင် အာဏာအလွဲသုံးစားလုပ်ကာ အပြစ်ပေးလေ့ရှိကြောင်းသိရသည်။ သက်ဆိုင်ရာအခန်းများအလိုက်ခွဲတမ်းဖြင့် မကုန်မချင်းရောင်းရသောကွမ်းယာများ မကုန်လျှင် အပြင်ကွမ်း(ဝန်ထမ်းများမှ သယ်လာသောကွမ်းယာ) များကို စားလျှင် တိုက်ပိတ်ခြင်း၊ ခြေကျင်းခတ်ခြင်းများ ပြုလုပ် အပြစ်ပေးခံရကြောင်း၊ ထောင်ပိုင် ရဲရင့်နိုင် သည် ကွမ်းယာအပြင် ထောင်ဝင်စာပစ္စည်းများပို့ခြင်းကို ကန့်သတ်ထားပြီး ထောင်ပိုင်မှရောင်းချသော ဟင်းများကိုလည်း မဝယ်မနေရသဘောမျိုးဖြင့်ရောင်းချလေ့ရှိကြောင်းသိရသည်။ ...

စစ်ကိုင်းတိုင်း ၊ ခင်ဦးမြို့နယ်တွင် စစ်ကောင်စီတပ်က လေကြောင်းမှပစ်ခတ်တိုက်ခိုက်မှုကြောင့် အရပ်သားများ ထိခိုက်‌သေဆုံးခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ သိရသည်။ ပြီးခဲ့သည့် သြဂုတ်လ ၁၇ ရက်မှ ၁၉ ရက်အတွင်း ခင်ဦးမြို့နယ် မဒေါင်းလှ ပျူစခန်းအား တော်လှန်ရေးအဖွဲ့များက တိုက်ခိုက်သိမ်းပိုက်ခဲ့ကြပြီး စစ်ကောင်စီတပ်က လေကြောင်းပစ်ကူမှုကြောင့် ပြန်လည်ဆုတ်ခွာခဲ့ရကြောင်း သိရသည်။ ဌင်းနောက်ပိုင်းတွင် စစ်ကောင်စီတပ်မှ တိုက်ပွဲဖြစ်ပွားခြင်း မရှိဘဲ ကျေးရွာများအား အကြောင်းမဲ့ ပစ်ခတ်ခဲ့မှုကြောင့် ထိခိုက်‌သေဆုံးမှုများ ရှိခဲ့ကြောင်း သိရသည်။ သြဂုတ်လ ၁၈ ရက်နေ့တွင် စစ်ကောင်စီတပ်မှ  မဒေါင်းကြီး၊ရွှေကာ၊ဆီဆုံလေး အနီးတဝိုက်အား ပစ်ခတ်ခဲ့ကြောင်း၊ သြဂုတ်လ ၁၉ ရက်နေ့တွင် ဗအိုးရွာ အားအကြောင်းမဲ့ပစ်ခတ်သောကြောင့် ပြည်သူ(၁)ဦး‌သေဆုံးကာ(၃)ဦး ဒဏ်ရာရှိခဲ့ကြောင်းသိရသည်။  သြဂုတ်လ ၂၆ ရက်နေ့တွင် မုံလှကျေးရွာအား အကြောင်းမဲ့ပစ်ခတ်မှုကြောင့် ပြည်သူ(၂)ဦး ထိခိုက်ဒဏ်ရာရခဲ့ပြီး  သြဂုတ်လ ၂၉ ရက်နေ့တွင် စည်ပုတ္တရာ နှင့် သေနပ်စိန်ကျေးရွာ အား အကြောင်းမဲ့ပစ်ခတ်မှုကြောင့် ပြည်သူ(၆)ဦး ထိခိုက်ဒဏ်ရာရခဲ့ကြောင်း သိရသည်။ စစ်ကေ...

မောင်တောမြို့ သိမ်းပိုက်ရေး AA တိုက်ခိုက်၊ စစ်ကောင်စီတပ်မှ မောင်ရွှေလေး ရေတပ် မကျရေး ကြည်း၊ ရေ၊ လေ ပူးပေါင်းကာ အသည်းအသန် ခုခံနေ စစ်ကောင်စီနှင့် အပေါင်းအပါများသည် ရခိုင်ပြည်နယ်၊ မောင်တောမြို့ပြင်၌ တစ်ခုတည်းကျန်ရှိနေသော နခခ (၅) စခန်းအတွင်းသို ဆုတ်ခွာသွားပြီး ၎င်းစခန်းမှ လက်နက်ကြီးများအပြင် ဓာတုအဆိပ်ဓာတ်ငွေ့များပါသော ဗုံးများအား အသုံးပြု၍ တိုက်ခိုက်ခြင်းများကို ၂၀၂၄ ခုနှစ်၊ ဩဂုတ်လ (၂၈) ရက်နေ့တွင် ပြုလုပ်ခဲ့ကြောင်း အာရက္ခတပ်တော် AA မှထုတ်ပြန်သည်။  ထို့အပြင် မောင်တောမြို့အတွင်းမှ ဆုတ်ခွာထွက်ပြေးနေစဉ်အတွင်း ၎င်းတို့စခန်းချကာ ခုခံစစ်ဆင်နွှဲခဲ့သော အဆောက်အဦးအား မီးရို့ဖျက်ဆီးခဲ့ကြောင်းသိရသည်။ မောင်တောမြို့အား အလုံးစုံသိမ်းပိုက်ရရှိရေးအတွက် မောင်တောမြို့အတွင်းရှိ စစ်ကောင်စီ၏ အဆင့်ဆင့်ခုခံတားဆီးထားသော နေရာများကို တစ်ခုပြီးတစ်ခု ရှင်းလင်းတိုက်ခိုက်လျက်ရှိပြီး စစ်ကောင်စီ၏ ခံစစ်နေရာအများစုအား  သိမ်းပိုက်ရရှိထားခဲ့ပြီးဖြစ်ကြောင်း အာရက္ခတပ်တော်ကထုတ်ပြန်သည်။ တစ်ပြိုင်နက်တည်းတွင် မောင်တောမြို့တွင်း၌ စစ်ကူမဲ့၊ အခြေအနေဆိုးဝါးစွာဖြင့် အစုလိုက်၊ အစုလိုက် ကစဉ့်ကလျားထွက်ပြေးနေကြသော စစ်ကောင်စီတပ်သားမျ...

ရှမ်းပြည်နယ်မြောက်ပိုင်း၊ နောင်ချိုမြို့နယ် တောင်ခမ်းကျေးရွာရှိ စစ်ကောင်စီ အမြောက်တပ်စခန်း (၂)ခု ဖြစ်သည့် အမတ (၄၀၆)နှင့် အမတ (၂၀၆)တို့ကို သြဂုတ်လ(၂၈)ရက်နေ့တွင် သိမ်းပိုက်နိုင်ခဲ့ပြီးဖြစ်ကြောင်း တအာင်းအမျိုးသား လွတ်မြောက်ရေး တပ်မတော် TNLA မှထုတ်ပြန်သည်။ ယနေ့ သြဂုတ်လ(၂၉)ရက်နေ့တွင်လည်း တောင်ခမ်းရွာရှိ စစ်ကောင်စီ (၉၀၂) တပ်စခန်း၊  ၃၄၅ တပ်စခန်းအနီးတဝိုက် နှင့် မကျီးရေရွာဘုန်းကြီးကျောင်းတို့တွင်  TNLA နှင့် စစ်ကောင်စီတပ်တိုအကြား တိုက်ပွဲဖြစ်ပွားလျက်ရှိကြောင်းသိရသည်။ ယနေ့ နံနက် (ရး၂၀) နာရီအချိန် တောင်ခမ်းကျေးရွာရှိ (၉၀၂) စစ်ကောင်စီတပ်၌ လည်းကောင်း၊ (၅း၄၀)နာရီအချိန်တွင် (၃၄၅) တပ်စခန်း စစ်ကောင်စီတပ်စခန်း၌လည်းကောင်း၊ (ရး၄၀) နာရီအချိန်တွင် မကျီးရေရွာတွင် စစ်ကောင်စီတပ်၌ လည်းကောင်း တိုက်ပွဲဖြစ်ပွားခဲ့ကြောင်း TNLA မှထုတ်ပြန်သည်။ တိုက်ပွဲဖြစ်ပွားလျက်ရှိသော တောင်ခမ်းရွာ၌ စစ်ကောင်စီ (၉၀၂) တပ်စခန်းတွင် စစ်ကောင်စီတပ်မှ  Y12 ဖြင့် (၃)ကြိမ် ၊ ဗုံး (၁၅၀) လုံး၊  တောင်ရွှေရွာတွင် Jet Fighter ဖြင့် (၁)ကြိမ်နှင့် သကြားစက်ရုံတွင် (၂)ကြိမ် လာရောက်ဗုံးကြဲတိုက်ခိုက်ခဲ့ကြောင်းသိရသည်။ ရှမ်းပြည်နယ်တော...

ရခိုင်ပြည်နယ် အမ်းမြို့ ဦးတည်ကာ စစ်ကြောင်းထိုးလာသည့် ပဒါန်း အခြေစိုက် အမြှောက်စစ်ဆင်ရေးကွပ်ကဲမှု ဌာနချုပ် (မစခ-၉ဝ၅)မှ ထွက်လာသော အင်အား (၆ဝ) ခန့်ပါ စစ်ကောင်စီ ဖောကား (၂) စီးကို ယနေ့ သြဂုတ်လ ၂၉ ရက်တွင် တိုက်ခိုက်ခဲ့ပြီး စစ်ကောင်စီတပ်ဖွဲ့ဝင် ၁၅ ဦးခန့် သေဆုံးနိုင်ကြောင်း လူထု တော်လှန်ရေးမဟာမိတ်အင်အားစု(PRA-Magway) မှ ထုတ်ပြန်သည်။  ဌင်းစစ်ကောင်စီ ဖောကား (၂) စီးကို ပဒါန်း-အမ်းလမ်းပိုင်း၊ စပ်စီရွာအထက် မီတာ ၂ဝဝဝ ခန့် အကွာတွင်  PRA-Magway မှ အသင့်စောင့်ကြို၍ မိုင်းဆွဲတိုက်ခိုက်ခဲ့ပြီး (၂၅) မိနစ်ခန့်ကြာ နှစ်ဘက်အပြန်အလှန် ပစ်ခတ်တိုက်ခိုက်မှု ဖြစ်ပွားခဲ့ကြောင်းသိရသည်။  စစ်ကောင်စီတပ်သည် ထိတွေ့မှုအတွင်း သေဆုံးဒဏ်ရာရသော စစ်ကောင်စီတပ်သားများအား ဖောကားဖြင့် သယ်ဆောင်၍ ပဒါန်းဘက်သို့ဆင်းလာရာ စပ်စီရွာ၏အထက်ဘက် မီတာ (၁ဝဝဝဝ) ခန့်အကွာသို့ အရောက် တွင် ထပ်မံ၍ မိုင်းဆွဲတိုက်ခိုက်ခဲ့ကြောင်းသိရသည်။  အဆိုပါတိုက်ပွဲများအတွင်း ကပစ (၁၄) မှ ဗိုလ်ကြီးမျိုးကျော်သူအပါအဝင် စစ်ကောင်စီတပ်ဖွဲ့ဝင် (၁၅) ဦးခန့် ထိခိုက် သေဆုံးသည်ဟု မြေပြင်သတင်းများအရ သိရသည်။  ဗိုလ်ကြီးမျိုးကျော်သူသည် ငဖဲမြို့ရှိ စစ်မှုထမ်းက...

ရန်ကုန်တိုင်း၊ တာမွေမြို့နယ် ရဲစခန်းကို ၂၀၂၄ ခုနှစ်၊ ဩဂုတ်လ (၂၈) ရက်နေ့တွင် Anonymous Force (ရန်ကုန်စစ်ဒေသခွဲ - PRF) က ဖောက်ခွဲ တိုက်ခိုက်ခဲ့ပြီး ရဲတပ်ဖွဲ့ဝင် (၃) ဦး သေဆုံးခဲ့ကြောင်း PRF မှသိရသည်။ တာမွေမြို့နယ် ရဲစခန်းသည် စစ်ကောင်စီ၏ အကျိုးစီးပွားကို ကာကွယ်ကာ ပြည်သူကို နှိပ်စက် ဖိနှိပ်လျက် ရှိသော ကြောင့် အဆိုပါ တာမွေမြို့နယ် ရဲစခန်းကို (၁၄း၄၀) နာရီခန့်တွင် ဗုံးခွဲ တိုက်ခိုက်ခဲ့ခြင်း ဖြစ်ပြီး စစ်ကောင်စီ၏ အသုံးတော်ခံ အကြမ်းဖက် ရဲတပ်ဖွဲ့ဝင် (၃) ဦး သေဆုံးကြောင်း မြေပြင် ထောက်လှမ်းမှုများအရ သိရှိရသည်ဟုလည်း  ပြည်သူ့တော်လှန်ရေးအင်အားစု - PRF ကထုတ်ပြန်သည်။  အထက်ပါ ဗုံးခွဲတိုက်ခိုက်မှုကို ချီတာစစ်ဆင်ရေး "Cheetah Operation" များထဲမှ တစ်ခုအဖြစ် ဆောင်ရွက် ခဲ့ခြင်းဖြစ်ပြီး အဖွဲ့ဝင်များအနေဖြင့် တစ်စုံတစ်ရာ ထိခိုက်ခဲ့ခြင်း မရှိဘဲ ဘေးကင်းစွာ ဆုတ်ခွာနိုင်ခဲ့ကြောင်း ပြည်သူ့တော်လှန်ရေးအင်အားစု - PRF ကထုတ်ပြန်သည်။   - Bagan News

24 Hour Group၊ KT Group၊ Gateway Group နှင့် Htoo Group တို့က ATR လေယာဉ်များကို စစ်ကောင်စီအတွက် ဝယ်ယူပေးခဲ့ပြီး Air KBZ သည် အရပ်ဘက်လေကြောင်းပြေးဆွဲရန်အတွက် အနည်းဆုံး ATR လေယာဉ်နှစ်စီးကို စစ်အုပ်စုထံမှ ငှားရမ်းအသုံးပြုခဲ့ စစ်ရာဇဝတ်မှုများနှင့် ရာဇဝတ်မှုများကို အပြစ်ပေးအရေးယူ ခံရခြင်းမရှိဘဲ ကျူးလွန်နေသော မြန်မာစစ်အုပ်စုကို ATR လေယာဉ်များအား အသုံးပြုနိုင်ရေး အတွက် ကမ္ဘာတဝန်းရှိ  ပံ့ပိုးကူညီနေသည့် ကုမ္ပဏီများအား သုတေသနလေ့လာမှုအသစ်တွင် ဖော်ထုတ်နိုင်ခဲ့ကြောင်း Justice For Myanmar က ယနေ့ထုတ်ပြန်သည်။ ၂၀၁၃ ခုနှစ်မှစ၍ ပြင်သစ်နိုင်ငံထုတ် Avions de Transport Regional (ATR) လေယာဉ် အနည်းဆုံး ဆယ်စီးအား မြန်မာစစ်အုပ်စု ဝယ်ယူအသုံးပြုနိုင်ရန် ကူညီပေးခဲ့ကြသည့် ကမ္ဘာတဝန်းမှ ကုမ္ပဏီများပါဝင်သော ကွန်ရက်တစ်ခုကို Justice For Myanmar က ဖော်ထုတ်လိုက်ခြင်းဖြစ်သည်။ စစ်အုပ်စုသည် ATR လေယာဉ်များအား နိုင်ငံတကာရာဇဝတ်မှုများ ကျူးလွန်ရာတွင် ၎င်းတို့အသုံးပြုသည့် စစ်သည်များနှင့် စစ်လက်နက်များကို သယ်ဆောင်ရာတွင်လည်းကောင်း၊ ဝေဟင်ထောက်လှမ်းရေးနှင့် ကင်းထောက်လုပ်ငန်းများအတွက်လည်းကောင်း အဆိုပါလေယာဉ်များကို အသုံးပြုနေကြောင်း...

ရှမ်းပြည်နယ်မြောက်ပိုင်း၊ ကျောက်မဲမြို့တွင် စစ်ကောင်စီတပ်က လေကြောင်းဖြင့် ပေါင် ၅ဝဝ ဗုံး ၂ လုံး ကျဲချ တိုက်ခိုက်မှုကြောင့် ‌ဒေသခံ (၁) ဦးသေဆုံးကာ (၂)ဦး ထိခိုက်ဒဏ်ရာရရှိခဲ့ကြောင်း တအာင်းတပ်မတော် TNLA မှထုတ်ပြန်သည်။  ယမန်နေ့ ဩဂုတ်လ (၂၇) ရက် ည (၁၁း၃၀) အချိန်တွင် စစ်ကောင်စီတပ်သည် ဂျက်ဖိုက်တာဖြင့်  ပေါင် ၅ဝဝ ဗုံး ၂ လုံး ကျဲချ တိုက်ခိုက်မှုကြောင့် ကျောက်မဲမြို့အမှတ် (၉)ရပ်ကွက် အတွင်း ကျရောက်ပေါက်ကွဲခဲ့ပြီး ‌ထိုရပ်ကွက်နေ အသက် (၅၄) နှစ်အရွယ် မိုင်းအ‌ညော် ဆိုသူ ပွဲချင်းပြီးသေဆုံးခဲ့ကာ အသက် (၃၅)နှစ်အရွယ် ကိုငယ်လေ နှင့် အသက် (၅၀)အရွယ် ကိုနောင် ဆိုသူ (၂) ဦး ထိမှန်ဒဏ်ရာရရှိခဲ့ကြောင်းသိရသည်။  ထို့အပြင် ကျောက်မဲ အမှတ်(၉)ရပ်ကွက်ရှိ အခြေခံပညာအထက်တန်းကျောင်း နှင့် ဒေသခံ နေအိမ် (၅)လုံး ထိခိုက်ပျက်စီးသွားခဲ့ကြောင်းသိရသည်။ အလားတူ သြဂုတ်လ ၂၇ ရက်နေ့ ‌ နံနက်(၁း၃၀)အချိန်တွင်လည်း သီပေါမြို့အတွင်းသို စစ်ကောင်စီတပ်မှ Y-12 လေယာဉ်ဖြင့် ဗုံးအလုံး (၅၀) ကျော်လာရောက်ကျဲချတိုက်ခိုက်ခဲ့ပြီး ဒေသခံ (၂) ဦးသေဆုံးခဲ့ကာ (၂)ဦးဒဏ်ရာရရှိခဲ့ပြီး စာသင်ကျောင်းနှင့် နေအိမ်များထိမှန်ပျက်စီး ခဲ့ကြောင်းသိရသည်။ ယခုရက်ပိုင်းအ...

"တပ်ပျက်နေပြီ" ကြွေးကြော်သံဖြင့် မြန်မာ့တပ်မတော်သားများ ပြည်သူ့ဘက်သို့ " အလံဖြူထောင်" ပူးပေါင်းရန်  သပိတ်တိုက်ပွဲတခုကို သြဂုတ်လ ၂၈ ရက်နေ့ ၌  ရန်ကုန်မြို့ ရှိ တော်လှန်ရေးအင်အားစုများက လမ်းပေါ်တွင်ပူးပေါင်း ဖော်ဆောင်ခဲ့ကြသည်။  အဆုံးစွန်ထိ မိုက်ကမ်းစွာဖြင့် တိုင်းပြည်၊ လူထုနှင့် တပ်ကို ဖျက်စီး ဖိနှိပ် နေသည့် အာဏာရူး မင်းအောင်လှိုင် အတွက် အသေမခံပဲ၊  ပြည်သူ့ဘက်သို့ အမြန်ဆုံး ဘက်ပြောင်းခိုဝင်ကြရန် ရန်ကုန်မြို့ ရှိ တော်လှန်ရေးအင်အားစုများ ကတိုက်တွန်းသည်။ ရန်ကုန်၊ မန္တလေး၊ ပြည်၊ မုံရွာစသည့် မြို့ကြီးများတွင် စစ်ကောင်စီမှ ပျူစောထီးများကို အုပ်ကြီး ရာထူးပေး၊ လက်နက်တပ်ဆင်ခြင်းဖြင့်လည်းကောင်း၊ လူဖမ်းပွဲများဖြင့် အတင်းအဓမ္မပေါ်တာဆွဲ စစ်သားစု ခြင်းများဖြင့်လည်းကောင်း  ဖိနှိပ်မှုနှင့် ခြိမ်းခြောက်မှုများကို ပို၍ ဆိုးဝါး ပြင်းထန်စွာ ဆက်တိုက်ကျူးလွန်လာကြောင်း၊ " ပြည်သူ မထောက်ခံသည့် စစ်ကို ဆင်နွှဲနေသည့်အပြင် ပြည်သူကိုပါ ဖိနှိပ်သတ်ဖြတ်နေသည့်" စစ်အုပ်စု သက်ဆိုးရှည်နေမှုကို မြန်မာ့တပ်မတော်သားများပါ နွေဦးတော်လှန်ရေးတွင် အမြန်ဆုံးပါဝင်ပူးပေါင်း၍ အဆုံးသတ်တိုက်ပွဲကို ဆင်နွှဲကြပါရန...

နိုင်ငံတကာအသိုက်အဝန်းမှ ထိရောက်သည့်အရေးယူ ဆောင်ရွက်မှု ပျက်ကွက်နေခြင်း ကြောင့် မြန်မာပြည်သူများခံစားနေရမှုများသည် တစ်နေ့ထက်တစ်နေ့ ပိုမိုဆိုးရွားလာ ကြောင်း၊ မြန်မာပြည်သူများ ခံစားနေရမှုသည် စကားလုံးဖြင့်ဖော်ပြ၍ မရသည့် ကြေကွဲ စရာဖြစ်ရပ်ဖြစ်ကြောင်း ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းကပြောကြားသည်။ အမေရိန်ကန်နိုင်ငံ၊ နယူးယောက်မြို့ ကုလသမဂ္ဂဌာနချုပ်၌ UNDP ၊ UNFPA UNOPS ၏ ၂၀၂၄ ခုနှစ် ဒုတိယအကြိမ်ပုံမှန်အစည်း အဝေးကို ၂၆-၈-၂၀၂၄ ရက်နေ့မှ ၂၉-၈-၂၀၂၄ ရက်နေ့အထိ ကျင်းပပြုလုပ်နေပြီး သြဂုတ်လ ၂၇ ရက်နေ့ အပြန်အလှန်ဆွေးနွေးမှုအစီအစဉ်တွင် ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းက ပါဝင်မိန့်ခွန်းပြောကြားခဲ့ခြင်းဖြစ်သည်။  မြန်မာပြည်သူများ၏ ပြဿနာရပ်များ၏ အဓိကဇစ်မြစ်မှာ စစ်အာဏာရှင်နှင့် မတရားစစ်အာဏာ သိမ်းယူမှု ကြောင့်ဖြစ်သည်ဆိုသည်မှာ ရှင်းလင်းနေကြောင်း၊ ယင်းပြဿာနာကို ဖြေရှင်းရေးအတွက် နိုင်ငံအဆင့်၊ ဒေသတွင်းအဆင့်နှင့် ကုလသမဂ္ဂ အပါအဝင် နိုင်ငံတကာအဆင့်တို့တွင် ဟန်ချက်ညီညီ  ညှိနှိုင်းပူးပေါင်းဆောင်ရွက်ရန် အရေးကြီးကြောင်း ဦးကျော်မိုးထွန်းကပြောက...

 ပဲခူးတိုင်း၊ ခလယ်လွီထူခရိုင်(ညောင်လေးပင်)  လယ်ဒိုမြို့နယ်(ကျောက်ကြီး) မြို့နယ်တွင် စစ်ကောင်စီတပ်၏ လက်နက်ကြီး ပစ်ခတ်မှုကြောင့် အရပ်သားများ ထိခိုက်ခဲ့ကြောင်း ကေအဲန်ယူ-ဗဟို မှထုတ်ပြန်သည်။ ၂၀၂၄ ခုနှစ်၊ ဩဂုတ်လ (၂၅) ရက်နေ့ တွင် စစ်ကောင်စီတပ် ခလရ-၂၆၄ တပ်ရင်းမှ ၁၂၂ မမ နှင့် ၁၂၀ မမ စုစုပေါင်း (၁၁) လုံးပစ်ခတ်မှုကြောင့် ဘုရားကြီးကျေးရွာ၊ ပဒဲကောကျေးရွာ၊ ကညင်ကြိုးကျေးရွာ၊ ငါးဖယ်အင်းကျေးရွာနှင့် လက်ခံကျေးရွာ အကြားတွင် ကျရောက်ပေါက်ကွဲ ခဲ့ကြောင်းသိရသည်။  ၂၀၂၄ ခုနှစ်၊ ဩဂုတ် (၂၄) ရက်နေ့တွင်လည်း စစ်ကောင်စီတပ် ခလရ-၂၆၄ တပ်ရင်းမှ ၁၂၂ မမ နှင့် ၁၂၀ မမ စုစုပေါင်း (၆) လုံးပစ်ခတ်ခဲ့ရာမှ ထိုပစ်ခတ်မှုကြောင့် ကုန်းမြင့်သာယာကျေးရွာနှင့် ယောက်သွားကုန်းကျေးရွာ အနီးတွင် ကျရောက်ပေါက်ကွဲခဲ့ ကြောင်းသိရသည်။  ၂၀၂၄ ခုနှစ်၊ ဩဂုတ် (၂၃) ရက်နေ့ တွင်လည်း စစ်ကောင်စီတပ် ခလရ-၂၆၄ တပ်ရင်းမှ ၈၁ မမနှင့် ၁၂၀ မမ စုစုပေါင်း (၄) လုံးပစ်ခတ်ခဲ့ရာ ကညွန့်ကုန်းကျေးရွာနှင့် ယောက်သွားကုန်းကျေးရွာအနီးတွင် ကျရောက်ပေါက်ကွဲ ပြီး  ပဒဲကောကျေးရွာအတွင်းတွင် ကျရောက်ပေါက်ကွဲခဲ့ရာ ပဒဲကောကျေးရွာသား တဦး၏ ညာဘက်ပခုံးတဖက်တွင် ထိခိုက်ဒဏ်ရာ...

Dawei Watch မီဒီယာ၏ တနင်္သာရီတိုင်း၊ မြိတ်မြို့အခြေစိုက် သတင်းသမား နှစ်ဦးဖြစ် သော ကိုမျိုးမြင့်ဦးနှင့် ကိုအောင်ဆန်းဦးတို့ကို စစ်ကောင်စီက ၂ဝ၂၃ ခုနှစ် ဒီဇင်ဘာလ ၁၁ ရက်ညသန်းခေါင်အချိန်တွင် ဖမ်းဆီးခဲ့ပြီး နှစ်ရှည်ထောင်ဒဏ်များ အသီးသီးချမှတ်ခဲ့ကြောင်း Dawei Watch မှယနေ့ထုတ်ပြန်သည်။  ယင်းသို့ဖမ်းဆီးပြီးနောက် စစ်ကောင်စီ၏ စစ်ခုံရုံးဖြင့် တိတ်တဆိတ် တရားစီရင်ပြီး ကိုမျိုးမြင့်ဦးကို ထောင်ဒဏ်တစ်သက်တစ်ကျွန်းနှင့် ကိုအောင်ဆန်းဦးကို ထောင်ဒဏ် နှစ် ၂ဝ အထိ အသီးသီး ချမှတ်လိုက်ကြောင်းသိရသည်။  မြိတ်မြို့နယ်မှာ စစ်အုပ်ချုပ်ရေး ကြေညာထားသည့် မြို့နယ်မဟုတ်သဖြင့် သတင်းသမား များကို ဥပဒေနှင့်အညီ ခုခံကာကွယ်ခွင့် ပေးရမည်ဖြစ်သော်လည်း တရားရုံးတွင် စစ်ဆေးခြင်းမရှိဘဲ မြိတ်ထောင်ရှိစစ်ခုံရုံးက ဥပဒေမဲ့ ထောင်ဒဏ်ချမှတ်ခဲ့ခြင်းဖြစ်ကြောင်း၊ ထောင်ဒဏ်ချမှတ်ရသည့် အကြောင်းအရင်းနှင့် ပုဒ်မအသေးစိတ်များကိုလည်း ထုတ်ပြန်ပြောဆိုခြင်း မရှိသလို မည်သို့သော လုပ်ငန်းစဉ်ဖြင့် တရားစီရင်ခဲ့သည်ကိုလည်း မေးမြန်းခွင့်မရခဲ့ကြောင်း ထုတ်ပြန်ချက်တွင်ပါရှိသည်။  မြိတ်မြို့အခြေစိုက် သတင်းသမား နှစ်ဦးဖြစ် သော ကိုမျိုးမြင့်ဦးနှင့် ကိုအောင်ဆန်းဦး...

  ပဲခူးတိုင်း၊ ခလယ်လွီထူ (ညောင်လေးပင်)ခရိုင်၊ မူး(မုန်း) မြို့နယ်တွင် စစ်ကောင်စီတပ်က လက်နက်ကြီးများဖြင့်ပစ်ခတ်မှုကြောင့် ဦးဇင်း (၁) ပါး ပျံလွန် တော်မှုခဲ့ပြီး ကိုရင် (၁) ပါး၊ ကျောင်းသား ကျောင်းသူ (၅) ဦးနှင့် ပြည်သူ (၁) ဦး ထိခိုက် ဒဏ်ရာ ရခဲ့ကာ ဘုန်းကြီးကျောင်း (၁) ကျောင်းထိခိုက်ပျက်စီးခဲ့ ကြောင်း ကေအဲန်ယူ−ဗဟိုမှထုတ်ပြန်သည်။ ၂၀၂၄ ခုနှစ် ဩဂုတ်လ (၁၇) ရက်နေ့ ညနေ (၄း၂၀) အချိန်တွင် စစ်ကောင်စီ တပ် ခမရ−၄၃၉ တပ်ရင်းမှ ပစ်ခတ်ခဲ့သော လက်နက်ကြီးများသည် အိမ်ပင်သာကျေးရွာ ဘုန်းကြီးကျောင်းပေါ် သို့ ကျရောက်ပေါက်ကွဲခဲ့ပြီး ဦးဇင်း ဦးဥက္ကံသ မှာ ဦးခေါင်းတွင်ထိခိုက်ဒဏ်ရာ ရရှိခဲ့ကာ မြို့ပေါ်သို့ ဆေးကုသခံယူစဉ်ပျံလွန်တော်ခဲ့ကြောင်းသိရသည်။ အလားတူ ကိုရင် ရှင်ပုည မှာ ဝမ်းဗိုက်တွင်ဒဏ်ရာရှိခဲ့ပြီး ရွာသားတဦး မှာ ဝမ်းဗိုက်တွင် ရှပ်ထိဒဏ်ရာရရှိခဲ့ကြောင်းသိရသည်။ ၂၀၂၄ ခုနှစ် ဩဂုတ်လ (၂၁) ရက်နေ့ နံနက် (၉း၅၅) မိနစ်အချိန်၌လည်း စစ်ကောင်စီ တပ် ခမရ−၅၉၉ တပ်ရင်းမှ ၁၂၀ မမ လက်နက်ကြီး (၂)လုံးကို ကျွန်းတောကျေးရွာအတွင်းသို့ ပစ်ခတ် ခဲ့ရာ ကျေးရွာစာသင်ကျာင်းဝိုင်းအတွင်းသို့ ကျရောက်ပေါက်ကွဲခဲ့ပြီး ကျောင်းသား ကျောင်းသူ (၅) ဦး ထိခိုက်ဒဏ်ရာ...

ဧရာဝတီတိုင်း ပုသိမ်မြို့နယ်ရှိ ပုသိမ်အကျဉ်းထောင်အတွင်းမှ နိုင်ငံရေးအကျဉ်းသားအပါအဝင် အကျဉ်းသား စုစုပေါင်း ၂၇၅ ဦးအား မြောင်းမြထောင်သို့ပြောင်းရွှေ့ခဲ့ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM)ကထုတ်ပြန်သည်။  အဆိုပါ ထောင်ပြောင်းရွေ့မှုတွင် နိုင်ငံရေးအကျဉ်းသားဦးရေ ၂၅ ဦးခန့်သာပါရှိပြီး ကျန်အကျဉ်းသားများမှာ နယ်စပ်ဖြတ်ကျော်မှုအပါအဝင် အခြားမှုများ ဖြစ်ကြောင်းသိရသည်။  ထောင်ပြောင်းဖြစ်စဉ်မှာ ၂၀၂၄ ခုနှစ် ဩဂုတ်လ ၂၅ ရက် နံနက် ၈ နာရီခန့်တွင် ပုသိမ်အကျဉ်းထောင်မှ နိုင်ကျဉ်းများအား မြောင်းမြထောင်သို့ရွှေ့ပြောင်းခဲ့ခြင်းဖြစ်ပြီး နေ့လည်(၂)နာရီအချိန်ခန့်တွင် မြောင်းမြထောင်သို့ အန္တရာယ်ကင်းစွာ ရောက်ရှိကြကြောင်း သိရှိပါသည်။  ပုသိမ်မြို့တွင် စစ်ရေးပြင်ဆင်နေကြောင်း၊ နိုင်ငံရေးအကျဉ်းသားများအပါအဝင် အကျဉ်းသားများအားလုံး၏ လုံခြုံမှု အတွက် သတိထားနေရကြောင်း ပုသိမ်ထောင်နှင့် နီးစပ်သူတဦးထံမှ သိရသည်။ ဩဂုတ်လ လကုန်ပိုင်းတွင်လည်း ပုသိမ်ထောင်မှ နိုင်ကျဉ်းအပါအဝင် အကျဉ်းသားများ ထပ်မံရွှေ့ပြောင်းမှု ပြုလုပ်ရန်ရှိကြောင်း၊ ကျား/ မ အရေအတွက် စုံစမ်းသိရှိရမှု မရှိသေးကြောင်း PPNM ကထုတ်ပြန်သ...

ရှမ်းပြည်နယ် မြောက်ပိုင်းရှိ တအာင်းအမျိုးသားလွတ်မြောက်ရေးတပ်မတော် TNLA က သိမ်းပိုက်ရရှိသည့်မြို့များတွင် ၂ဝ၂၅ ခုနှစ်၌ ကြားကာလ တော်လှန်ရေးအစိုးရ၊ TNLA နှင့် အရပ်သားများ ပူးပေါင်းပြီး အုပ်ချုပ်ရေးလုပ်ငန်း ပူးတွဲစီမံအုပ်ချုပ်သည့် အစိုးရ ပေါ်ပေါက်နိုင်ရန် ကြိုးပမ်းသွားမည်ဟုTNLA အထွေထွေအတွင်းရေးမှူး ဗိုလ်ချုပ်တားဘုန်းကျော်က ပြောကြားသည်။ ၁ဝ၂၇  စစ်ဆင်ရေး အပိုင်း(၂) စစ်ဆင်ရေးအတွင်း TNLA က ထပ်မံသိမ်းပိုက်ခဲ့သည့် ကျောက်မဲ၊ မိုးကုတ်၊ မိုးမိတ်စသည့်မြိုများအားTNLA အထွေထွေ အတွင်းရေးမှူး ဗိုလ်ချုပ်တားဘုန်းကျော်နှင့် ဗဟို အထွေထွေအုပ်ချုပ်ရေးဌာနမှူး ဗိုလ်မှူးချုပ် တားဂူးဇာရ်တိုအဖွဲ့မှ သြဂုတ်လ (၁၅)ရက်မှ (၁၈)ရက်နေ့အထိ (၄)ရက်ကြာ ခရီးစဉ် သွားရောက် ကွင်းဆင်းလေ့လာခဲ့ကြောင်း၊ မိုးကုတ်မြို့နယ်၌ လူထုနှင့်တွေ့ဆုံစဉ် ဗိုလ်ချုပ်တားဘုန်းကျော်က ပြောကြားခဲ့ကြောင်း TNLA ကထုတ်ပြန်သည်။  သြဂုတ်လ (၁၇) ရက်နေ့ တွင်မိုးကုတ်မြို့၌ ရပ်ကွက်ကျေးရွာ ကိုယ်စားလှယ်များ၊ တိုင်းရင်းသားလူမျိုးစုကိုယ်စားလှယ်များနှင့် သက်ဆိုင်ရာ PSLF/TNLA အုပ်ချုပ်ရေးဌာနမှ တာဝန်ရှိသူများနှင့် တွေ့ဆုံခဲ့ကြောင်း၊ တဆက်တည်းမှာပင် သြဂုတ်လ (၁၈) ရက်နေ့...

ရှမ်းပြည်နယ် မြောက်ပိုင်း၊ သီပေါမြို့တွင် စစ်ကောင်စီတပ်မှ လေကြောင်းဖြင့် လာရောက်ဗုံးကျဲချတိုက်ခိုက်မှုကြောင့် ဒေသခံအမျိုးသား(၂)ဦး သေဆုံးခဲ့ပြီး (၂)ဦး ထိခိုက်ဒဏ်ရာရရှိခဲ့ကြောင်း တအာင်းတပ်မတော် TNLA မှထုတ်ပြန်သည်။ ယနေ့ သြဂုတ်လ (၂၇)ရက်နေ့ နံနက် (၁:၂၀)မိနစ်မှ (၂)နာရီကျော်အချိန်ထိ စစ်ကောင်စီတပ်မှ ပြည်သူလူထုများ အိပ်မောကျချိန်တွင် Y-12 လေယာဉ်ဖြင့် ဗုံးအလုံး(၅၀)ကျော် လာရောက်ကျဲချတိုက်ခိုက်ခဲ့ ကြောင်းသိရသည်။ ထို့အပြင် ဂျက်ဖိုက်တာဖြင့်လည်း(၂)ကြိမ် လာရောက်ပြီး ဗုံး(၄)လုံး ကျဲချတိုက်ခိုက်ခဲ့ကာ သီပေါမြို့ အုတ်ကျင်းရပ်ကွက်ရှိ  အသက် (၆၀)အရွယ် ဦးဖိုးလူနှင့် အသက်(၅၀)အရွယ် ဦးအောင်နိုင်တို (၂)ဦး ပွဲချင်းပြီး သေဆုံးခဲ့ရပြီး (၂)ဦးထိခိုက်ဒဏ်ရာရရှိခဲ့ကြောင်းသိရသည်။ ထို့အတူ အုတ်ကျင်းရပ်ကွက်ရှိ အ.မ.က(၃) စာသင်ကျောင်း(၁)ကျောင်း၊ အမှတ်(၃) အ.ထ.က စာသင်ကျောင်း (၁)ကျောင်းနှင့် ပန်းတိမ်တောင်(မြောက်) ရပ်ကွက်အတွင်း ဗုံးများကျရောက်ပေါက်ကွဲခဲ့ပြီး စာသင်ကျောင်းများနှင့် နေအိမ်များ ထိမှန်ပျက်စီးခဲ့ ကြောင်းသိရသည်။ ဩဂုတ်လ (၁)ရက်နေ့မှ ယနေ့ သြဂုတ်လ (၂၇)ရက်နေ့ထိ သီပေါမြို့အတွင်း စစ်ကောင်စီတပ်မှ လေကြောင်းနှင့် လက်နက်ကြီး ပစ်...

 စစ်ကောင်စီခေါင်းဆောင် မင်းအောင်လိူင်သည် မန္တလေးမြို့ရှိ အလယ်ပိုင်းတိုင်းစစ်ဌာနချုပ်အတွင်း နယ်မြေတည်ငြိမ်အေးချမ်းရေးဆိုင်ရာ ဆောင်ရွက်ထားရှိမှုများအား သြဂုတ်လ ၂၆ ရက်က စစ်ဆေးခဲ့ပြီး ပြည်သူ့စစ်များ၊ စစ်မှုထမ်းဟောင်းများ၊ မြန်မာနိုင်ငံရဲတပ်ဖွဲဝင်များ ပူးပေါင်း၍ နယ်မြေလုံခြုံတည်ငြိမ်ရေးကို ဆောင်ရွက်သွားရမည်ဟုပြောကြားခဲ့ကြောင်း စစ်ကောင်စီဝါဒဖြန့် မြန်မာ့အလင်းသတင်းစာက ယနေ့ဖော်ပြသည်။ အလယ်ပိုင်းတိုင်းစစ်ဌာနချုပ် အစည်းအဝေးခန်းမတွင်  မန္တလေးတိုင်းမှူး ကျော်ကိုထိုက်က အလယ်ပိုင်းတိုင်းစစ်ဌာနချုပ် နယ်မြေအတွင်း လုံခြုံရေးတာဝန်များဆောင်ရွက်လျက်ရှိမှု၊ အခြေအနေများနှင့်ပတ်သက်၍ တင်ပြခဲ့ပြီး စစ်ကောင်စီခေါင်းဆောင် မင်းအောင်လိူင်က  ပြည်သူ့စစ်များ၊ စစ်မှုထမ်းဟောင်းများ၊ မြန်မာနိုင်ငံရဲတပ်ဖွဲဝင်များ ပူးပေါင်း၍ နယ်မြေလုံခြုံတည်ငြိမ်ရေးကို ဆောင်ရွက်သွားရမည်ဖြစ်ကြောင်း၊ တပ်မတော်သားများနှင့် မြန်မာနိုင်ငံရဲတပ်ဖွဲဝင်များ၏ စွမ်းရည်များတိုးတက်စေရေးအတွက်လည်း ဆောင်ရွက်သွားရန်လိုကြောင်း ပြောကြားခဲ့ကြောင်းသိရသည်။  စစ်ကောင်စီခေါင်းဆောင် မင်းအောင်လိူင်သည် မန္တလေးမြို့ရှိ အလယ်ပိုင်းတိုင်းစစ်ဌာနချုပ်ကို သြ...

ပဲခူးတိုင်း၊ တောင်ငူ‌လေတပ် စခန်းဌာနချုပ်အား သြဂုတ်လ ၂၆ ရက်နေ့တွင် "Rain of Fire" စစ်ဆင်ရေးဖြင့် 114mm ရှော့တိုက်ဒရုန်းများ၊  Kamikaze drone များဖြင့် ပစ်ခက်တိုက်ခိုက်ခဲ့ပြီး  စစ်‌ကောင်စီတပ်ဖွဲ့ဝင် (၅)ဦးထက်မနည်းသေဆုံးကာ ဒဏ်ရာရရှိမှုများလည်းရှိကြောင်း ပျက်စီးမှုများ အတည်ပြုနေဆဲဖြစ်ကြောင်း တောင်ပိုင်းစစ်ဒသ၊ အမှတ်(၂)စစ်ဒေသခွဲကွပ်ကဲရေး မှထုတ်ပြန်သည်။  တောင်ပိုင်းစစ်ဒေသ JOC ၏ ညွှန်ကြားမှု၊ အမှတ်(၂ ) စစ်ဒေသခွဲ ကွပ်ကဲမှုဖြင့်အကြမ်းဖက်စစ်ကောင်စီ၏ တောင်ငူ‌လေတပ်စခန်းဌာနချုပ်အား တိုက်ခိုက်ခဲ့ခြင်းဖြစ်ကြောင်း သိရသည်။  "Rain of Fire" စစ်ဆင်ရေးကို စစ်ဒေသခွဲ လက်နက်ကြီးတပ်ဖွဲ့၊ ရှားထူးဝါ် နည်းပညာအဖွဲ့၊ KLOUD Drone Team၊ တပ်မဟာ၂ KNLA တပ်ရင်း(၅)) တပ်မဟာ (၂)အထူးတပ်ရင်း၊ ပြည်သူ့ကာကွယ်ရေးတပ်မတာ် တောင်ငူခရိုင် အမှတ်၂တပ်ရင်း (၃၅၀၂)၊ အလယ်ပိုင်းတိုင်းစစ်ဌာနချုပ်၊ နေပြည်တော်စစ်တိုင်းဌာနတို့ ပူးပေါင်းဆောင်ရွက်ခဲ့ကြောင်း အမှတ်(၂)စစ်ဒေသခွဲကွပ်ကဲရေး မှထုတ်ပြန်သည်။  တောင်ငူမြို့ရှိ စစ်ကောင်စီ တောင်ငူလေတပ်စခန်းအတွင်းကို ဩဂုတ်လ ၂ဝ ရက်၊ ညကလည်း  ၁ဝ၇ မမ ရှော့တိုက်ဒုံး (၇) လုံးပစ်ခတ်ခဲ့ရာ ပစ်မှ...

ရခိုင်ပြည်နယ်၊ မောင်တောမြို့သိမ်းတိုက်ပွဲတွင် စစ်ကောင်စီ၏ ခံစစ်နေရာ အများစုအား  တခုပြီးတခု သိမ်းပိုက်ရရှိထားပြီး ဩဂုတ်လ (၂၄/၂၅/၂၆) သုံးရက်အတွင်းစစ်ကောင်စီ နှင့် အပေါင်းအပါ အလောင်း ၁ဝဝ ကျော်အား ကောင်းမွန်စွာ မြေမြှုပ်ပေးနိုင်ခဲ့ပြီး စစ်သုံ့ပန်း အချို့ကိုလည်း မောင်တော မြို့တွင်း၊ မြို့ပြင်များမှ ဖမ်းဆီးရမိခဲ့ကြောင်း၊ လက်နက်ခဲယမ်းများသိမ်းဆည်းရမိခဲ့ကြောင်း အာရက္ခတပ်တော် AA ကထုတ်ပြန်သည်။ - Bagan News

  သြဂုတ် ၅ / Bagan News ရှမ်းပြည်နယ် လားရိူးမြို့ရှိ ရှေ့မြောက်တိုင်း စစ်ဌာနချုပ် ရမခမှ တပ်ရင်းတပ်ဖွဲ့ဝင် ၄ဝဝဝ ကျော် အလံဖြူထောင် လက်နက်ချအလင်းဝင်ခဲ့သည့်ဟု ကိုးကန့်တပ် MNDAA နှင့်နီးစပ်သည့်သတင်းများတွင် သြဂုတ်လ (၄) ရက်နေ့၌ ဖော်ပြခဲ့ပြီး ရှေ့မြောက်တိုင်း စစ်ဌာနချုပ် ရမခ တပ်ရင်းတပ်ဖွဲ့ဝင်များ ရွပ်ရွပ်ချွံချွံ အစွမ်းကုန် တိုက်ပွဲဝင်ခဲ့ကြဟု  စစ်ကောင်စီပြန်ကြားရေးခေါင်းဆောင် ဇော်မင်းထွန်းက ဝါဒဖြန့်မီဒီယာများမှတဆင့် ယနေ့နံနက်တွင် လိမ်လည်ပြောဆိုသည်။ ရှေ့မြောက်တိုင်း စစ်ဌာနချုပ် ရမခ မှ တိုင်းမှူးဟောင်း ဗိုလ်ချုပ် စိုးတင့်၊ တိုင်းစစ်ဦးစီးချုပ် ဗိုလ်မှူးချုပ် သန့်ထင်စိုး၊ စကခ (၁) တပ်မမှူး ဗိုလ်မှူးချုပ် မျိုးမင်းထွေး တို့အား ကိုးကန့်တပ်မတော် MNDAA က အရှင် ဖမ်းဆီးရမိကြောင်း တရားခံ ဓာတ်ပုံများနှင့် အတူ ကိုးကန့်တပ် MNDAA မှထုတ်ပြန်ထားသည်။ လားရိူးမြို့ရှိ ရှေ့မြောက်တိုင်း စစ်ဌာနချုပ် ရမခမှ တပ်ရင်းတပ်ဖွဲ့ဝင် ၄ဝဝဝ ကျော် လက်နက်ချအလင်းဝင်ခဲ့သည့်ရုပ်သံဖိုင်များလည်း လူမှုကွန်ရက်တွင်တွေ့ရသည်။ “အရှေ့မြောက်တိုင်းစစ်ဌာနချုပ် ကွပ်ကဲမှုအောက် တပ်ရင်းတပ်ဖွဲများအနေနဲ့ ရန်သူကို အစွမ်းကုန် ခုခံခဲ့ပါတယ်။ ရွပ်...